የሰማዕታቱ ሰማዕትነት ለቤተ መንግስቱ እና ቤተ ክህነቱ የመጨረሻው የማስጠንቀቅያ ደወል ነው

cherkos addis ababa
ከጌታቸው በቀለ
(የጉዳያችን ልዩ ማስታወሻ)

ለሰማዕታቱ ለቅሶ አዲስ አበባ

ያለፈው ሳምንት እሁድ ለኢትዮጵያውያን እና ለመላው ዓለም አእምሮ የሚነሳ ግፍ ተፈፀመ። በአክራሪው አይ ኤስ ኤስ ስል ቢላዋ እና የጥይት አረር ሰላሳ ኢትዮያውያን ክርስቲያኖች ሊብያ ውስጥ ሰማዕትነት ተቀበሉ።ይህ መላው ዓለምን ያስደነገጠ ኢትዮጵያውያንን በሙሉ ቀልብ አስቶ ያስለቀሰ ጉዳይ ሌላ ሃዘን ተጨመረበት።ይሄውም ድርጊቱ ለመላው ዓለም የዜና አውታሮች በተለቀቀበት ሚያዝያ የሰንበት እለት ምሽት የኢትዮጵያ ሕዝብ በሀገር ውስጡ ኢቲቪ ዜና ላይ ስለ ስማዕታቱ ለማየት እና የመንግስት የጉዳዩን አተያይ፣ቀጥሎም ስለሚወሰዱ እርምጃዎች ይናገራል ተብሎ ሲጠበቅ የዕለቱ የመጀመርያ ዜና ሳይሆን ቀረ።ኢቲቪ የቱርክን ውለታ በቀዳሚ ዜናነት በጨርቃ ጨርቅ ምርት እያደረገች ያለችውን፣ቀጥሎ ኮርያ እያለ በሶስተኛ ደረጃ ድርጊቱን ”አይ ኤስ ኤስ የለቀቀው ዜና” የሚል ስም ከሰጠው በኃላ ”የተገደሉት ኢትዮጵያውያን ለመሆናቸው ካይሮ የሚገኘው ኤምባሲያችን እያጣራ ነው” በሚል ሰማዕታቱ ገና ለሞታቸውም እውቅና እንዳልሰጣቸው ተናገረ።የሚገርመው ይህንኑ ”ኢትዮጵያውያን መሆናቸው እየተጣራ ነው” የሚለውን አባባል ቤተ ክህነቱም ዘግየት ብሎ ደገመው።ይህ የሆነው የዓለም ታላላቅ የዜና አውታሮች ኢትዮጵያዊ መሆናቸውን ባረጋገጡበት፣ገዳዩ ቡድንም በቪድዮ መልካቸውን እያሳየ ኢትዮጵያዊ መሆናቸውን በገለፀበት እና የሰማዕታቱ ቪድዮ በትትክክል ኢትዮጵያዊ መሆናቸውን አይደለም እኛ ኢትዮጵያውያን የውጭ ዜጎች በቀላሉ ሊለይ በሚችልበት መንገድ ነበር።

በሚቀጥሉት ቀናት የአዲስ አበባ ሕዝብ ማንም ሳይጠራው በእራሱ ያደረገው ሰልፍ እና ግፈኛውን ፅንፈኛ ቡድን አይ ኤስ ኤስ እና ኢህአዲግ/ወያኔን ያወገዘበት ሰልፍ የገዢዎቻችንን ልብ ብቻ ሳይሆን በኢትዮጵያ ሕዝብ ደም መክበራቸውን የዘነጉ የዘመናችን ቅምጥሎች የጥቅም ተጋሪዎችንም ሰውነት አራደ።የሚይዙት የሚጨብጡትን አጡ።የአዲስ አበባ ሕዝብ ”ሉዓላዊነት ማለት በየትኛውም ቦታ የሚገኙ ዜጎችን መብት ማስከበር ማለት ነው!” የሚል እና ሌሎች መፈክሮችን ይዞ ወደ ቤተ መንግስት ተመመ።ስርዓቱ ሰራዊቱን አሰልፎ ለመግታት ሞከረ።ነገሩ ልመናም ነበረበት።ለተማፅኖ ከቀረበው መባ ውስጥ አንዱ እና ዋናው ”እባካችሁ ነገ ሮብ ሰልፍ ስለምንፈቅድ ያኔ በደንብ መሰልፍ ትችላላችሁ” የሚል ነበር።ህዝቡ ቤተ መንግስቱን ትቶ ወደ መስቀል አደባባይ እና ዋና ዋና መንገዶች ተመመ።በቀጣዩ ቀን ሮብ ሚያዝያ 14/2007 ዓም አዲስ አበባ ከአስር ዓመት በፊት ሚያዝያ 30፣1997 ዓም ወደነበረችበት የተቃውሞ መልክ ተቀየረች።ያለፈው ሳምንት ግን ከቀድሞው እጅግ በላቀ መልኩ ቁጣ፣ለቅሶ እና እልህ የተቀላቀለበት ነበር።

ቤተ ክህነቱ

ሰማዕታቱ የህዝብን አይን ይበልጥ ገለጡ፣የመሪዎቻችንን የስብዕና ደረጃ አየንባቸው

የኢትዮጵያ ኦርቶዶክስ ተዋህዶ ቤተ ክርስቲያን ተከታይ የሆኑት በሊብያ ሰማዕትነት የተቀበሉ 30 ኢትዮጵያውያን ክርስቲያኖች ጉዳይ በመንፈሳዊ ሚዛን ሲመዘን የቤተ ክርስቲያኒቱ የ21ኛው ክ/ዘመን መንፈሳዊ ተጋድሎ ውስጥ በወርቅ ቀለም የሚፃፍ ታላቅ የሰማዕትነት ተግባር የፈፀሙ ናቸው።ለኦርቶዶክሳዊት ቤተ ክርስቲያን ሰማዕትነት አዲስ ክስተት አይደለም።በዮዲት ጉዲት፣በግራኝ መሐመድ፣በፋሺሽት ጣልያን የአምስት ዓመት ወረራ፣ባለፉት 24 አመታት በ ደቡባዊ፣ምዕራባዊ እና ምስራቃዊ ኢትዮጵያ በልዩ ልዩ ስፍራዎች እና በጅማ በርካታ ክርስቲያኖች ሰማዕትነት ተቀብለዋል።

ለቤተ ክርስቲያኒቱ ሰማዕትነት ክብር እንጂ ውርደት አይደለም።ጌጥ እንጂ ጉድፍ አይደለም። የፅናት ምልክት እንጂ የድክመት መገለጫ አይደለም።ይልቁንም በእዚህ ዘመን ያውም በወጣት አማኞቿ በእዚያ በበረሃ ከሳሽ እና ወቃሽ በሌለበት ለእምነታቸው የታመኑ ምዕመናን ዛሬም በፅናት መቆማቸውን የሚያሳይ ልዩ የተስፋ ችቦ ነው።የቅዱስ ጊዮርጊስን፣የቅዱስ ቂርቆስን እና የመጥምቀ መለኮት ቅዱስ ዮሐንስን እና የሌሎች አያሌ ሰማዕታትን የምትዘክር ቤተ ክርስቲያን ሰማዕታቱ አሁንም የክብር ፈርጦቿ ናቸው።በመሆኑም ቤተ ክርስቲያን በሰማእታቷ ይበልጥ ትነጥራለች እንጂ ፈፅሞ የኃልዮሽ ጉዞ ምልክት አታሳይም።

ሰማዕታት ዓለምን የሚንጡበት ልዩ መንፈሳዊ ኃይል አላቸው።በ1929 ዓም በፋሽሽት ጣልያን በጥይት የተደበደቡት የአቡነ ጴጥሮስ ሰማዕትነት መላ ኢትዮጵያን በአዲስ መንፈስ አስተሳሰረ።ከከተማ እስከ ገጠር ኢትዮጵያውያንን አነጋገረ። ፍርሃት ገፈፈ።ለኢትዮጵያ ነፃነት ኢትዮጵያውያንን አንድ ልብ አደረገ።በውጭ ያሉ የኢትዮጵያ ወዳጆችን አስነሳ።የኢትዮጵያ የታሪክ ተመራማሪ የፕሮፌሰር ሪቻርድ ፓንክረስ እናት እንግሊዛዊቷ ሲልቭያ ፓንክረስ ኢትዮጵያን ብላ ከሀገር ሀገር ተንከራተተች።በበረሃ ያሉ የኢትዮጵያ አርበኞች እና የከተማ የውስጥ አርበኞች በአዲስ መልክ ተነሱ።ስማዕታት መላው አለምን የመናጥ ኃይላቸው ልዩ ነው። የቅዱስ እስጢፋኖስ መወገር ከስምንት ሺህ በላይ የሚሆኑ የጉባዔው ታዳሚዎች ይብሱን በየስፍራው ተበትነው ክርስትናን አፀኑ።የቅዱስ እስጢፋኖስ ስማዕትነት ይብሱን አፅናቸው።የቅዱስ ጳውሎስ እና ቅዱስ ጴጥሮስ ሰማዕትነትም እንዲሁ መላዋ ሮምን ብሎም አውሮፓን በሃይማኖት አፀና ከእዚህ ሁሉ አልፎ ክርስትና የሮም ቤተ መንግስትን አንዘፍዝፎ ወደ ክርስትና ቀይሯል።

ዛሬም የዘመን ልዩነት ካልሆነ በቀር የሰማዕታት ክብርም ሆነ የህዝብን አይን የመግለጥ ፀጋቸውን አይተንበታል።የመሪዎቻችንን የግፍ ዳር አየንባቸው፣ኢትዮጵያ ቤተ መንግስቷ ክፍት መሆኑን፣ውሳኔ የመስጠት ብቻ ሳይሆን ብሔራዊም ሆነ ዓለም አቀፋዊ ሁኔታዎችን የማይድረዱ ሰዎች ስብስብ መሆኑን ከመቸውም ጊዜ በላይ ወደ አጥንታችን እስኪዘልቅ ድረስ ገባን።ከወጣት እስከ ሕፃን፣ ከህፃን እስከ ሽማግሌ በልበ ሙሉነት ኢትዮጵያን በጎሳ የከፋፈላትን ስርዓት በግልፅ በአደባባይ ”ሌባ ነህ” አሉት።የአዲስ አበባ ዩንቨርሲቲ ተማሪዎች ከእረጅም ዓመታት መተኛት በኃላ የዩንቨርስቲውን ኩሩ ታሪክ ከተጣለበት አቧራውን አራግፈው የቤተ መንግስቱን አጥር ”የሀገር አንበሳ የውጭ ሬሳ” እያሉ እየዘመሩ አለፉ። እርግጥ ነው።በእዚህ ሁሉ መሃል የስርዓቱ ቅልቦች ካለ አንዳች ርኅራኄ በወጣቶቹ ላይ የዱላ ውርጅብኝ አወረዱባቸው።ቂርቆስ የሚገኘው ሃዘንተኞቹ የተሰበሰቡበት ስፍራ በፖሊሶች ተበተነ።የኢትዮጵያ ልጆች በታሪካቸው ከተፈፀሙት አበይት ግፎች ውስጥ የሚዘከሩ ተግባራት በአዲስ አበባ ተደረገ።እናቶች አለቀሱ።ወጣቶች እግራቸው ተሰበረ፣እጃቸው በፖሊስ ዱላ ተቆለመመ።ሰማዕት በሆኑት ያለቀሰው ሕዝብ ዳግም በእራሱ ሀገር ፖሊስ ተደበደበ።በሺህ የሚቆጠሩ ታሰሩ።ወዳልታወቀ ቦታ ተውሰዱ።

የኢትዮጵያ ኦርቶዶክስ ተዋህዶ ቤተ ክርስቲያን ቤተ ክህነት በብዙ የአሰራር ጉድለቶች ሲወቀስ የነበረ መሆኑ የአደባባይ ሚስጥር ነው። የአስተዳደር መዋቅር ወጥነት አለመኖር፣ግልፅ የገንዘብ አያያዝ አለመኖር፣ካለ ችሎታችው አገልጋዮችን በማይመጥናቸው ቦታ መመደብ፣የቅዱስ ሲኖዶስ አሰራር እና ደንብ በፓትራሪኩ ጣልቃ ገብነት መበላሸት፣ቤተ ክርስቲያኒቱ ተገቢው ቦታዋን በሁለንተናዊው የሀገሪቱ እንቅስቃሴ አለማግኘት እና ቤተ ክርስቲያን ለተበደሉት፣ፍትህ ላጡት ፣ለታሰሩት እና ለተሰደዱት ድምፅ አልባ መሆኗ ሁሉ የቤተ ክህነቱ ትልቅ የቤት ሥራ ነው።የኢትዮጵያ ሕዝብ ባለፈው ሳምንት ያሰማው ድምፅ የመጨረሻ ደወል አይደለም ብሎ የሚከራከር ያለ አይመስለኝም።ቤተ ክህነቱ ከቤተ መንግስቱ ጋር የሚኖረው አግባብነት የሌለው መሞዳሞድ የኢትዮጵያ ቤተ ክርስቲያንን ለብዙ ትችቶች ብቻ ሳይሆን ምመናኗንም ከፍ ወዳለ ቅሬታ መርቶታል።ለችግሩ መፍትሄ ካልተሰጠው ሕዝብ አንድ ቀን በእራሱ ኃይል መፍትሄ እንደሚሰጠው መታወቅ አለበት።የሰማዕታቱ ደም በልቦናው የተቀበረ ምዕመን የኢህአዴግ/ወያኔ ቅልብ ወታደር ይፈራል ማለት ዘበት ነው። አሁንም ግን ቤተ ክህነቱ ይህንን ደውል በውቅቱ ተረድቶ ለማስተካከል መነሳት ካለበት አሁን ነበር።ግን አይመስልም።

ቤተ መንግስቱ

የኢትዮጵያ ቤተ ክርስቲያን ባለፉት አርባ ዓመታት ውስጥ በሕዝብ የታወቁ እና ያልታወቁ ሰማዕትነት የተቀበሉ ኢትዮጵያውያን ቢኖሩም ሕዝብ ክፉኛ ያስደነገጠው የዛሬ አርባ ዓመት በደርግ የተገደሉት የኢትዮጵያ ኦርቶዶክስ ተዋህዶ ቤተ ክርስቲያን የወቅቱ ፓትሪያርክ አቡነ ቴዎፍሎስ ነበሩ።ከእዛ ወዲህ የጅማው የፅንፈኞች በቤተ ክርስቲያኒቱ ምእመናን ላይ የፈፀሙት ግድያ እና አሁን በሊብያ የተፈፀመው ዋነኞቹ ናቸው።እዚህ ላይ ኢህአዴግ/ወያኔ ለሊብያው ጉዳይ የሰጠው ቸልተኝነት ብቻ ሳይሆን አሁን በፅንፈኛው አይ ኤስ ኤስ የተከበቡትን ኢትዮጵያውያውን ክርስቲያኖች ለመርዳትም ምንም አይነት እንቅስቃሴ አለማሳየቱ አሁንም ሕዝብ በመንግስቱ ተስፋ ከቆረጠበት አያሌ ጥፋቶች ጋር ተዳምሮ ዛሬም ትኩስ የሆነ ጉዳይ እንደሆነ አለ።

የኢህአዴግ/ወያኔ መንግስት ዘግይቶ የሶስት ቀን ሃዘን ማወጁን ይግለፅ እንጂ ይህንን ያደረገው በሕዝብ ተገዶ መሆኑ የድርግቶቹ ሂደት በእራሳቸው በሚገባ አጋልጠውታል።የኢትዮጵያ ሁኔታ በተለይ ለማንኛውም አደጋ ከመቼውም ጊዜ በላይ መጋለጧ ለሁሉም ኢትዮጵያዊ ግልፅ ሆኗል።በመንግስትነት የተቀመጠው አካል በሁለት መልክ ይገለጣል።የመጀመርያው መገለጫ ለዜጎቹ ምንም የማያደርግ ባጭሩ ሽባነት (Non-functionality) ሲሆን ሁለተኛው መገለጫው ደግሞ ኢትዮጵያዊ ዜጋ ሳይሆን የጎሳ ዜጋ የሚያውቅ መሆኑ ነው። አሁን ጥያቄው ቤተ ክህነቱም ቤተ መንግሥቱም ቤተ ክህነቱም ያለፈው ሳምንት የህዝብ እንቅስቃሴ የሚያስተምሩት እና ሹክ የሚሉት ጉዳይ አድርገው ወሰዱት። የመጨረሻ ደውል! ከእዚህ በኃላ ”ቀሚሰ አወላከፈኝ” የለም።ሕዝብ ከተነሳ የሚመልሰው የለምና።
yilikal
ሽባነት (Non-functionality)

ኢህአዴግ/ወያኔ የመንግስት መዋቅሩም ሆነ አጠቃላይ እንቅስቃሴው ወደ ሽባነት (Non-functionality) መቀየሩ በግልፅ ታይቷል።አንድ መንግስት ወደ ሽባነት ሲቀየር የሀገር ውስጥ የፖለቲካ፣የምጣኔ ሀብት እና የማህበራዊ ችግሮችን ሁሉ በጉልበት ብቻ እና ብቻ ለመፍታት ይነሳል።እርግጥ ኢህአዴግ/ወያኔ ይህ በሽታ ከጀመረው መቆየቱ ይታወቃል።በእጅጉ የባሰበት ግን በ1997 ዓም ምርጫ ክፉኛ ከተመታ በኃላ መሆኑ ይታወቃል።ላለፉት አስር አመታት ምንም የማይሰራ የሽባነት በሽታው አድጎ አሁን በመላው ዓለም ኢትዮጵያውያን በባዕዳን መከራ ሲቀበሉ ምንም ማድረግ የማይችል ተመልካች ወደመሆን መቀየሩ በግልፅ ታይቷል።በሳውዲ አረብያ በመቶ ሺዎች የሚቆጠሩኢትዮጵያውያኖች በግፍ ሲባረሩ ጠንከር ያለ መግለጫ ማውጣት አልቻለም።በተመሳሳይ መንገድ ሊብያ ለተፈፀመው የግፍ ተግባርም ሆነ በደቡብ አፍሪካ በወገኖቻችን ላይ የተፈፀመውን ሁሉ ከዝምታ ባልተሻለ መልክ ማለፉ ሌላው የሽባ መንግስት መገለጫ ሆነው ቆትይተዋል።

ለጎሳ ዜጋ ቅድምያ የመስጠት አባዜ

በሊብያ ሰማዕታት ጉዳይ የኢህአዲግ/ወያኔ መንግስት ”ኢትዮጵያውያን መሆናቸውን ላጣራ” ያለበት ምክንያት እጅግ ታሪካዊ ስህተት የሰራበት ብቻ ሳይሆን ከመቼውም ጊዜ በበለጠ የኢትዮጵያ ሕዝብ የሚገዛውን ድርጅት ማንነት ለማወቅ የቻለበት ነበር።ምን ያህል ሰብዓዊ አስተሳሰብ የራቃቸው፣ከዓለም አቀፍ መረጃ የራቁ፣እንደመንግስት አይደለም እንደ አንድ የቤተሰብ አስተዳዳሪ በፍጥነት ውሳኔ የመስጠት የአቅም ድህነት ላይ ያሉ እና የሚመሩትን ሕዝብ በጥላቻ እና በቂም የሚመለከቱ መሪዎች ኢትዮጵያ እንደተሸከመች ፍንትው ብሎ ታየ።የሚገርመው መንግስት ”ላጣራ” እያለ ሲያላግጥ አዲስ አበባ የሚገኘው የአሜሪካ ኤምባሲ እና ዋይት ሃውስ ድርጊቱን ኮንነው ማዘናቸውን የሚገልፅ መግለጫ አወጡ።ሰማያዊ ፓርቲ ድርጊቱን ኮንኖ የመንግስትን ቸል ባይነት አስምሮ አወገዘ።ምን ይሄ ብቻ የሁለቱ የሟች ቤተሰቦች ከቤተ መንግስቱ ዝቅ ብሎ ቂርቆስ ሰፈር እያነቡ፣ሕዝቡም ለቅሶ እየደረሰ ነበር።

ይህ ጉዳይ በጣም አስደንጋጭ ነው።መላው ዓለም ስለእኛ ያለቅሳል፣ሃገራት የሃዘን መግለጫ ይልካሉ፣ሃዘንተኞች ለቅሶ ላይ ናቸው፣መንግስት ግን ”ኢትዮጵያዊነታቸውን ገና እያጣራሁ ነው” አለ።ይህንን ያለው ቪድዮው ለዓለም ዓቀፍ መገናኛ ብዙሃን ከተለቀቀ ከ 16 ሰዓታት በኃላ መሆኑን ልብ በሉ።ይህ ድርጊት ለመጪው ትውልድ አይደለም አሁን ላለነውስ ማን በትክክል ሊያስረዳን ይቻላል።ለምን አንድ መንግስት ነኝ ያለ አካል ዜጎቹን እና ሀገሪቱን በእንዲህ ያህል ደረጃ ስልጣጣኑን ወዶ ህዝብን ጠልቶ ይገኛል።ለምን? መልሱን ታሪክ በሚገባ ይመረምረዋል።ለጊዜው ግን አንድ ነገር ማለት ይቻላል።ለኢሕአዴግ/ወያኔ ”ኢትዮጵያዊ ዜጋ” የሚባለው ማን ነው? የሚለውን ጥያቄ ማንሳቱ ብዙውን ምላሽ ያሰጣል። እንደ ኢትዮጵያዊነት ሳይሆን በጎሳ ካልተጠራን እንደማያውቁን አልጠፋንም።ችግሩ በመንግሥትነት የተቀመጠው አካልም በእራሱ በፈጠረው ዓለም ውስጥም ከጎሳውም ”ዜጋ” የሚለው ስም የተሰጣቸው ትናንሽ ”ልዑላን” ሃገሩን እንደሞሉት ያስረዳል።ለህወሓት የኪነት ቡድን ለደረሰበት የመኪና አደጋ ከሰበር ዜና ባላነሰ መደናገጥ ዜናውን ያነበበው ኢቲቪ፣”አንድ የቀድሞ ታጋይ አረፉ” ለሚል ዜና ቀዳሚ ዜናው የሚያደርገው ኢቲቪ፣ለሰላሳ ኢትዮጵያውያን ክርስቲያኖች በአሰቃቂ ሁኔታ መገደል ቀዳሚ ዜና ማድረግ አቃተው።ለዚያውም ኢትዮጵያዊነታቸው አልተረጋገጠም አለን።
ethiopian killed by isil 1
ባጠቃላይ

በሊብያ ሰማዕትነት የተቀበሉ ኢትዮጵያውያን ክርስቲያኖች በሶስት ቀናት ውስጥ ብዙ ነገሮችን ቀይረዋል።
የቤተ ክርስቲያኒቱን ክብር አስጠብቀዋል፣
ከሊቅ እስከደቂቅ ልቡ እየነደደ የቤተ ክህነቱ እና የቤተ መንግስቱን ጥፋት ካለ አንዳች ፍራቻ ከማውገዙም በላይ ለማስተካከል ቃል የገባበት ታሪካዊ ኩነት ሆኗል፣
ሕዝብ እርስ በርሱ እንዳይፈራራ ፈር ቀዷል፣
የችግሩ ምንጭ ውጫዊ ሳይሆን ውስጣዊ ማለትም የገዢው ኢህአዴግ/ወያኔ የተሳሳተ ፖሊሲ እና ስልጣን እንደ ከረሜላ የጣማቸው የስርዓቱ መዘውሮች መሆኑን ከእዚህ በፊት የደመደመውን ለመጨረሻ ጊዜ አረጋግጧል፣
የኢትዮጵያ ሕዝብ ለህሊና በሚከብድ ደረጃ ለኢትዮጵያውያን ስቃይ እና መከራ ልባቸው የማይደነግጥ በባዕዳን ዘንድም የሌለ የጥላቻ እና የጭካኔ መንፈስ በመሪዎቹ ላይ ተመልክቷል።

በባዕድ ሀገር ስደት እና መገፋት ሊገታ የሚችለው ኢትዮጵያ በጎሳ ከፋፍሎ ከሚገዛት የኢህአዲግ/ወያኔ አገዛዝ ነፃ መውጣት ስትችል ብቻ መሆኑን ቀደም ብሎ በለዘብተኛነት የሀገሩን ጉዳይ ስመለከት የነበረው ኢትዮጵያዊ ከመቼውም ጊዜ በበለጠ የተረዳበት እና የወሰነበት ጊዜ ነው።ያወቀ እና የወሰነ ሕዝብ ለማታለል መሞከር ደግሞ ብዙ ዋጋ ማስከፈል ብቻ ሳይሆን እንዳይሆኑ ሆኖ መውደቅን ያስከትላላ።

እነኝህ ሁሉ ክስተቶች ሕዝብ የመጨረሻ ጠርዝ ላይ እንደደረሰ በግልፅ አመላክተዋል።ጉዳዩን ኢህአዴግ/ወያኔም ምን ያህል በሕዝብ ታንቅሮ እንደተተፋ በአይኑ አይቷል።በጆሮው ሰምቷል።ይልቁንም በእዚህ ወቅት ብዙዎች ከጎኑ የነበሩ የስርዓቱ አካላት ትተው የሚኮበልሉበት ትክክለኛ ጊዜ መሆኑን ያለፈው ሳምንት ክስተቶች ሁሉ እንዳስተማሯቸው ከግምት በዘለለ መረዳት ይቻላል።አንድ ቀን የቦሌ መንገድም በሕዝብ ይዘጋል።አንድ ቀን ከቤት ሳሉ በሕዝብ ኃይል የመታሰር ዕጣ እንደሚገጥም ደጋፊዎቹ ከግምት የዘለለ እውነታ እየሸተታቸው ነው።ችግሩ ለመፍትሄው እራሳቸውን አንድ አካል ማድረግ እና ወደፊት ከመሄድ ይልቅ በትናንሽ አስተሳሰቦች እየተጠለፉ እራሳቸውን እየደለሉ መገኘታቸው ነው።የኢትዮጵያ ሕዝብ ተስፋ እና ጭላንጭል ማየት የጀመረው አሁን ነው። ያለው አማራጭ አንድ እና አንድ ብቻ መሆኑ በሰማእታቱ ደም ለኢትዮጵያ ሕዝብ ከመቼውም በበለጠ ተከስቷ።ይሄውም ኢትዮጵያ ኢትዮጵያዊ መንግስት አሁን በስልጣን ያለውን ስርዓት መቀየር ብቻ ነው።ይህ እንዴት ይሆናል? እያንዳንዱ ሰው ኃላፊነት

ጉዳያችን GUDAYACHN BLOG

ፖሊስ በ‹‹በሁከትና ብጥብጥ›› ተጠርጣሪዎች ላይ ሦስት መዝገብ አደራጅቻለሁ አለ •እነ ወይንሸት ለሁለተኛ ጊዜ 6 ቀን ተቀጥሮባቸዋል

•እነ ወይንሸት ለሁለተኛ ጊዜ 6 ቀን ተቀጥሮባቸዋል
•‹‹ወይንሸት ከአሁን በፊትም ከሙስሊሙ ማህበረሰብ ጋር ስታሸብር ነበር›› ፖሊስ

በነገረ ኢትዮጵያ ሪፖርተር

ሚያዝያ 14 ቀን 2007 ዓ.ም መንግስት አይ.ኤስ.አይ.ኤስ ሊቢያ በሚገኙ ንጹሃን ኢትዮጵያውያን ላይ የፈጸመውን አሰቃቂ የሽብር ድርጊት ለማውገዝ ጠርቶት በነበረው ሰልፍ ላይ ‹‹ሁከትና ብጥብጥ አስነስታችኋል፤ ተካፍላችኋልም›› በሚል ፖሊስ ባሰራቸው ሰዎች ላይ ሦስት የተለያዩ መዝገቦች ማደራጀቱን አስታውቋል፡፡
addia ababa
ዛሬ ሚያዝያ 22 ቀን 2007 ዓ.ም በቄራ የፌደራል የመጀመሪያ ደረጃ ፍርድ ቤት የቀረቡ የሰማያዊ ፓርቲ አባላትና ሌሎች በዕለቱ የተያዙ ሰዎችን በተመለከተ ፖሊስ ለፍርድ ቤቱ ሲያስረዳ እንደገለጸው፣ ፖሊስ የራሱን ቡድን በማዋቀር ተጠርጣሪዎችን በሦስት መዝገቦች ስር እንደየተሳትፏቸው አደራጅቻለሁ ብሏል፡፡ በዚህ መሰረት በሶስተኛው መዝገብ ላይ ያካተታቸውን በርካታ ታሳሪዎች አጣርቶ መልቀቁን የገለጸው ፖሊስ፣ በሁለተኛውና በአንደኛው መዝገብ ላይ ባሉት ተጠርጣሪዎች ግን ምርመራ እያካሄደ መሆኑን ገልጹዋል፡፡

አንደኛው መዝገብ ላይ በእነ ወይንሸት ሞላ መዝገብ 5 ሰዎች የተካተቱ ሲሆን አራቱ የሰማያዊ ፓርቲ አባላት ናቸው፤ አንደኛዋ ተጠርጣሪ ደግሞ ፖሊስ የፓርቲው አባል እንደሆነች የሚገልጸው፣ እሷ ግን አባል አለመሆኗን የገለጸች መሆኗን ለማወቅ ተችሏል፡፡ ስለሆነም በዚህ መዝገብ የተካተቱት ወይንሸት ሞላ፣ ኤርሚያስ ጸጋዬ፣ ዳንኤል ተስፋዬ፣ ማስተዋል እና የፓርቲው አባል ያልሆነችው ቤተልሄም ይገኙበታል፡፡ ማስተዋል በዛሬው ዕለት ቀደም ብሎ የተሰጠው የቀጠሮ ቀን ስላልደረሰ ፍርድ ቤት አልቀረበም፡፡ ቤተልሄም ‹‹የሰማያዊ ፓርቲ አባል ሳልሆን አባል ነሽ እየተባልኩ ምርመራ ይደረግብኛል፤ ሌሊት እየተጠራሁ እመኝ እየተባልኩ ነው›› ስትል ለፍርድ ቤቱ ገልጻለች፡፡
weyeneshet molla
በሁለተኛው መዝገብ ላይ ደግሞ 15 ተጠርጣሪዎች ተካትተዋል፡፡ ፖሊስ በዚህ መዝገብ በተካተቱ ተጠርጣሪዎች ላይ ክሱን ሲያሰማ እንዲህ ብሏል፤ ‹‹ተጠርጣሪዎች ጠቅላይ ሚኒስትሩ ንግግር ሲያደርጉ ‹ጠንካራ መሪ እንጂ ጠንጋራ መሪ አንፈልግም›፣ ‹ወያኔ አሳረደን›፣ ‹ፍትህ የለም!››› በማለት ሁከት እንዲነሳ ተቃውሟቸውን አሰምተዋል፡፡››

የሰማያዊ ፓርቲ አባላት በምርመራ ወቅት የገጠማቸውን አቤቱታ ለፍርድ ቤቱ ያሰሙ ሲሆን፣ በተለይ የሚደረግባቸው ምርመራ ከፓርቲው ጋር የተያያዘ እንጂ ከተጠረጠርንበት ጉዳይ ጋር የተያያዘ አለመሆኑን ተናግረዋል፡፡ ‹‹ምርመራው ከጉዳዩ ጋር የሚገናኝ አይደለም፤ ሌሊት ሌሊት እየተጠራሁ ምርመራ ይደረግብኛል፡፡ የፓርቲ አባል መሆን ወንጀል እስኪመስለኝ በፓርቲ አባልነቴ ጫና ይደረግብኛል፡፡ በዚያ ላይ የጤና እከል ገጥሞኛል፤ ህክምና ያስፈልገኛል›› ስትል ለፍርድ ቤቱ ያስረዳችው ወይንሸት ሞላ፣ ፍርድ ቤቱ የዋስትና መብት እንዲሰጣት ጠይቃለች፡፡

በሁለቱም መዝገብ የተካተቱት ሁሉም ተጠርጣሪዎች የዋስትና መብታቸው እንዲከበርላቸው ጠይቀዋል፡፡ ፖሊስ በበኩሉ በመጀመሪያው መዝገብ ላይ ያሉት እነ ወይንሸት ላይ የምርመራ ስራውን እንዳልጨረሰ በመግለጽ 14 ቀን ተጨማሪ ጊዜ እንዲሰጠው ጠይቋል፡፡ በተለይ ወይንሸት ሞላ ላይ ፖሊስ፣ ‹‹ከአሁን በፊትም ከሙስሊሙ ማህበረሰብ ጋር ተመሳስላ በመልበስ ስታሸብር ነበር›› በማለት ዋስትና እንዳይሰጥና የጠየቀው የምርመራ ጊዜ እንዲፈቀድለት ጠይቋል፡፡ በሁለተኛው መዝገብ ላሉት ደግሞ 7 ቀን ፖሊስ ጠይቋል፡፡ ፍርድ ቤቱ በበኩሉ በሁለቱም መዝገብ ላይ በተመሳሳይ የ6 ቀን ጊዜ በመስጠት ለሚያዝያ 28 ቀን 2007 ዓ.ም ቀጠሮ ሰጥቷል፡፡
መንግስት በጠራው ሰልፍ ላይ የተሳተፉ ወጣቶች እስር አሁንም እንደቀጠለ የነገረ ኢትዮጵያ ምንጮች ይጠቁማሉ፡፡ በትናንትናው ዕለትም ሦስት የቀድሞው የአንድነት ፓርቲ አባላት (አንደኛው አሁን ላይ የሰማያዊ አባል) መታሰራቸው ይታወሳል፡፡

ኢትዮጵያ በታሠሩ ጋዜጠኞች ብዛት በአፍሪካ አንደኛ ነች VOA

ryot

ኢትዮጵያ እሥር ላይ የምትገኘውን ጋዜጠኛ ርዕዮት ዓለሙን፤ ቪየትናም ደግሞ የኢንተርኔት ፀሐፊዋን ወይም ብሎገሯን ታ ፎንግ ታንን እንዲለቅቁ ዩናይትድ ስቴትስ ጠየቀች፡፡

ኢትዮጵያ እሥር ላይ የምትገኘውን ጋዜጠኛ ርዕዮት ዓለሙን፤ ቪየትናም ደግሞ የኢንተርኔት ፀሐፊዋን ወይም ብሎገሯን ታ ፎንግ ታንን እንዲለቅቁ ዩናይትድ ስቴትስ ጠየቀች፡፡

የዩናይትድ ስቴትስ የውጭ ጉዳይ መሥሪያ ቃል አቀባይ ጄፍ ራትካ ናቸው ዛሬ ለጋዜጠኞች በሰጡት መግለጫ ይህንን የመንግሥታቸውን ማሳሰቢያ ያስተላለፉት፡፡

የዩናይትድ ስቴትስ የውጭ ጉዳይ መሥሪያ ቤት በዚህ ሣምንት እያወጣቸው ባሉ ተከታታይ የፕሬስ መግለጫዎች በዓለም ዙሪያ በየእሥር ቤቱ ያሉ ጋዜጠኞችን በየቀኑ እያነሣ ይገኛል፡፡

በዚህ “FREE THE PRESS” ወይም “ፕሬስን ነፃ አውጡ” በሚለው ዘመቻው የዛሬው የመሥሪያ ቤቱ መግለጫ ካተኮረባቸው ሁለት ጋዜጠኞች አንዷና ቀዳሚዋ የቀድሞ የከፍተኛ ሁለተኛ ደረጃ ትምህርት ቤት የእንግሊዝኛ መምህር ኢትዮጵያዊቱ ፍሪላንስ ጋዜጠኛ ርዕዮት ዓለሙ ነች፡፡

በፀረ-ሽብር ሕጉ መሠረት በተመሠረተባት ክሥ ጥር 10/2004 ዓ.ም ተፈርዶባት እስከዛሬ ወኅኒ ቤት እንደምትገኝ የውጭ ጉዳይ መሥሪያ ቤቱ ቃል አቀባይ ጄፍ ራትካ ጠቁመዋል፡፡

“… ርዕዮት ኢትዮጵያ ውስጥ ከሥራቸው ጋር በተያያዘ በተመሠረቱባቸው ክሦች ምክንያት ከታሠሩ 18 ጋዜጠኞች አንዷ ስትሆን ይህ ሁኔታም ኢትዮጵያ በአህጉሩ ብዙ ጋዜጠኞችን በማሠር ቀዳሚዋ እንድትሆን አድርጓታል …” ብለዋል፡፡

ርዕዮት የመንግሥቱን ፖሊሲዎች የሚተቹ ፅሁፎችን በጋዜጣ በማውጣቷ ምክንያት በሰኔ 2003 ዓ.ም ተይዛ የሽብር ፈጠራ ክሥ ከተመሠረተባት በኋላ የ14 ዓመት እሥራት ተፈርዶባት እንደነበረ ያስታወሱት ራትካ የእሥራት ዘመኗ ወደ አምስት ዓመት ዝቅ እንዲል ጠቅላይ ፍርድ ቤቱ በነሐሴ 2004 ዓ.ም መወሰኑን ተናግረዋል፡፡

ይሁን እንጂ ክሡ ሙሉ በሙሉ እንዲሠረዝላት በተከታታይ ያቀረበቻቸው የይግባኝ አቤቱታዎች ውድቅ መደረጋቸውንም ራትኮ አመልክተዋል፡፡

“… ሃሣብን የመግለፅ ነፃነት መብቷን ተግባራዊ በማድረጓ ብቻ ታሥራ የምትገኘውን ርዕዮትን እንዲፈታ ለመንግሥቱ ጥሪያችንን እናቀርባለን – ያሉት ራትኮ – መንግሥቱ ፀረ-ሽብር አዋጁን ሃሣብን በነፃነት የመለዋወጥን ተግባር ለመጠምዘዝ ጉዳይ ከመጠቀም እንዲቆጠብም እናሳስባለን …” ብለዋል፡፡

የዩናይትድ ስቴትስ የውጭ ጉዳይ መሥሪያ ቤት ቃል አቀባይ ጄፍ ራትኮ በመቀጠልም በአውሮፓ የዘመን አቆጣጠር የ2013 ዓ.ም ጀብዱ ፈፃሚ ሴቶች ዓለምአቀፍ ሽልማት ያሸነፈችውና የቪየትናምን መንግሥትና ኮምዩኒስት ፓርቲውን የሚተቹ ፅሁፎችን ኢንተርኔት ላይ በማውጣቷ የአሥር ዓመት እሥራት ተፈርዶባት ወኅኒ የምትገኘው ታ ፎንግ ታንን የቪየትናም መንግሥት በአፋጣኝ እንዲለቅቅ መንግሥታቸው እንደሚያሳስብ አስታውቀዋል፡፡

ብጹዕ ወቅዱስ አቡነ መርቆሬዎስ 25ኛ በዓለ ሢመታቸው መታሰቢያነቱ በሊቢያ ለተሰውት እንዲሆን አሳሰቡ

“…ይሁን እንጅ ይህ ጊዜ ልጆቻችን በስደት ሀገር በሃይማኖታቸው ምክንያት በሰይፍ እየታረዱ ያሉበት ጊዜ በመሆኑ የተዘጋጀው የ25ኛ ዓመት በዓለ ሲመት መታሰቢያ፣ የመርሐ ግብር ማሻሻያ ተደርጎበት፣ በሊቢያ ሚያዝያ ፲፩ ቀን ፪ሺ፯ ዓ.ም ለተሰየፉትና በጥይት ተደብድበው ለሞቱት ኢትዮጵያውያን ክርስቲያኖች የመታሰቢያ በዓል እንዲሆን ይደረግ ዘንድ በአክብሮት አሳስባለው።” [ሙሉውን ለማንበብ እዚህ ይጫኑ]

አባ መርቆሬዎስ ፓትርያርክ ርእሰ ሊቃነ ጳጳሳት ዘኢትዮጵያ

Message from His Holiness Abune Merkorios

የአርበኞች ግንቦት 7: የአንድነትና ዲሞክራሲ ንቅናቄ ሊቀመንበር ለኢትዮጵያ ሕዝብ ያቀረቡት አስቸኳይ ጥሪ

የአርበኞች ግንቦት 7: የአንድነትና ዲሞክራሲ ንቅናቄ ሊቀመንበር ለኢትዮጵያ ሕዝብ ያቀረቡት አስቸኳይ ጥሪ
የተከበራችሁ ወገኖቼ፤ ከሰላሳ በላይ የሆኑ ወገኖቻችን አይ ሲስ በተሰኘ ህሊና ቢስ፣ ፀረ-ሰው እና ፀረ-ስልጣኔ ቡድን በሊቢያ በአሰቃቂ ሁኔታ የመገደላቸው መርዶ ከትናንት ወዲያ ሚያዝያ 11 ቀን 2007 ዓም ደርሶን ኢትዮጵያዊያን በያለንበት በመሪር ሀዘን ውስጥ ነን። ዛሬ “እግዜር ያጥናህ” ወይም “እግዜር ያጥናሽ” የሚባል ሰው የለም። ሁላችንም ሀዘንተኞች ነን። ካጣናቸው ቁጥራቸው በብዙ እጥፍ የሚበልጥ ወገኖቻችን አሁንም በአራዶች መዳፍ ውስጥ መሆናቸው ሀዘናችን እጅግ የበረታ ያደረገዋል። ቁጥራቸው በትክክል የማይታወቅ ሆኖም በሺህ የሚገመቱ ኢትዮጵያዊያን ዛሬም ሊቢያ ውስጥ ናቸው። በመቶ ሺህ የሚቆጠሩ ኢትዮጵያዊያን አሁንም ደቡብ አፍሪቃ ውስጥ ናቸው። ሌሎች በመቶ ሺህ የሚቆጠሩ ወገኖቻችን ደግሞ በየመን ከሰማይም ከምድርም በቦንብና በጥይት እየተማገዱ ነው።
ለምንድነው ኢትዮጵያዊያን እንዲህ እሳት ውስጥ ለመማገድ የምንደፍረው? መልሱ ግልጽ ነው። አገር ውስጥ ተስፋ የለም፤ ወያኔዎች ተስፋችንን አጨለሙት። ከሳዉዲ በመከራ የተመለሱ ወንድሞቻችን ናቸው በሊቢያ በኩል ለመሰደድ ሲሞክሩ በአይ ሲስ ተይዘው የታረዱት። ወያኔዎች አገራችንና ክብራችን ዘረፉን። ወያኔዎች ስብዕናችንን ገፈፉን።
የዘመኑ ጥቂት የህወሓት ቱጃሮች ፎቆችን እየገነቡ በነሱ መጥገብ እኛ እንድናገሳላቸው ይፈልጋሉ። የኢትዮጵያ ሕዝብ መራቡ፣ መታረዙ፣ መደህየቱ እውነት ነው፤ ሆኖም ግን “ተራብኩ”፣ “ታረዝኩ”፣ “ደኸየሁ” ብሎ መናገር አይችልም። እውነት መናገር ያስቀጣል፣ ያስወነጅላል። በፍርደ ገምድል ችሎት እውነት መናገር “ሽብርተኛ” ያስብላል። እስር ቤቶችን የተሞሉት ለእውነት፣ ለፍትህ፣ ለነፃናትና ለእኩልነት በቆሙ ሰዎች አይደለምን?
በአይ ሲስ ያሳረደን ማነው? መልሱ ለኢትዮጵያ ሕዝብ ግልጽ ነው። ያዋረደን፣ በአይ ሲስ ቢላዋ ያሳረደን ህወሓት ነው። እንደ አገርና እንደ ሕዝብ የደረሰብን ውርደት የትም ብንሄድ የምናመልጠው አልሆነም። በአገር ውስጥ የደረሰብንን ውርደት ለማምለጥ ስንሰደድ ውርደት ተከትሎን ይመጣል።
ወገኖቼ፤ ለኛ ለኢትዮጵያዊያን ከኢትዮጵያ የተሻለች አገር ሊኖረን አይችልም። ዛሬ የመሸሻ ጊዜ አይደለም። አገራችንን ከወያኔ ነጥቀን፤ በአገራችን ኮርተን በሰላም መኖር እንሻለን። ይህ መብታችን ነው። አገራችን የኛ ነች። አገራችን የጥቂት ወያኔዎች መፈንጫ አይደለችም።
ወገኔ፤ ዛሬ ሚያዝያ 13 ቀን 2007 ዓም በአርበኖች ግንቦት 7 ስም የማደርግልህ ጥሪ አድምጠኝ። በሀይማኖት፣ በብሔር፣ በጾታ ልዩነት ሳታደርግ ዛሬ በአንድነት እንደተሳህ አንድነትህን እንደጠበቅህ ቀጥል። አንድነትህን ለመሸርሸር ወያኔ የማይፈነቅለው ድንጋይ አይኖርም፤ ለወያኔ ዱለታ ጆሮህን አትስጥ። የወያኔ አገዛዝ እንዲያበቃ በአንድነት ተነስ። ዛሬ የጀመርከው ትግል እዳር ሳይደርስ እረፍት የለንም።
አርበኞች ግንቦት 7፣ ከትግራይ፣ ከኦሮሚያ፣ ከአፋር፣ ከኦጋዴን፣ ከጋምቤላ፣ ከቤሻንጉል ድርጅቶች ጋር በመጣመር የአገር አድን ኃይል የመገንባት ሥራውን እያጠናቀቀ ነው። እኛ ልጆችህ በብሔርም ሆነ በሀይማኖት ሳንከፋፈል፤ ከትግራይ እስከ ኦጋዴን፤ ከአፋር እስከ ጋምቤላ ሁሉንም የኢትዮጵያ ማኅበረሰብ ባካተተ ስብስብ ውስጥ አብረን ህወሓትን እየታገልን ነው። ይህ ትግል ግን የአንተ የኢትዮጵያ ሕዝብ ትግል ነው። የትግሉም የአገሪቷም ባለቤት አንተ ነህ። ስለሆነም ተነስ! “እንቢኝ” በል። ዘርፈ ብዙ የትግል ስልቶችን በመጠቀም ወያኔን አዳክም። የኢትዮጵያ ሕዝብ ሆይ! በትግልህ ፍሬ የአገርህ ባለቤት ሁን።
የመከላከያና የፓሊስ ሠራዊት አባላት ሆይ!እናንተ የሕዝብ አካላት ናችሁ። የደረሰብንን ብሔራዊ ውርደት እያያችሁ፤ እሮሮዓችን እየሰማችሁ በሕዝብ ላይ መተኮስ በራሳችሁ ጭንቅላት ላይ መተኮስ ማለት መሆኑን ለደቂቃ እንኳን አትዘንጉ። ይልቁኑ ዛሬውኑ ነፃነትና ፍትህ ከጠማው ወገናችሁ ጎን ቁሙ።
የኢትዮጵያ ወጣቶች፤ የወጣትነት የፈጠራ ችሎቻችሁ መፈተኛው አሁን ነው። ለእያንዳንዱ ጥቃቅን ጉዳይ መመሪያ እስኪሰጣችሁ አትጠብቁ። እያሰላችሁ፣ እያጠናችሁ፣ እያደባችሁ፣ ወያኔን ታገሉ።
የታፈረች፣ የተከበረችና የበለፀገች ኢትዮጵያን እውን እናደርጋለን።

ዜጐችን ለስደት የሚዳርጉ አሳማኝ ምክንያቶች መፍትሔ ይፈለግላቸው!

ዜጐችን ለስደት የሚዳርጉ አሳማኝ ምክንያቶች መፍትሔ ይፈለግላቸው!

የዜጐችን ስደት በተመለከተ አገራችን ኢትዮጵያ መንታ መንገድ ላይ ቆማለች፡፡ የአገሪቱን ዜጐች ለስደት የሚያነሳሳው ምክንያት የተሻለ ኑሮ ፍለጋ ነው የሚሉ ወገኖች ያሉትን ያህል፣ አገሪቱ ለዜጎቿ የምትመች ባለመሆኗ በምሬት

እየተሰደዱ ነው የሚሉም አሉ፡፡

ስደትን ከኢኮኖሚና ከፖለቲካ ቅርቃር ውስጥ አውጥተን ምክንያታዊ በሆኑ ትንተናዎች በመታገዝ ካልፈተሽነው በስተቀር፣ ለመፍትሔ የሚጠቅሙ ምክረ ሐሳቦችን ማግኘት አዳጋች ይሆናል፡፡

በአሁኑ ጊዜ በሚሊዮን የሚቆጠሩ ኢትዮጵያውያን በሰው አገር ይኖራሉ፡፡ በየጊዜውም በሺዎች የሚቆጠሩ ዜጐች ባገኙት መንገድ ሁሉ እየተሰደዱ ነው፡፡ አገሪቱ ለዘመናት ከተጫናት ድህነት ለመላቀቅ በምታደርገው ጥረት መጠነኛ የሆነ የገጽታ ለውጥ ብታደርግም፣ አስከፊውን ድህነት ለማስቆም አልተቻለም፡፡ በተለይ ወደ አውሮፓ፣ ወደ መካከለኛው ምሥራቅና ወደ ደቡብ አፍሪካ ዜጐች በሕገወጥ የሰዎች አዘዋዋሪዎች አማካይነት እየነጐዱ ነው፡፡ አደጋው በከፋበት በዚህ አስቸጋሪ ወቅት እንኳ ስደቱ ቀጥሏል፡፡ ለምን ማለት ተገቢ ነው፡፡ ስደቱን ለማስቆም ምን ማድረግ ይገባል ማለትም አለብን፡፡ ችግሩን ከሥር መሠረቱ ለይቶ ለማወቅ ጠቃሚ ነው፡፡

መንግሥት አሁን የደረሰውን አሳዛኝ ክስተት ተንተርሶ፣ ዜጐች ከአደጋ ራሳቸውን ለመጠበቅ በሊቢያም ሆነ በሜዲትራኒያን ባህር፣ እንዲሁም በደቡብ አፍሪካ የተፈጸሙትን ሰቆቃዎች እንደ ማስጠንቀቂያ እንዲያዩት ያሳስባል፡፡ ሕገወጥ ደላሎችንም በምክንያትነት ያቀርባል፡፡ በአገሪቱ የተፈጠረውንም መልካም አጋጣሚ በመጠቀም በአገራቸው ሠርተው እንዲለወጡ ይመክራል፡፡ በሌላ በኩል ግን አሁንም በጣም የተንሰራፋው ድህነት የብዙዎችን ተስፋ እያጨለመ ነው፡፡ ከአቅም በላይ የሆነው ሥራ አጥነት ለብዙዎች ከሚቋቋሙት በላይ ነው፡፡ በየጊዜው እየናረ የሚሄደው ኑሮ ብዙዎችን እያስመረረ ነው፡፡ የመልካም አስተዳደር ችግር የሚፈጥረው አድሎአዊነት የምሬት ምንጭ ነው፡፡ በፖለቲካው ንፍቀ ክበብ ውስጥ የሚታየው አማራጭ አልባነትና የአንድ ወገን የበላይነት ብቻ መኖር ቅሬታውን እያጎላው ነው፡፡ የሥራ ዕድልን እያቀጨጨ ነው፡፡ የፖለቲካው መሳሳብ ለብዙዎች አግላይ ሆኗል፡፡

በአሁኑ ጊዜ ከገጠር ወደ ከተማ የሚካሄደው ፍልሰት ከመጠን በላይ ከመሆኑ የተነሳ ለመቆጣጠር አልተቻለም፡፡ በርካታ ትምህርት ቤቶችና ኮሌጆች በመከፈታቸው ምክንያት የምሩቃን ቁጥር ከአቅም በላይ እየሆነ ነው፡፡ ወጣት የሚበዛባት ኢትዮጵያ በተጠና የሥራ ፈጣሪነት ክህሎትና ዕውቀት ባላቸው ዜጐች አማካይነት ችግሮቿን መፍታት ካልቻለች፣ ስደት ወደፊትም ብሔራዊ ችግር ሆኖ ይቀጥላል፡፡ ለዚህ ደግሞ አሳማኝ የሆኑ የስደት ምክንያቶች መሬት ወርደው ሁሉን አሳታፊ የሆነ ምክክር ሊደረግባቸው ይገባል፡፡ መፍትሔ የሚገኘው ጥሬ ሀቁ ላይ መነጋገር ሲቻል ብቻ ነው፡፡

በገጠር በቤተሰብ መበራከት ምክንያት የአርሶ አደሮች ማሳ እየጠበበ በሚሄድበት ጊዜ ወጣቶች መሬት አልባ ስለሚሆኑ ወደ ከተማ ይፈልሳሉ፡፡ በከተማ የሥራ ዕድሉም የተጣበበ ስለሚሆን ወደ ውጭ መሰደድን አማራጭ ያደርጋሉ፡፡ ከከፍተኛ ትምህርት ተቋማት የሚመረቁ ወጣቶችም ተቀጥሮ ከመሥራት ጀምሮ ሥራ ለመፍጠር በሚያደርጉት ጥረት መሰናክሉ ስለሚበዛ የሚታያቸው ስደት ነው፡፡ በአነስተኛና በጥቃቅን ተደራጅቶ ለመሥራት መሬት፣ የባንክ ብድርና ገበያ ማግኘት በጣም አዳጋች በመሆኑ ወጣቶች ለሕገወጥ የሰዎች አዘዋዋሪዎች ተበድረውም ሆነ ከቤተሰቦቻቸው ወስደው ካቅማቸው በላይ የሆነ ክፍያ እየፈጸሙ ይሰደዳሉ፡፡

ይህንን ዓይነቱን አደጋ የበዛበት ስደት ከሚያባብሱ ዋነኛ ችግሮች መካከል ደግሞ ተጠቃሽ የሚሆነው ተስፋ ቆራጭነት ነው፡፡ ይህ ተስፋ ቆራጭነት የሚመጣው ደግሞ ወጣቶች በሚኖሩባቸው አካባቢዎች በአስተዳዳሪዎች የሚፈጸሙ በደሎች ሲበዙ ነው፡፡ መንግሥት በተለያዩ ጊዜያት የሚያስተባብላቸው፣ ነገር ግን የሰላ ትችቶች የሚቀርቡበት በገጠር ከማዳበሪያና ከምርጥ ዘር ጀምሮ እስከ ዕርዳታ እህል ድረስ ሥርዓቱን በማይደግፉት ላይ ክልከላ መደረጋቸው ተጠቃሽ ነው፡፡ ይህ ዓይነቱ በደል ሲፈጸም መንግሥት በተለያዩ መዋቅሮቹ አማካይነት ችግሮቹን መፈተሽ ባለመቻሉ ለወጣቶች ምሬት ምክንያት እየሆነ ነው፡፡ እንጀራ የሚፈልግ ሰው በመገፋቱ ምክንያት የፖለቲካ ስደተኛ ይሆናል፡፡ ይህም በተደጋጋሚ ጊዜያት በዓለም አቀፍ የሰብዓዊ መብት ተቋማት ብዙ የተባለበት ነው፡፡ የፖለቲካ ትስስር ያላቸው ብቻ ተጠቃሚ በመሆናቸው ምክንያት ብዙኃን እየተገለሉ ነው ሲባል ከማስተባበል ይልቅ ችግሩን ማረም ይበጃል፡፡ ይህም ጠንከር ያለ ዕርምጃ ይፈልጋል፡፡

ሌላው ቀርቶ በአዲስ አበባ ከተማ ጭርንቁስ ሠፈሮች ውስጥ የሚኖሩ ወጣቶች በተባባሰ ድህነት ውስጥ ስለሚኖሩ፣ በተገኘው አጋጣሚ ሁሉ ስደትን ይመርጣሉ፡፡ በተለያዩ ሙያዎች ሥልጠና ያገኙ ወጣቶች ሳይቀሩ ሥራ አጥተው ይቦዝናሉ፡፡ ብዙዎቹም በመጠጥ፣ በጫት፣ በሺሻና በሌሎች ዕፆች ቁጥጥር ሥር ውለዋል፡፡ በተስፋ መቁረጥ ውስጥም ሆነው እነዚህ ወገኖች አጋጣሚውን ካገኙ መሰደድ ነው ፍላጐታቸው፡፡ በቅርቡ በስደተኛ ወገኖቻችን ላይ የደረሰው አረመኔያዊ ግፍ አገሪቱን ማቅ አልብሷት እንኳን፣ የመጣው ይምጣ ብለው ለመሰደድ የተዘጋጁ ብዙዎች መሆናቸው ይነገራል፡፡ በሠለጠኑበት ሙያ ለመሥራት፣ መንጃ ፈቃድ ለማውጣትና ለመሳሰሉት አቅም በማጣታቸው መሰደድን አማራጭ ማድረጋቸውንም እየተናገሩ ነው፡፡ ዜጐች በአገራቸው ለምን ተስፋ ይቆርጣሉ? ዕድሎች ለምን አይመቻቹላቸውም? መጠነኛ ገንዘብ ኖሮአቸው ለመሥራት ሲፈልጉ እንኳ እንዲበረታቱ ለምን የተለየ አሠራር አይዘረጋም? ችግሮቹን ከሥር ከመሠረታቸው በማየት መፍትሔ ለምን አይፈለግም?

መንግሥት ዘወትር የመልካም አስተዳደር ችግሮች የሚፈጥሩዋቸው ምሬቶችን በተመለከተ ሲያወሳ ይሰማል፡፡ በተግባር ግን የሚታይ ለውጥ የለም፡፡ በተወሰኑ አካባቢዎች የታዩ ስኬቶች የኢትዮጵያ ወጣቶች መለያ እንደሆኑ ተደርጐ ሲቀርብ ይታያል፡፡ ችግሩ የብዙኃን አይደለም ተብሎ ይሸፋፈናል፡፡ እንዳለፈው ሳምንት ዓይነት አጋጣሚዎች ሲፈጠሩ ግን ለብጥብጥ መነሻ ምክንያት ይሆናሉ፡፡ በአጠቃላይ ዜጐች ውስጥ የሚሰሙ ቅሬታዎችና እሮሮዎች በታመቁ ቁጥር ድንገት ሲፈነዱ ከቁጥጥር ውጭ ሆነው በሰው ሕይወትና ንብረት ላይ ከፍተኛ ጉዳት ያደርሳሉ፡፡ ወጣቶች በአፍላነታቸው ጊዜ ሲከፉና አደጋ የበዛበትን ስደት አማራጭ ሲያደርጉ እንደ አገር ሊከብደን ይገባል፡፡ ለመፍትሔውም መጨነቅ አለብን፡፡ መፍትሔውም ከወገንተኝነት የፀዳ ውሳኔ ነው፡፡

አገሪቱ ከድህነት ማጥ ውስጥ ለመውጣት እልህ አስጨራሽ ትግል ውስጥ ናት፡፡ ድህነትን ታሪክ ለማድረግ እየተሠራ ነው፡፡ የሚታዩት አዝማሚያዎችም ተስፋ ሰጪ ናቸው፡፡ ነገር ግን የዛሬው ልፋት የዛሬውን ወጣት ማዕከል ካላደረገ ልፋቱ ሁሉ ውኃ መውቀጥ ነው፡፡ ልማቱ ሰብዓዊ ፍጡራንን ጭምር ያካት ሲባል የአገሪቱ ዜጐችን ታሳቢ ማድረግ አለበት ማለት ነው፡፡ ዜጐች ዴሞክራሲያዊና ሰብዓዊ መብቶቻቸው ሲከበሩ፣ ከአገሪቱ ሀብት ፍትሐዊ በሆነ መንገድ ሲጠቀሙ፣ ሐሳባቸውን በነፃነት ሲገልጹ፣ ለቅሬታዎቻቸው በቂ ምላሽ ሲያገኙ፣ በገዛ አገራቸው የባለቤትነት ስሜት ሲሰማቸው፣ የፈለጉትን በሰላማዊ መንገድ መደገፍ ወይም መቃወም ሲችሉና በአገሪቱ ሁሉም ጉዳዮች ውስጥ ያለአድልኦ ሲስተናገዱ ስደትን ሙሉ በሙሉ ማቆም ባይቻል እንኳ በከፍተኛ ደረጃ መቀነስ ይቻላል፡፡ ለአገሪቱ ወጣቶች ስደት አንድ ምክንያት ብቻ እየመዘዙ ዲስኩር ማሰማት ከትርፉ ይልቅ ጉዳቱ ይብሳል፡፡

በአሁኑ ጊዜ በበርካታ አገራዊ ጉዳዮች ላይ በፖለቲካ ኃይሎች መካከል ስምምነት የለም፡፡ ብሔራዊ ጉዳዮቻችን ከስሜታዊነት ባልፀዱ አመለካከቶች እየተቃኙ ናቸው፡፡ በጋራ ጉዳያችን ላይ ተስማምቶ አንድ አቋም ለመያዝ ቀርቶ መነጋገር እንኳን ባለመቻሉ ክፍፍሉ አስጊ እየሆነ ነው፡፡ አንዱ ሌላው ላይ ጭቃ እየለጠፈ በጥላቻ በመፈራረጅ ላይ ጊዜውን ስለሚያጠፋ የወጣቶቻችንን ችግር በቅጡ ለማየት አልተቻለም፡፡ የፖለቲካው ምኅዳር ለዴሞክራሲያዊ ሥርዓት ግንባታ ከመበጀት ይልቅ መጠፋፊያ መስሏል፡፡ ሌላው ቀርቶ ሰሞኑን በተስተዋሉ ክስተቶች ላይ እንኳን፣ በግራም በቀኝም ያሉ የፖለቲካ ኃይሎች በጊዜያዊነት መግባባት አቅቷቸው በየፊናቸው የመሰላቸውን አቋም ሲያራምዱ ታይተዋል፡፡ ይኼ እንደ አገር ሲታይ አስጊ ነው፡፡ ወጣቶቻችንን የስደት አለንጋ እያንገበገባቸውና ሕይወታቸውም እጅግ በጣም በሚያሳዝን ሁኔታ ሲያልፍ፣ አንድ ላይ ሆኖ ለመምከር አለመቻል ትልቅ በሽታ ነው፡፡ ጽንፍ በረገጡ አቋሞች ምክንያት አንገብጋቢ የሆኑት ብሔራዊ ጉዳዮች እየተዘነጉ ከቀጠሉ ጉዞው የት ድረስ ይቀጥላል? ውጤቱስ ምንድነው? ካልተባለ ችግር አለ፡፡ ይህ በብርቱ ይታሰብበት፡፡ ጨርሶ ከመተው ዘግይቶም ቢሆን መጀመር የግድ ይላል፡፡

ወጣቶቻችን ትልቅ ትኩረት ይሰጣቸው፡፡ የዕድገት አንቀሳቃሽ ሞተር መሆናቸው ይታመን፡፡ ከተመሪነት ይልቅ ለመሪነት ይዘጋጁ፡፡ አገሪቱ ያላት አንጡራ ሀብት እነሱ ላይ ኢንቨስት ይደረግ፡፡ መብቶቻቸው ይከበሩ፡፡ አድልኦ አይፈጸምባቸው፡፡ በአገራቸው አንገታቸንው ቀና አድርገው የሚሄዱ ኩሩ ዜጎች ይደረጉ፡፡ አላስፈላጊ ከሆኑ ደባል ሱሶች ጥበቃ ይደረግላቸው፡፡ ጥራት ያለው ትምህርት እንዲያገኙ ዕድሉ ይመቻችላቸው፡፡ በአገራቸው ጉዳይ ንቁና ዋነኛ ተዋናይ ይሁኑ፡፡ መንግሥትና የሚመለከታቸው አካላት በሙሉ ለዚህ አገራዊ ጥሪ ርብርብ ያድርጉ፡፡ ለስደት መንስዔ የሆኑ አሳማኝ ምክንያቶች መፍትሔ ይፈለግላቸው!

ኢትዮጵያ በየአመቱ በርካታ ወጣቶች ጥለዋት ከሚሰደዱ ሀገሮች ዋነኛዋ እንደሆነች የታወቀ ነው

ለወጣቶቹ መሰደድ ደግሞ ብዙ ምክንያቶች ይነሳሉ አልጄዚራ በድረ-ገጹ ባወጣው ፅሁፍ በማንኛውም ሁኔታ ውስጥ በማለፍ ለኢትዮጵያውያኑ መሰደድ በዋነኛነት የሚነሱ ምክንያቶችን ዘርዝሯል

ኢትዮጵያ ከአፍሪካ ሀገራት በኢኮኖሚ በፍጥነት እያደጉ ካሉ ሀገሮች መካከልም ስሟ የሚጠራ ቢሆንም ዜጎቿ ግን መሰደድን አላቆሙም በዚህም ምክንያት አብዛኛዎቹ በሚመርጡት ህገወጥ ስደት ብዙዎች እየሞቱ ይገኛሉ

በከተሞች አካባቢ አጥጋቢ የስራ እድል አለመኖሩ, በአብዛኛው የሚሰሩ ስራዎች የዜጎችን ህይወት ወደ ተሻለ ደረጃ ማሸጋገር የሚችል አለመሆኑ, በየጊዜው የኑሮ ውድነት እየጨመረ መምጣቱ እና ሌሎች ብዙ ምክንያቶች ይነሳሉ

አልጄዚራ ባወጣው ፅሁፍ ከላይ ከተጠቀሱት በተጨማሪ በፖለቲካ ሁኔታ የሚሰደዱ ኢትዮጵያውያን ቁጥራቸው አነስተኛ የሚባል አይደለም ለዚህም እንደማጣቀሻ ጥሩ የስራ እድል የሚያገኙ ዜጎች ከመንግስት የፖለቲካ ሁኔታ ጋር ቅርበት ያላቸው መሆናቸው ይነገራል
ሁላችንም እንደምናውዘቀው በዜጎች ላይ እየሆነ ያለው ነገር ሁሉ በግልፅ የሚታይ እውነታ ነው ነገር ግን ለሚደርሰው ጥፋት በዋነኛነት ተጠያቂ ሊሆን የሚችለውን አካል ለእያንዳንዳችን ግንዛቤ እንተወውና በሁላችንም ዘንድ ምን መፍትሄ ማምጣት ይቻላል?

ማን ምን ቢያደርግ ይሻላል ትላላችሁ? በኩራት ታሪክ እየጠቀስን ብቻ የሀገርን ገፅታ መለወጥ እንችላለን?

የኛ ሀገራዊነት ስሜት ስፖርታዊና ስፖርታዊ ባልሆኑ ውድድሮች ላይ ብቻ የሚንፀባረቅ አይመስላችሁም?

የእናንተ ሀሳብ ምንድነው?

ከምመረመርበት ቢሮ ውጩ አንደኛ ፎቅ አዳራሽ ውስጥ ለምርመራ ተወስጄ ልብሴን እንዳወልቅ እና የሚከብዱ ስፓርታዊ አንቅስቃሴዎችን እንድሰራ ተገድጃለሁ

ኤዶምንና ማህሌትን ብቻ ሳይሆን የ45 ሚሊዮን ሴቶች ክብርን ነው ያቀለሉት – ግርማ ካሳ

ኤዶም ካሳዬ ጋዜጠኛ ናት። ማህሌት ፈንታሁን ደግሞ «ሰለሚያገባን እንጦምራለን» በሚል የአለም አቀፍም ሆነ የኢትዮጵያ ሕገ መንግስት በሚፈቅድላቸው መሰረት፣ ብሎግ ከሚያደርጉ ዞን ዘጠኞች አንዷ ናት። ኤዴሞም ሆነ ማህሌት የጻፉት፣ የተናገሩት የተደበቀም ሆነ የተሸፈነ ነገር የለም። ለፍትህ ከመቆማቸው በቀር ያጠፉት ጥፋት የለም። ወንጀላቸው አገራቸውን መዉደዳቸው ነው። ሆኖም ሕወሃት «ሽብርተኞች» ብሎ ካሰራቸው ይኸው አንድ አመት ሆናቸው። ቢያንስ ከ27 ጊዜ በላይ ፍርድ ቤት ተመላልሰዋል። አስቡት በአንድ አመት ዉስጥ ቢያንስ 27 ጊዜ !!!!!
የአገሪቷ ሕገ መንግስት በማረሚያ ቤት ያሉ እስረኞች በምን መልኩ መያዝ እንዳለባቸው በግልጽ አስቀምጧል። በአንቀጽ 19 ንኡስ አንቀጽ አንድ ላይ፣ እያንዳንዱ ዜጋ ፣ እስረኞችን ጨምሮ፣ ኢሰብአዊ ፣ ጭካኔ የተሞላባቸዉና ክብርን የሚነኩ ቅጣቶች ሊቀበል እንደማይገባ ያስቀምጣል። ሆኖም ረእቡ ሚያዚያ 14 ቀን፣ የአዲስ አበባ ሰልፈኞች እንዳሉት፣ ለሕወሃት ሕገ መንግስቱ ወረቀት ብቻ ነው። እህቶቻችን ሞራላዊ፣ መንፈሳዊና የሴትነት ክብራቸውን በመድፈር ፣ ራቁታቸውን ሆነው በአረመኔ የሕወሃት ወንድ ምናምንቴዎች ፊት ስፖርት እንዲሰሩ መገደዳቸው ምን ያህል እንደ አገር መዝቀጣችንን የሚያሳይ ነው። በርግጥ ኤዶምና ማህሌትን ብቻ ሳይሆን ሕወሃቶች ከ40 ሚሊዮን በላይ የሚሆኑትን የአገራችንን እናቶችና እህቶች ነው የደፈሩት።
ለሰብአዊ መብት ጉባኤ ኮሚሽን፣ ኤዶም ላሳዬና ማህሌት ፋንታሁን ከተናገሩት የተወሰነውን እንሆ፡
«ሙሉ ልብሴን እንዳወልቅ ተገድጄ ራቄቴን በወንድ መርማሪዎች ፊት ስፓርት አንድሰራ እገደድ ነበር ፡፡ “ሴትነትሽ አንዲህ ከሚዋረድ አመጽ እንዳነሳሳሽ እመኚ ተብያሁ”» ማህሌት ፋንታሁን
«በተለምዶው ከምመረመርበት ቢሮ ውጩ አንደኛ ፎቅ አዳራሽ ውስጥ ለምርመራ ተወስጄ ልብሴን እንዳወልቅ እና የተለያዬ ለመናገር የሚከብዱ ስፓርታዊ አንቅስቃሴዎችን እንድሰራ ተገድጃለሁ፡፡ እንዲህ ከምትዋረጂ አመጽ ልናስነሳ ነበር ብለሽ ለምን አታምኚም እያለ ይመታኝ ነበር » ኤዶም ካሳዬ
እንግዲህ የዛሬይቱ የሕወሃት ኢትዮጵያ ይች ናት። ይህ አይነቱን ኢሰብዊነት ማስቆም ካልቻልን እንደ አገር ሆነ እንደ ሕዝብ መቀጥል አንችልም። እያንዳንዱ ኢትዮጵያዊ፣ ይህ አይነቱ ብሄራዊ ዉርድት እንዲቆም መነሳት አለበት። ፈረንጆችን እንደሚሉት “We have to claim back our country from these monsters” ። በተለይም እናቶችና እህቶች ፣ አዉቃለሁ ብዙ ግርግር አትወዱም። ግን አሁን እናንተም ከወንዱ ባልተናነሰ የምትነሱበት ጊዜ ነው

የወንድሞቻችን ደም ምክንያት ኾኖ አንድነታችን ቢጸና… አንድ መኾን በቀል ነው

ethiopian and coptic christians

‹‹የኢራቅ እና የሶርያ እስላማዊ መንግሥት›› (Islamic State in Iraq and Syria) የሚል መጠሪያ ለራሱ የሰጠው ታጣቂ ቡድን፣ ጸጥታቸው የደፈረሰ አገሮችን የወታደራዊ ኃይሉ እንዲኹም እስከ ኹለት ቢልዮን ዶላር የሚገመተው የገንዘብ እና የንብረት ሀብቱ ማጠናከርያ በማድረግ ወደ ግዙፍ ዓለም አቀፋዊ አሸባሪነት እየተሸጋገረ ይገኛል፡፡

‹‹የጥንቱን ገናና የእስልምና ሥርዐት›› በ፳፩ኛው ምእት ዳግም ለማስፈን የአምስት ዓመታት ግብ ያስቀመጠው ቡድኑ÷ መካከለኛው ምሥራቅን፣ እስያን እና አፍሪቃን በማካተት እገነባዋለኹ ያለውን ሙሉ በሙሉ በሱኒ አስተምህሮ ላይ የተመሠረተ እስላማዊ ከሊፋየሚያሳይ ካርታም ይፋ አድርጓል፡፡ በአፍሪቃ ከምድር ወገብ በላይ ሦስት ንኡሳን ከሊፋዎችን የሠየመው ቡድኑ÷ ‹‹የሐበሻ ምድር››በሚል ኢትዮጵያ፣ ኤርትራ፣ ጅቡቲ፣ ሶማልያ፣ ኬንያ፣ ደቡብ ሱዳን፣ ማእከላዊ አፍሪቃ ሪፓብሊክንና ካሜሩንን ያካተተ ሲኾን ግብጽ፣ ሰሜን ሱዳን፣ ቻድ እና ከፊል ሊቢያ ደግሞ ‹‹የአልካና ምድር›› በሚል አካትቷቸዋል፡፡

እስላማዊ ከሊፋውን የመገንባት የተስፋፊነት ሕልሙን እውን እናደርጋለን በሚል ለቡድኑ ርእዮት እና አስተዳደር ማደራቸውን ያወጁበየሀገሩ የሸመቁ ጽንፈኞች እየበረከቱ ናቸው፤ ባለፉት ዐሥር ወራት ብቻ ከቡድኑ ጋራ ማበራቸውን ያወጁ እንደ ቦኮ ሃራም ያሉ ዐበይት ሸማቂዎች ከ30 በላይ ተቆጥረዋል፤ ዋነኞቹ የቡድኑ ታጣቂዎች ኢራቃውያን እና ሶርያውያን ሱኒዎች ቢኾኑም በድረ ገጽ በሚያካሒደው ቅስቀሳና ምልመላው ተነሣሥተው፣ ለመዋጋት እና ለመሞት ፈቅደው የተቀላቀሉት ኮብላይ ተሰላፊዎች(ጂሐዲስቶች) ከ80 በላይ አገሮች እንደተውጣጡና ከ12 ሺሕ በላይ መድረሳቸው ተነግሯል፡፡

በመንግሥት አልባዋ ሊቢያ የሚንቀሳቀሱትና ከቡድኑ ቀጥተኛ ትእዛዝ የሚደርሳቸው ታጣቂ ኃይሎች፣ ከሜዲትራኒያን ባሕር እና ከኤደን ባሕረ ሰላጤ ባሻገር የተዘረጉ የጥፋት እጆቹ ኾነዋል፡፡ ይኸው የጥፋት ጥምረትም ታጣቂዎቹ፣ የቡድኑን ስም በመጠቀምና የሽብር ተግባሮቹን በመቅዳት በግብጽ – ኮፕት እና በኢትዮጵያውያን ኦርቶዶክሳውያን ክርስቲያኖች ላይ በፈጸሙት አረመኔያዊ ግድያተረጋግጧል፡፡

ወታደራዊ እና አስተዳደራዊ መዋቅር በዘረጋባቸው ይዞታዎቹ እስልምናን መቀበልን የመኖር እና ያለመኖር ጥያቄ ያደረገው ቡድኑ፣ በአንድ በኩል የሺዓ እስልምና ተከታዮችን ያለርኅራኄ ሲፈጅ፣ ክርስቲያኖችን ጨምሮ የሌላ እምነት ተከታይ ወገኖች ደግሞ ለሌሎች አመለካከት ቦታ በማይሰጠው መሥመሩ እንዲሰልሙ አልያም የተገዥነት ግብር እንዲከፍሉ ያስገድዳል፡፡ ይህን ባልፈጸሙት ላይ ግን የሽብር በትሩን ይሰነዝራል፡፡ ሃይማኖታችንን አንክድም ያሉትን ግብጻውያንና ኢትዮጵያውያን ኦርቶዶክሳውያን ወጣቶችን በተመሳሳይ ቦታና አኳኋን በግፍ የገደሉት ባለጭምብል የከሊፋው ታጣቂዎች የተናገሩትም፡- ‹‹የመስቀሉ ተከታይ አገሮች መጣንባችኹ! የእኛን እምነት ካልተቀበላችኹ በሕልማችኹ እንኳ ዕረፍት አይኖራችኹም!›› የሚል ፉከራ ነበር፡፡

ከፌስ ቡክ ገጻቸው የተገኘው ተከታዩ የዲያቆን ዓባይነህ ጽሑፍ በአንጻሩ፣ የንጹሐንን ደም በማፍሰሳቸው የአእምሮ ዕረፍት አጥተው የሚቅበዘበዙት ገዳዮቹ ራሳቸው በመኾናቸው በዚኽ ረገድ ፍርድን እና በቀልን በእግዚአብሔር መንገድ መረዳት እንደሚገባ ያብራራል፡፡ ‹‹የወጣቶቹ ወንድሞቻችን ደም ለክርስቲያኖች የጽናት ማኅተም ነው፤›› ያሉት ጸሐፊው፣ ሰማዕትነትን በጥብዐት እና በጸጋ መቀበል ለገዳዮች የእግር እሳት እንደሚኾንባቸው ገልጸዋል፡፡

ይልቁንም የጥፋት ቡድኑ በሙስሊሞች ዘንድ ሳይቀር በተወገዘበት የተስፋፊነት ንቅናቄው ፊትና አገራችን ኢትዮጵያን በትልቁ ከሊፋው ማህቀፍ ዒላማ ውስጥ በከተተበት ኹኔታ፡- አንድነትን አጽንቶ፣ አንድ ኾኖ መገኘት እንደሚገባ ይመክራሉ፤ ሲኖዶሳዊ አንድነትን በመመለስ በኩልም ‹‹የድርሻችንን እንወጣ፤ ከእንባ ወዳለፈ ተግባርም እንሒድ›› ሲሉም ይማጠናሉ – ‹‹አንድነታችን ከመቼውም ጊዜ በበለጠ የሚፈለግበት የጥሪ ደወል የተሰማበት ጊዜ ላይ እንገኛለን፡፡ … የወንድሞቻችን ደም ምክንያት ኾኖ አንድነታችን ቢጸና፣ ከኹለት ሲኖዶስ ወደ አንድ ጠንካራ ሲኖዶስ ብንመጣ ይኽም ሌላ በቀል ይኾናል፡፡ ሞታቸው ምክንያት ይኹነንና እንስማማ፡፡››

*       *       *

Dn. Abayneh Kasse

በተደጋጋሚ በማኅበረሰብ ብዙኀን መገናኛ /social media/ እየጎመዘዘን የተጎነጨነው እየወጋን የለቀምነው የዜጎቻችን ግፍ አኹንም ከኅጽነ ኅሊናችን አልጠፋም፡፡ በነጋ በጠባ እየተጉላላብን ይገኛል፡፡ ከበሻሻ እስከ ሊቢያ የደረሰ የንጹሐን ደም እየጮኸ ዕረፍት ነስቶናል፡፡ ሰማዕታቱ በቅድመ እግዚአብሔር፣ ‹‹በታላቅ ድምፅ እየጮኹ፤ ቅዱስና እውነተኛ ጌታ ሆይ÷ እስከ መቼ ድረስ አትፈርድም? ደማችንንስ በምድር በሚኖሩት ላይ እስከ መቼ አትበቀልም?›› እያሉ ለመጮኻቸው ጥርጥር አይገባንም፡፡ ራእ. ፮፥፲።

በዚኽ ቃል ውስጥ ፍርድ እና በቀል የሚለው የብዙዎቻችንን ትኩረት እንደሚስብ አምናለኹ፤ ነገር ግን የእግዚአብሔር መንገድ እንደ እኛ አይደለምና ፍርድ እና በቀልን በእርሱ መንገድ ልንረዳው ይገባናል፡፡ እንደ ሰብአ ትካት ምድርን በንፍር ውኃ ሊያጠፋት ይችላል፡፡ እንደ ሰዶም እና ገሞራም ደግሞም ነቢዩ ኤልያስ እንዳደረገው የቁጣውን እሳት ሊያዘንብ ይችላል፡፡ እንደ ግብጽ ስደት ደግሞ በዓይነት በዓይነት እያፈራረቀ መዓቱን ሊያወርድ ይችላል፡፡ እንደ ሐናንያ እና ሰጲራ ‹‹ገንዘባችኹ ከእናንተ ጋር ይጥፋ›› ሊልም ይችላል፤ ደግሞም ‹‹የሚያደርጉትን አያውቁምና›› ሊልም ሥልጣኑ የእርሱ ነው፡፡

ነገር ግን እነዚያ በራእየ ዮሐንስ ላይ ልመና ያቀረቡት ሰማዕታት አንድ መልስ ተመልሶላቸዋል፡፡ ‹‹ለእያንዳንዳቸውም ነጭ ልብስ ተሰጣቸው፥ እንደ እነርሱም ደግሞ ይገደሉ ዘንድ ያላቸው የባሪያዎች ባልንጀራዎቻቸውና የወንድሞቻቸው ቍጥር እስኪፈጸም ድረስ፥ ገና ጥቂት ዘመን እንዲያርፉ ተባለላቸው።” የሚል፡፡ ራእ. ፮፥፲፩።

የመጀመሪያው በቀል ነጭ ማልበስ ነው፡፡ ይኽም ክብረ ሰማዕታትን፣ አክሊለ ሰማዕታትን ማቀዳጀት ነው፡፡ እነዚኽ አንድ መቶ አርባ አራት ሺሕ ሕፃናት ስለ ክርስቶስ ፈንታ የተገደሉ ናቸውና ክብረ ሰማዕታትን ተቀዳጅተዋል፡፡ በአፍ ባይመሰክሩም ሞታቸው ስለ ክርስቶስ ስለኾነ አክሊለ ሰማዕታትን አግኝተዋል፡፡ ሰሞኑን ወንድሞቻችን ደግሞ‹‹ሃይማኖት ካዱ ወይም ታረዱ›› ሲባሉ እንታረዳለን እንጂ እምነታችንን አንለውጥም፤ ክርስቶስን አምላክ ነው ብለን እንዳመንን እንሠዋለን በማለት ገድለ ሰማዕታትን ፈጽመዋል፡፡ የመከራዋን ጽዋ ያለማመንታት ፉት ብለዋታል፡፡ እንዲህ ነው ጥብዐት በሃይማኖት!

እነዚያ አቋማቸውን ለመግለጽ አቅም ያነሳቸው ሕፃናት ስለ ክርስቶስ ፈንታ በመሞታቸው አክሊለ ሰማዕታትን ከተቀዳጁ በአፋቸው የመሰከሩት እነዚኽማ እንዴት ክብረ ሰማዕታትን አያገኙ? ይኽን ሰማያዊ ክብር መቀዳጀታቸው የመጀመሪያው በቀል ነው፡፡ አጥፊውን እርር ኩምትር የሚያደርግ እሳት ነው፤ ምክንያቱም በመግደል እንደማያጠፋን አንገት በመቅላት እንደማይደመስሰን ያይበታልና፡፡

ኹለተኛው መቅበዝበዝ ነው፡፡ የአቤል ደም እየጮኸበት፣ በሚሔድበት ኹሉ እየተከተለው፣ ምድር አልቀበለው ያለችው ቃየን እንደተቅበዘበዘ ሞተ፡፡ እነዚኽም ከእንግዲኽ ዕረፍት አይሰማቸውም፡፡ በቀን ይቃዣሉ፡፡ በሌሊት በሕልም ይመጣባቸዋል፡፡ የንጹሐን ደም ይጮኽባቸዋል፡፡ ወንጀል ሲሠሩ አልተገኙም፡፡ ይኽ ሌላው በቀል ነው፡፡ ሀገርን አይወክሉምና በሀገር ላይ መዐት አንጠብቅም፡፡ ሽፍቶች ናቸውና በያሉበት ቅጣታቸውን ያገኛሉ፡፡ የሚጠጡት ደም ባጡ ጊዜ እንደ እብድ ያደርጋቸዋል፡፡ ለአእምሯቸው ዕረፍት ይነሳቸዋል፡፡ በሕልማቸው ያስደነግጣቸዋል፡፡ እንደተሠቃዩ ይሞታሉ፡፡

ሦስተኛው በቀል የደረሰባቸው ውግዘት ነው፡፡ ሕዝብ እና አሕዛብ አውግዟቸዋል፡፡ ዓለም ጠልቷቸዋል፡፡ ምድር ድርጊታቸውን ተጸይፋለች፡፡ ሙስሊሞች ‹‹ኢትዮጵያን አትንኩ ያለውን ትእዛዛችንን ጥሰዋል›› በሚል አንቅረው ተፍተዋቸዋል፡፡ ‹‹ክርስቲያንን በመግደል የሚገኝ ጽድቅ የለም›› በማለት በየመድረኩ ዐውጀዋል፡፡ መተርጒማኑ የጠቀሱት ገዳዮቹ የሚጠቅሱትን ያንኑ ቁርዓን ነው፡፡ በዚኽም የተነሣ ገዳዮቹ እና ሙስሊሞች ተለያይተዋል ማለት ነው፡፡ ስለኾነም ሙስሊሞችም አውግዘዋቸዋል፡፡

አራተኛው በቀል የሰማዕታቱ ደም ለክርስቲያኖች የጽናት ማኅተም መኾኑ ነው፤ ክርስቲያን እና ሚስማር ሲመቱት ይጠብቃል ይኾናልና፡፡ ለእኛ አይምሰለን እንጂ የእኛ ሰማዕትነትን በጸጋ መቀበል ለገዳዮቻችን እንደ እግር እሳት የሚፋጅ መልስ ነው፡፡ ይፈራሉ ብለው ሲጠብቁ እኛ ግን ግፍአ ሰማዕታትን በጸጋ የምንቀበል ኾንባቸው፡፡ አንድ ሲገድሉ እልፎች ይነሣሉ፡፡ ያረፉት በሰማይ፣ የተረፉት በምድር አንድ ይኾኑባቸዋል፡፡ ያጠፏቸው ሲመስላቸው ይበዙባቸዋል፡፡ በሰይፋቸው ስለት ያመነመኑን ሲመስላቸው እንበረክትባቸዋለን፡፡

አምስተኛው በቀል አንድ መኾን ነው፡፡ በጥቃቅን ጉዳዮች የተለያየን አንድ ብንኾን ይህ ሌላው በቀል ነው፡፡ አሁን አንድነታችን ከመቼውም ጊዜ በተሻለ የሚፈለግበት የጥሪ ደወል የተሰማበት ጊዜ ላይ እንገኛለን፡፡ አልሰማንም ለማለትም የማንችልበት ወቅት ነው፡፡ ክርስትና ተሸንፎ የማሸነፍ ሕይወት የበለጸገበት ጎዳና ነው፡፡ ክርስቶስ ተሸንፎ አሸነፈን፡፡ በወርቀ ደሙ ገዛን፡፡ ለፍቅር በተከፈለ መሥዋዕትነት ረታን፡፡

ክርስትና አይደለም የወንድምን በደል ሞትን እንኳ እንዲኽ ያሥታግሳል፡፡ ታዲያ አባቶቻችን ወደ አንድነት ቢመጡልን እንዴት ያማረ በኾነ፡፡የወንድሞቻችን ደም ምክንያት ኾኖ አንድነታችን ቢጸና ከኹለት ሲኖዶስ ወደ አንድ ጠንካራ ሲኖዶስ ብንመጣ ይኽም ሌላ በቀል ይኾናል፡፡ሞታቸው ምክንያት ይኹነንና እንስማማ፡፡

ስድስተኛው በቀል በራእየ ዮሐንስ ላይ ለእነዚያ ሰማዕታት የተነገረው ነው፡፡ እርሱም ‹‹ጥቂት ዘመን እንዲያርፉ›› የሚለው ነው፡፡ እርሱ አይቀርም፡፡ እግዚአብሔር ሥራውን የሚሠራበት የራሱ የጊዜ ሰሌዳ አለው፡፡ እርሱ ሲደርስ ያደርገዋል፡፡ ምን እንደሚኾን ለጊዜው አናውቀው ይኾናል እንጂ እርሱ ዝም አይልም፡፡ ‹‹ስለ ጽዮን ዝም አልልም፥ ስለ ኢየሩሳሌምም ጸጥ አልልም›› እንዲል፡፡ ት.ኢሳ. ፷፪፥፩።

እግዚአብሔር ዝም አይልም፡፡ እኛም ዝም አንልም፡፡ እናም ድርሻችንን እንወጣ፡፡ ከእንባ ወዳለፈ ተግባር እንሒድ፡፡

ኹራፋተ ተኩላት ወዳንኤል ክብረት! – ሠዓሊ አምሳሉ ገ/ኪዳን አርጋው

እንደምታስታዉሱት ባለፈው ጊዜ ከቤተክርስቲያን ትከሻ ላይ ተፈናጦ የወያኔ ቅጥረኛ በመሆን የሀገርን የቤተክርስቲያንንና የሕዝብን ታሪክ ማንነትና እሴት እየቆነጻጸለ እያጠፋፋ እያሳከረ እያወደመ ስላለው ተኩላ ዳንኤል ክብረት ከወያኔነት ድፍረቱ በመነጨ ሳይፈራና ሳያፍር በድፍረት የጻፋቸውን ጽሑፎቹንና የሰጣቸውን ቃለ መጠይቆችን መረጃ በመጥቀስ አንባቢያንና ምእመናን ይጠነቀቁበት ዘንድ በሁለት ጽሑፎች ማንነቱን ለማሳየት ሞክሬ ነበር፡፡ ጀሌዎቹ ዳንኤል ተከታትለው ለወጡት ጽሑፎቸ አሳምሮ ምላሽ እንደሚሰጥ ተስፋ አድርገው እየተጠባበቁ ነበር፡፡ እኔ ዳንኤል ለእነኝህ ጽሑፎች በራሱ ስም መልስ ለመስጠት እንደማይሞክር እርግጠኛ ነበርኩ፡፡ በሦስት ምክንያቶች 1ኛ ዳንኤል መልስ ልስጥ ብሎ መልስ ለመስጠት ቢሞክር በሚሰጠው መልሱ ይበልጥ ማንነቱ እንዲገለጥ ስለሚያደርገውና ይሄ እንዲሆን ስለማይፈልግ፡፡ 2ኛ. እንደልማዱ መልስ እሰጣለሁ ብሎ ጽሑፉ ላይ ከማተኮር ይልቅ እኔን ለማጥቃት በማሰብ በእኔ ማንነት ላይ አነጣጥሮ ፈጥሮም አጋኖም በሚጽፈው ነገር ለራሱ ዓሣ እጎረጉራለሁ ብሎ ዘንዶ እንደሚያወጣ ስለሚያውቅ፡፡ ማለትም እራሱ በቀደደው መንገድ የሚሰጠውን ተመሳሳይ ምላሽ የሚቋቋመው ስለማይሆን፡፡ ስንት ጉድ አለበት መሰላቹህ ይሄ ጉደኛ? 3ኛ. የተጻፈበት ጽሑፍ በሚገባ በመረጃ የተጠናከረና መረጃዎቹም በሰው እጅ ያሉ በመሆናቸው አምኖ ከመቀበል ውጪ ፈጽሞ ሊያስተባብለው የሚችለው ነገር ስላልሆነ፡፡ በእነኝህ 3 ምክንያቶች መልስ ለመስጠት እንደማይሞክር እርግጠኛ ነበርኩ፡፡

ጀሌሎቹ ግን ዳንኤል ምን ዓይነት ችግር ውስጥ እንዳለ ባለመረዳት በሌሎቹ ላይ በለመደው ቀላጤ አፉ ተንጰርጵሮ ዋሽቶም ወስልቶም አንጀታቸውን እንደሚያርስላቸው እርግጠኛ በመሆን ምላሹን እየተጠባበቁ ነበር፡፡ ይሁንና ዳንኤል የውኃ ሽታ ሆኖ ቀረባቸው፡፡ ምስጥ የበላው እንጨት ድጋፋቸው ዳንኤል ምንም ለማለት ባለበቻሉ በሐፍረት ተሸማቀቁ ቅስማቸው ተሰበረ፡፡ ከዚያም በየፊናቸው በየ ድረ ገጻቸውና ብዙዎቻችንም በምንጽፍባቸው ድረ ገጾች ማንነታቸውን ደካማነታቸውን ድውይነታቸውን አላስተዋይነታቸውን ከሚያሳይ በስተቀር ፍሬ አልባ እንቶ ፈንቶ ጽሑፎችን እየቸከቸኩ በመለጠፍ የተጫናቸውን የሐፍረት ሸክም ለማቅለልና አሁንም ቢሆን ለተኩላው ያላቸውን ታማኝነት ለማረጋገጥ ጥረቶችን ሲያደርጉ ሰነበቱ፡፡

አሁን በመጨረሻ የስለአዳም ለት (8-8-2007ዓ.ም) ዲ/ን ዶክተር መሐሪ ወሰን በተባለ ሰው ስም በፒ.ዲ.ኤፍ. የሰነድ አቀማመጥ (file format) የተጻፈና በኢትዮሚዲያ ድረ ገጽ ላይ የተለጠፈ ጽሑፍ አንድ የዳንኤል ጀሌ ላከልኝና አነበብኩት፡፡ ሊጻፍለት የሚገባ ምንም ፍሬ ቢስና ነውረኛ ቢሆንም ወደ ኋላ በምገልጻቸው ምክንያቶች ለዚህ ጽሑፍ ግን መልስ ለመስጠት ግድ አለኝ፡፡ ጽሑፉን ሳነበው በጣም ነበር የተገረምኩት፡፡ የተኩላውን ቡድን ማንነት ይበልጥ እንድረዳ የረዳኝ ጽሑፍ ነበር፡፡ ጽሑፉ ጅማ ባለ አንድ ዶክተር ነኝ በሚል ምን ዶክተር ብቻ ዲ/ንም ነኝ በሚል ሰው እንደተዘጋጀ ይገልጣል፡፡ ጽሑፉ በዶክተር እንዲሁም በዲያቆን የተዘጋጀ ነው ይበል እንጅ የሰውየውን ዶክተርነትና ካህንነት ሊያሳየኝ ሊያስገነዝበኝ የሚችል ብስለት፣ መረዳት፣ ግንዛቤ፣ አደብ፣ የሞራል (የቅስም) ከፍታና ትሕርምት ምንም አላገኘሁም፡፡ የተማረ ሰው ለሞራል (ለቅስም) ድንጋጌዎች ዋጋ ይሰጣል ክህነትን ሲጨምር ደግሞ ለሃይማታዊ ድንጋጌዎች ዋጋ የሚሰጥ ይሆንና ሰውየውን የበለጠ ከፍታ ላይ እንዲገኝ ያደርገዋል ትሕርምተኛ ያደርገዋል፡፡ ሆኖ የተገኘው ግን በተቃራኒ አቅጣጫ ላይ ነው፡፡ አንድ ዶክተርና ዲ/ን የሆነ ሰው አግባብነት በሌለው ጥላቻ ምክንያት የጠላውን ለመጉዳት ሲል ብቻ ማንም ሰው በቀላሉ ሊያረጋግጣቸው የሚችላቸውን ነጫጭ ውሸቶችንና ፈጠራዎችን ፈልስፎ ሰውን በመወንጀል እራሱን አያዋርድም ለትዝብት አይዳርግም አምላኩን አያሳዝንም፡፡ ይሄ የደናቁርቱና የእርኩሳኑ መለያ እንጅ የምሁርና የእግዚአብሔር አገልጋይ መለያ አይደለም፡፡ እንግዲህ በወያኔዎች ቤት ዱክትርና በየሱቁ እየተሸመተ የሚያጌጡበት ስም ከሆነ ቆይቷልና ይሄም ሰው እንግዲህ የዚሁ ተቋዳሽ መሆኑ ነው፡፡ በዚህም ምክንያት ሊሆን ይችላል ምሁራዊ ተዋስዖ ልናገኝበት ያልቻልነው፡፡

ይህ ጽሑፍ በዚህ ሰው ስም ወጣ እንጅ የተዘጋጀው በዚህ ዶተርና ዲያቆን ነኝ ባለን ሰው ብቻ አይደለም፡፡ ጽሑፉ የተጻፈው በደቦ ነው ይሄንን የሚያሳዩ በርካታ ጉዳዮች ከመኖራቸውም በላይ እያዘጋጁ እንደነበር መረጃው ነበረኝ፡፡ በደቦው ውስጥ ዳንኤል ዋነኛው መጋቢ ነው፡፡ እነኝህ ተኩላት ይንን ጽሑፍ ለመጻፍ ሲወስኑ ምንም ሊሉ የሚችሉት ነገር ባይኖርም እንኳን እንደነሱ ግምት ምንም ይሁን ምን የሆነ ነገር ተብሎ ከበድ ያለ መልስ አለመሰጠቱ በጀሌዎቻቸው ላይ የሚያደርሰውን የቅስም ስብራት የከፋ ያደርገዋል ከሚል ግምት ለዚህ ሲባል ብቻ ይሄንን ከንቱነታቸውን ይበልጥ ቁልጭ አድርጎ የሚያሳይ ጽሑፍ ለመጻፍ ቻሉ፡፡ እንዳልኳቹህ ይህ ጽሑፍ ሲዘጋጅ እየተዘጋጀ እንደነበረ መረጃው ነበረኝ፡፡ ስማቸውን ብጠቅስ ምንኛ ደስ ባለኝ ነበር ነገር ግን ጽሑፋቸው ላይ ሲሉ እንደሰማቹሀቸው እንከሳለን እያሉ እየዛቱ ስለሆነ ከሳሾቸን ላለማብዛት ስል ስም ከመጥቀስ እቆጠባለሁ፡፡ እነዚህ በማኅበረ ቅዱሳን በተለያየ የአገልግሎት ኃላፊነት የነበሩ ጀሌዎቹ በየአቅጣጫው ተሰማርተው የሚያውቀኝን ሁሉ “እስኪ ስለ አምሳሉ የምታውቁትን ንገሩን?” እያሉ መረጃ ለመቃረም ጥረት ሲያደርጉ ነበር የሰነበቱት፡፡ እንዳለመታደል ሆኖ ያገኙት መረጃ ግን ያልፈለጉትና ግልባጭ ሆነ፡፡ መጥፎ መጥፎ የተባለውም በፈለጉት ደረጃ እኔን ሊያረካክስ የሚችል ሳይሆን ቀረ፡፡ ይባስ ሐፍረት ተሰማቸው በጽሑፌ ላይ በማተኮር ሥርዓት ባለው መንገድ ሐሳብን በሐሳብ ከመሞገት ይልቅ የተሰበረ ቅስማቸውን ለመጠገን እኔን አዋርዶ ግዳይ መጣል ብቸኛ የመጠገኛ ተስፋቸው ነበርና፡፡ መሬት ላይ ያለው ሀቅ እንዲህ ተስፋቸውን ከንቱ ሲያደርግባቸው ሌላ አማራጭ አላጡም ይህም የተካኑበትና ከወያኔነታቸው ያገኙት ትሩፋት ነው፡፡ “የእማማ ዓለሚቱን ቅቤ” በመቀባት በውሸት ወይም በፈጠራ ወሬ ስሜን ማርከስና በዚያ መርካት፡፡

አንዴ አንድ ቦታ በነበርኩበት ጊዜ ነው አንድ ቀን እዚያ ቦታ ካሉ ሰዎች አንደኛቸው የሆኑ እናት እማማ ዓለሚቱ ድካም ቢጤ ተጫጫናቸውና ለአንድ አፍታ ሸለብ አድርጓቸው ትንሽ ቆዩና ወዲያው ተነሡ፡፡ ሲነሡ ከማሸለባቸው በፊት የነበረው ከፊታቸው ይታይ የነበረው የድካም የመጠውለግ የመኮሰስ የረሀብ የመታከት ስሜቶች በሚደንቅና በሚያስገርም ሁኔታ ድራሻቸው ጠፍቶ በምትካቸው በደስታና እርካታ የረሰረሰ ፊት ይዘው ተነሡ፡፡ እኔ የዚህ ምክንያት መስሎኝ የነበረው ጥሩ ሕልም ስላዩ መስሎኝ ነበር፡፡ እማማ ዓለሚቱ እንደተነሡ ጥንቃቄ በተሞላበት እንቅስቃሴ በተቀመጡበት ቀስ ብለው ግድግዳውን ደገፍ አሉ፡፡ የልብሳቸውን አንገትየ በጥንቃቄ ወደ ውስጥ እየሰበሰቡ በቀኝ እጃቸው በጠባቡ ከአንገታቸው ስር ያዙት፡፡ ፊታቸው ላይ የሚነበበው የደስታ የንቃት የእርካታ ስሜት ሌላ ነው! ትንሽ እንደቆዩ በቀኝ እጃቸው አጥብበው ይዘውት የነበረውን የልብሳቸውን አንገትዬ በጥንቃቄ ለግራ እጃቸው አስያዙና በቀኝ እጃቸው አመልካች ጣት በጣም በጥንቃቄ መሀል አናታቸውን ነካ ነካ አደረጉት፡፡ ሁለተኛ ጣት ጨመሩና እንደገና ዳሰስ ዳሰስ አደረጉ፡፡ ማረጋገጥ የፈለጉትን ነገር ስላላረጋገጡ በአምስቱም ጣቶቻቸው ጭንቅላታቸውን ዳሰሱ፡፡ ያ በደስታ በእርካታ ስሜት ተጥለቅልቆ የነበረ ፊታቸው ከመቅጽበት አመዱ ቡን አለ ድንጋጤ ወረረው፡፡ ጮክ አሉና ውለዷት በሚል ስሜት “ቅቤውስ?” በማለት ዐይናቸውን አፍጥጠው ጠየቁን፡፡ ስለምን እንደሚያወሩ አልገባንም ነበርና “የምን ቅቤ እማማ ዓለሚቱ?” አልናቸው፡፡ አንዳች ነገር ሊል እንደፈለገ ሰው አፋቸውን ከፍተው ቆዩና የእኛን ግራ መጋባት ባዩበት ቅጽበት ለካ ከቁም ቅዠታቸው ነቅተው ኖረው እጅግ በሚያሳዝንና ልብን በሚነካ የሀፍረት ስሜት ተውጠው ምልስ አሉ፡፡

እማማ ዓለሚቱ ያን ሰሞን ቅቤ መቀባት አምሯቸው “እንዲያው ቅቤ መቀባት አምሮኝ ነበር” እንዳሉ ነበር የሰነበቱት፡፡ ለካ ሸለብ አድርጓቸው እያለ ያ አምሮታቸው የፈጠረባቸው ስሜት በቀን የተመኙትን በሕልም ሰጥቷቸው አንድስ የሚያክል ቅቤ መሀል አናታቸው ላይ ምርግ አድርገው ተቀብተውት ኖሮ ያቅቤ ልብሳቸውን እንዳያበላሽ ኖሯል ለካ ከሸለብታቸው እንደነቁ የልብሳቸውን አንገትየ ወደ ውስጥ ሰብስበው በጠባቡ እንቅ አድርገው ይዘውት የነበረው፡፡ ከዚያ በኋላ በዚያ ቦታ የሌለ የማይጨበጥ የፈጠራ ነገር ሲወራ ሲነገር “የማማ ዓለሚቱ ቅቤ” ይባላል፡፡ የውሀ ሽታ ሆኖ የቀረውን ነገርም “ምነው ነገሩን የማማ ዓለሚቱ ቅቤ አደረከውሳ?” እየተባለ ይተረታል፡፡

የተኩላው ቡድን ስለ እኔ መጻፍ ሲያስቡ የእኔ ማንነት በጻፉት መልኩ እንዲሆን እጅግ በመመኘት ነበር ስለ እኔ ለመቃረም ተሰማርተው የነበረው ሳይቀናቸው ተመለሱ፡፡ ቢሆንም ግን ከቁም ቅዠታቸው መንቃት አልፈለጉም፡፡ ከቁም ቅዠታቸው ነቅተው በገጠማቸው ስብራት ሕመም ከመሰቃየት በቁም ቅዠት መቆየትን መረጡ፡፡ የእማማ ዓለሚቱን ቅቤ በመቀባትም እፎይ አሉ እረሰረሱ፡፡ የተኩላውን ቡድን ከእማማ ዓለሚቱ የሚለየው እማማ ዓለሚቱ ቅቤው የቁም ቅዠት መሆኑን አውቀው ሐፍረት እየተሰማቸው ሲመለሱ የተኩላው ቡድን ግን ከቁም ቅዘታቸው ነቅተው በስብራታቸው ሕመም ከመሰቃየት በቁም ቅዠታቸው ውስጥ ቆይተው በቁም ቅዠታቸው ተቀባን በሚሉት ቅቤ ሰው እየሳቀባቸው መቆየትን መምረጣቸው ነው፡፡ ይህን የተኩላት ቡድን ጽሑፍ ባስቀመጡት የሐሳብ ቅደም ተከተል መሠረት ከንቱነቱን ዕንይ፡-

ከርእሳቸው እንጀምር “ኹራፋተ አምሳሉ” ይላል የተኩላቱ ጽሑፍ ርእስ፡፡ ኹራፊው ብሎ እንደጀመረ ኹራፊው ብሎ ነው የሚጨርሰው፡፡ በሰዋስው ሕግ መሠረት ቃሉ ግስ ሲሆን ኾረፈ ቅጽል ሲሆን ኾራፊው ጥሬ ዘር ሲሆን ኹረፋ እያሉ መጠቀም ሲኖርባቸው ለሁሉም አጠቃቀም ኹራፊው በማለት ጀምረው ጨረሱ፡፡ የቃሉን አጠቃቀም ካላወቁ ምን አለ ትዝብት ላይ ከሚወድቁ ባይጠቀሙትስ? ለነገሩ “ምን ይሉናልን” ሲያውቁ አይደል! ትችታቸውን ሲጀምሩ በ2 ክፍል አቅርቤው ከነበረው ጽሑፍ ውጪ በመሔድ እንዲህ በማለት ነበር የጀመሩት፡-

ኹራፊው አምሳሉ ገብረኪዳን የጌታችን የመድኃኒታችን ኢየሱስ ክርስቶስን በዓለ ልደት አስመልክቶ በፌስቡክ ገጽ ላይ ፤ ‹‹ …የመውለጃዋ ጊዜ በደረሰ ጊዜ ጌታዋ ፈጣሪዋየኋላልጇ ለመለኮታዊ ክብሩ፣ ለልዑልነቱ፣ ለሁሉንቻይነቱ፣ ለፈጣሪነቱ፣ ንጹሕ ነገር ፈላጊ ለንጹሐ ባሕርይነቱ በምትስማማ መልኩ ምንም ምክንያት እንዳይገኝባት አድርጎ ንጹሕ ጽዱ ፍጹም ቅድስት አድርጎ ፈጥሮ አዘጋጃትና ሰዓቱ ሲደርስ ያንን ንጹሕ ፍጹም ጽዱ ሥጋዋን ወርሶ ተወለደባትበዚህ ሥጋውም ዓለሙን ሁሉ ተቤዠው፡፡›› የሚል ኑፋቄን ከእውነተኛው ትምህርት ጋራ የቀየጠ ጽሑፍ አስፍሮ ነበር፡፡

በዚህ ጽሑፍ ውስጥ ሦስት መሠረታዊ የኑፋቄ ትምህርቶች አሉበት፡፡ የመጀመሪያው ‹‹የኋላልጇ›› የሚለው ነው፡፡ እመቤታችን ድንግል ማርያም ከጌታችን ከመድኃኒታችን ኢየሱስ ክርስቶስ በፊት ሌላ ልጅ እንደአላት አድርጎ ጌታችንን ‹‹የኋላልጇ›› ሲል ኑፋቄውን ጽፏል፡፡

ሁለተኛው የኹራፊው አምሳሉ ኑፋቄ፤‹‹ ሥጋዋን ወርሶ ተወለደባት›› የሚለው ነው፡፡ በኦርቶዶክሳዊት ተዋሕዶ ቤተክርስቲያናችን፤ ‹‹ሥጋዋን ነሥቶ ወይም ተዋሕዶ›› ይባላል እንጂ በፍጹም ‹‹ሥጋዋን ወርሶ›› አይባልም፡፡ ምስጢረ ተዋሕዶውም በእንዲህ ዓይነት ወሊጥ ቃል ተገልጾም አይታወቅም፡፡ ሲቀጥልም ‹‹ተወለደባት›› አይባልም፡፡ ‹‹ሥጋዋን ነሥቶ ወይም ተዋሕዶ ተወለደ፤›› እንላለን እንጂ ‹‹ሥጋዋን ወርሶ ተወለደባት›› አንልም፡፡ ‹‹ሥጋዋን ወርሶ ተወለደባት›› የምንል ከሆነ ጌታችን መድኃኒታችን ኢየሱስ ክርስቶስ፤ ‹‹እንበለ ኅድረት – ያለኅድረት፤ ከእመቤታችን ከድንግል ማርያም በነሣው ወይም በተዋሐደው ሥጋ ተወለደ›› የሚለውን የቤተክርስቲያናችንን መሠረተ እምነት ያፋልሳል፡፡ ስለዚህ ቤተ ክርስቲያናችን እንዲህ ዓይነቱን ወሊጠ ቃል አትጠቀምም አሉ፡፡

የቤተክርስቲያንን እንደውቅያኖስ የሰፋና የጠለቀ ትምህርት ወይም ዕውቀት እኛ የማናውቀው የቤተክርስቲያን አይደለም በሚል አቀራረብ በእነሱ ኢምንት የንባብ ልምድ ቤተክርስቲያንን ለመገደብ ለመወሰን ጥረት ማድረጋቸው እጅግ ደንቆኛል፡፡ ተኩላቱ ቤተክርስቲያን ነሣና ተዋሐደ የሚሉትን ቃላት ብቻ ነው የምትጠቀመው አሉን ተሳስተዋል ከነሱም በተጨማሪ ወረሰ፣ አደረ፣ ወሰደ፣ ተካፈለ፣ ያዘ እነዚህ ሁሉ ቤተክርስቲያን ስለ ክርስቶስ በተዋሕዶ ሰው መሆን ስትናገር እንደየ አገባባቸው የምትጠቀምባቸው ቃላት ናቸው ሥጋዋን ወርሶ (ወሪሶ) ማለት የራሱ አድርጎ ማለት ነው የቃሉ ትርጉም በአማርኛውም በግእዙም አንድ ነው ሌላ ትርጉም የለውም፡፡ ሥጋዋን ወርሶ ተወለደባት›› የምንል ከሆነ ጌታችን መድኃኒታችን ኢየሱስ ክርስቶስ፤ ‹‹እንበለ ኅድረት – ያለኅድረት፤ ከእመቤታችን ከድንግል ማርያም በነሣው ወይም በተዋሐደው ሥጋ ተወለደ›› የሚለውን የቤተክርስቲያናችንን መሠረተ እምነት ያፋልሳል በማለት የተገለጸው ምኑን ከምን ለማገናኘት እንደተሞከረ ትዝብት ላይ የሚጥላቸውና ለራሳቸውም ግልጥ አይደለም፡፡ አማርኛ ካልቻሉ ዝም ቢሉ መልካም ነበር፡፡ ወረሰ ወይም የራሱ አደረገ የሚለው ቃል የተዋሕዶን ምሥጢር በትክክል የሚገልጽ ቃል ነው፡፡ ቅዱስ ያሬድ ኃደረ (አደረ) የሚለውን ቃል ተጠቅሟል፣ ቅዱስ ጳውሎስ ቀጥሎ በምጠቅሰው ቃል ያዘ፣ ተካፈለ የሚለውን ቃል ተጠቅሟል “…እንግዲህ ልጆቹ በሥጋና በደም ስለሚካፈሉ እርሱ ደግሞ በሞት ላይ ሥልጣን ያለውን በሞት እንዲሽር ይኸውም ዲያብሎስ ነው በሕይወታቸውም ሁሉ ስለ ሞት ፍርሐት በባርነት ይታሰሩ የነበሩትን ሁሉ ነጻ እንዲያወጣ በሥጋና በደም እንዲሁ ተካፈለ። የአብርሃምን ዘር ይዞአል እንጂ የያዘው የመላእክትን አይደለም” ዕብ.2፤14-16

ተኩላቱ ቀጠሉና ምን አሉ የኹራፊው አማሳሉ ገብረ ኪዳን ሦስተኛው ኑፋቄያዊ ሕፀጽ ፤‹‹… በዚህ ሥጋውም ዓለሙን ሁሉ ተቤዠው›› የሚለው ነው፡፡ ይህ ደግሞ በነገረ ድኅነት ትምህርታችን ትልቁ ኑፋቄ ነው፡፡ ይህም በሁለት መልኩ ይገለጻል፡፡ የመጀመሪያው፤ ‹‹ድኅነተ ዓለም የተፈጸመው በሥጋ ነው›› የሚል ኑፋቄን ሲያመጣ፣ በሁለተኛ ደረጃ ደግሞ፤‹‹ ሥጋ መለኮትን ውጦና አጥፍቶ በሩቅ ብእሲ ሥጋ ድኅነት ሆነ›› የሚለውን ኑፋቄ ያስከትላል፡፡ ይህ ደግሞ ቤዛ ዓለም አልተፈጸመም እንደ ማለት ነው አሉ፡፡ ተኩላት ሆይ! ክርስቶስ ስለ ራሱ ሲናገር ብዙ ጊዜ “የሰው ልጅ” የሚለውን ቃል ይጠቀም ነበር ሉቃ. 9፤26, 19፤10, 21፤27 ጥራዝ ነጠቃዊያን ሆይ! ክርስቶስ እራሱን “የሰው ልጅ” እያለ ስለተናገረ መለኮት ያልተዋሐደው ሥጋ ነው የያዝኩት ማለቱ ነው እያላቹህ እንደሆነ ይገባቹሀል? ሊቃውንቱ ለምሳሌ አባ ሕርያቆስ “ከድንግል በነሣው ሥጋ ዓለሙን አዳነው” ማለታቸው መለኮት ባልተዋሐደው ሥጋ ነው ክርስቶስ ዓለሙን ያዳነው ማለታቸው ነውን?

በአጭሩ የኹራፊው አምሳሉ ገብረ ኪዳን፤‹፣ … የኋላ ልጇ … ሥጋዋን ወርሶ ተወለደባት፤ በዚህ ሥጋውም ዓለሙን ተቤዠው፡፡›› የሚለው ፍጹም ኑፋቄያዊ ሕፀጽ፤ ‹‹ዓለምን የተቤዠው ጌታችንና መድኃኒታችን ኢየሱስ ክርስቶስ እንበለ ውላጤ፣ እንበለ ሚጠት፣ እንበለ ኅድረት፣ እንበለ ቡዐዴ፣ እንበለ ትድምርት፣ እንበለ ቱሳኤ በተዋሕዶ ነው፡፡›› ከሚለው ርቱዕ ትምህርት ጋር የሚጋጭ ክህደት ነው፡፡ በማለት ነበር፡፡ ማንም የፌስ ቡክ (የመጽሐፈ ገጽ) ገጼን ከፍቶ እውነቱን ሊያረጋግጥ በሚችልበት ደረጃ ከአጋንንታዊ ማንነታቸው የተነሣ የሐሰት ክሳቸውን የጀመሩት፡፡ የመጽሐፈ ገጽ ገጼን ክፈቱና ጃንዋሪ 6 ላይ የለጠፍኩትን እንኳን አደረሳቹህ! ለማለት ከባሕላዊ የጌታ ልደት ሥዕል ጋር አጭር የ8 መስመር ጽሑፍ የጻፍኳትን ተመልከቱልኝ፡፡ መልዕክቷ ከዚህ በታች ያለውን ትመስላለች፡-

“የአምላክ ሰው የመሆኑ ከድንግል የመወለዱ ነገር እንደ ውኃ ፈሳሽ እንደ እንግዳ ደራሽ አይደለም፡፡ ቅድስት ድንግል እናቱ ዓለም ከመፈጠሩ በፊትም በእሱ ልቡና ታስባ ትኖር ነበር፡፡ ይህች ቅድስተ ቅዱሳን ድንግል ማርያም ከእናቷ ከቅድስት ሐና ከአባቷ ከቅዱስ ኢያቄም የመወለጀዋ ጊዜ በደረሰ ጊዜ ጌታዋ ፈጣሪዋ የኋላ ልጇ ለመለኮታዊ ክብሩ፣ ለልዑልነቱ፣ ለሁሉን ቻይነቱ፣ ለኃያልነቱ፣ ለፈጣሪነቱ፣ ንጹሕ ነገርን ፈላጊ ንጹሐ ባሕርይነቱ በምትስማማ መልኩ ምንም ምክንያት እንዳይገኝባት አድርጎ ንጹሕ ጽዱ ፍጽምት ቅድስት አድርጎ ፈጥሮ አዘጋጃትና ሰዓቱ ሲደርስ ያንን ንጹሕ ፍጹም ጽዱ ሥጋዋን ወርሶ ተወለደባት፡፡ በዚህ ሥጋውም ዓለሙን ሁሉ ተቤዠው፡፡ እንኳን ለጌታችን ለአምላካችን ለመድኃኒታችን ለኢየሱስ ክርስቶስ የልደት በዓል አደረሳቹህ!!! ” የሚል ነበር፡፡

ተኩሎቹ ግን ለክስ እንዲመቻቸው ወላዲተ አምላክ እንደቃሉ ሁሉ ጌታን የወለደችው በድንግልና መሆኑን የሚናገረውን ከፊት ያለውን 3 መስመር ለሐሰተኛ ክሳቸው የማይመች ስለሆነ ገደፉና ‹‹የኋላልጇ›› የሚለው ነው፡፡ እመቤታችን ድንግል ማርያም ከጌታችን ከመድኃኒታችን ኢየሱስ ክርስቶስ በፊት ሌላ ልጅ እንደአላት አድርጎ ጌታችንን ‹‹የኋላልጇ›› ሲል ኑፋቄውን ጽፏል በማለት እንደ ግብር አባታቸው ከይሲ የቀረውን ጽፉፍ አጣመው የተሳሳተ ትርጉም ለማስያዝ ጥረት አደረጉ፡፡ እስከዛሬ ድረስ ቤተክርስቲያን የምታውቀው የመናፍቃን ኑፋቄ የነበረው በማቴ. 13፣55 ላይ ያለውን ቃል አጣመው በመተርጎም ወንድሞቹና እኅቶቹ ተብለው የተጠቀሱትን ወላዲተ አምላክ ጌታን ከወለደች በኋላ የወለደቻቸው እንደሆኑ አድርገው የሚናገሩትን ኑፋቄ ነበር፡፡ እስከዛሬ ድረስ እንኳን ክርስቲያን ነን የሚሉት መናፍቃን ይቅርና እስላሞችም እንኳን ወላዲተ አምላክ ጌታን የወለደችው በድንግልና መሆኑን የሚጠራጠርና ከጌታ በፊት ልጅ ወልዳለች የሚል አልነበረም፡፡ ምክንያቱም ይሄ በቅዱስ ቃሉ በግልጽ የሰፈረ በመሆኑ ትን. ኢሳ. 7፣14, ማቴ. 1፣23 ይሄንን የሚሉ የሚጠራጠሩ መናፍቃን ከተኩላቱ ቡድን ስናገኝ አሁን እንግዲህ የመጀመሪያ መሆኑ ነው፡፡

መናፍቃኑ ወንድሞቹ እኅቶቹ የሚለውን የአይሁድን አባባል ይዘው ይቅር ይበላቸውና እንዳያስተውሉ አድርገው አዚም የረጩባቸውን አጋንንት ይጣልላቸውና እመቤታችንን ከጌታ በኋላ የወለደቻቸው ናቸው ይላሉ፡፡ በጥቅሱ ላይ ያለውን የአይሁድ ቃል ትክክል ነው ብለው ካመኑማ እንግዲያውስ ዮሴፍም የጌታ የሥጋ አባት ነዋ! ምክንያቱም በጥቅሱ ላይ አይሁድ ጌታን “ይህ የጸራቢ ልጅ አይደለምን? እናቱስ ማርያም ትባል የለምን? ወንድሞቹስ ያዕቆብ…. ” ብለዋልና፡፡ አይሁድ ጌታን የዮሴፍ ልጅ ያሉበት ምክንያት የዮሴፍ ልጅ እንደሆነ ያምኑ ስለነበረ ነው፡፡ ሊያምኑ የቻሉበት ምክንያትም ጌታ ጌታ ነኝ ብሎ በድንግልና ተጸንሶ በድንግልና መወለዱ በሕዝቡ ሁሉ ታውቆ ተጸንሶ እስኪወለድ ተወልዶም ሲያድግ እንደ አምላክነቱ ለአምላክነቱ በሚገባ እንክብካቤታ መስተንግዶ በተለየ ሁኔታ መኖርን ሳይሆን እንደማንኛውም ሰው ሕግ ሥርዓትና ሌሎች ሁኔታዎችን ሁሉ አክብሮ እስከ ጊዜው ድረስ ተመሳስሎ መኖርን ስለነበረ የፈለገው እግዚአብሔር ድንግልን በእጮኛ ስም ለዮሴፍ ሰጥቶ የዮሴፍ ልጅ እንደሆነ እንዲያስቡ አድርጎ ጌታ እንዲወለድና እንዲያድግ አደረገ፡፡ እንዲህ ባያደርግ ኖሮና ያለ እጮኛ እንደ ፀነሰች ቢያስቡ ኖሮ በኦሪቱ ሕግ ዘኁ. 5፣19 መሠረት በዝሙት ጸንሳለች ብለው ወግረን እንገላለን ይሉ ስለነበርና ለእጮኛ ሳትሰጥ በድንግልና ጸነስኩ ብትላቸው አይሁድ ስለማያምኑና እሷንም ለችግር ሊዳርጓት ስለሚችሉ ይህ ችግር እንዳይደርስባት ነበር እግዚአብሔር ዮሴፍና ወላዲተ አምላክ ብቻ በሚያውቁት ምስጢር በጥበብ ለአይሁድ ይምሰል በእጮኝነት ስም ለዮሴፍ እንድትታጭ የተደረገው፡፡ ወላዲተ አምላክ ለዮሴፍ የታጨችበት ምክንያት ይሄ ነው ደካሞች እንደሚያስቡት ለሌላ አይደለም፡፡ በዚህም መሠረት አይሁድ ጌታን የዮሴፍ ልጅ እንደሆነ አድርገው ሊያስቡ ቻሉ፡፡ “የጸራቢው ልጅ አይደለምን” ያሉትም በዚህ ምክንያት ነው፡፡ ታዲያ የተጠቀሱት ሰዎች ወንድሞቹና እኅቶቹ ካልሆኑ ለምን እንደዚያ ተባለ? ቢባል የዮሴፍ ልጆች ስለሆኑ ነው ዮሴፍ ከሟች ሚስቱ የወለዳቸው፡፡ ለዚህም ነው በዚያ ጥቅስ ላይ ወንድም ተብሎ የተጠቀሰው ይሁዳ መልእክቱን ሲጽፍ የኢየሱስ ክርስቶስ ባሪያ የያዕቆብም ወንድም የሆነ ይሁዳ… በሚል ቃል መልእክቱን መጻፍ የጀመረው ይሁ. 1፤1

ወደ ቀጣዩ የተኩላት ሐሰተኛ ክስ ስናልፍ፡-

ኹራፊው አምሳሉ ገብረ ኪዳን መች ከዚህ ኑፋቄያዊ ሕፀጹ ብቻ ተገትቶ፡፡ ከተዘፈቁ አይቀር እንዲህ ነው፤ ‹‹በአይሁዶች መርዘኛ ጥርስ የገባች ሀገር ኢትዮጵያ!›› በሚል ርእስ ተሸካሚነት ፀረ ሴማዊነቱንና ለዚህ ፀራዊ ስሜቱ የቤተክርስቲያኒቱን ትምህርት በማዛባት በገለጠበት በዚያ ማወየቢያ ጽሑፉ ውስጥ ሁለት ትምህርተ ሃይማኖታዊ ርእሰ ጉዳዮችን አዛብቶ ቅርቧል፡፡ የመጀመሪያው፤ ‹‹ የኢትዮጵያ ቤተክርስቲያን ‹ ለይሁዳ ወለዱ ወለዉሉደ ዉሉዱ ይደምሰስ › ትላለች፤›› ተብሎ፤ በማትለውና ግድፈት በተሞላበት ግእዝ የተገለጠው አሳበ ጥቅስ ነው፡፡ ተዛብቶ የቀረበውና ቤተክርስቲያን ብላው በማታውቀው (ግእዝ አይሉት አማርኛ) መንገድ የቀረበው አሳበጥቅስ፤ ቤተክርስቲያኒቱ በምትለው ትክክለኛ ግእዝ ሲቀመጥ፤ ‹‹ለይሁዳ ወልዱ ወለ ዉሉደ ወልዱ ይደምሰስ›› በሚል ነው፡፡ እንግዲህ ተመልከቱ በዕለተ ስቅለት ብቻ በቤተክርስቲያን የዋለ ሰው እንኳን የማይገድፈውን አሳበ ጥቅስ የገደፈው ኹራፊው አምሳሉ ገብረ ኪዳን ነው፡፡ ይኸው ሰው ነው፤ የአባጊዮርጊስን ‹‹ውዳሴ መስቀል›› ፣በ ‹‹አራቱኃያላን›› መጽሐፍ ውስጥ የተካተቱትን የአቡነ በጸሎተ ሚካኤል፣ የአቡነፊልጶስ፣ የአቡነ አኖሬዎስ እና የአቡነ አሮን ገድላትን ተርጉሞና ጥልቅ ጥናታዊ ማብራሪያ የሰጠውን ዲያቆን ዳንኤል ክብረትን፤ ያለአንዳች ተጨባጭ ማስረጃ፤ በግእዝ ጨዋነት ለመጠርጠር የዳዳው፡፡ ኹራፊው አምሳሉ ይህ ግድፈቱ ሳያንሰው በዚሁ በገደፈው ግእዙ የራሱን ፀረ ሴማዊ ፍላጎት በመቀንበብ፤ ቤተክርስቲያን ‹‹ለይሁዳ ወልዱ ወለዉሉደ ወልዱ ይደምሰስ›› በሚል የሚለውን አሳበ ጥቅስ በዕለተ ዓርብ የምትጠቀመው፤ ‹‹አይሁዶችን ለማውገዝነው›› ሲል የኢትዮጵያ ቤተ ክርስቲያንን በፀረ አይሁድነት ፈርጆ ሊያስፈርጃት ይጣጣራል፡፡

እውነታው ግን ወዲህ ነው፡፡ የአስቆሮቱ ይሁዳ ከአሥራ ሁለቱ ሐዋርያት አንዱ ነበር፡፡ ነገር ግን የተመረጠበትን ሐዋርያዊ ተግባር ትቶ ከሰቃልያነ እግዚእ ጋር ተባብሮ ጌታውንና መምህሩን አሳልፎ በመስጠቱ፤ በኋላም በጥፋቱ ተፀፅቶ እንደ ጴጥሮስ ንስሐን ሳይሆን በብልጠት ምሕረትን ስለ ፈለገና ራሱን ስለገደለ የእርግማን እርግማን ተፈጽሞበታል፡፡ ቤተክርስቲያናችን ይህን ለመዘከር፤ልዩ ልዩ መዝሙራትን በማስተዛዘል በሚጸለይበት ጊዜ ‹‹ለይሁዳ ወልዱ ወዉሉዱ ይደምሰስ›› የሚል የመርገም ቃል አዝማች እንዲ ነገር ታደርጋለች፡፡ ከዚህ ፀራዊ አስተሳሰብ ብቻ እንኳን ተነሥተን እንፈርጅ (ፍረጃ ተገቢ ባይሆንም) ብንል፤ በፀረ ሴማዊነት እኩይ መንፈስ አብዶ፣ የቤተክርስቲያኒቱን ትምህርት ለፀረ ሴማዊነት ወይም ለፀረ አይሁድነት ቅስቀሳ አዛብቶ በመጠቀም፤ ኩላዊት የሆነችውን ቅድስት ቤተክርስቲያንን በፀረ አይሁድነት ፈርጆ ሊያስፈርጅ እየዳከረ የሚገኘው ኹራፊው አምሳሉ ነው

በማለት ስለ እነሱ እጅግ ያፈርኩበትን በማይውቁት ጉዳይ ባለማወቃቸው ሳያፍሩና ሳይሳቀቁ ሌላኛውን ክሳቸውን ያቀረቡት፡፡ እኔ ጤነኝነታቸውም እራሱ በጣም ነው የሚያጠራጥረኝ ከላይ ቤተክርስቲያን በፍጹም አትልም አሉ ወረድ አሉና ደግሞ ትላለች የምትለውም እንደዚህ ነው አሉ፡፡ እኔ የሰጠሁትን ትርጉም ትክክል አይደለም ካሉ በኋላ ትክክለኛ ነው የሚሉትን ትርጉም ሊናገሩ አልቻሉም፡፡

የተኩላው ቡድን ለራሱ አጣርቶ ሳያውቅ ተመልሳቹህ ከጽሑፌ እንደምታረጋግጡት “ለይሁዳ ወልዱ ወለ ውሉደ ውሉዱ ይደምሰስ” ብየ የጠቀስኩትን ጥቅስ አወለጋግደው “ለይሁዳ ወለዱ ወለዉሉደ ዉሉዱ ይደምሰስ” ብሏል በማለት ትክክል እንዳልሆነ በመግለጽ ትክክለኛው ‹‹ለይሁዳ ወልዱ ወለ ዉሉደ ወልዱ ይደምሰስ›› የሚለውን ነው ብለዋል፡፡ ምነው የማያውቁትን ነገር ባይዘባርቁስ? ማን አስገደዳቸው? ወይ ደግሞ እንዲህ ከሚዋረዱ ሊቃውንቱን ቀርበው ቢጠይቁስ ምን አለ? እስከመቸ ድረስ ነው በድንቁርና ድፍረት ምን ይሉናል ሳይሉ በግምት የሚዘባርቁት? ደሞ ትክክል ነው ያሉትን እንደያዙ ቢቆዩስ ምን አለ? እንደገና ደግሞ ወደታች ‹‹ለይሁዳ ወልዱ ወዉሉዱ ይደምሰስ›› ይሉና ይቀይሩታል፡፡ ስሕተታቸው ምንድን ነው? ትክክለኛው ግእዝ ብለው መጀመሪያ የጠቀሱት “ለይሁዳ ወልዱ ወለ ዉሉደ ወልዱ ይደምሰስ” ከሚለው “ዉሉደ ወልዱ” የሚለው ነው፡፡ ስሕተቱም ውሉደ ሲጻፍ ልክ እኔ እንደጻፍኩት በካዕቡ (ው) ይጻፋል እንጅ በሳድሱ (ዉ) አይጻፍም ቀጥሎ ያለውም ቃል እኔ እንዳልኩት ሁሉ በብዙ ቁጥር ውሉዱ ይባላል እንጅ በነጠላ ቁጥር ወልዱ አይባልም ምክንያቱም ብዙ ሰዎች ብዙ ልጆችን ይወልዳሉ እንጅ አንድ ልጅ በብዙ ሰዎች አይወለድምና፡፡ ግስ ወይም ቁጥር እንዴት እንደሚረባ ካላወቁ ዝም ቢሉስ ምን አለ? እኔም የግእዝ ሊቅ ነኝ ማለቴ አይደለም ግን ቢያንስ ያውም እኔን “እንግዲህ ተመልከቱ በዕለተ ስቅለት ብቻ በቤተክርስቲያን የዋለ ሰው እንኳን የማይገድፈውን አሳበ ጥቅስ የገደፈው ኹራፊው አምሳሉ” በማለት እያንኳሰሱ በአላዋቂነት የከሰሱ ሆነው እያሉ እንዴት አይጠነቀቁም? ሊቃውንቱን ጠይቀው በቅጡ ቢረዱ ምናለ? ትክክለኛ ነው ብለው ከታች የጠቀሱት ላይ ደግሞ ወውሉዱ የሚለውን ገድፈው አስቀምጠውታል ደግሞ “…ዲያቆን ዳንኤል ክብረትን፤ ያለአንዳች ተጨባጭ ማስረጃ፤ በግእዝ ጨዋነት ለመጠርጠር የዳዳው” ይባልልኛላ! ማፈሪያ ሁላ፡፡

ቀጠሉና “ፀረ ሴማዊ፣ ቤተክርስቲያንን በፀረ ሴማዊነት ሊያስፈርጅ ይጣጣራል” አሉኝ ለመሆኑ ፀረ ሴማዊ ማለት ብን ማለት ነው? እኔ እራሴ ምን ነኝና? ፀረ አይሁድ (የእስራኤላዊያንን ዘር ማለት ሳይሆን የጨነገፈውን መሲሑን ያልተቀበለውን የአይሁድን እምነት የሚከተሉ ማለት ነው) እናም እንዲህ ማለታቹህ ከሆነ በዚህ በጨነገፈው አይሁድነትና በክርስትና መሀል ጠላትነት ከተጀመረ እኮ ቆየ! ሁለት ሽህ ዓመታት አለፉ፡፡ በዚህም ምክንያት ነው አይሁድ እስከዛሬ ድረስ ክርስቲያኖችን የሚያሳድዱት የሚጠሉት የሚንቁት፡፡ ቤተክርስቲያን “ለይሁዳ ወልዱ ወለ ውሉደ ውሉዱ ይደምሰስ” ብላ ስትል ቃሉን ከጊዜ በኋላ የፈጠረችው ሳይሆን ነቢዬ እግዚአብሔር ንጉሥ ዳዊት በትንቢት በመዝ. 108(109)ላይ ስለ ይሁዳና ሰቃልያነ እግዚእ ካስቀመጠባቸው የእርግማን ቃል ጥቂቱን በመውሰድ የሚነገር ቃል ነው፡፡ ተኩላት ሆይ! የእግዚአብሔር ቃል “የእፉኝት ልጆች” ማቴ. 3፣7 የሚላቸው እነማንን ይመስላቹሀል? ክርስቶስ “ለዘለዓለሙ ፍሬ አይገኝብሽ” ማቴ. 21፣18 ብሎ የረገማት በለስ እነ ማን ናቸው? ልበ አምላክ ዳዊት ስለ ክርስቶስ ስቅለት በተነበየበት መዝሙሩ 21፣12-30 “ውሾች፣ የክፋተኞች ጉባኤ” እያለ የገሰጻቸው እነማንን ነው? አይሁድ እንዲህ እንዲህ ዓይነት ቃላትን “በፀረ ፀረ ሴም” እንቅስቃሴ ሽፋን ከመጽሐፍ ቅዱስ ለማስጠፋት መንቀሳቀስ ከጀመሩ ቆይተዋል ይመስለኛል እነ ተኩላትም የዚህ እንቅስቃሴ ደጋፊዎች ናቸው፡፡ ከዝንባሌያቸው እንዳያቹሀቸው በእርግጠኝነት እንዲህ ዓይነቶችን ቃላት አጥፉ ቢባሉ የሚያንገራግሩ አይመስለኝም፡፡

ተኩላት ቀጠሉና … በሥርዓቱ መሠረት አንድ ካህን በትዳር ሕይወት እያለ ባለቤቱ ወይም ሚስቱ ሰርቃ ከሌላ ወንድ ብትደርስና ከሌላ ወንድ መድረሷን አወቀም አላወቀ ከሌላ ከደረሰች በኋላ እሱ ቢደርስባት ሥልጣነ ክህነቱ ይፈርሳል፡፡ ከዚያ በኋላ በዚያ ሥልጣነ ክህነት መጠራትና ማገልገል አይችልም፤ መቅደስ ውስጥም መግባት ፈጽሞ አይችልም፡፡ የሚለው ነው፡፡ በየትኛው ሥርዓት መሠረት እንደሆነና የሥርዓቱም ድንጋጌ በየትኛ አንቀጽና ቁጥር እንደሚገኝ ያልገለጸው ኹራፊው አምሳሉ ገብረ ኪዳን የራሱን ድንጋጌ ‹‹በሥርዓቱ መሠረት››

በሚል ሽፋን የዋሃንን ለማደናገር ቢሞክርም ለዛሬ አልተሳካለትም፡፡ በየትኛውም የሥርዓት መጽሐፋችን ውስጥ እንዲህ ዓይነት የቅጥፈት ድንጋጌ የለም፡፡

‹‹ሁለት ጊዜ ያገባ፤ ሁለት ሚስት ያለው፤ ከሴሰኛ ሴት የደረሰ፤ በአገልግሎት ምክንያት ሚስቱን የተለየና የፈታ፤ እመነኩሳለሁ፣ ተባሕትዎ እይዛለሁ ብሎ ሚስቱን ያሰናበተ ካህን ከሹመቱ ይሻራል፡፡›› ብለዋል፡፡ ዲያቆን ከሆነ  ደግሞ፤ ‹‹ሁለት ሴት ያገባ፣ ወይም በተሾመ ጊዜ ከሴት ርቄ ንጽሕና ጠብቄ እኖራለሁ ብሎ ተሥሎ ከተሾመ በኋላ  ሥዕለቱን አፍርሶ ሚስት  ያገባ ወይም ከዘማዊት ሴት የደረሰ፣ ተደብቆ ተክሊል ያደረሰ ወይም እመነኩሳለሁ ተባሕትዎ እይዛለሁ ብሎ ሚስቱን የፈታ ከዲቁናው ማዕረግ ይሻራል፡፡›› ሲሉ ያስረዳሉ፡፡ (ሥርዓተ ቤተ ክርስቲያን፤ 1993፣ 120–123)

ይህን የሊቁን ትንታኔና የፍትሕ መንፈሳዊ ድንጋጌ ይዘን የኹራፊውን የአምሳሉ ገብረ ኪዳንን ግለ ድንጋጌ ስንፈትሽ፤ እውነት አልባ መሆኑን ከመረዳት ባሻገር፤ አንድ ካህን ያለ ራሱ በደል ክህነቱን የሚያጣበት ምንም ዓይነት ቀኖናዊ መሠረት የሌለ መሆኑን እናረጋግጣለን፡፡ በሚስቱ ስርቆት ተፈጸመ ቢባልና ይህም በማስረጃ ተረጋገጠ ቢባል በቀኖና ቤተክርስቲያን መሠረት ሚስቱ በዝሙት ወድቃ ተገኝታለችና ጋብቻው ሊፈርስ ይችላል እንጂ ክህነቱ ሊፈርስ የሚችልበት ምንም ዓይነት ቀኖናዊ መሠረት የለውም

በማለት ሌላኛውን ጉዳቸውን ጎለጎሉት፡፡ መቸም ቀኖና ቤተክርስቲያን እንደዚህ ዘመን የተደፈረበት ዘመን የለም፡፡ እኔ ዓላማቸው ምን እንደሆነ አይገባኝም እንዲህ መሰል ቀኖና ቤተክርስቲያን ሲጠቀስ አይወዱም ሊሽሯቸውም ይፈልጋሉ መሰለኝ እንደሌለ አድርገው ያወራሉ፡፡ አሁን አሁን ዲያቆናት ነን የሚሉቱ የሚበዙቱ እኔ መጠበቅ ስለማይፈልጉ አውቀው ይሁን ምን አላውቅም ዲቁና ምን ግዴታ እንዳለበት፣ ከምን መጠበቅ እንዳለበት፣ ሥልጣኑን ምን እንደሚያሽረው ጨርሰው የማያውቁ ናቸው፡፡ እኔ ማን ክህነቱን እንደሚሰጣቸውም አላውቅም፡፡ ተኩላቱ አምሳሉ ፈጥሮ ነው ያሉትን ቀኖና ቤተክርስቲያን እንኳን ዲያቆን ነኝ የሚል ይቅርና ከምእመናን እንኳን የማያውቀው የሚኖር አይመስለኝም፡፡ ይህ ሥርዓት ከተደነገገበት የቀኖና መጻሕፍት አንዱ ፍትሐ ነገሥት ፍትሕ መንፈሳዊ አንዱ ነው ከአንቀጽ 6 እስከ 9 ድረስ ተዘርዝሯል፡፡ ሌላኛው ሲኖዶስ የሚባለው መጽሐፍ ነው መጽሐፈ ብርሃን የሚባል ሌላ መጽሐፍም አለ፡፡ በሌሎች የቀኖና መጻሕፍትም ክህነትን ስለሚያፈርሱ ጉዳዮች በተለያየ መንገድ ይጠቀሳሉ፡፡ ተኩላቱ ካልጠቀሷቸው ክህነትን ከሚያስፈርሱ ነገሮች ውስጥ ነፍስ ማጥፋት፣ ኑፋቄ፣ ሃይማኖትን መካድ፣ ጋብቻ ሳይፈጽሙ ምንም ትሁን ምን ሚስት ካልሆነች ሴት ጋር ተራክቦ መፈጸም፣ ካገቡ በኋላም ከሚስ ውጭ ዝሙት መፈጸም ናቸው፡፡ ተኩላቱ ያሉት ሁለተኛ ሚስት ማግባትማ ጨርሶ የሚታሰብ አይደለም፡፡ አንድ ምእመን ድንግልና ከሌለው ዲቁና ከዚያም ቅስና ሊካን አይችልም፡፡ በግብጽ ቤተክርስቲያን መጻኢ ወይም አዲስ አማኝ ከሆነ ድንግልና ባይኖረውም በአረማዊነቱ ወይም በኢአማኒነቱ ዘመን የሠራው ኃጢአት ተደምስሶለት እንደድንግል ተቆጥሮ ክህነትን ማግኘት ይችላል፡፡ በኢትዮጵያ ቤተክርስቲያን ግን ይህ አይቻልም፡፡

አሁን አሁን ዕያየን እንዳለነው ግን ይሄ ሁሉ ቀኖና ቤተክርስቲያን ድብልቅልቁ ወጥቶ “ድንግልና የለውም ለክህነት አይበቃም!፣ አፍርሷል ማገልገል አይችልም!” የሚባል ነገር ቀርቶ በቅድስናው ስፍራ ላይ የጥፋት እርኩሰት በገፍ የሚፈጸምበት ዘመን ሆኖ ቤተክርስቲያን የነ አፍኒንና ፊንሐስ መፈንጫ ሆናለች፡፡ አባቶችም እንደ ዔሊ ሁሉ ኧረ ዔሊ እንኳን የተቻለውን ያህል ተናግሯል እነዚህ ግን ዐይተው እንዳላዩ ሰምተው እንዳልሰሙ ጭጭ በማለት የእግዚአብሔርን ክብር የሚያስደፍሩ አፍኒንና ፊንሐሶችንም ለከፋ ፍርድ የሚዳርጉ ሆነዋል፡፡ ለዚህ የድፍረት ኃጢአታችንም በሚገባን የቅጣት ሰይፍ እየተበላን እንገኛለን፡፡

ተኩላቱየኹራፊውን የአምሳሉ ገብረ ኪዳንን ግለ ድንጋጌ ስንፈትሽ፤ እውነት አልባ መሆኑን ከመረዳት ባሻገር፤ አንድ ካህን ያለ ራሱ በደል ክህነቱን የሚያጣበት ምንም ዓይነት ቀኖናዊ መሠረት የሌለ መሆኑን እናረጋግጣለንበማለትም ለቅድስት ቤተክርስቲያን ቀኖናና ሥርዓት ምን ያህል ሩቅ መሆናቸውንና ላይ ላይዋን እንጅ ጠልቀው እንደማያውቋት አረጋገጡ “ከሱ ውጪ መሔዷን ሳያውቅ ከደረሰባት” ቢሉ እንኳን በመሰለላቸው ነበር፡፡ እነሱ ግን ጭራሽ ከሱ ውጪ እንደሔደች ዐውቆ የረከሰችውን ሚስቱን እየደረሰባትም ነው ያለ ራሱ በደል ክህነቱን የሚያጣበት ምንም ዓይነት ቀኖናዊ መሠረት የሌለ መሆኑን እናረጋግጣለን በማለት በቤተክርስቲያን እንደ ሲኖዶስ ያለ ሥልጣን እንዳለው አካል አሳሳችና ተኩላዊ የጥፋት ማረጋገጫ የሰጡት፡፡ ቀኖና ቤተክርስቲያንን ካላወቁ ዝም ቢሉስ ምን አለ? ጌታ በወንጌሉ ምንድን ነው ያለው፡- “ፈጣሪ በመጀመሪያ ወንድና ሴት አደረጋቸው አለም፡- ስለዚህ ሰው አባትና እናቱን ይተዋል ከሚስቱም ጋር ይተባበራል ሁለቱም አንድ ሥጋ ይሆናሉ” ማቴ. 19፣4-5 ብሎ ያለው ቃል ምን ማለት ነው የሚመስላቸው? “ከወንድሞች ወገን ያላመነች ሚስት ያለችው ቢኖር እርሷም ከእርሱ ጋር ልትቀመጥ ብትስማማ አይተዋት ያላመነ ባል ያላት ሚስትም ብትኖር ይህ ከእርሷ ጋር ሊቀመጥ ቢስማማ አትተወው፡፡ ያላመነ ባል በሚስቱ ተቀድሷልና ያላመነች ሚስትም በባሏ ተቀድሳለች አለዚያ ልጆቻቹህ ርኩሳን ናቸው አሁን ግን የተቀደሱ ናቸው” 1ቆሮ. 7፤12-16 እንግዲህ የባል ቅድስና ለሚስት ወይም የሚስት ለባል እንደሚደርስ ቅዱስ ጳውሎስ እንዳረጋገጠ ተመልከቱ፡፡ እንደ አንድ ሥጋነታቸው የባል ለሚስት የሚስት ለባል የሚደርሰው ቅድስና ብቻ ሳይሆን ኃጢአትም ጭምር ነው፡፡ ባል ባልሠራው ጽድቅ ሲቀደስ ይቻላል ብለን ወደን ተቀብለን ባልሠራው ኃጢአት ግን አይረክስም ልንል የምንችልበት ምንም ዓይነት አስተምህሮም ሆነ አመክንዮ የለም፡፡ ተኩላት ሆይ! “ስናውቅ በድፍረት ሳናውቅ በስሕተት የሠራነውን የማይሠራ ኃጢአት እግዚአብሔር ይፍታ” ማለት ምን ማለት ነው? እነ ለብ ለብ ሆይ! እባካቹህ ቤተክርስቲያንን ጠልቃቹህ ዕወቋት ተሳስታቹህ አታሳስቱ፡፡ ወይ ክህነታችን ስለፈረሰብንና በዚህ ምክንያት ዲያቆን እከሌ ቄስ እከሌ መባሉ እንዳይቀርብን ነው ብላቹህ በግልጽ ተናገሩ፡፡ ነገር ግን ይሄ ከሆነ ምክንያታቹህ እግዚአብሔር በዲያቆንነት ካላወቀ ሰው ቢል እግዚአብሔር በቄስነት ካላወቀ ሰው ቢል ምን ይጠቅማቹሀል? ይህ ድፍረታቹህ ከእግዚአብሔር በረከትን ሳይሆን መርገምን ካመጣባቹህ ሰው ዲያቆን ቄስ ቢል ምን ታተርፋላቹህ? ንስሐን ከቶውንም ሳታውቋትና ሳትጠቀሙባል ማለፋቹህ አይደለም ወይ?

እንቀጥል ኹራፊው አምሳሉ ገብረ ኪዳን አስቀድመን እንደገለጥነው ሃይማኖታዊ ድቀት ብቻ ሳይሆን ታሪካዊ ድቀትም አግኝቶታል፡፡ አሰላለፉም ከወያኔያዊ ማንነቱ እንደሚመነጭ ያረጋገጠልንን ነጥቦችን እንመልከት፡፡ የመጀመሪያው፤ ‹‹ተኩላው፤ ‹‹ስማችሁ የለም›› በሚል ርእስ ባሳተመው መጽሐፍ ላይ እጅግ በጣም በሚገርም ድፍረት የወያኔነቱን ተልእኮ ከውኗል፡፡ በዚያ መጽሐፍ ውስጥ ‹‹የሌለውን ፍለጋ›› በሚል ርእስ በጻፈው ጽሑፍ ላይ… በክብረ  ነገሥት ላይ ሰፊ ሽፋን ተሰጥቶ የሚተረከውን በዓለማውያኑ የታሪክ ጸሐፍት ዘንድ ‹‹ሰሎሞናዊ›› በቤተክርስቲያን ደግሞ ‹‹የዳዊት መንግሥት›› እየተባለ የሚጠራውን ሥርዎ መንግሥት በሀገራችን አልነበረም በማለት ክብረ  ነገሥትንና ይኼንን የክብረ ነገሥትን ታሪካዊ ትረካ የሚጠቅሱና የሚያረጋግጡ ከገድላት እስከ ድርሳናት፣ ከተአምራት እስከ ፍካሬያት፣ ከሊቃውንት እስከ ትርጓሜያት ያሉትን የቤተክርስቲያን መጻሕፍት ሐሰተኞች አድርጓቸዋል፡፡›› በሚል ያልተባለውን እንደተባሉ አድርጎ ያቀረበው ነጥብ ነው፡፡ በአንደኛ ደረጃ በዚህ በኹራፊው ጽሑፍ ውስጥ የሐቅ (Fact) ችግር አለ፡፡ ይኸውም ዲያቆን ዳንኤል ክብረት ‹‹የሌለውን ፍለጋ›› በሚል ርእስ፤ ኢትዮጵያዊ ዕሴቶችን በመናድ ለተጠመደው ተስፋዬ  ገብረ አብ ምላሽ በሰጠበት ጽሑፍ ውስጥ፤ ‹‹… ‹ሰሎሞናዊ› የሚባል የተለየ መንግሥት አልነበረም፡፡ ነገሥታቶቻችን ሁሉ ራሳቸውን ከኢየሩሳሌም ጋር ያያይዙ ነበር፡፡ ዐፄ ካሌብም ……አለ እንጂ ኹራፊው አምሳሉ ገብረ ኪዳን፤ ‹‹ሰሎሞናዊ ሥርዎ መንግሥት በሀገራችን አልነበረም›› ብሎ የገለጸው ዓይነት ዐረፍተ ነገር በዲያቆን ዳንኤል ጽሑፍ ውስጥ በጭራሽ የለም፡፡ (ስማችሁ የለም እና ሌሎች፤ 2006፣ 138) አሉ፡፡

ጤነኞች አይደሉም ልበል? ነው ወይስ ቆርጠው ማውጣት አስበው ረስተው ሳያወጡት ቀርተው ነው? ይሄው አልተባለም የሚሉትን ቃል እኮ አሁንም ደገሙት … ‹ሰሎሞናዊ› የሚባል የተለየ መንግሥት አልነበረም ይሄንን ካሉ በኋላ ደግሞ በጭራሽ የለም ሲሉ እዚሁ ላይ ትንሽም ሐፍረት ሳይሰማቸው ሸምጥጠው ካዱ፡፡ የነውረኛነታቸው ነውረኛነት በመጽሐፍ ታትሞ በሰዉ እጅ የገባን ነገር ለማስተባበል መሞከራቸው ነው፡፡ ተኩላው የለም ያለውን ሰሎሞናዊ ሥርዎ መንግሥት እንዳልነበረ ለማሳመን ብዙ ርቆ ሔዶ ይህ ታሪካዊ ተረክ በአቡነ ተክለሃይማኖት ገድል ላይ በሚገባ ያለ ሆኖ እያለ የለም ብሎ እስከመካድም ነው የደረሰው፡፡

ተኩላቱ ቀጠሉና በሁለተኛ ደረጃ፤ በዚህ በኹራፊው ጽሑፍ ውስጥ የእውቀት ችግር እናገኛለን፡፡ ይኸውም ‹‹በዓለማውያን የታሪክ ጸሐፍት ዘንድ ‹‹ሰሎሞናዊ›› በቤተክርስቲያን ደግሞ ‹‹የዳዊትመንግሥት›› በማለት ሁለት የተለያዩ ፅንሰ ሐሳቦችን አንድ በማድረግ አቅርቧል፡፡ በመጀመሪያ ቤተክርስቲያንም ‹‹ሰሎሞናዊ›› የሚለዉን ቃል እንደምትጠቀመው ሁሉ የታሪክ ጸሐፍቱም ‹‹የዳዊት መንግሥት›› የሚለውን ቃል ይጠቀማሉ፡፡ አንዱን ቃል ለአንዱ ብቻ መስጠት አይቻልም፡፡ ሲቀጥል ደግሞ የታሪክ ምሁራኑም ሆኑ የቤተክርስቲያን ሊቃውንት ‹‹የዳዊት መንግሥት›› የሚሉት ከዳዊት ዘር ሲወረስ ሲወራረስ የመጣውን ቅብዓ ንግሥና የፈጸምንና ስዩመ እግዚአብሔር ነን ብለው የዳዊትን ኮከብ የመንግሥታቸው መለያ ያደረጉ ነገሥታትን በሙሉ ሲሆን፤ ‹፣ሰሎሞናዊ›› የሚሉት ደግሞ በ1270 ዓ.ም. ተመለሰ የሚባለውን የይኩኖ አምላክን መንግሥት ነው፡፡ እንግዲህ እግዚአብሔር ያሳያችሁ የእነዚህን ሁለተ ፅንሰ ሐሳቦች ልዩነት ሳያውቅ ነው የጨነገፈ ብዕሩን ለትችት ያነሣው አሉ፡፡

እኔ እኮ የምለው ጤነኛ የሆኑ ሰዎች ሽዎች የሚያነቡትን ነገር ዝም ብለው በግምት ይቀባጥራሉ ብላቹህ ታስባላቹህ? ዳዊትና ሰሎሞን አባትና ልጅ መሆናቸውን አያውቁም እንዴ? እንዴት ሆኖ ነው “ሁለት የተለያዩ ፅንሰ ሐሳቦች” የሚሆኑት? “የዳዊት መንግሥት የሚባሉት እስከ… ያሉትን ነው ሰሎሞናዊ የሚባሉት በ1270 ተመለሰ የሚባለውን የይኩኖ አምላክን መንግሥት ነው” ይባላል እንዴ? “ተመለሰ” የሚለው ቃል ምንን ያመለክታል? ለ333 ዓመታት በመሀል ዛጉዌዎች ገብተው ተቋርጦ የነበረውን ሥርዎ መንግሥት መመለስ አይደለም ወይ የሚያመለክተው? የዳዊት መንግሥት የተባለውም ሰሎሞናዊ የተባለውም አንዱን ከቀዳማዊ ምኒልክ የሚጀምረውን ሥርዎ መንግሥት ከሆነ የዳዊት የሰሎሞን የሚባሉት የተለያዩ ናቸው የሚለውን ምን አመጣው? እንዴትስ ሊሆን ይችላል? በአቡነ ገድለ ተክለሃይማኖት ምእራፍ 27፣7 ላይ ለይኩኖ አምላክ “የአባቱን የዳዊትን መንግሥት” መልሸለታለሁ ማለቱ ምን ማለት ነው? አብያተ መንግሥታቱ አብያተ ክርስቲያናቱ ወይም ምልክቶቹን ይዘው ሊቆዩ የሚችሉ ቋሚ ቅርሶች በግራኝ አሕመድ ወረራ በመፈራረሳቸው በመጥፋታቸው ምክንያት የሩቆቹን ትተን የመሀከለኞቹን ማለትም የጎንደርንና የቅርቦቹን የነዐፄ ምኒልክን የነ ንግሥት ዘውዲቱን የነዐፄ ኃይለሥላሴን ስናይ የዳዊት ኮከብ መለያቸው አልነበረም ወይ? በጎንደር አብያተ መንግሥታት ዋነኛው የፋሲል ግንብን ጨምሮ በሁሉም ላይ ከበር ጀምሮ ከግንቡ የውስጥ ግድግዳ ግራና ቀኝ ከዙፋን ችሎት ፊትለፊት የዳዊት ኮከብ አለ አይደለም ወይ? እውነቱ ይሄ ሆኖ እያለ ተኩላው በቅዱስ ላሊበላ አብያተ መቅደሳት ያለውን የዳዊት ኮከብ ምልክት ብቻ በመጥቀስ ምልክቱን ዛጉዌዎቹ ናቸው ሲጠቀሙበት የነበሩት ማለት ለምን አስፈለገው? ማረጋገጫው የዳዊት ኮከብ ብቻ አይደለም “ሞዓ አንበሳ ዘእም ነገደ ይሁዳ” የሚለው ቃልም እንጅ፡፡ አየ እነ ተኩላትi ሥራ ስላስፈታቹህኝ ብቻ ነው የማዝነው!

የዛጉዌ ሥርዎ መንግሥት ሰሎሞናዊ መባል ካለበት መባል የሚኖርበት የዳዊት ኮከብን ምልክታቸው ስላደረጉና ኢየሩሳሌምን ተሳላሚ ስለነበሩ አይደለም ይሄ በጣም ደካማ የመከራከሪያ ነጥብ ነው እንደመከራከሪያ ነጥብ መቅረቡም በጣም አሳፋሪ ነው፡፡ ምክንያቱም ሰሎሞናዊ ወይም የዳዊት መንግሥት የሚለውን የሥርዎ መንግሥት ሥያሜ የሚያሰጠው አፍቃሪ ኢየሩሳሌም መሆን ሳይሆን የዘር ኃረግ ነውና፡፡ ንግሥተ ሳባ ቀዳማዊ ምኒልክን ከዳዊት ልጅ ጠቢቡ ሰሎሞን ስለወለደችና እግዚአብሔር ደግሞ ለዳዊት በትረ መንግሥትን ከዘሩ እንዳይወጣ ቃል ስለገባለት ከዚህ ዘር የወጣ ብቻ ነው የዳዊት መንግሥት ወይም ሰሎሞናዊ የሚባለው፡፡ የእኛ ሥርዎ መንግሥት ሰሎሞናዊ የሚባለው ለእኛ ለኢትዮጵያዊያን የዳዊት መንግሥት የመጣልን በሰሎሞን በኩል ስለሆነ ነው፡፡ እናም ዛጉዌዎቹ ሰሎሞናዊ መባል የሚኖርባቸው በአፍቃሬነታቸው አይደለም ነገር ግን አባታቸው ከንግሥተ ሳባ ገረድ ከሰሎሞን ስለተወለደ እንጅ፡፡ አባታቸው የገረዲቱ ልጅ ከመሆኑ በቀር እንደ የንግሥተ ሳባ ልጅ ቀዳማዊ ምኒልክ ሁሉ ከሰሎሞን የተወለደና የዳዊት ዘር በመሆኑ ሰሎሞናዊ መባል የሚገባቸው በዚህ ምክንያት ነው እሽ እነ ተኩላት?

ቀጠሉና በሦስተኛ ደረጃ በዚህ በኹራፊው ጽሑፍ ውስጥ አምታችነት እናያለን፡፡ ይኸውም ‹‹ክብረ ነገሥትን እና ይኼንን የክብረነገሥትን ታሪካዊ ትረካ የሚጠቅሱና የሚያረጋግጡ ከገድላት እስከድርሳናት፣ ከተአምራት እስከ ፍካሬያት፣ ከሊቃውንት እስከ ትርጓሜያት ያሉትን መጻሕፍት ሐሰተኞች አድርጓቸዋል፡፡›› በሚል አምታቻዊነት ሰብዕና የቀረበው ሐሰት ነው፡፡ …… ደግሞ ክብረነገሥትን የሚጠቅሱም ሆኑ የሚያረጋግጡ አንተ የጠቀስካቸውን ዓይነት መጻሕፍት እስከ አሁን አልደረስኩባቸውምና የታተሙበትን ዓመተ ምሕረትና ገጻቸውን እየጠቀስክ ብትነግረኝ ጥሩ ነበር፡፡ እኔ ባለኝ መረጃ ግን ክብረ ነገሥትን የሚጠቅሱ ገድላትም ሆኑ የድርሳን መጻሕፍት፣ የተአምርም ሆኑ የትርጓሜ መጻሕፍት የሉም፡፡ እናም የሌለባቸውን አለባቸው በማለት መጻሕፍቱን ሐሰተኞች ያደረጋቸው ኹራፊው አምሳሉ ገብረ ኪዳን እንጂ ዲያቆን ዳንኤል ክብረት አይደለም አሉ፡፡

አየ እነ ተኩላት! ቤተክርስቲያንን መቸ ታውቋትና! የሚገርመውም እኮ እሱው ነው በማታውቁት ነገር መዘባረቃቹህ መቀባጠራቹህ! እስኪ ከየዓይነታቸው መጻሕፍቱን አንድ አንድ ብቻ ልጠቁማቹህ ድርሳነ ጽዮንን አክሱምና ጣና ቂርቆስ የሚገኝ የታቦተ ጽዮንን አመጣጥ የሚተርክ የብራና መጽሐፍ፣ ገድለ ተክለሃይማኖትን፣ መጽሐፈ ምስጢርን፣ ፍካሬ ኢየሱስን፣ ተአምረ ማርያምን፣ ወንጌል አንድምታን አንብቡ ገጽና ቁጥር ያላቹህትን አልናገርም በዚህ ምክንያት መጻሕፍቱን ስታነቡ ምናልባት ቤተክርስቲያንን ጠልቃቹህ ያለመረዳታቹህ ችግራቹህ ሊቀረፍላቹህ ይችል ይሆናል የሚል ተስፋ በመያዝ፡፡

ተኩላት ቀጠሉና ዲያቆን ዳንኤል ‹‹የሌለውን ፍለጋ›› በሚለው ጽሑፉ በፍጹም ያላለውን ‹‹በገድለ ተክለ ሃይማኖት ውስጥ ስለ ሎሞናዊ ሥርዎ መንግሥትና ስለ ሲሦ ድርሻ የሚተርከውን ታሪክ የለም ብሎናል›› ሲል እንደ አለ አድርጎ አቅርቧል አሉ፡፡ “ ….አቡነ ተክለሃይማኖት ሲሦ መንግሥት አግኝተዋል የሚለው ትረካ መንግሥት ወደ ጎንደር ከተቀየረ በኋላ (17ኛው መ.ክ.ዘ) በተጻፈው በብዕለ ነገሥት ላይ የተገለጠ ነው፡፡ ብዕለ ነገሥት የነገሥታትን ሀብት ለማሳየት የተጻፈ ነው፡፡ በዚህ መጽሐፍ ነው ከይኩኖ አምላክ ጋር ቃል ኪዳን ገብተዋል ተብሎ የተጻፈው፡፡ የዚህ ምክንያቱ ደግሞ ግልጽ ነው መንግሥት ወደ ጎንደር ሲዛወር ደብረ ሊባኖስ ከማዕከላዊው መንግሥት ራቀ፡፡ አካባቢውም ክርስቲያን ባልሆኑ ሕዝቦች ተከበበ፡፡ የጎንደር ነገሥታት ገዳሙን እንዳይረሱትም በብዕለ ነገሥት የአባታቸውን ይኩኖ አምላክን ቃል ኪዳን እንዲያስታውሱ የሚያደርግ ነገር ተጻፈ፡፡ እናም ተስፋየም ሆነ ሌሎች እንደሚሉት አቡነተክለሃይማኖት ከቅድስና ሥራ በቀር የገቡበት ፖለቲካ የለም” እያልኩት የወሸከትኩት እኔ ነኝ እንዴ? “ሲባል እንደኖረው አቡነ ተክለ ሃይማኖት ሲሦ መንግሥት ቢቀበሉ ኖሮ…..” እያልኩ የቀባጠርኩትና ቤተክርስጢያን በአቡነ ተክለሃይማኖት አማካኝነት ሲሦ መንግሥት እንደተቀበለች የሚተርከው ገድለ አቡነ ተክለሃይማኖት ሐሰተኛ ተደርጎ እንዲቆጠር የጣርኩት እኔ ነኝ? “ይኩኖ አምልክና አቡነ ተክለሃይማኖት የተግባቡት ቃል ኪዳን እውነት ቢሆን ኖሮ አቡነ ተክለሃይማኖት ደብረ ሊባኖስን ሲያቀኑ ችግር ሊገጥማቸው አይገባም ነበር” የሚል የተኩላው መከራከሪያ የበሰለ መከራከሪያ ነው? በወቅቱ ሥልጣንን ከዛጉዌዎች የተረከበው የይኩኖ አምላክ መንግሥት ገና ካለመደላደሉ የተነሣ እንኳንና ለቤተክርስቲያን የገባውን ቃል ለመፈጸም ይቅርና ለራሱስ በቂ ገቢ ነበረው ወይ? ወደ ኋላ ግን ይህ ሰሎሞናዊ ሥርዎ መንግሥት ሲደላደል የተገባው ቃል ሲፈጸም ኖሯል፡፡ በዚህም ምክንያት ነው ተኩላው እንዳለው መንግሥት ወደ ጎንደር ከተዛወረ በኋላ ሳይሆን ሳይዛወር ገና ሸዋ እያለ ጀምሮ በታሪክ መጻሕፍት ሰፍሮ እንደሚገኘው (ለምሳሌም የተክለ ፃዲቅ መኩሪያ የግራኝ አሕመድ ወረራ፣ የኢትዮጵያ ታሪክ ከዐፄ ልብነ ድንግል እስከ ዐፄ ቴዎድሮስ) ሲሦው ድርሻ ግብር ደብረ ሊባኖስ ይገባ የነበረው፡፡

ተኩላቱ ቀጠሉና ደግሞ በመጀመሪያ ደረጃ እንደ ኹራፊው አምሳሉ አገላለጽ ከሆነ ‹‹አገው›› ማለት ፀረ አማራነት ነው፡፡ ኹራፊው አምሳሉ፤ አገዎች ‹‹ፀረ አማራዎች›› ስለሆኑና ዳንኤል ደግሞ አገው ስለ ሆነ ‹‹ፀረ አማራ›› ነው፤ አለን፡፡ ይህን ከራሱ ከአምሳሉ አመክንዮ አንጻር ስንገለብጠው አማራዎችም ፀረ አገው ናቸው ማለት ነው፡፡ ኹራፊው አምሳሉ ደግሞ ራሱን የአማራ ጠበቃ አድርጎ ስለ አቀረበ ፀረ አገው ነው ማለት ነው ሲሉ ሐሰተኛ ክስ አቀረቡ፡፡ ይሄንን አገው ፀረ አማራ ነው አማራ ፀረ አገው ነው ያለው በወያኔ እኩይ ፀረ ኢትዮጵያ የጎሳ ፖለቲካ የተቃኘው የተሞላው የናንተው እኩይ እርጉም ጭንቅላት እንጅ እኔ አልወጣኝም በጭራሽም ሊወጣኝ አይችልም፡፡ ይሄንኑ እኩይ ወያኔያዊ ዓላማቹህን ወደ ቤተክርስቲያን ይዛቹህ መግባታቹህን አጥብቄ ተቃወምኩ እንጅ፡፡ ሕዝቡም ይሄንን እኩይና ሰይጣናዊ አስተሳሰብና ዓላማቹህን እንዲቃወመው እንዲህ በማለት ጭምር ነበር ያሳሰብኩት የነበረው “ስለ እግዚአብሔር ብላቹህ ንቁ! ተከላከሉ፣ ጠብቁ፣ የጥፋት ሥራዎቻቸውን አጋልጡ፣ ከሁሉም በላይ የጎሳና የጥላቻ መርዘኛና አጥፊ አመለካከትና አስተሳሰባቸውን ተዋጉ ለሀገርም ለሕዝብም ለቤተክርስቲያንም ለማንም አይጠቅምምና፡፡ ይህንን ማድረግ ለሁሉም ኢትዮጵያዊ የዜግነት ግዴታው ነው፡፡ ለክርስቲያኑ ደግሞ ሃይማኖታዊ ግዴታው እንደሆነ ሊያውቅ ይገባል” በማለት እንዲያው ነገሩን ካመጣቹህት ዘንዳ ይሄን አልኩ እንጅ በአሁኑ ሰዓት ብሔረሰብ የሚለው ፈሊጥ ውሸት ነው፡፡ “ኢትዮጵያንና ሕዝቧን ከጥፋት የሚታደገው ብቸኛው መንገድ” የሚለውን ጽሑፌን አንብቡ፡፡

 

ተኩላቱ ኹረፋቸውን ሲቀጥሉ፡- ሌላው ኹራፊው አምሳሉ ዲያቆን ዳንኤል ክብረትን ‹‹ወያኔ ነው›› ለማለት እንደ ማስረጃ የጠቀሰው ‹‹ሰሎሞናዊ ሥርወ መንግሥትና ሲሦ መንግሥት የለም›› ብሏል፤ የሚለውን ነው፡፡ ይህን ከሦስት አቅጣጫ እንፈትሸው፡፡ የመጀመሪያው ከወያኔ የታሪክ ትንተና አቋም አንፃር ነው፡፡ ወያኔ ዲያቆን ዳንኤል ክብረት እንደሚለው፤ ‹‹ሰሎሞናዊ የሚባል የተለየ መንግሥት አልነበረንም፡፡ ሲሦ መንግሥት ለቤተክርስቲያን በአቡነ ተክለሃይማኖት በኩል አልተሰጠም፤›› አይልም፡፡ ወያኔ ‹‹አዲስ ራእይ›› በተባለው ንድፈ አሳባዊ መጽሔቱም ሆነ ለኢንዶክትሪኔሽን በአዘጋጀው መጻሕፍቱ፤ ‹‹በሰሎሞናዊው እና በዛግዌ ሥርወ መንግሥታት መካከል በነበረው ሽኩቻ አቡነ ተክለሃይማኖት ለይኩኖ አምላክ አድልተውና ይኩኖ አምላክም የሸዋ ሰው ስለ ሆነ ለዘራቸው አድልተው መንግሥትን ከዛዌ ሥርወመንግሥት ወደ ሰሎሞናዊ ሥርወ መንግሥት እንዲሸጋገር አድርገዋል፡፡ አቡነ ተክለሃይማኖት ለሰሎሞናዊ ሥርወመንግሥት በዋሉት ውለታ ለቤተክርስቲያን ሲሦ መንግሥት ተሰጠ፡፡›› ነው የሚለው አሉ፡፡ እየ እነ ተኩላትi እኔ የማውቀው ወያኔ ሀገራችንን የመቶ ዓመት ታሪክ ነው ያላት ኢትዮጵያ የተፈጠረችው ከሁለተኛው ዓለም ጦርነት በኋላ ነው ማለቱን ነው፡፡ እሱን እሱን እናንተው ካድሬዎቹ ንገሩን እሽ እነ ተኩላትi ወያኔ እንዲህም ብሎ ነበራ በካድሬነት ሥለጠናቹህ ላይ በጠቀሳቹሀቸው መጻሕፍት ያሠለጠናቹህ?

ተኩላቱ ይቀጥሉና ሦስተኛው ከ‹‹ሐመር›› መጽሔት ምልከታ አንፃርነው፡፡ ዲያቆን ዳንኤል ክብረት፤‹‹ጻድቁ አቡነ ተክለሃይማኖት ለዘራቸው አድልተው መንግሥት ከዛግዌ ሥርወ መንግሥት ወደ ሰሎሞናዊ ሥርወ መንግሥት እንዲሸጋገር አድርገዋል፡፡ በውለታም ለቤተክርስቲያን ሲሦ መሬት ተሰጥቷቸዋል፤›› የሚለውን ትረካ አጽንዖት ሰጥቶ ‹‹የለም›› ያለውን፤ ‹‹ሐመር›› መጽሔት ከዘጠኝ ዓመታት በፊት ‹‹አፈ ታሪክ›› ብሎታል፡፡ ስለዚህ በኹራፊው በአምሳሉ ገብረኪዳን የፍረጃ ስሌት መሠረት ‹‹ሐመር›› መጽሔት እንዲህ በማለቷ ከዛሬ ዘጠኝ ዓመት በፊት የወያኔ ልሳን ነበረች ልንል ነው? የፖለቲካ ድንቁርና ይሉታል ይኼ ነው አሉ፡፡ አየ እነ ተኩላትi ከላይ ፈጽሞ አላለም እያላቹህ ልባችንን ስታወልቁት ቆይታቹህ አሁን ደግሞ እንደገና ጭራሽ “አጽንዖት ሰጥቶ ‹‹የለም›› ያለውን” በማለት አረጋገጣቹህልን? አሁን እናንተ ጤነኞች ናቹህ? ቆይ ለመሆኑ ሐመር መጽሔት ያንን ጽሑፍ ያስተናገደችው በርእሰ አንቀጽ ላይ ነው ወይስ የተለያዩ ሐሳቦች በሚስተናገዱበት ሌሎች ዓምዶች ላይ? በርእሰ አንቀጽ ላይ እንደዛ ተብሎ ከሆነ እንዳላቹህትም ሐመር የወያኔ ልሳን ሆናለች ማለት ይቻላል፡፡ እስከማውቀው ድረስ ግን ሐመር መጽሔት በርእሰ አንቀጽ እንዲህ ዓይነት የደነቆረና ፀረ የኢትዮጵያ ታሪክ ጽሑፍ አላስተናገደችም፡፡

 

ተኩላቱ ቀጥለዋል እንግዲህ ‹‹መንበር ይሰደዳል›› ብሎ ፖለቲካዊ አቋም ከያዘው ኹራፊው አምሳሉ ገብረ ኪዳን ተለይቶ፤ ‹‹መንበር አይሰደድም›› ብሎ ሃይማኖታዊ አቋም የያዘውን ዲያቆን ዳንኤል ክብረት የወያኔ ተልእኮ አስፈጻሚ የሚያሰኘው ከሆነ፤ኹራፊው ራሱ እንዳለው በየጊዜው የወያኔ ጅራፍ የሚያርፍበት ማኅበረ ቅዱሳን፤ ‹‹መንበር አይሰደድም›› የሚል ሃይማኖታዊ አቋም አለውና የወያኔ ተልእኮ አስፈጻሚ ነውን? ከተጠረጠሩ በአማራ ብሔርተኛነት እና በፀረ ወያኔነት ይጠረጠሩ ካልሆነ በስተቀር በወያኔ ተልእኮ አስፈጻሚነት በፍጹም የማይጠረጠሩት ፕሮፌሰር ጌታቸው ኃይሌ፤ ‹‹መንበር አይሰደድም፤ ሕገ ወጥ ሲኖዶስ ማቋቋም ግን ሕዝብ ስለ ሚከፋፍል መንበሩን ከመልቀቅ የከፋ ሌላ ጥፋት መጨመር ነው፡፡›› የሚለውን ሃይማኖታዊ አቋም በፖለቲካ ተዋስዖ /Discourse/ ተንትነው ያቀረቡት የወያኔ ተልእኮ አስፈጻሚ ስለሆኑ ይሆን? ከኹራፊዉ አምሳሉ ገብረ ኪዳን ውጪ ሌላ ሰው አዎን የሚል ያለ አይመስለኝም አሉ ተኩላቱ፡፡ እኔም አዎ አልልም አሁን በናንተ ቤት ከማኅበረ ቅዱሳን ጋር ልታጣሉኝ አሲራቹህ ሞታቹሀል፡፡ ማኅበረ ቅዱሳን ለምን እንዲህ የሚል አቋም እንደያዘ ራሱን ጠይቁት፡፡ በግሌ ለማኅበሩ ባለኝ ቀና አመለካከትና ስስት የማይመስሉኝን ትክክል አይደለም የምላቸውን አንዳንድ ነገሮችን ሲፈጽም ቀርቤ ለአመራሮቹ ወይም በምጽፋቸው ጽሑፎች የሚመስለኝት ትክክል ነው የምለውን ስናገር ቆይቻለሁ፡፡ ለምሳሌ “የፓትርያርክ ምርጫ” ተብሎ በምርጫ ሽፋን አባ ማትያስን ለመሾም ሽር ጉድ በሚደረግበት ወቅት ማኅበሩ በሒደቱ በመካፈሉ ወይም በመሳተፉ የሠራውን ስሕተት ሰምተውኝ ባይታረሙም ገና ከጅምሩ ለዋናው አመራር ለማስረዳት ሞክሬያለሁ ተከራክረንበታልም፡፡ ውጤቱም አስቀድሜ የተነበይኩት ነው የሆነው፡፡ ማኅበሩ አማራጭ ከማጣትና ህልውናውን ለማስቀጠል አውቆ የሚሳሳታቸው ነገሮች እንዳሉ መረዳት የሚቻል ይመስለኛል፡፡ እንደ ርግብ የዋህ እንደ እባብ ብልህ መሆን ቢያስፈልግም እነዚህ የሚሠሩ ስሕተቶች እየበዙ ሲሔዱ ሳያውቁት ማንነቱን እንዳይለውጡት ሥጋቴ ነው፡፡ ሰጥቶ መቀበል የሚለው መርሕ የሚሠራው በፖለቲካው መስክ ነው እንጅ በሃይማኖት ጉዳይ አይደለም በመስጠቱ ሒደት መርከስ ሕግን ቀኖናን ሥርዓትን መሻር አለና፡፡ ፕሮፌሰር ጌታቸው ኃይሌን በተመለከተ እንደዛ በማለታቸው ትክክል እንዳልሆኑ ብገነዘብም ከምን አውድ አንጻር እንዲያ እንዳሉ ግልጽ ነውና ምንም ማለት አያስፈልገኝም፡፡

ተኩላቱ ሌላም የጠቀሷቸው ታሪክ ጸሐፊ አሉ፤ የታሪክ መምህር ተብሎ አንድ ሌላ የተጠቀሰውን ግን እነሱ ቢጤአቸው እንዳይቀርባቸው ፈልገው ነው እንጅ ከቁጥር የሚገባ አይደለምና ተውት፡፡ ለማንኛውም እኔ በታሪክ አጥኝዎች ዙሪያ ያለኝን ሐሳብ እዛው ላይ ገልጫለሁ፡፡ የገረመኝ ነገር ቢኖር ተኩላቱ ከቤተክርስቲያን ቅዱሳት መጻሕፍት ይልቅ እውነቱን ለማወቅ አቅም የወሰናቸውንና የመሰላቸውን የጻፉትን ግለሰቦች ጽሑፍ እንዲሁም ምን እንደሚሉ የማያውቁትን ጫት አመንዣኪ በጫት ምርቃና የቀባጠረውን ቅዠት ከደቂቃ በኋላ ሲጠየቅ እንደዚህ ብያለሁ እንዴ? ብሎ የተናገረውን የማይደግመውን ቀባዣሪ የቅዠት ዲስኩር፣ የነጭ ቅጥረኛውን እንቶ ፈንቶ አመኑ፡፡ እንዲህ ዓይነቱን እንቶ ፈንቶ እየለቃቀሙ እውነቱ ይሄ እንጅ የቅድስት ቤተክርስቲያን መረጃዎች አይደሉም ይላሉ፡፡ ታዲያ እኔን ተኩላ ብየ እንድጠራቹህ ምን አስገደደኝና ይሄው ተኩላዊ ግብራቹህ አይደለምን? የኢትዮጵያን ታሪክ አጥኚ ነን ብለው የመሰላቸውን እንቶ ፈንቶ የሚያወሩ ሰዎች የኢትዮጵያ ታሪክ እንዴት እንደሚጠና እንኳን ጨርሶ የሚያውቁ አይደሉም፡፡ ታሪካችን ከሚያጠኑ የተሻለ ሥራ የሠሩ ሰዎች የሉም እያልኩ አይደለም፡፡ እነኝህም ቢሆኑ ግን ገናናውን ታላቁን በኩሩን የሀገራችንን ታሪክ አዳፍኖ ለማስቀረት በሐሰተኛና መርዘኛ ወሬ ለመበረዝ በዘረኛና እኩያን ነጮች ሲደረግ የኖረውን እየተደረገም ያለውንና ወደፊትም የሚቀጥለውን ሸር ሴራና ተንኮል እየተከታተሉ የማክሸፍ የማጋለጥ የመከላከል የመመከት እውነቱን የማጥራት እልህ ጥንካሬ ጽናትና ትጋት ያላቸው አይደሉም፡፡ ከታሪክ አጥኝዎቻችን ብዙዎቹ በነጮቹ ሴራ ተጠልፈው ቅጥረኛ በመሆን በዚያው በነጮቹ ላይ የራሳቸውን የሚጨምሩ ናቸው፡፡ አንዳንድ የተናገሯቸውን ነገሮች እየጠቀስኩ ከምን ዓላማና ተነሳሽነት እንዲያ ሊሉ እንደቻሉ ብናገር ምንኛ ደስ ባለኝ ነበር፡፡

የኢትዮጵያ ታሪክ እንደሌሎች ሀገራት ታሪክ አይደለም፡፡ የተወሳሰበ የተሰወረ በርካታ ነገሮች አሉት፡፡ የሚጠናበት የራሱ የሆነ የተለየ መንገድ አለው፡፡ የረቀቀ አእምሮንና ቅድስናን ይጠይቃል፡፡ የሀገራችንን ታሪክ መቶ በመቶ ትክክለኛውን መሬት ላይ የነበረውን የሚያውቁት በየበረሀው በየዋሻው በየፍርኩታው በየገዳሙ መንነው ከተጋድሏቸው የተነሣ የቅድስና ደረጃ የደረሱት ቅዱሳን እናት አባቶቻችን ብቻ ናቸው፡፡ የኢትዮጵያን ታሪክ አጥኝ ነን ከሚሉ ግለሰቦች እስከ አሁን ሀገራችን ታሪኳን ለማጥናት የምትጠይቀውን አቅምና ብቃት አሟልቶ አይደለም በጥቂቱ እንኳን የያዘ የለም፡፡ ቅዱሳኑ መቶ በመቶ ትክክለኛውን ታሪካችንን ይወቁት እንጅ ይሄንን የሚያውቁትን ይናገራሉ ማለቴ አይደለም፡፡ መናገር የማይፈልጉበት ምክንያት ታሪካችን ከሌሎቹ በተለየ መልኩ አሳፋሪ ስለሆነ አይደለም፡፡ በእርግጥ ሀገራችን የዚህች ኢፍትሐዊና የግፍ አውድማ ምድር አካል እንደመሆኗ እንደ ማንኛውም ሀገር ሁሉ አንዳንድ ደስ የማያሰኝ ታሪክ ሊኖረን ይችላል፡፡ ይሁንና ቅዱሳኑ የሚያውቁትን ትክክለኛውን ታሪካችንን በሚፈለገው መጠን መናገር የማይፈልጉባቸው ምክንያት እሱ አይደለም፡፡ ሌሎች ምክንያቶች አንድ ሁለት ሦስት የሚሆኑ አሉ፡፡

ለማንኛውም የኢትዮጵያ ታሪክ እንደሌሎቹ ሀገራት ማንም ጫት አመንዣኪውም፣ የመጠጥ ሱሰኛውም፣ ጎጠኛውም፣ ቅጥረኛውም፣ ባንዳውም፣ ምኑም ሊያጠናው አጥንቶም ሊደርስበት የሚችለው ታሪክ አለመሆኑን አበክሬ ማስገንዘብ እወዳለሁ፡፡ ተኩላቱም ሆኑ ሌላው ሰው ይሄንን እውነት መረዳት ይኖርበታል፡፡ ወደ ቀረው የተኩላቱ ኹረፋ እንለፍ፡-

አሁንም ተኩላቱ እኔን ለማሳጣት በማሴር ቀጠሉና ምን አሉ በኢስላም አስተምህሮ አለማመን እና የእነርሱን ነቢያት አለመቀበል አንድ ነገር ሆኖ መሪያቸውን ክብረ ነክ በሆነ አጠራር መጥራትን ትክክል የሚያደርግ የክርስትና አስተምህሮ የለም አሉ፡፡ አየ እነ ተኩላትi ለመሆኑ ጌታ በወንጌል “ብዙ ሐሰተኞች ነቢያት ይነሣሉ ብዙዎችንም ያስታሉ” ማቴ. 24፤11 የሚላቸው እነ ማንን ነው? ምን ማለትስ ነው? ይሄ ቃል የኔ ይመስላቹሀል እንዴ? ወይ ፖለቲከኝነታቹህን ማለትም ወያኔነታቹህን ምረጡ ወይ እውነትን ማለትም ክርስቶስን ምረጡ ሁለቱንም ይዞ መቀጠል አይቻልም እሺ? ለነገሩ ስታስመስሉ እንጅ እናንተ እንኳን ያዋጣናል ያላቹህትን ውየናቹህን ይዛቹሀል፡፡

እነዚህ ነውረኞች ይግረምህ አሉና ስርዋጽ ማለት ተፈልጎ ሱሯጽ አሉና ምን አሉ፡- ከዚሁ ጋራ በተጨባጭ የማውቀውን እንደሱሯጽ (as side issue) ልንገራችው፡፡ ኹራፊው አምሳሉ በተለይ ከአቶ ኤርሚያስም ለተስፋዬ የተሰጠው ምላሽ ያንገበገበው ስለ ሁለት ነገር ነው፡፡ አንደኛው በ1990ዎቹ ውስጥ የካድሬነት መልማይ የጡት አባት በመሆን ትንሽ የወያኔን ፍርፋሪ እንዲያገኘ ያደረገው ተስፋዬ ነበር፡፡ ሁለተኛው ሥራ በፈታባቸው ዓመታት ውስጥ እንጀራ የሆኑት የተስፋዬ

የጥፋት መጻሕፍት ነበሩ፤ አሁን ደግሞ የአቶ ኤርሚያስ መጽሐፍ፡፡ እኛም በመጽሐፍ ቅርጽ እያዘጋጀ የሚሸጣቸውን ፎቶ ኮፒ ‹መጽሐፍ› ገዝተን ያነበብነው እርሱ ከአሰማራቸው መጻሕፍት አዟሪዎች ነበር፡፡ ከእነዚህ በቀጥጣ ከማውቃቸው መረጃዎች ተነሰቼ ስደመደም

ዲያቆን ዳንኤል ክብረት አስቀድሞ ለተስፋዬ÷ በኃላ ለአቶ ኤርሚያስ በሰጠው ጹሑፍ መደምደሚያ  ላይ‹‹ ሌላውንም ነገር የሚነግሩን እንዲህ ሐሰት ይዘው ነው ማለት ነው›› ማለቱ አስቆጥቱታል ማለት ነው፡፡ ዲያቆን ዳንኤል እንዲህ መደምደሙ መጻሕፍቱ በሰፊው ተሰራጭተው፣ ሰዉ አንብቧቸው፣ የሥርዐቱን ፀረ ዲሞክራሲያዊነት እንዳይረዱና የተአማኔነት ችግር እንዲገጥማቸው ሊያደርግ ይችላል ከሚል በጎ መንፈስ ሳይሆን÷ የመጻሕፍቱን መረጃ ተአማኔነት ዋጋ በማሳጣት ገዥ ሊያሳጣኝ ይችላል ከሚል ጥቅመኝነት የመነጨ ቁጣ ይመስለኛል እኔ እኮ የሚገርመኝ ከላይ በፀረ ወያኔ ፖለቲከኝነት ሲከሱኝ ቆይተው አሁን ደግሞ እንደገና ሰላይ ያደርጉኛል፡፡ የጻፉት ሁሉ ምንም እንኳን ልብ ወለድ ድርሰት ቢሆንም ድርሰትም እኮ ወጥነት ሊኖረው ይገባ ነበር፡፡ እንዲህ ውጥንቅጡ የወጣ ምን ሊል እንደፈለገ በውል ያልተረዳ ጽሑፍ እንዴት ይጻፋል? ይሄን ያህል ናቸው እንግዲህ፡፡ ቆይ ግን የምራቸውን ነው? ያሉት ነገር በእርግጥ ስለ እኔ ነው የሚያወራው? ነው ወይስ እኔ የማላውቀው በእኔ ስም የሚነግድ ሌላ አምሳሉ አለ? ተስፋዬ በ1990ዎቹ በካድሬነት የመለመለኝ እኔን አምሳሉን ነው? ከዚያም ሥራ ፈትቸ እያለሁ የሱን መጻሕፍት አሁን ደግሞ የኤርሚያስን መጻሕፍት በቅጅ እያባዛሁ ስሸጥ የነበርኩትና እየሸጥኩ ያለሁት የመጽሐፍ ነጋዴ እኔ አምሳሉ ነኝ? እንዴ! እኔ የማላውቀው ሌላ እኔ ያለ እስኪመስለኝ ድረስ እኮ ተጠራጠርኩ! ሰው ሲዋሽ ቢውል በዚህ ደረጃ ፍጥር ተደርጎ ይዋሻል? የሚያውቁኝ ሰዎች ይህ ነጭ ውሸት ፈጠራ ምን ያህል ይገርማቸው! ይሄንን የተኩላት ቡድንስ ምን ያህል ይታዘቡት ይሆን! የኔ ማንነት ከልጅነት እስከ ዕውቀት ቀጥ ባለ መስመር ያለና ማንም በቀላሉ ሊያየው ሊረዳው ሊያረጋግጠው የሚችለው ሆኖ ሳለ እንዲህ ብለው መዋሸታቸው ማንን ያሳስትልናል ብለው ነው እንዲህ ዓይነት ነውረኝነታቸውን ቁልጭ አድርጎ የሚያሳይ ሐሰት የሚያወሩት? አንባቢውንስ ምን ያህል ቢንቁት ነው ነገ አጣርቶ የሚደርስበትን ነገር ፈጥረው ሊያወሩ የቻሉት? ይሄንን በሐሰትና ማወናበድ የተሞላ ጽሑፍ ጽፈው መልካም ስም ያላቸውን ድረ ገጾችን ለጥፉልን ብለው ሲያስለጥፉስ እንዴት ለድረ ገጾቹ ስምና ክብር አያስቡም? አሁን እነዚህ ናቸው የተማሩ? አሁን እነዚህ ናቸው የእግዚአብሔር አገልጋዮች? እነዚህ አይደለም የእግዚአብሔር አገልጋዮጭ ሊሆኑ ይቅርና እንዲያው በእግዚአብሔርስ ያምናሉ ብላቹህ ታስባላቹህ? ሥራቸው የሚያሳየው ማመናቸውን ነው? በእግዚአብሔር ቢያምኑ እሱን መፍራቱ ይቅርና ትንሽም እንኳን ሳያፍሩት ለርካሽ የውንብድና ጥቅማቸው ሲሉ በዚህ ደረጃ በአደባባይ እራሳቸውን ለትስብት ይዳርጉ ነበር? ለምንስ ይሄንን ፈጥረው ማውራት አስፈለጋቸው? እነዚህ ሰዎች “አሸባሪ ጽሑፎችን (መጻሕፍትን) እያባዛ በማሰራጨት” ብለው ወንጅለው ወኅኒ ሊወረውሩኝ አስበው ለዚያ ሲያመቻቹኝ ይሆን? በጣም የሚገርሙ ጉዶች ናቸው፡፡

ተኩላቱ ቀጥለዋል እንዲህም አሉ፡- ኹራፊው አምሳሉ በሀገሬ፣ በቤተክርስቲያንና በውድ ሕዝቧ ሸፍጥ ሲፈጸም አልችልም፤ በፈንጅ ነው የምፈጀው›› እያለና እየቀባጠረ በፀረ ወያኔ ቆብ ከወያኔ ባልተናነሰ በወያኔያዊ መንገድ በሀራችን ሕዝብ አብሮነት ላይ ሸፍጥ እየፈጸመ የሚገኘው ተስፋዬ ገብረ አብን አይደለም በፈንጅ÷በብዕር ምንም አላለውም ተስፋዬ ገብረአብ ስለ አኖሌ የጻፈው የፈጠራና ሰይጣናዊ ዓላማ ያለው እንደሆነ ማንም ያውቃል ስለ ወያኔ የጻፈው ግን እንዲያውም የሚገባውን ያህል እንዳልጻፈ መረዳት ይቻላል አሉ፡፡ ስለ ተስፋዬ እኩይነት እኮ እዛው ላይ እንዲህ በማለት ጽፌያለሁ “ተስፋዬ ገብረ አብ ስለ አኖሌ የጻፈው የፈጠራና ሰይጣናዊ ዓላማ ያለው እንደሆነ ማንም ያውቃል ስለ ወያኔ የጻፈው ግን እንዲያውም የሚገባውን ያህል እንዳልጻፈ መረዳት ይቻላል” በማለት፡፡ በዝርዝር ከሆነ የተፈለገው ስለዚህ ተስፋዬ ስለሚባለው ሸአቢያ በምጽፍበት ጊዜ ይጠብቁ፡፡ አሁን የጻፍኩት ግን ስለ እሱ አይደለምና በዝርዝር መጻፍ አይጠበቅብኝም፡፡

ተኩላቱ የዳንኤል ሚስት ወ/ሮ ጽላት ትግሬ አይደለችም ከአማራ ቤተሰቦቿ የተወለደች አማራ ናት፡፡ ስሟ ጽላት ስለሆነ ነው ትግሬ ናት ያለ…. ዳንኤልም አገው አይደለም አማራ ነው፡፡ አምሳሉ ትግሬ የሆነ ሁሉ ወያኔ ነው የሚል እምነት ስላለው ነው…. አሉ፡፡ ተኩላት ሆይ! ጽላት የሚለው ቃል ትግርኛ ነው ያለው ማን ነው? የመታወቂያዋን ኮፒ ላውጣው እንዴ? አዎ ትግሬ የሆነ ሁሉ መቶ በመቶ ወያኔ ነው ማለት ባይቻልም በእኔ ግምት 99 በመቶ የሚሆኑት ትግሬዎች ግን ወያኔ እንደሆኑ አምናለሁ፡፡ እኔ ወያኔ ስል ሕወሀትን ብቻ ማለቴ አይደለም ለዝርዝሩ “የትግራይ ሕዝብ ወያኔን ፈጠረ ወይስ ወያኔ የትግራይን ሕዝብ?” የሚለውን ጽሑፍ አንብቡ፡፡ ዳንኤልም አማራ ነው አሉ፡፡ አዎ ለሽፋን የሚጠቀመው አማራነትን እንደሆነ እኮ እዛው ላይ ገልጫለሁ፡፡

ባጠቃላይ በዚህ “እንቶ ፈንቶ” መባል እርባና ቢስነቱን በማይገልጸው ጽሑፋቸው ይሄንን የተኩላት ቡድን እጅግ በጣም ነው የታዘብኩት ከጻፉት ነገር ሁሉ አንድ እውነት የተናገሩት ነገር ቢኖር እኔ የ 12ኛ ክፍል ትምህርት አጠናቅቄ ከዚያ መቀጠል ያልቻልኩ የቀለም ሽፍታ ስለመሆኔ ያሉት ነገር ብቻ ነው፡፡ እሱንም ቢሆን ቆይ! ግድ የለም! ሥልጣን ኖሮኝ በሙስና ብር የማግኘት ዕድል አግኝቸ እኔም እንደነሱ ሁሉ በቀላሉ መግዛት ባልችልም ብር ከየትም ከየትም ብየ አምጥቸ እንደእነሱው ሁሉ ወደ አንዱ ሱቅ ጎራ ብየ ዶክትሬቴን ከቻልኩ ፕሮፌሰርነቴን ገዝቸ ከእነሱው ጋር እኩል ዶክተር ፕሮፌሰር ተብየ ባልጠራ እኔ አምሳሉ አይደለሁምi

ኢትዮጵያ ለዘለዓለም ትኑር!!!

ሠዓሊ አምሳሉ ገ/ኪዳን: