የዘንድሮ ምርጫ በስኬት ተጠናቀቀ

ቹቸቤ

ምርጫን አስመልክቶ አንድ ነጠላ ግጥም ከየመጨረሻው ጋር በትነን ነበር። ‘አማራጭ የሌለው ምርጫ’http://ecadforum.com/ethiopianvideo/2015/04/09/election-in-ethiopia-mercha-by-yemechereshaw/ስንልም የጠላት ድግስ ማድመቁ ለቅሶ ማራዘም ይሆናልና ቢቀርስ ምን አባቱ ማለታችን ነበር። ባይሆን በዚህ ሁኔታ ምርጫ አለ ብለን ስለማናምን ራሳችንን አግልለናል ቢባል ይበጅ ነበርና። የሚሻለው የወያኔን የምርጫ ድግስ ወደ ተዝካራቸው መቀየሩ ነው በሚል ሃሳብ ነበር ‘የእናት ፍቅሯ ጠራኝ’http://ecadforum.com/ethiopianvideo/2015/05/10/ye-enat-fikrwa-teragn-amharic-poetry-by-yemechereshaw-chuchube/ የሚለውን ቁጣ ያረገዘ መነሳሳትን የሚፈጥር ያልነውን ሁለተኛውን ጽሁፍም ያስከተልነው። ግን ምን ዋጋ አለው እኛ ያሰብነው አልሆነም። ዲሞክራሲ እንደዚህ ነውና የሰዎችን የመንገድ ምርጫ አክብረን ዛሬ ስኬቱን እናስተጋባለን።Ethiopian Election

ማርክሳዊ ሌኒናዊ ሊግ ትግራይና ወዘተርፈዎቹ በድንቁርና ላይ የሞኝ ድፍረትን በደረበው የማፍረስ ተልዕኮአቸው አሁን ያለንበት የገደል አፋፍ አድርሰውናል። ፈረንጆቹ ያመጡባቸው ዲሞክራሲና ምርጫ የሚባል ነገር ግራ ቢያጋባቸው ‘ልማታዊ’ ዲሞክራሲ የሚል ቅጽል ደርበው የምርጫ ሽርጉድ ውስጥ ገቡ። ለዚህ መንደርደርያ ደግሞ ከባለ ‘ራዕዩ’ ተውሰናል የሚሉትን የሃሳብ ጽንስ እንዲህ አሰፈሩ “ ልማት ማለት ወያኔ ማለት ነው። ልማት አለ ማለት ደግሞ ሰላም ሰፍኗል ማለት ስለሆነ ወያኔን መቃወም ማለት ፀረ ልማትነት ይሆናል። ፀረ ልማትነት ደግሞ እስከ ሞት የሚያስቀጣ አሸባሪነት ነው” ብለው ደመደሙ እናም ወያኔን የተቃወሙ ሁሉ አሸባሪ ሆኑ።

በዚህ አስቸጋሪና በተዘጋጀ ወጥመድ ውስጥ በሚገባበት ትንቅንቅ ውስጥ በመጨረሻ ብርሃን ይታየናል ያሉ ውድድር ውስጥ ገቡና ውድድሩን አጠናቀቁ። የወያኔ የዜና አውታሮችም በልማት አርበኞችና በአሸባሪዎች መካከል የተደረገ ታሪካዊ ፍልሚያ ብለው ዘገቡት።

ታድያ በዚህ የምርጫ ጨዋታ ውስጥ የተሳተፉ የመነጫነጭ መብታቸው እንደተጠበቀ ሆኖ ገና ሌላ አምስት አመት ይገዙን ዘንድ ግን አብረናቸው እንድናዘግም ጋብዘውናል። የተሳካ ምርጫ ለማለት ምን እንዳሳሰበን እይታችንን እንዲህ እናጋራ።

“ለሁሉም እንደ ፍላጎቱ ከሁሉም እንደ ድርሻው” እንደሚለው የኮሙኒዝም አንደርዳሪ መፈክር በአንድ በኩል የወያኔን ክፋትና ጥፋት ይበልጥ ለማጋለጥ በፈለጉና በሌላ ወገን ደግሞ ሰርቀንም ይሁን ገድለን እናሸንፋለን ባሉ ተወዳዳሪዎች መካከል የተደረገ ውድድር ነበርና ሁለቱም ወገኖች ተሳክቶላቸዋል ብለን ደመደምን። የዚህ መነሻችን አብዛኛዎቹ ወደ ውድድር የገቡ ተቃዋሚዎች ምንም የውድድሩን ሜዳ የሚያመቻችና ውድድሩን የሚዳኝ ተቋም በሌለበት መልፋታችሁ ለምን? ለሚለው ጥያቄ ይሰጡት የነበረው ምላሽ ነው። በዚህ የምርጫ ግርግር ውስጥ ከዚህ የተለየ ውጤት የሚጠብቅ እርሱ ለጉዳዩ እንግዳ ነው። ወይም እንደፈረንጆቹ የዚህ ምርጫ ውጤት በጣም አሳስቦናል ለማለት የፈለገ ብቻ ነው።

መቸም ድምጽ ተጭበረበረ ኮሮጆ ተዘረፈ ብሎ ሙግት አላስፈላጊ ነው ምክንያቱም ዳኛውም ቀማኛውም አንድ ነውና። ኮሮጆ አይደለም ነብስ ቢዘርፉስ ምን አዲስ ነገር ሆኖ? እንግዲህ አሉ የሚባሉት ዐለም-ዓቀፍ ተቋማትም ከኛው ተረትና ምሳሌ ተበድረው ‘ከነገሩ ጦም እደሩ’ ብለው ራሳቸውን አግልለዋል። የአውሮፓ ሕብረትና የካርተር ማዕከል ምርጫውን አንታዘብም ካሉ እውነት ኢትዮጵያ ውስጥ የለችም ምናልባት እርሷም ስደት ላይ ትሆናለች ማለታቸው ስለሆነ የተጋለጠውን መንግስት ይበልጥ አጋልጠዋል ከማለት በስተቀር ምን ይባላል?

ቀጣዩን የሰላማዊ ትግል መርህና አኪያሄድ ሕዝባዊ እምቢታን ከዳር እስከዳር የሚቀሰቅስ ሃያል የትግል እርምጃ ይሆናል ብለን ተስፋ እናደርጋለን። ይህንን ግን እንዴት ልናስኬደው እንደምንችልና እርምጃው ምን እንደሚሆን በመጠባበቅ ወገናዊ ድጋፋችንና ተሳትፎአችን ከቶውንም ሊለይ አይገባም። በዚህ የትግል ጉዞ ውስጥ የሚችሉትን የሚያደርጉ ወጣቶችና አዛውንቶች ሁሉ ሊመሰገኑ ይገባልና።

እንግዲህ ምርጫው አልፏል እንኳንም ወያኔ ሞቶ በሞቶ አሸነፈች። ዘጠና በሞቶ ቢሆንና አስር ተቃዋሚ ፓርላማ ገብቶ ቢንጫጫ ለሚፈለገው ለውጥ ቅንጣት አያግዝምና ወዲያና ወዲህ ለይቶለት መታገሉ የተሻለ ነው። ወያኔ ለውድቀቷ የምታደርገውን ሩጫ እንደ አሸናፊነት ትመልከት ሌሎች ይህንኑ በብልህ መነጽር ተመልክተው ቀጣይ የትግል አቅጣጫ ይነድፉ ዘንድ እናሳስባለን።

በሌላ ወገን ደግሞ ሌላ አማራጭ አለ ‘ገድለህ እንደመጣህ ሞተህ ትሄዳለህ’ የሚል። ይህ በግድ የተጫነብን አማራጭ ነው ያሉ ወገኖች ‘ሞቶ ቀብር ከመውጣት ገድሎ ማቅራራት’ ይሻላል የሚል አገራዊ መፈክር በሰፊው እያተስተጋቡ ነው። ይህ ሊሆን የማይገባው ግን ከመሆን ያልቀረው የትጥቅ ትግሉ ወደ ስልጣን የሚያመጣ ወደ ነፃነትም የሚያንደረድረው መንገድ ውርደት በቃ ብሎ መነሳቱ ነው የሚለው ክፍል ነው። በማንም ሳንመካ ለማንም እሮሮ ሳናሰማ እንደ ሕዝብ እንደ አገር ጠላትን መፋለሙ የመጨረሻው አማራጭ መንገድ መሆኑን መቀበል የተገደዱ እልፍ ናቸውና ትግሉን ካለበት እልፍ ያደርጉታል የሚል ተስፋም እየታየ ነው። የፍርሃት ሰንሰለት ሊበጣጠስና ባለሀገሩ ሀገሩን የራሱ ሊያደርግ አነሳሽና ቀስቃሽ ሊጠብቅ አይገባም። ቀጣዩ ምርጫ ደግሞ ሌላ አምስት አመት ጠብቆ ጫጫታ መፍጠር ወይንስ እጅ ለእጅ ተያይዞ በቃ ብሎ መነሳት የሚለው ነው። የዘንድሮው ምርጫ ግን ከወትሮው በተለየ መልኩ ወያኔን ማጋለጥ በፈለጉና ሰርቀንም ይሁን ገድለን እናሸንፋለን ባሉ ተፋላሚዎች መካከል የተደረገው ውድድር ነበርና ይህ ‘ውድድር’ ሁሉንም አሸናፊ አድርጎ የታሪክ መደርደርያ ላይ መሰተሩን መስክረናል።

የጓጐሉ – ጉሞች። (ሥርጉተ ሥላሴ)

የጓጐሉ – ጉሞች።

ከሥርጉተ ሥላሴ  27.06.2015 / ሲዊዘርላንድ – ዙሪክ /

ሥርጉተ ሥላሴ

የእስልማና ዕምነት ተከታይ እህቶቼ አሜሪካን ሀገር በነበራቸው ጉባኤ ላይ „የታሰርነው እኛ ነን“ ሲሉ ቅኔ – ተቃኙ። እውነታቸውን አኮ ነው። የፍላጎታችን አባጣ ጎራባጣነት የወጎኖቻችን ዕንባ እንዳይቆም ማነቆ ሆኗል። በዕዬለቱ የሚሰማው ባለቤት የለሹ መርዶ ትንፋሻችን – ሆኗል። በዬትኛውም የሀገራችን ችግር፤ በዬትኛውም የዓለም ክፍል ቤተ – ግፉዕኑ። ልብሷን የለበሰ፤ እናቴ እማማ ብሎ የጠራ ወንጀለኛ – አሸባሪ – አክራሪ – ጽንፈኛ ተብሎ – ይሞታል፤ ይታሰራል፤ ይደበደባል፤ ይዋረዳል፤ ይሰደዳል። የፍላጎታችን ቅንጡነት የወገኖቻችን ዕንባ እንዳይቆም ማነቆ መጋኛ ሆኗል። በዕዬለቱ የሚሰማው ባለቤት የለሹ መርዶ ትንፋሻችን – ሆኗል። በዬትኛውም የሀገራችን ችግር፤ በዬትኛውም የዓለም ክፍል ቤተ – ግፉዕኑ ኢትዮጵያውያን። ኢትዮጵያ ዛሬ ልጆቼ ብላ ከመከራው ሁሉ እትብቶቿን ልትታደግ እንዳትችል እሷም እስር ቤት ናት። ልብሷን የለበሰ፤ እናቴ እማማ ብሎ የጠራ ወንጀለኛ – አሸባሪ – አክራሪ – ጽንፈኛ ተብሎ – ይሞታል፤ ይታሰራል፤ ይደበደባል፤ ይዋረዳል፤ ይሰደዳል።

ዛሬ ኢትዮጵያ ባርነት ውስጥ በከፋ ቅኝ ግዛት ውስጥ ትማቅቃለች። ልጆቿ ዕንባቸውን ማፈሰስ ተክልክለው እንደ ልጅ ዋጥ! ዋ! ሱ! እዬተባሉ በስጋት ተሰንገው በዓለም የሌለ እውሃ ያዘለ መከራ ተሸከመው ይገኛሉ። ዛሬ ለኢትዮጵውያን በ21ኛው ምዕተ ዓመት ዴሞክራሲ የድሎት ጥያቄ ነው። የነፃነት ጥያቄ በባሩድ ነዶ አመድ እዬሆነ ነው። ቁጭ ብሎ አንገትን ደፍቶ ሰቀቀንን ታቅፎ ከመኖር – ይህም ሞት ሌላውም ሞት በመሆኑ የቆረጡት ትግላቸውን በስልታቸው መርጠው ሁሉን በመቀበል ላይ ይገኛሉ። ዘመናይነት ደግሞ የነፃነት ትግል የጫጉላ ሠረጋላ ስለሚመስለው አጋጣሚ እዬፈለገ ህይወቴን – ነፍሴን – ትዳሬን –  ወጣትነቴን እሰጣለሁ ያሉትን ደምና ሥጋዎች፤ ለሥነ – መንፈሳቸው ፍጹም ጥንቃቄ ሳያደርግ ያለ ርህራሔ በወረፋ፤ በፈረቃ ይደበድባቸዋል። ዘመናይነት በእጅ በሌለ ነገር ላይም – ለነገ በቀነ ቀጠሮ ባለ ዬምንዕብም ትልም ሙያተኛ (plan analyser) ሆኗል። ለነገሩ እሱም ነፃነት ፈላጊ ነኝ ባይ ነው።  – ሃቁ ግን እንቅፋት መፍጠር፤ በነፃነት ትግሉ ላይ የቅንጣት ታክል ጉድፍ ማስቀመጥ የነፃነት ትግል ፍላጎትን እራስን ብልዛም ውይባም ማድረጉን ካለማገናዘብ የመነጨ – ይመስለኛል። ሰው አካሉን እንዴት እንደ ተለጣፊ – ያዬዋል። ቀዝቃዛ። መንፈሱን ጠረኑን … በረዶ። ዋ! ኢትዮጵያ — ስለአንቺስ ማህፀኔ አለቀሰ – ደም።

ትኩረቱ በመሰረታዊ ምክንያታዊ ጉዳይ ሳይሆን በሳቢያ ላይ ያተኮረ በመሆኑ፤ በዬወቅቱ የሚያነሳው ተዋጊ ሃሳብ መጠለያ ፈልጎ የሚለቀቀወ የተቀበረ ፈንጂ ሲሆን ዕንባን እንዲቀጥል እንጂ የቅንጣትም በጠላት ጎራ ላይ የሚስገኘው ትርፍ የለም። የዕንባው ስቃይ እርቆት ሆኖ ይሆን? አቅምን በይው ሃሳብ የውስጥነትን አቅም በባዕድነት ሲያስተናግድ? + ቁስለት። የነፃነት ትግሉን ካለ አቅሙ ካለወርዱ ቻል እዬተባለ እዬተጫነ ዘብጦ እንዲሰምጥ ለዛውም በዘመቻ – ተያይዞታል – በአድማ ፍታውራሪ ዘመናይ፤ ባላንባራስ ቅልጣን። ከቶ ህሊና የሚባለው ጸጋ ዬት ተደበቀ ይሆን? ከአቅሙ በላይ ነው የተሸከመው የነፃነት ትግላችን። ሌላ ዘመቻ ሌላ ጦር እንዴት ይታዘዝበታል —- ተስፋችን ? ? ? ይሄ ትናትን የበላ የበኽር ቁምነገር እዬጠፋ — እዬተረሳ … በገፍ የተሰጠ ዬነፃነት ትግሉ ቤተኛ ህዝበ – ፍቅር እዬተምዘገዘገ — ወይ ሐገር? ወይ ሰንደቅ? ወይ ማንነት? ወይ የህዝብ ፍቅር?

ወያኔ ሃርነት ትግራይ እንደጦር የሚፈራው ነገር ለነፃነት ፈላጊው ጣዕሙ፤ ወዙ መሆን ይገባዋል እንጂ፤ እንደ ገደል ማሚቶ የጠላትን ፍላጎት መልሶ ማስተጋባት ከአደራ በይነት ምንም አይተናነስም። መራራውን ነገር ደፍሮ ኃላፊነት ወስዶ መጀመር ትርፍ ብቻ ይገኘዋል ተብሎ ሊታሰብም – አይገባውም። ከሙሉ ኪሳራ ጥቂት ኪሳራን መምረጥ – ብልህነት ነው። እርግጥ የዲሞክራሲ መንፈስ መለማመዱ የማይከፋ ቢሆንም፤ እራስን እንደ ድልህ እዬደቆሱ፤ በራስ ላይ አመድ ነስንሶ እራስን ወደ ቡላማ መለወጥ የተገባ – አይመስለኝም። የተሻለውን ለማግኘት በተሻለ አቀራረብ እራስን ሳይሰነጥቁ ወይንም ሳይፈልጡ ወይንም ሳይነጠቁ የዴሚክራሲን መንገድ መለማመድ – ይቻላል። ለነገሩ እኛ እኮ ውጪ ስላለን ባርነቱ ቀርቷልን መሰሎን ሊሆን ይችላል። ግን እኛም ባሮች – ጭቁኖች ነን። እንደ ፈለግን መኖር ያልተፈቀደልን፤ የተዋረድን ወጥ ሰንደቅዓላማ፤ ወጥ ብሄራዊ መዝሙር የሌለን። ሁሉን – የተቀማን። በማናቸውም ሁኔታ በወያኔ ሃርነት ትግራይ የዓይነ ቁራኛ ጥበቃ ሥር – የወደቅን። ስለዚህ መጀመሪያ እራሳችን ነፃ እናውጣ … ከዛ ዴሞክራሲ ከሚያስገኛቸው በረከት የተነፈግነውን ማንሳትና መጋፋት ይቻላል። ያም ሌላ የለውጥ አብዮት ነው። ለነገሩ ጊዜን ያላዳመጠ ክስተት ጊዜውን ጠብቆ አድራሻ ቢስ ሆኖ – ያከትማል። አጀንዳዎችም የፍቀት ታሪክ ባልደረባ – ይሆናሉ። አንድነት መድረክን በተቀላቀለበት ጊዜ የታዬው እሰጣ ገባ ዛሬ ደግሞ አገርሽቶ የግንቦትና የአርበኞች አሃቲነት በፈቃደ እግዚአብሄር መፍትሄ ሲያገኝ ቁርጥማት ሆነ። ውጋት ሆነ። መጋኛ ሆነ። አርበኞች ግንባር ይህን ተቀብሮ የኖረ ትብትብ ጥሶ የወሰደው እርምጃ ሁሉንም  በማዕከል ሆነን ለምንታዘብ ሰዎች ልዑቅ መሆኑን በሰማናቱ በተመዘዘበት ዘመቻና ግንባር ግብዕት ማወቅ ችለናል። ለምን በወጥ አመራር ሰከነ ነው – ጦርነቱ። „ስንተዋዋቅ …“ ይላል ጎንደሬ።

ሌላው ቀርቶ ከአዋሳኝ ቀያቸው ሁለመናቸውን ጊዜ በሰጠው የወያኔ ሃርነት ትግራይ ማንፌስቶ እዬተነቀሉ ወደ ኤርትራ የሚሄዱት እንዛ ጭቃ ለበስ ድሃ ወገንህን እንዴት ጦር ታውጅባቸዋለህ?! ያሳፍራል አቤዋ። አፈር ቅሞ፤ አፈር ለብሶ፤ ራህብ የቆላውን፤ ንዳድ ያንገበገበውን ወገንህን ለመግደል ከዛ ድረስ ከምትሄድ አቤዋ በለው እኔ ሥርጉተ ሥላሴ ሲዊዝ አለሁልህ ና እና ድፍት አድርገኝ።  የእነሱን መከራ ፈቅጄ መቀበል ጽድቅ ነው – ለእኔ። በአንዲት ቁራጭ ሰኔል 6ቱ ተደራርበው ቀን የለበሷትን አፈርማ እራፊ ለብሰው የሌሊቱን ግርማ እንደሚያስታግሱ በዬቀያቸው ተገኝቼ – አይቸዋለሁና። ያ በዝቶባቸው ነው ዛሬ ቁሙ ተቀመጡ የሚባሉት – የሚሰደዱትም። እንዴት እንዳዘንኩብህ? እንደ አንተ አዝኘበት እማውቀው የነፃነት ትግል አባወራ የለኝም። ፆም ነው ሱባኤ – አለቀስኩ። ያ ህዝብ መቼ አልፎለት አውቆ ነውና አንተ ባሩድ ለማጉረስ የተዘጋጀኽው? ጎንደሬ በጋሻውን – አንብብ። ትንሽ መንፈስና ትንፋሽ ከቅድመ አያቶቻችን – ታገኝ ዘንድ። ተንትርሰው እንዳደሩት የሽንት ጨርቅ ኩፍትርትር – ጭምትርትር ያለውን የዘመቻህን መነሻና መድረሻ ጊዜ ወስጄ አዳመጥኩት – ለካንስ ለስቃይም አንተም ሆንክ መንፈስህ ሽፍታ ነበራችሁ ማለት ነውን? መተማ አዋሳኝ ላይ የሱዳን ሰራዊት ፊት ለፊት የወያኔ ሰራዊት በስተጀርባ ወገንህን ሲበላ በግፍ ረመጥ ከቶ ህመሙ ርቆህ ይሆን? የአርማጭሆ – ዬወልቃይት – የጠገዴ – የማይጸምሪ – የአዲረመጽ – የዋልድባ ወዘተ አፈር ገፊና ቅዱሳን ተነቅሎ ተገፍቶ መሰደዱስ? የመረቀዘ ምን እንደሚታፋ – ታውቀዋለህ። አዋሳኝህ ጓንጉም ሲሞላና ሲጎድልም ታውቀዋለህ …. በቅርቡ ያለውንም ረመጥ … ህሊናህን – ጠይቀው በአክብሮት። መብራትህን – አጠፋኸው፤ ታሪክህን  – ተዳፈርከው፤ አንተን – አጣኽው … ለመሆኑ ቦሌ ዱር ገደል ከሆነ አንተ ለምን ተሰደድክ? አሁንስ ማን አገደህ? በሞቴ ሞክረውና ተያዩ እንዴት እንደሚጥም —— ከዛ ጀግንነትህ በዝናር ሙሉ ገድል ይጣፍልሃል። ለመኮለሙ እኔ እህትህ ዬት ሄጄ?! ግን – ግን የተፈረደበህን የወያኔ ሃርነት ትግራይ አነሳልህን? ይህም እኮ አለ ለካ – አዬ! የእኔ ነገር ይህን ረስቼው ….  ህግ ወደ ኋላ ሄዶ አዬ አላዬ በህግ አልቦሹ ዘመን ቅጥ የለሽ ቅድ ነው – የዘበጠ። ሹክታ – በሽክታ ካለ ብዬ ነው። 80ውንም ቦጫጭቀህ ከመቅደድህ በፊት አንተ እራስህን ከልብህ ሆነህ  በመስታውት – አስተውለው! መልክህን ደግመህ እዬው – ትእዛዝ ግን አይደለም። እኔና እኔ አብረን ስንቀመጥ ፈራጁ ህሊና ይደኘናል። አበበ በለውን እንዴት አበበ በለው ከዳው? እንዴትስ አበበ በለው ከአበበ በለው አፈነገጠ? ጎሉን ያስገባኽው የመሰለኽ በአርበኞች ግንቦት ነው። አይደለም በዕንባ ላይ ነው የጥቃት ምት እዬሰነዘርክ ያለኸው። ሃሳቤን ታገሉት ብለህናል ምን እኛ ዕንባ – ዕራቁትነት – የሰብዕዊ ፍጡር አካል ጭስ የነሰማዕቱ ጋር የሃሳብህ የተሳለ ሰይፍ – ይፋለም። እንደ ከፋኝ እንደ አማጥኩኝም ያ … ጸጥተኛውና ያሳደግኽ ቻዩ ጣና የትእግስት መንፈሱን ያቀናልህ ዘንድ ተመኘሁ። በል አቶ ወንድም ሌሎቹ ተዛማጅ የተደሞ ዕዬታዎቼ መሄድ ግድ አለኝ —

ውዶቼ  የኔዎቹ እንሆ … በአክብሮት – በትህትና – በፍቅር – በናፍቆት። ጉሹን ጓጓላውን ያፍታታል ብዬ ወደ አሰብኩት ተዛማጅ የተደሞ ዕዬታዎቼ – አብረን።

ሰላማዊ ትግል አብቅቷልን?

ሰላማዊ ትግል የዕድሜ ዘመን – የለውም። ሰላማዊ ትግል ሁልጊዜም ህያው ነው። የሰው ልጅ ከራሱ – ከመንፈሱ፤ ከራዕዩ፤ ከፍላጎቱ፤ ከገጠመኞቹ ጋር የሚያደርገው ግብግብ የሰላማዊ ትግል አካል ነው። እኔ ስጽፍ ከራሴ ጋር ቁጭ ብዬ መክሬ – ዘክሬ፤ እመሰርዘውን ሰርዤ፤ እማስተካክለውን አስተካካይ ስሜቴን ታግዬ ግን የታዳሚዎቼን ቀልብ አስልቼ ነው። የምፈልገውን ሁሉ – አልጽፈውም። ከድኜ ያስቀምጥኳቸው አምክንዮች አሉኝ። ስለምን? ወቅትን ማድመጥ የተገባ – በመሆኑ። ይህ ሳይሆን ሲቀር ደግሞ ግድ ሲል ትንሽ ገለል አድርጌ ወይንም ዘንበል አድርጌ – እጽፈዋለሁ። ስለዚህ ሥርጉተና ብዕሯ፤ መንፈሷና ርዕዮዋም በሰላማዊ ትግል ማዕድ ላይ ናቸው ማለት ነው። ኑሮና መኖር ሁልጊዜ እንደተፋለሙ ነው። ውሳኔና ጭብጥም እንዲሁ … ፍ – ት – ጊ – ያ

በሰላማዊ ትግል ህዝቦች ከባርነት ከወጡ በኋላም የዴሞክራሲ ጥያቄ ያነሳሉ። የዴሞክራሲ ጥያቄ ከተመለሰላቸው በኋላም ቢሆን ወቅት በሚፈጠርባቸው ችግሮች ዙሪያ፤ የተዛቡ አስተዳደራዊ ጉዳዮችን አንስተው በተናጠል – በግል – በጋራ ድምፃቸውን – ያሰሙበታል። በማይቋረጥ ሁኔታ የሰው ልጅ መንፈሱ ካፈለቃቸውና ዘመን ከለገሰው መልካም ነገሮች ሁሉ እኩል ዕድምተኛ ይሆን ዘንድ – ታዳሚዎችን ለማነቃቃት የሚካሄድ ትዕይንት ነው ሰላማዊ ትግል። ፈተና አለው ሁለገብ ግን … ይኬድበታል። ዕውቅና እስኪያገኝ ድረስ። ዓይነት የወጣለት – ደፋርም ነው።

ስለሆነም የአንድ ሀገር ህዝብ እንደ ህዝብ እንዲሻሻል የሚፈልገውን ህግ ሆነ የአፈጻጸም መመሪያ እንዲሁም በህዝብ ድምጽ ውሳኔ እንዲያገኝ የሚሻቸውን መሰረታዊ ጉዳዮች ከመጠዬቅ ባሻገር፤ አፈፃጸማቸወን በባለቤትነት ከመከታተል ለአፍታም ቸል አይልም። ይህ ራሱ የሰላማዊ ትግል አካል ነው። አፈፃፀሙን – መከታተል። መቆጣጠር። ስለዚህ የሰላማዊ ትግል ሰዓት ማለት ነው። ሰዓት አያቆምም ሁልጊዜ – ይጓዛል። አይደክምም ሁልጊዜ – ይሄዳል። ተቆጣጠሪያችንም ነው። ሰላማዊ ትግልም ወቅት – ጠቀም፤ ህዝበ – ጠቀም፤ ዘመን – ጠቀም የምልዕት የተሳትፎ ማዕድ ሲሆን፤ የሰው ልጆች ፍላጎት ማለቂያ የሌለው በመሆኑ ልክ እንደ ሰዓት ደንበር ወይንም መከተሪያ ሥነ – አምክንዮ የለውም።። እንኳንስ በእኛ በጥቂቶች የብሄረሰብ የጭፍን አገዛዝ ወደ ምዕላቱ ፍላጎት ለመሸጋገር፤ ከባርነት ነፃ የመውጣት የመጀመሪያ የትግል ረድፍ ላይ የምንገኝ – ቀርቶ፤ የአደጉ ሐገሮችም፤ ዴሞክራሲን ተግባር ላይ ዘውድ ደፈተንለታል በሚሉት ሀገሮች ላይም በማያቋርጥ ሁኔታ የብዙኃኑ ጥያቄ ጎልቶና ጎልምሶ በህዝብ ትዕይንት – ይገለጽበታል። ትውናውም በሰላማዊ ትግል – ይፈረጃል። ሰላማዊ ሆኖ ግን ጉልበትና ብስጩነትንም ሊያስተናግድ ይችላል። ገዘፍ ያሉ ቁጣዎችን አንግቦ ቀለል ያሉ የቁስ ጥፋቶችን ሊያሰከትል – ይችላል። ከበድ ያለም ህይወትን ሊገብር – ይችላል፤

ሰላማዊ ትግል ሂደቱ እጅግ አስቸጋሪ የሚያደርገው ጉዳይ በሙት መሬት ላይ ትግሉን ስለሚያካሂድ ነው። ስለዚህም ዬዘርፈ ብዙ ጥቃቶች ሰለባ የመሆን ዕድሉም የሚመነጨው ሙት መሬት ላይ ሆኖ፤ ገዢ መሬት ላይ ያለውን ሃይል ስለሚታገል ነው። አብሶ እንደ እኛ በዘር በተቋጠረ ቂም – ተከል አስተዳደር ላይ የሚካሄደው ትግል እጅግ – አሰቃቂ፤ ሰቅጣጭ ሲሆን ኑሮው ሆነ ህይወቱ በመከራ – በመራር ሃዘን የተለወሰ – ጎምዛዛ።

ሰላማዊ ትግል ውስጥ የማይነኩ – የማይዳሰሱ –  የሚተዉ – ቀነ ቀጠሮ የሚያዝላቸው ዬህዝብ ፍላጎቶች አይኖሩም፤ ወይንም የሚዘነጉ ምንም ዓይነት የብዙኃን ጥያቄዎች፤ ወይንም ሙቅ ስሜቶች፤ ወይንም ጽኑ እምነቶች – አይኖሩም። ይህ በመሆኑ ጥያቄውን የሚፈራው ሥልጣን ላይ ያለው ሃይል ማናቸውንም እርግጫ፤ ማናቸውንም ኢ – ሰብዕዊ ጭፍጨፋ – ይፈጽምበታል። የታላቁ ፍጡር ዬሰው ልጅ ደም የመጀመሪያው በረከት ነው – መቋደሻ። አብሶ እንደ እኛ ባልሰለጠነ ቅድመ ሰው እድገት ደረጃ ላይ በሚገኝ ጫካዊ አስተዳደር በምትመራ ሀገር ኢትዮጵያ ውስጥ የሚካሄድ ትግል ዕለታዊው ስንቁ ነው – ደም መፍሰስ። አሳዛኙና እጅግ መራሩ ጉዳይ ደግሞ ከደብደባው፤ በስለት ከመወጋቱ፤ ከመሞቱ በላይ ተበዳዩ ተወቃሽ – ተነቀሽ ከመሆን አልፎ ሥሙ በግፍ – መገረፉ ነው። ሊቢያ ላይ የታረዱ ወገኖቻችን ሞተው እንኳን ዜግነታቸው፤ ሰማዕትነታቸው ከወያኔ ሃርነት ማንፌስቶ ሥር ወድቆ ነበር የለመነው። መራር ነው። በማግሥቱም ባዕለ ሲመት ድምቅ ብሎ ተክብሯል። ሃሞት። ይህም ብቻ አይደለም ሀዘኑን የተጋራው ሁሉ ዜግነቱን በግፍ የተቀማበት የከሰለ ሂደት እያዬን ነው። ምግለት። ሃዘንን አምቆ ቢይዙት በሽታ መሆኑ ብቻ ሳይሆን ውስጥን አሳርሮ – ያረግፋል። ወጥቶ ሲጋፈጡት ደግሞ ማገዶነት አይቀሬ ነው። የሆነ ሆኖ የሰላማዊ ትግል ከትንሹ ጥያቄ እስከ ግዙፉ የፖለቲካ ሥልጣን ጥያቄ ድረስ በሚያደርገው ጉዞ ሙት መሬት ላይ፤ በቅርበት ለችግሮች ስለሚገኝ አብዝቶ የመከራ፤ የፍዳ የስቃይ ህይወትን – ፈቅዶና ወዶ ይገፋበታል። ጥያቄው መልስ እስካላገኘ ድረስ ሰላማዊ ትግሉ – ይቀጥላል። በደሉ እስካለ ድረስ ሰላማዊ ትግሉ – ይቀጥላል። ህይወት እስከለ ድረስ፤ ኑሮ እስካለ ድረስ – እንዲሁ። ምርጫ ላይ ሰላማዊ ትግሉ ያቀደው አልተሳከም ተብሎ የሰላማዊ ትግሉ አባላት እጃቸውን አጣጥፈው – አይቀመጡም።

ነገ ሌላ አዲስ ቀን ነው። ማግሥት ሌላ ልዩ የተስፋ ቀን ነው። ስለዚህ የሰላም ታጋይ አርበኞች የቀደመውን መከራ አስተናግደው ለሌላ መከራ ደግሞ ትጥቃቸውን ጠበቅ አድርገው – ይሰናዳሉ። ለሌላ መስዋዕትነት – ይሰለፋሉ፤ ለሌላ ስቃይ – ይባትላሉ፤ ለሌላ አሳር – ይተጋሉ። ስለሆነም እነሱ የሰላማዊ ትግልን ሁለገብ መርህ ተከትለው ደከመን፣ ሰለቸን፣ መረረን፣ በቃን እሳካላሉ ድረስ እኛ ትግሉ አብቅቷል፤ የማለት ሞራሉም – አቅሙም የለንም። መከራን እንደ ስንቃቸው የተቀበሉት እነሱ እያሉ፤ እኛ የለም አቁሙ በማለት ለሰላማዊ ትግሉ የስንበት ወረቀት የመስጠት መብቱም ሞራሉም አይኖረንም። ይህ የጓጎለ ጉማዊ ፍላጎት ነው – ለእኔ። ሰላማዊ ትግል እንደ ዳቦ የሚያልቅ – አይደለም። የሰላማዊ ትግል ሩኹ የማያቋርጥ፣ ተከታታይነት፤ ተያያዥነትና ተወራራሽነት ያለው ሲሆን፤ በሁሉም ዘርፍ ሁለንትናዊ ፍላጎትን አማክሎ መጠነ ሰፊ ህዝብን በማስተባበርና በማደራጀት ለራዕዩ መትጋት ግድ – ይለዋል። ሰላማዊ ትግል ሁሉዬ – የሁሉዬም ነውና።

ዬምርጫ 2007 አለመሳካት፤ ወይንም እሱን ተከትሎ የደረሱ በደሎችና ግፎች የበለጠ ጥንካሬና እልህ ፈጥረው ለዘላቂ ነፃነት ስንቅና ትጥቅ በመሆን እውነትን ለትግሉ ለግሶ – ይገሰግሳል። በሂደቱ የሚሾልክ ሊኖር – ይችላል። ነገር ግን ቀጣይ ህይወቱን ጽኑ እምነት በመንፈሳቸው የሰነቁ ትጉኃን ትግሉን በመምራት ግብር ከፍለው፤ አስራት ሆነው ኢትዮጵያን ከትግራይ ወያኔ ሃርነት ባርነት የማላቀቁ ትግል ማቆሚያ ገደብ፤ መካተሪያ አውታር ሊበጅለት አይገባም ብለው፤ እንደሚቀጥሉት ተስፋዬ ብሩኽ ነው። በስልት – በብልሃት – በስልጡን መንገድ – ይቀጥሉታል። እርግጥ አጣብቂኞች በርከትም ከረርም – ሊሉ ይችላሉ። ነገር ግን በዝምታም አመጽ – ይኖራል። ባለመተባበር አመጽ ሊኖር – ይችላል። ፊት በመንሳት ማመጽ – ይቻላል። ፍቅርን በመንፈግ እንቢተኝነት ሊኖር – ይችላል። ልብንና መንፈስን በማሸፈት በቃኝን ኮትኩቶ ማሳደግ – ይቻላል። ቤተ እግዚብሄር ውስጥ በተመሳሳይ ደቂቃና ሰከንድ በደወል ማናወጽም፤ አላህ አክብርን በመሰሉ መከወንን ሊያካትት ይችላል። ሙቀቱ ግርፊያውን ቀጥሎ ከባህር የወጣው አሳው የጎሳ ድርጅት ወያኔ ሃርነት ትግራይ ትንፋሽም ነፍስም ያጣና ስምጠትን ሊጠመቅ ይችላል።

በሌላ በኩል ውጪ ሀገር የሚካሄዱ ሰላማዊ ሰልፎች፣ የሚሰበሰቡ ፊርማዎች፤ የሚላኩ ደብዳቤዎች፤ የሚዘጋጁ ውይይቶች፤ የሚደረጉ ቃለ ምልልሶች፤ ፊልሞች፤ ዶክመንተሪ – ዘገባዎች፤ ማህበራዊ ሚዲያዎች፤ ድህረ ገፆች ራዲዮና የቴሌቪዥን ፕሮግራሞች፤ ሁሉ በሰላማዊ ትግል የሚታቀፉ ናቸው። አቁሙ ለማለት የማይስችሉ ጭብጦችም የሚነሱት ከነዚህ የፈለቁ የዕውነት ድባቦች አባልተኛ ስለሚሆኑበትም ጭምር – ይሆናል። ሌላ ጊዜ እርእስ አስይዤ ብመጣበትም ዛሬ ትውፊታችን፣ ሃብታችን፣ የእኛነታችን ሃምሌት የነበረው የሞራል ህግ ተሸርሽሮ – ተሸርሽሮ ድብዛው እዬጠፋ ነው። ሰላማዊ ትግል በነዚህ ሁሉ መሰረታዊ ጉዳዮች ላይ ሰፊ የሆነ ኃላፊነት – አለበት። በተለይ የሰፊውን ህዝብ ኑሮውን – እዬኖሩ፤ መከራውን ሁሉ በቅንነት እያስተናገዱ የሚገኙት ሀገር ቤት የሚገኙት የሰላማዊ ትግል አርበኞቻችን አትኩረተ – አቅጣጫ ከበፊቱ በተሻለና በሰለጠነ ሁኔታ ዬትውልዱን መንፈስ በብሄራዊ ስሜት፤ በትውፊታዊ ቃናዊ ማዕዶት ላይ ያተኮሩ ህሊናዊ ተግባራት የመከወን ጉዳይ የሰላማዊ ትግል ልዩ ኃላፊነት ነውና በመርህ ደረጃ ሊያተኩሩበት ይገባል ባይም ነኝ። የወያኔ ሃርነት ትግራይ ያልዘረፈን አንዳችም ነገር የለም፤ አሁን በእንቁላል ውሃ የተገነባው የመተማመን፤ የጽናት በኽረ፣ ሥህን ናሙና የነበረው የአብሮ አደግነት የልጅነት ልዩ ፍቅር፤ ልዩ ጣዕም ያለው፤ ከቅዱስ ጋብቻ ያላነሰ የውል – የኪዳን ማርዳ ነበር። እሱን እንኳን አለስተረፈልንም፤ መሰሉን መልካም ገላጭ መለዮዋችነን ሁሉ – ተዘርፈናል። እንዲቆጠቁጠን – ከፈቀድንለት። አሳት ነው – ረመጥ፤ አውሎ ነው  – የሚለጋ። …. ጎርበጥባጣ፤

የሆነ ሆኖ አዘውትሬ እንደምገልጸው 90 ሚሊዮን ህዝብ ልሸፍት ቢል አይችልም፤ ልሰደድ ቢልም እንዲሁ፤ ስለዚህ ሰፊውና ጨዋው የኢትዮጵያ ህዝብ መኖር ለመጀመር ኑሮውን ከነጠቀው ጋር የሚያደርገው ዕለታዊ ግብግብ ቀጣይ – ይሆናል። ኦክስጅኑ ነው። መተንፈሻው ተዘግቶ መኖር አይችልምና። የታመቀ ስቃዩን – የሆዱን ለቅሶ – መተንፈሻ ቧንቧው – ሰላማዊ ትግል ነው። „አልተመቸህኝም“ ማለት ሲችል ይታገስለታል – ቃጠሎው። „በቅተህናል፤ አዬንልህ የበደል ድውለትህን፤ የቋሳ ብርንዶህን፤ የቁርሾ ክትፎህን“ ሲል ነዲዱ – ረብ ይልለታል። ትግሉን ማድረጉ ሆነ በውስጡ መኖር በራሱ ህሊና ለላው ዜጋ ጤና – ይለግሳል። የሰላማዊ ትግል የኩሬ ውሃ አይደለም። ስለዚህ በተሰራው የመንፈስ ሃብት ልክ ደጋፊ እዬገኘ ሲሄድ ቤቱን ገንብቶ ቤት አልባ፤ መጠለያ አልባ፤ ጥግ አልባ፤ ባለቤት አልባ በመሆን ለማንኛውም አደጋ እዳሪ ላይ የተጣሉትን ነፍሳት፤ ዜጎቹን ባለመጠለያ – ያደርጋቸዋል። ይህ አይቀሬ ነው። ሲከር ይበጠሳል ሲሞላም – ይፈሳል።

ሽምቅ ውጊያና – መራራ ስክነቱ?

ሽምቅ ውጊያን ለዓለም ያሰተማረች ሀገር ኢትዮጵያ ናት። የጎሬው ኢትዮ አፍሪካዊው የጥቁር አንበሳ ታሪክ ነፃነታችን በማስገኘት ሂደት የታሪክ ባለቤት ነው። ዛሬ ግን ያነን እንተግብር ቢባል የሚቻል – አይሆንም። ዘመንን ወቅትን ያለጤነ አቤቱታ-  ይምጣል። አብዝቶ የሚደመጠው ጉዳይ በትጥቅ ትግል የተሰማሩ ሃይሎች በሽምቅ ውግያ እርምጃ መውሰድ አለባቸው የሚለው ሲሆን፤ ለእኔ ሌላው የጓጎለው ጉም ነው። ሥልጣን ያለውን የወያኔ ሃርነት ትግራይ ማንፌስቶ ከሥሩ ለመንቀል በሽምቅ ውጊያ የሚሞከር – አይደለም። ቀደም ብዬ እንደገለጽኩትም ዘመኑም – አይፈቅድለትም። ስለምን? በዘመኑ የሽምቅ ውጊያ ከሚያሰገኘው ጥቅም ይልቅ ጉዳቱ አመዛኝ ስለሆነ። በሽምቅ ውጊያ ሰላማዊ ሰዎች በብዛት መስዋዕትነት እንዲከፍሉበት – ይገደዳሉ። ከተማ ውስጥ ያለው ኑሮ ጭፍቅፍቅ ባለ ሁኔታ የሰፈረ ነው – ህዝባችን። አንድ ቦታ እሳት ሲነድ በጥቂት ሰከንዶች ብዙ ንብረቶች፤ ብዙ ሰርቶ አደሮች ኑሯቸው አመድ የሚሆነውም በዚህው ምክንያት ነው። አድራሻ ቢስ ጉዳቶችም ህልቆ ናቸው። ሥርአተ – አልበኝነትም ብዙ አቅሞችን እንደ አሳማ ይውጣል። አብሶ ህጻናት፣ ነፍሰጡር ሴቶችና አዛውንታት ቀዳሚ – ተጠቂዎች ናቸው። ምክንያቱም ሽምቅ ውጊያው ድንገተኛ ስለሚሆን እናት ገብያ እንደ ሄደች፤ ልጆቿ ውጪ ሲጫወቱ እንደ ነበሩ፤ ወይ ትምህርት ቤት ላይ እንዳሉ የጥይት እራት ሊሆኑ ይችላሉ። ወይንም አንዲት ሴት ምጥ እንደተያዘች፤ ልክ እንደ መሬት መንቀጥቀጥ አደጋ ማለት ነው ዬሽምቅ ውጊያ፤ እናትም እንደወጣች ልትቀር ትችላለች። ይህን እንደ አንድ ሰብዕዊ ፍጡር ለሚያዬው፣ ነፍሱ ከእሱ ጋር ላለች ፍጡር -ዘግናኝ ነው። በፓኪስታን ተዘውትሮ የሚታዬው አሰቃቂ ጉዳይም ይሄው ነው። አንድ ሰው እንደ ሰው ሊያስብ ይገባዋል። ይህ በችሮታ ሳይሆን ጸጋው ነው። መተርጎም – ከቻለ። የከፋውን የጎጥ አስተዳደር በደልን ለመቋቋም የሚመጥን ልዕቅና፣ ብልህነትና ሥልጣኔ ይጠይቃል። በስተቀር ትርፉ ድርብ ዕንባ ነው።

ከዚህም በላይ የህዝብ መገልገያ አገልግሎት መስጫ ድርጅቶች ሁሉ በድንገተኛው ጥቃት ከጥቅም ውጪ – ይሆናሉ። እኛ ደሃ ነን።አብሶ ወያኔ ሃርነት ትግራይ በጥርሱ በያዛቸው ክልሎች ከሆነ፤ ከሥልጣን እስከሚወገድ ድረስ ባድማ መሆናቸው ሳይታለም የተፈታ ነው። ለምሳሌ፤ … የጤና ክሊንክ፤ ድልድይ፤ ት/ቤት ላይ ቢሆን ወያኔ ሃርነት ትግራይ ዞር ብሎ አያያቸውም። እንዲያውም ብዙሃኑን በገፍ በማሰር ሠፈሩን በሰውም በአገልግሎትም ምድረ – በዳ እንደሚያደርገው – ይታወቃል። ወያኔ ጫካ በነበረበት ጊዜ ያዬሁት በዓይኔ ይሄውን ነበር። ዛሬም የአያያዙን አድሏዊነት – አላችሁበት። የወያኔ ሃርነት ትግራይ ፖሊሲው ቂም፣ ቋሳና ቁርሾ ነው። ዛሬ ሳይወድ የተቀበላቸው ጉዳዮች አጋጣሚ አግኝተው ከፈረሱለት – እሰዬው ነው። ስለዚህ ጥያቄው የጓጎለ ጉም ነው – ለእኔ ለሥርጉተ ሥላሴ። በተጫማሪም ትግሉ በሽምቅ ውጊያ ሳይሆን ከተደራጀ ሠራዊት ጋር የሚደረግ ስለሆነ፤ የሚፈልገው የሚመክተው የመደበኛ ውጊያ ሥርዓትን ነው። ይህም ታቅዶና አቅምን ለክቶ የሚከወን እንጂ፤ በነገ – በጣባ በግንፍል ፍላጎት ሊመራ ከቶውንም – አይችልም። ከሁሉ በላይ ጦርነቱ የእርስ – በእርስ ስለሆነ ሚስጥር ማሸነፍ ነውና እነኝህ ሁሉ አመክንዮዎች ግምት ሊሰጣቸው – ይገባል። ምን ያህል የተከደን እንደሆን ደግሞ – እናውቀዋለን። ከዚህም ባለፈ ዝርዝር የውጊያ ስልት ሪፖርት ካልቀረበ ብለን አካኪ ዘራፍ የምንል፤ ሳይኖረን እንዳለን – ደለቃቆችም አለን። ማሸነፍ – ሚስጢር ነው። ጥሬ ሃብቱ ደግሞ የሰው ልጅ ህይወት። ሰው! …. በቅፅበት ታልሞ ሰውን መፍጠር አይቻልም። የሰው ሥዕል ለመሳል እንኳን ጸጋን – ይጠይቃል።

አቅሙን የትጥቅ ትግሉን አላሳዬም ሌላው የኩነኔ ማሳ ነው፤

ጉድ በል ነው —- ባልተቋረጠ ሁኔታ የሚሰማው ጉዳይ የትጥቅ ትግሉ አንዲት ከተማ ይዞ በ24 ዓመት አላሰዬንም የሚል ነው። ይህ ገፊ ኃይል ከሦሰት አቅጣጫ ነው የሚከሰተው።  በቅንነት፤ ሌላው የትጥቅ ትግሉን በሚደግፉት ላይ ጫና ጥርጣሬና ተስፋ እንዲቆርጡ ለመሰንጠቅ ታስቦ የሚከወን ሲሆን፤ ሦስተኛው ግን ባልታቀዱ ሁኔታዎች ውድመትና ስቃይ የሚናፍቃቸው – ጠመዝማዞች – ልዞች አሉ። ሲፈጠሩ አዎንታዊነት የራቃቸው የአሉታ – ፍቅረኞች። ከሽንፈቱ ወይንም ከክሽፈቱ በኋላ ደግሞ የሰላ ገጀሟቸውን ይዘው ለመከትከት – ስለሚመቻቸው። እኛ እኮ ቃለ ምልልስን ለማድመጥ እንኳን አቅም – የለንም። እዬተሳቀቁ ነው እምናዬው። ትእግስቱ – ሸሽቶናል። እንኳንስ በድንገት በተነሳ ጊዜያዊ ወረራ፤ እልልታው ሳይሰክን መጠነ ሰፊ ዬዕንባ መራጨት ትዕይንት ሆኖ፤ በባዶ ሜዳ እንኳን ዘርፍ፣ ቅጥል፣ እንጥልጥል፣ እዬተፈጠረ – አሳር። ይህም ለእኔ የጓጎለ ጉም ተከል ነው።

አቅምን ለማሳዬት ብቁ አቅምን መገንባት – ይጠይቃል። አቅም ደግሞ ያለው – ከእኛው ነው። እኛ አቅም ልንሆን ቀርቶ አቅም መሰባሰብ ሲጀመር በፈረቃ በወበራ ወይንም በደቦ ስናጭድ ውለን – እናድራለን። በጥርሳችን የያዝነው አንድ ሥም ስንሞትም  ዬአጥንታችን ማህተም ሳይሆን የሚቀር አይመስለኝም፤ እኛ የምንፈልገው አቅም የሚመራትን ኢትዮጵያን ነው። በሌላ በኩል እሞታለሁ፣ መከራውን ሁሉ እቀበላለሁ የሚል ዜጋ ማግኘት ተራራ ላይ የሚገኝ ስንደዶ የሚመስለንም-  አለን። ወይንም አስፓልት ላይ የሚታፈስ – ጠጠር። ወይንም ሞድ ሱቅ ላይ አጭር – ረጅም – ቀይ – ነጭ – ጉርድ – ሙሉ ተብሎ ተመርጦ ለውጊያ ዝግጁ የሆነ የሰው ልጅ መሸመት። ዕብንነት! ተኝቶ መሄድ ታውቃላችሁን? እንደዛ —–

በሌላ በኩል ለሞት ለተዘጋጀው ደምና ስጋችን ስንል እንኳን ቆራጣ አክብሮት – በኗል፤ የመቻቻል ድህነት አብዝቶ – ይንጠናል። አንድ ነፍስ ለደቂቃ ትንፋሹን የሚሰበስብት ድንኳን ማግኘት የሰማይ ገነት ነበር። ግን መተላለፍ – ነው። ወቀሳም – አለበት። ውሃ ቅዳ እውሃ መልስ። ለማንኛውም የተደራጀ፤ የታጠቀ፤ የነቃ፤ ዓላማውን ጠንቅቆ የሚያውቅ ተዋጊ ኃይል ለመፍጠር ጊዜ አብዝቶ – ይጠይቃል። የኢኮኖሚ አቅም – ይሻል፤ ህሊናን የማዘጋጀት ተቋም – ይጠይቃል። ከአንጎል ጋር ቁጭ ብሎ መወያዬትን – ይጠይቃል። ተባባሪ ሀገሮችን ለማግኘት መጣርን፣ በተከታታይ ያለመታከት መሥራትን – ይሻል። ሁልአቀፍ ድጋፍን – ይጠይቃል፤ ምክንያቱም የውጪዎቹ እነሱ በሚዲያቸው ካጣጣሉት በኋላ መልሶ የመገንባት ሂደቱ ቁልቁለት – አይደለምና። በሌላ በኩልም በቀጥታም ሆነ በተዘዋዋሪ ሁኔታ የዓለም እንቅስቃሴዎች በስውር ስለሚከታተሉት ከእነሱ ቁጥጥር ውጭ ለመድረግ አለመቻል ሌላው የሳይንስና የቴክኖሎጂ ምጥቅ – አመክንዮ ነው። ትግሉ በግሎባል ደረጃ የማህበራዊ የኢኮኖሚ፣ ዬፖለቲካዊ ህይወትን ዕውቅና በቅንነት – ይፈልጋል። የሎጅስቲክስ ሁለገብ ድርጁነትን – ይሻል። የውጪ ሚዲያን አትኩሮትም – ይመኛል። የትጥቅ ትግል እኔ እንደማስበው ከባንቧ እውሃ የሚቀዳ አድርገን እንመለከተዋለን። እንኳንስ በህቡ ለተደራጀ፤ በመንግሥት ደረጃ ላለም ቢሆን የሰፊ መሰናዶ፤ ዬስልታዊ ሳይንስ ውጤት ወይንም ቀመር ነው – ውጊያ። ማሰብ – ይጠይቃል። ሂሳብ። የሰው ልጅ ጭድ አይደለም። ሰው ከመማገዱ በፊት በበቂ ሁኔታ በጥናትና በበቂ አቅም ተክህኖ ነው መጀመር – ያለበት። የትጥቅ ትግል እንጡሩብ የሚዘሉ ስሜቶች – አይገዙትም። ወይንም ከላይ ከላይ የሚፈላ – ግብዝነት።

አንድ ከተማ ቢይዝ ምን ያስፈልገዋል?

  1. ከተማው ውስጥ ያሉ ማናቸውም ማህበራዊ ፖለቲካዊ ኢኮኖሚያዊ አግልግሎቶችን በነበረው መልክ የማስቀጠል፤ ለደሞዝተኛው ደሞዙን፤ ለባለ ጡረታው – ጡረታውን፤ ለታማመው ህክምና፤ ለተጓዡ መጓጓዣውን፤ ለተማሪው ትምህርቱን ወዘተ …. በስተቀር አንድ ቀን ደሞዝ ቢያልፍ እራሱ ህዝቡ ተዋግቶ – ነፃ አውጪውን – ያስወጣዋል። መኖር አለበታ! እህል – እህል የሚሉ ልጆች ወይንም በሽተኛ ልጅ ወዘተ ይኖርበታል … ሸቅጦ መቅጦ አዳሪውም እንዲሁ … አሁንስ መቼ ተሟላለት ልትሉኝ ትችላላችሁ፤ የተሻለ ጠብቆ ያለውን ካጣ ዕዳው ከፍ ያለ ነው ዬሚሆነው። የ200 ዓመት ግዛት ምኞት ውሳኔው የወያኔ ብቻ ሳይሆን ህዝቡ በፊርማ የሚፈቅደው – ይሆናል። ባልተሟላ ዝግጅት አንድ ትንሽ ከተማ ቢያዝ – ትልቁ ቀርቶ ማለቴ ነው፤ እንዲሁም በቀጣይነት አጎራባች አካባቢዎችን ዬማስለቀቅ ሂደት መኖርም ግድ – ይላል። አካባቢው በጣም ነው የሚታወከው። ስለዚህ አዋሳኞችን እዬጨመረ መሄድ – ወሳኝ ቋት ነው – ለተስፋ። „ጦር ከፈታው ወሬ የፈታው“ ይላል የሀገሬ ሰው። የሃይልና የአቅም፤ እንዲሁም የሥነ ልቦና የበላይነት ለውጊያ መሰረታዊ ጉዳይ – ስለሆነ በመደመር ላይ ማባዛት ትንፋሹ ሊሆን ይገባል። ለአዲሶችም የተሟላ አግልግሎትን ማስቀጠል ይኖርበታል። በስተቀር የሚከዳው ወዘተረፈ ይሆናል። ይናዳልም።
  2. ከተጠቂው ኃይል ጋር በሚደረግ ግብግብ የሚሰነዘርበትን የማናቸውንም ዓይነት የመልሶ ዬማጥቃት እርምጃን የመመከት ወይንም መልሶ የማደራጀት እርግጠኛ የሚያደርግ ተጨማሪ አቅም ማሟላትን አጥብቆ – ያስፈልገዋል። ቢያንስ የያዘውን ላለመልቀቅ። ኃላፊነቱ እጅግ ግዙፍ ነው። በልመና ገንዘብ ሲሆን ደግሞ የቁጥር ተማሪዎች ከሆናችሁ ስሌቱን እስኪዱት።
  3. ለቀጣዩ የማጥቃት ሂደት በሰው ሃይል፣ በማተርያል፣ በሎጅስቲክስ ሙሉ አቅም ላይ ሆኖ መገኘት – ይኖርበታል።
  4. ተጠባባቂ አቅም በሙሉ ዝግጁነት የማደራጀት ኃላፊነት – ይኖርበታል፤
  5. የደህንነቱ ጉዳይ በራሱ ፈተና ነው። እርስ በእርስ ነዋ – ፍልሚያው። ማን – የማን? ማን – ለማን? ፈጣሪ ብቻ ነው የሚያውቅ። የማጣሪያው ወንፊት እራሱ ከአቅሙ በላይ የሚሆኑ ግብግቦች አሉበት – የነፃነት ትግላችን።
  6. በሂደቱ የሚገጥሙ ማናቸውንም ደራሽ ችግሮችን በአግባቡ ለማስተናገድ አብዝቶ መሰናዳት ይኖርበታል።
  7. በዲፕሎሎማሲ በኩል ትግሉን ሊረዱ ሊደግፉ የሚችሉ በርከት ያሉ ሀገሮች የሚኖራቸው አሉታዊ ዕይታ ወዘተ ታስቦና ታቅዶ በስልት መከወን ካልተቻለ ገብቶ ለመውጣት ከሆነ እግርም ጫማ ውስጥ ገብቶ ይወጣል። ወይንም ሰውነት ወንዝ ውስጥ ገብቶ ይወጣል። ምን ለማለት ነው የሚከፈለው መስዋዕትነትና የሚገኘው ድል ተመጣጣኝ መሆን መቻል አለበት። ስንዴ ወፍጮ ውስጥ እንደሚጨመረው – አይደለም። ሰው ነው ለውጊያ – የሚዘጋጀው። ድሉንም ለመስቀጠል በጣም እርግጠኛ የሚያድርግ በቂ አቅም መኖሩን ማረጋገጥ በጣም – እጅግ በጣም – ይስፈልጋል። ይህ ሳይሆን በውሽልሽል ወይንም በሞቅታ ፈረስ ጥቂቶችን ለማስደስት ተብሎ መጀመር አይደለም፤ ሙከራ ቢደረግ ከትርፉ ኪሳራው – ያመዝናል። ከዛ በኋላ እንዲያውም አገግሞ የመነሳት አቅሙ ሙት መሬት ላይ – ይወድቃል //// ቀጣዩ ዬድል ህልምም እሩቅ – እጅግ እሩቅ ይሆናል። አንጋጦ ዬማዬት ዕጣ ብቻ ይሆናል – የሚጠበቅው። እንስከን። ከወጣቶች በላይ ጎልማሶች በወጣት ፍላጎት እዬተናጥን – እንገኛለን። ጦርነት በጉርና ተገፍቶ እንደሚወጣው ወገሚትና ቅቤ – አይደለም።

ሳይሳካ ቢቀር ተከታዩ ምን ይሆናል? ወይንም ወደ ኋላ ሠራዊቱ ቢያሸገሽግ ….

  1. እጅግ ከአሁኑ በስፋትም በመጠንም የከፋ ተስፋ ቆራጭነት – ያይላል፤
  2. የሥነ ልቦና ውድቀት በከፍተኛ ደረጃ – ይከሰታል። ምክንያቱም የምንጠብቀው ፍላጎታችነን አስተልቀን ስለሚሆን፤
  3. የዕምነት መጓጎል አብዝቶ ትግሉን – ይፈታተነዋል።
  4. የሃይል መበተን በከፋ ሁኔታ ሊገጥም – ይችላል፤
  5. ዕምነት የማጣትና ኃላፊነትን የመሸሽ አደጋ ሊከሰት – ይችላል፤
  6. ዬሰው ህይወት ጥፋት – በትርፍ አልባነት – ይወራረዳል፣ ጡረታ የመክፈል አቅሙም – የለንም። ሌላው ቀርቶ ጀግናችን ለማለት እንኳን …. ?
  7. ዬንብረት ብክነት በዕሴተ – ቢስነት ይሰክናል፣
  8. ዬህዝቡን ትኩስ ስሜት መልሶ እንደገና ለማግኘት ዳገት ይሆናል፣
  9. እንደገና ለመልሶ ለመቋቋም ሌላ ተጨማሪ ዓመታትን – ይጠይቃል፣ ለዛውም ከተሳካ —- አደጋው እጅግ እጅግ የከፋ ነው የሚሆነው፤ ምክንያቱ እኔ እንደማዬው ፍላጎታችን ሆነ ወቀሳችን ከአቅማች ሲነሳ አይቼ አላውቅምና። ፍላጎታችን በጣም የናጠጠ ዲታ ነው። አቅማችን ደግሞ – ስስ።
  10. በህዝብ ያለው ተቀባይነትና ፍቅር – ይደብዝዛል፤ ለዛውም ወፍ ካወጣው ነው፤ በስተቀር ጨርሶ – ሊተን ይችላል።
  11. የበቀል ጥቃቱ በተጨቋኝ ህዝብ ላይ በእጥፍ ድርብርብርብ ይጨምራል፤ ታዳጊ ወጣቶች – ይደፈራሉ፤ አዛውንታት – ይደበደባሉ፤ ቤተ አምልኮዖች – ይጠቀጠቃሉ፤ ባለትዳሮች ጥቃት – ይፈጽባቸዋል፤ ቁምጥ ያለነው እኛ ደግሞ ተጀምሮ ቢታይ ደጋፊ ይኖራል አውሎው ይሰክናል ወዘተ ወዘተ … ምንትስ ቅብጥርስ የምንለው ነገር „ከበሮ በሰው እጅ ሲይዙሽ“ ዓይነት ነው። የጦርነት ጉዳይ …. ነጠላ ገጥሞ መስፋት አይደለም።

የዲፕሎማሲ ሥራ ቀጣይነት አስፈላጊነት፤

በዲፕሎማሲ ትግል ቀጣይነትም የጓጎሉ ጉማዊ ዕይታዎች – አያለሁ። ምን ሲያደርግ? ምንስ ሲያተርፍ? የሚሉ ዕድምታዎች ይደመጣሉ። ዲፕሎማሲ አንዲት ሀገር ከሌላው ጋር ያላት ግንኙነት ወሳኝ ጉዳይ ነው። ህዋስም ነው። ትእግስትን አብዝቶ ይሻል። የዲፕሎማሲ ሥራ ለዛሬ ብቻ ሳይሆን ለነገም ወሳኝ ጉዳይ ነው። ስለሆነም በተከታታይነት መቀጠል ያለበት አምክንዮ መሆን አለበት። የዲፕሎማሲ ትግል አብዛኛው እጅ በሰላማዊ ትግል ማዕቀፍ ቢካተትም ለትጥቅ ትግሉም ቢሆን ወሳኝነት ያለው ክስተት ነው። በነገራችን ላይ ለእኛ እንደ ሃጢያት፤ እንደ ወንጀል ይታይ እንጂ ትናንት ሻብያና ወያኔ ያለፉበት ህይወት ነው። ዛሬም ቢሆን እኛ ብቻ አይደለነም ለነፃነት ትግል የትጥቅ ትግልን እንደ አማራጭ – ያዬነው፤ እንደ ህንድ በርከት ያሉ ሀገሮችም እያካሄዱት – ይገኛሉ። ስለዚህ ለሁለቱም ስልት ደጋፊ ሀገሮችን ወይንም ግለሰቦችን ወይንም ተቋማትን ማግኘት ለነፃነት ትግል መሰረታዊ ጉዳይ ነው። ስለዚህም ዘርፉን በታታሪነትና በቀጣይነት መከታታል በእጅጉ – ያስፈልጋል።

ይህም ማለት ከቀደመው በተሻለ፤ በጠነከረ ሁኔታ የዲፕሎማሲ ተግባርን ተግቶ ሥራ ላይ ማዋል – ያስፈልጋል። የዲፕሎማሲያዊ ትግል በተቆራረጠ መልኩ ከሆነ፤ ወይንም በትናንሽ የትርፍ ቅንጥብጣቢዎች ከተዘናጋ ውጤቱ የዚያን ያህል የከሳ ነው የሚሆነው። ነገር ግን ተከታታይነት ያለው፤ ሥልጡን፤ በታቀደ ተግባር በተደራጀ ሁኔታ ከተከወነ ከሁለቱ የትግል መስመሮች ባልተናነሰ በገዢው ላይ የሚያሳድረው ተጽዕኖ እጅግ ጉልህ ነው። አጋርም ብረት መዝጊያ የሚሆን – ያስገኛል። በሌላ በኩል ተቀናቃኙ የጎጥ ድርጅት የወያኔ ሃርነት ትግራይ በፖሊሲ፤ በፋይናንስ፤ በመዋቅር፤ በዘመቻ የሚከውነውን የፕሮፖጋንዳ ተግባር ለማፍረስ ተሽሎና ቀድሞ መገኘትን ይጠይቃል። ይህም ብቻ በቂ ላይሆን ይችላል፤ ግንኙነቶችን በሙሉ በፋክት ላይ የተመሰረቱ፤ እውነትን ያቀፉ ነገ ሊገኙ የሚችሉ ሃቆችን የተንተራሱ መረጃዎችን ለሚመለከታቸው አካላት መላኩ ሌላው የተስፋ ፍሬ አስገኝ ሃይልም ነው።

© internal character scope or reader (© የውስጣዊ ሥነ ባህሪ አጉሊ መነጸር ወይንም አንባቢ)

ቃሉን እራሴ ነው የፈጠርኩት። ይህን ሳይንቲስቶች ቢሰሩት መልካም በሆነ – በነበረ። ግን እስካሁን ድረስ አልሠሩትም። ይህ መሆኑ እዬታወቀ በአንድ ፓርቲ ወይንም ድርጅት ወይንም ንቅናቄ ወይንም ተቋም የሚፈጠሩ ጥቃቶችን ቀድሞ ማዬት ነበረበት የሚል ዕድምታ አለ። እንዴት ይለያል ከሰርገኛው ጤፍ ነጭኑ ለይቶ – ማውጣት። መልካችን አንድ፤ ደማችን አንድ፤ ዘራችን አንድ ነው። ቤቴ ብሎ ለሚገባ፣ ለመደራጀት የወደደውን ማናቸውም ተቋማት የአብርሃም ቤት ማለት ይኖርባቸዋል። ከመግባቱ በፊት ለእኛ ሲባል የተሠራልን የውስጥ ሥነ ባህሪ አጉሊ መነጸር ወይንም አንባቢ መሳሪያ internal character scope or reader እንዳለ ሁሉ ጠቅልለን፤ አንገዋለን ቀድሞውንም ማጣራት ነበረባቸው፤ ከመሃከላቸው የወያኔ ሃርነት ትግራይ ወኪሎች ስላሉ እንዲህ ሆነ —- እንደዛ ሆነ እንላለን። ወይንም ችግርን አቅደን እንዲህ ሊሆን ይችላል —- እንዲያ ሊመጣ ይችላል እንላለን። በዕውነቱ ይህ ምናብ ነገር ነው – ለእኔ። እያመሰን ያለውም ጉዳይ ይሄው – ይመስለኛል። የመሬት መንቀጥቀጥ ወይንም አውሎ ቢነሳም የሚለካከከው እሚጨፈጨፈውም አንድ ንቅናቄ ብቻ ላይ ነው።

አንድነት ለፍትህና ለነፃነት ከመጨረሻው ጫፍ ደርሶ እንዲህ ሥሩ ተነቅሎ ሲፈርስ መነሻውም መደረሻውም ትግሉ የእርስ በእርስ ስለመሆኑ ከአምክንዮ ውጪ እንሆናል። ስለምን ማገዶዎቹ የአንድነት መሪዎች ተለይተው፤ ተለቅመው ጉድጓድ ውስጥ ተጨመሩ? ለምን? ይህን የሚመልስ ህሊና ለሌላውም ጥያቄ መልስ ሊኖረው – ይገባል። እንዳለ ድርጅቱን በሃጢያተኛነት ከመመደብ በፊት። ፍርዳችን፣ ዳኝነታችን፣ ወቀሳችን እራሱ ከወያኔ ሃርነት ትግራይ ባልተሻለ ሁኔታ በተመሳሳይ ወርድና ቁመና – የተጋደመ ነው። ምን የተጋደመ ብቻ የተኛም ነው – ለሽ ብሎ። ምክንያታዊ ጉዳዮችን እኩል በሰው ህሊና ለመርመር ቢያንስ ለራስ ህሊና ለመፈቅድ አለመቻል። መነሻቸውን ሆነ መድረሻቸውን ማዕከላዊ ሰቁ ላይ ቁመን ሙቀቱን እንለካው። አሉታዊውን – 1, – 2, – 3፣ ወዘተ ወይንም አዎንታዊውን + 1, +2, +3  ወዘተ … ደመ መራራው ድርጅት የትናንቱ ግንቦት 7 የዛሬው አርበኞች ግንቦት ከአካላቱ መንፈስና ህሊና ገና ያልተፈለሰፈ ሳይሆን ፈጽሞም ያልተሰበ መሳሪያ መግጠም ነበረበትን?

ከቶ ዛሬ ነፃ ነኝ የሚል የነፃነት ትግሉ ግንባር ቀደም ታጋይ ካለ እራሱን እረስቷል ነው የምለው። በእያንዳንዱ እንቅስቃሴያችን ሁሉ ተጫማሪ ዬድርብ ሰው ጥላ አለ። ግን አናስተውለውም። እምንታገለው የራሳችን አካል ብቻ ነው፤ ቁሞ የምናዬውን። ነገር እዬለቀምን አቤቶ ስህተት እባክህን ናልን ብለን ተማጽነን ወጮፈዎን ወደ አንድ አቀጣጫ ብቻ – እንልከዋለን። በፓሊሲ ደረጃ ዕቅድ ተዘጋጅቶለት ለኢንባሲዎች የተበተነ ትዕዛዝ ነበር። በ6 ዓመት ቆይታው መሬት የያዘ ተግባር በጠላት የፈረጅነው የጎጥ ድርጅት ማንፌስቶ ዬወያኔ ሃርነት ትግራይ ገቢራዊ – አድርጎታል። በገፍ ወደ ውጪ ከሁሉም ብሄረሰቦች – አስገብቷል። በህጋዊ – ፓስ። ፍጹም ስውር በሆነ ሁኔታ የእዝ ሰንሰለት አለ። አይደለም የሃበሻ – ተሃበሻ ግንኙነት ከዚህ ባለፈም የሄዱ – መረቦችም። አንድ ጹሁፍ ላይ አቶ ኤርምያስ ለገሰ ስለምርጫ 2007 ከማህደር ራዲዮ ጋር የነበራቸውን ቆይታ ያሰከኑት ከቆጮ ላይ ነበር። የሪስቶራንቱ ስም ሳይቀር ነበር የጻፉት። ለወያኔ ሃርነት ትግራይ የስለላ ተግባር ወጪውን በመቶ – ይቀንስለታል። ሳነበው እራሱ – ተንዘፈዘፍኩኝ። በቃ እንዲህ ምንም እንደሌለበት ሰው ነው እምትዝናኑት ማለት ነው?! ገረማችሁኝ።

መኪናንም ሞቅ አድርጎ አስነስቶ መሄድ ብቻ ነውን? በኪሱ ምን እንዳለ አትፈትሹትም ማለት ነው?  የገብያ ቦታዎቻችሁ የተለመዱ ናቸውን? በቃ! ኑልኝ ካለው ሁሉ ድግስ ቤት ትገኛላችሁን?! ፊት ለፊት ወጥታችሁ እዬታገላችሁ የሃበሻ ቤቱንም በልክ ለማድረግ አቅም አነሳችሁን?!  በጋብቻ – በአብልጅነት – በጓደኛ ወዘተ ያሉነን ግንኙነቶች በቃ እንደወረደ መቀላቀል ነውን? …. ጦርነቱ የእርስበርስ በመሆኑ አብዝቶ ጥንቃቄ – ያስፈልገዋል። ቢያንስ ለራስ ዘብ መቆም። ዝለናል ወይንም ተደግሞብናል። መንገድ ላይ እያለን ስልክ ቢደወልም ፈጥነን እናነሳ ይሆናልን?! በኋላችን መኪና እዬተከተለ አጣብቂኝ ቦታ ላይ ስንደርስ እራሱ ደወሉ ካነሳንለት – ድንገተኛ አደጋ ውስጥ እንድንገባ ሊታቀድ እንደሚችል ከቶ አይታያችሁምን?! ደም ከልብነትን አስታውሳችሁ አታውቁንም?! ተከታታያችሁ አቶ ‚ሀ‘ እሱ ደስ ብሎት አልፎን ይሄዳል። መሳሪያ አልያዘ፤ ግን በሥልጡን ሥልቱ በልጦ ድሉን ተጎንጭቶ በሰላም እፎይ ብሎ ቤቱን ይገባል። እሰቡ – በትንሽ። እህት ነኛና አብዝቼ ስለናንተ አስባለሁ።

እውነት ለመናገር የውስጥ ሥነ ባህሪ አጉሊ መነጸር ወይንም አንባቢ internal character scope or reader መሳሪያ በሌለበት ሁኔታ በግራ ቀኙ ተጠቂዎች እኛው ነን። ስለዚህ ለኑሯችንም ደንበር ይኑረው ነው ፍሬ ነገሩ። የሆኖ ሆኖ በታሠሩ ወገኖቻችን ሳቢያም ሁኔታ እዬተፈለገ እያሰገረ በሚነሳ አለሎ ትደቁሱታላችሁ እንደ – አደስ መከረኛውን። የትም ቦታ የወያኔ ሃርነት ትግራይን ደጋፊዎች አሉ ከቤታችን ጀምሮ …. ማንገዋለያ መሳሪያ ደግሞ ዬለም። ስለዚህ ከሳሽም – ተከሳሽም ሊኖር አይገባም። ከጥንቃቄ ትርፍ እንጂ ኪሳራ ስሌለ በዬትም ሁኔታ ጠንቃቃ መሆን፤ ደወሎችን ማድመጥ፤ ምቾዎቶችን መቀነስ በእጅጉ ያስፈልጋል። ይቅርብኝ ብሎ መቁረጥና – መወሰን። በራስ ላይ መዕቀብ መጣል። የተቋማት ሁሉ ችግሩም ይሄው ነው። የነፃነት ትግል ማለት ከሁሉም ፍላጎቶች ጋር በስድ ሳይሆን በተዕቅቦ መኖር ማለት ነው። የነፃነት ትግል ኑሮ በልቅነት – አይታሰብም። ሥርዓት አለው።እራስን መቅጣት፤ ተፈጥሯዊ ስሜትን መግታት። ወጣትነትን አሳልፎ ፈቅዶ መስጠት፤ እናትነትን ሆነ አባትነትን በፈቃድ ማጣት፤ ተፈጥሯዊ ደስታዎችን መክዳት፤ በዳንኪራዎች ላይ መሸፈት … ወዘተ … የነፃነት ትግል ለእኔ የሱባኤ ጊዜ ነው።

ከውና – ነፃነት የፒክኒክ (picnic) ውሎ አይደለም። ወይንም – ቡፌ። መስዋዕትነትን ሰንቆ መከራን የፈቀዱትን ብቻ በአባልነት የሚቀበል ስለሆነ ቅንጦተኞች፤ ወይንም ቀለጤዎች ወይንም ዘመናዮች ክፍሉ አይደሉም። ነፃነት የራበው – ራህቡን የሚያስታግስበት ብትን መቆሚያ አፈር፤ ወስፋቱን የሚያሳርፍበት ቁራሽ እንጀራ፤ ጉሮሮውን የሚያረጥብበት ጭልፋ ጠብታ – ኤዶሙ ነው ለእሱ። ከፈኑን የሚሸፈንበት – ብጣቂ እራፊ …. እና ቀበቶ እና መቀነት —– ሌላውን ድለቃ ለምቾተኞች ለድሎተኞች

(no risk no fun) ይላሉ ፈረንጆቹ። ተደፍረው የሚገባባቸው በሮች ሁልጊዜ ላይሳኩ ይችላሉ ወይንም ሊሳኩ፤ ወይንም ተቆርጠው የሚቀሩ ህልሞችም ሊገጥሙ ይችላሉ፤ ተቆርጠው በሚገባባቸው መጠራቅቆች ተስፋን አምጦ ለመውለድ ምጥና ዳጥም ናቸው፤ ኮሶን – እንቆቆን፤ አሳንጋላን ደፍሮ ወስዶ ከኮሶ ትል መገላገል …. በስተቀር በህዝብ አደባባይ እዬሾለከ እዬወጣ ከእግሩ ሥር ይለጠፋል …. ትሉ። ውርዴት ጠጥቶ መኖር ? ? ?

የእኔ ጌጦቼ ለነበርን ሸበላ – መሸቢያ ሰሞናትን በፍቅር ተመኘሁ።

ሃሙስ ራዲዮ ፕሮግራም አለኝ በ2.07.2015 አዬር ላይ ከ15 እስከ 16 ወይንም በማግሥቱ አርኬቡ ላይም – ታገኙኛላችሁ።

Tsegaye Radio or www.tsegaye.ethio.info. Aktuelle Sendung

አንቺ እናት ሀገሬ ኢትዮጵያ ሰንድቅዓላማሽን ለብሼ አንችን የማይበት ቀን በእጅጉ – ናፈቀኝ! እባክሽን እማ ለወጉ – አድርሽኝ።

ለእኔስ ሰው መሆኔ ብቻ ይበቃኛል።

እግዚአብሄር ይስጥልኝ።

– See more at: http://satenaw.com/amharic/archives/8137#sthash.L0TmpVuB.dpuf

ከሻቢያ ሥርዓት ለኢትዮጵያ ሥርዬት ይመጣል ብሎ ማመን አንድም ቂልነት፣ አልያም መሠሪነት ነው! – በአሞራው ውብነህ

በአሞራው ውብነህ (amorawwubneh1933@gmail.com)፣

isayas-on-esatሰሞኑን በሁለት የተለያዩ ጸሐፊዎች ሁለት እጅግ ተቃራኒ የሆኑ መጣጥፎች ለንባብ በቅተዋል። የጽሑፎቹ ጭብጥ የሚያቀነቅነው“ሻቢያ ለኢትዮጵያውያን የነፃነት ትግል እውነተኛ አጋር ሊሆን ይችላል? ወይስ ምንጊዜም ሊታመን የማይችል መሠረታዊ ጠላት ነው?» በሚሉ ኃሣቦች ዙሪያ ነው።

ከሻቢያ መሠረታዊ ባህርይ በመመርኮዝ፣ በአሉታዊው ሁኔታ ትንታኔ ያቀረቡት አቶ አንዱዓለም ተፈራ ናቸው። የ”እስከመቼ» ድረገፅ ባለቤት እና አዘጋጅ የሆኑት አቶ አንዱዓለም “ለፕሬዘዳንት ኢሳያስ አፈወርቅ ምስክር»[i] በሚል ርዕስ ባቀረቡት ጽሑፋቸው፣ እርሣቸው አባል የነበሩበት የኢትዮጵያ ሕዝብ አብዮታዊ ፓርቲ (ኢሕአፓ) ሠራዊት (ኢሕአሠ) ተዋጊ ሆነው በትግራይ፣ በኤርትራ እና በጎንደር ክፍለሀገሮች ከዚያም ድንበር ተሻግረው በሱዳን አገር በሚዘዋወሩበት ወቅት ያጋጠማቸውን፣ ያዩትን እና የተገነዘቡትን አንድ በአንድ እየተነተኑ፣ ማስረጃ በማጣቀስ አቅርበዋል። እንደእርስሣቸው ምሥክርነት ሁኔታውን፦

“ከሁሉ በላይ የተማርኩት፤ ኢሳያስ አፈወርቂ ምን ዓይነት ሰው እንደሆነ ነው። በርግጥ ቀደም ብሎ በኢሕአፓ ላይ የፈጸመው በደል በውል የተመዘገበ ነው። ባጠቃላይ ግን ለኢትዮጵያ ያለው ጠንካራ ጥላቻ፤ ጊዜ የማይሽረው፣ ምንም ዓይነት ድርድር የማያረግበው፣ እና በደም ሥሩ የተተከለ ስለሆነ፤ ከዚህ ግለሰብ ጋር የሚደረግ ቃለ መጠየቅም ሆነ ከሱ የሚደመጥ በጎ ንግግር ዋጋ የለውም። በርግጥ ከአንድ ድርጅት የግል ፍላጎት ተነስቶ፤ ኢሳያስን እንደጣዖት ማጋነን ይቻላል። ተሸክሞ ማተለቅም ይቻላል። ምሽግ ሠጠኝ፣ ማሰልጠኛ ቦታ አቀረበልኝ፣ ገንዘብ ረዳኝ ብሎ ከሱ መጠጋት፤ የወደፊትን የሀገር አደጋ አለማጤን ስለሆነ፤ እንዲህ ባለ ተግባር ላይ የተሰማሩትን ተው! ተብለው እንዲሰሙ ማድረግ ተገቢ ነው። እምቢ ካሉ ግን፤ ሀገራችንን ሊሸጡ ተነስተዋል ብሎ መኮነን ያስፈልጋል። ከጠላት ጋር አብረዋል ብሎ መወንጀል ያስፈልጋል።»

በማለት ይገልጹታል። አቶ አንዱዓለም ተፈራ ስለሻቢያ እና መሪው ኢሣያስ አፈወርቂ በተጨባጭ የተገነዘቡትን እውነታ በዐይን እማኝነት ተመስርተው ምሥክርነታቸውን ሲያቀርቡ፣ በተቃራኒው ወገን የቆሙ ሌላ ሰው ደግሞ ይህንን አቋም በማጣጣል ብቅ ብለዋል። እኒህ ሰው አቶ ኃይለአብርኤል አያሌው ይባላሉ።

አቶ ኃይለአብርኤል ከሁሉ ያስቀደሙት ከዚህ በፊት በፖለቲካ እና የሲቪክ ድርጅቶች ውስጥ የነበሯቸውን ሥልጣኖች በማስተዋወቅ ነው፦ የቀድሞው የመዐህድ ህዝብ ግንኙነት ሃላፊ፣ የሕብረት ም/ሊቅመንበርና የሞረሽ መስራች አባል[ii]» በማለት ራሣቸውን በማስተዋወቅ ይጀምራሉ። በእርሣቸው አገላለጽ መሠረት “የዐማራውን ስም የማጉደፍ እና የማጠልሸት ፕሮፓጋንዳ የተጀመረው በኤርትራ በረሃዎች ነው።» ለዚህ ደግሞ “የኤርትራ ተገንጣይ ድርጅቶች [ሻቢያን ጨምሮ ማለት ነው] የትግራይን ነፃ አውጪ ግንባር በማስታጠቅ በኢትዮጵያ ላይ የውክልና ጦርነት እንዲከፍት» ማድረጋቸውን በራሣቸው አንደበት አምነዋል። አሁን እርሣቸው ከጊዜ በኋላ ስለ ኢሣያስ አፈወርቂ እና ስለሚመራው ሻቢያ “ለኢትዮጵያ ቅን አሣቢነት» የተገለጸላቸው ሚሥጢር ግን የዚህ የቀድሞ አቋማቸው ጋር ሲነፃፀር ፍፁም ተቃራኒ የሆነ ነው። በአሁኑ የፖለቲካ አቋማቸው መሠረት፦

“ሻብያ ወይም አሁን አለምዓቀፍ እውቅና ያለው የኤርትራ መንግስት ለረጅም ዘመን ባካሄደው ትግል ውስጥ አንግቦት የነበረው አብዛኞቹ መፈክሮች በግዜ ሂደት ወይበው በሁኔታዎች ተጽዕኖ ተለውጠው በተፈጠረው አዲስ የሃይል አሰላለፍ ውስጥ ዋና የህልውናው ጠላት ሆኖ በተገኘው በትላንት ተላላኪው ሕወሓት ወያኔ ጋር የጌታና ሎሌነቱ ዘመን እብቅቶ በጦርነት ፍጥጫ ውስጥ በሚገኝበት በአሁኑ ወቅት በተፈጠረው የሃይል መሳሳብና ባለው ነባራዊ ሁኔታ አንጻር ተንተርሰው አዲስ የወዳጅነት ምዕራፍ የከፈቱት ኢትዮዽታዊ ሃይሎች አማራጭ የትግል ስልታችውን ገቢራዊ ለማድረግ ከኤርትራው መንግስት ጋር እያደረጉ ያለው ግንኙነት በኢትዮጽያውያን ዘንድ በድጋፍና ተቃርኖ መሃከል ሲዋዥቅ ቆይቶ በአሁኑ ወቅት በኢትዮዽያ ውስጥ ባለው ዘረኝነት የፖለቲካ እመቃና የነጻነት እጦት የሰላማዊ ትግሉን ምህዳር እጅግ ያጠበበው ከመሆንም በላይ በሰላማዊ መንገድ ለውጥ ይገኛል የሚለው ተስፋ ጭለማ የዋጠው በመሆኑ አብዛኛው ኢትዮዽያዊ በኤርትራ የተጀመረውን እንቅስቃሴ የመደገፍ አዝማሚያ እያሳየ ያለበት ወቅት ላይ ነን።»

በማለት አንባቢዎቻቸውን ለማማለል ጥረዋል። ጥረቱ ባልከፋ፤ ሆኖም ነገሩ “ላም ባልዋለበት ኩበት ለቀማ» ሆነ። ለመሆኑ እንዲህ ለሻቢያ ጥብቅና የቆሙት አቶ ኃይለገብርኤል አያሌው ማን ናቸው?

እኒህ ሰው አሁን የት እንደሚኖሩ በግልጽ ባያሣውቁም ከዚህ ቀደም ብሎ በኢሣት ካደረጉት ቃለመጠይቅ በመነሣት ዋሽንግተን ዲሲ አካባቢ መሽገው እንደሚኖሩ የአደባባይ ምሥጢር ነው። ሆኖም ከቀድሞ ድርጅቶቻቸው ኃላፊነቶቻቸው እንዴት እንደተለያዩ ግልፅ አላደረጉም። በዚህ ረገድ አቶ አንዱዓለም ስለራሣቸው ሲገልጹ ምንም ሳያፍሩ ከድርጅታቸው ከኢሕአፓ መቼ እንደተለያዩ ይፋ አድርገዋል። ስለሆነም ለአቶ ኃይለአብርኤል በመጀመሪያ ደረጃ ሊቀርብላቸው የሚገባው ጥያቄ “ከእነዚህ ከጠቀሷቸው (ምናልባትም ካልጠቀሷቸው) የቀድሞ የኃላፊነት ቦታዎችዎ እንዴት እና በምን ምክንያት ለቀቁ?» የሚል ነው። መቼም በአሁኑ ዘመን እንደሆቴል አልጋ ተከራይ ከአንዱ ድርጅት ወደሌላው፣ አንዳንዴም በአንድ ጊዜ የብዙ የፖለቲካ እና የሲቪክ ድርጅቶች አባል መሆን የብልጥነት መለኪያ ተደርጎ ተወስዶ ይሆናል። ነገር ግን እዚህም፣ እዚያም መርገጥ የፖለቲካ ዓላማ ጽናትን አመልካች ሊሆን አይችልም። ስለሆነም እርሣቸው አሁን በሚያምኑበት ሻቢያን ” የኢትዮጵያ ነፃነት እና አንድነት ብቸኛ ጠበቃ እና አቀዳጅ» መሆኑን በሚያሣየው የትግል መሥመር ታግለው እስከዛሬ ምን ውጤት እንዳስገኙ ለአንባቢዎቻቸው በተጨባጭ ሊያቀርቡ ይገባል። አልያ ግን ሁሉንም ሻቢያን የሚቃወሙ ኢትዮጵያውያንን፣ በተለይም ዐማራውን ከፈፅሞ ጥፋት ለመታደግ የተቋቋመውን ሞረሽ ወገኔን እና የድርጅቱን መሪ አቶ ተክሌ የሻውን፦

” እንደ አለመታድል ትልቁን ሕዝባዊ ተልዕኮ ለማሳካት የግል ስሜትን ተቆጣጥሮ ያነገቡትን እላማ ከማስቀድም ይልቅ ትንንሽ የንትርክ ሰበዞችን መምዘዝ በሚያስቀድሙ፤ አዲሱን ትውልድ ለማድመጥ ጆሮዋችው የተደፈነና እንቆምለታለን የሚሉትን ወገን የማይወክል ፤ጥበብ የራቀውና ዲፕሎማሲያዊ አቀራረብ የተለየው ፖለቲካ በማራመድ ተለዋዋጩን የአካባቢያችንን ሁኔታ ገምግሞ ተመጣጣኝ አቋም ይዞ መገኘት በሚያስፈልግበት ወቅት በአሮጌ የታሪክ ቡሉኮ ተጀቡኖ ዘመኑን ያልዋጀ ሃሳብ ይዞ አማራን ያህል ህዝብ አደራጃሁ ብሎ ማሰብ ቀልድ መሆኑ ሊገባችው አለመቻሉ ያስዝናልም፤ ያሳፍራልም።»

ብሎ ማንጓጠጥ የፖለቲካ ብስለትን አያመለክትም።

ለዐማራው ተወላጅ፣ የሻቢያው መሪ አቶ ኢሣያስ አፈወርቂም ሆነ ሟቹ የወያኔዎቹ መሪ አቶ መለስ ዜናዊ የአንድ ሣንቲም ሁለት ገፅታዎች ናቸው። ለእኒህ አምባገነኖች “የኢትዮጵያ ታሪክ ተብሎ የተጻፈው ሁሉ የዐማራ ደብተሮች የለቀለቁት ተረት ተረት ነው፤ ኢትዮጵያም ከመቶ ዓመት ያልበለጠ ታሪክ ያላት ምኒልክ የፈጠራት ናት።» የእነርሱ ደቀመዝሙር መሆናቸውን በአደባባይ ያወጁት አቶ ኃይለገብርኤል አያሌውም የዐማራው ድርጅት የሞረሽ ወገኔ መሪዎች “በአሮጌ የታሪክ ቡሉኮ የተጀቦነ» ናቸው። አቶ ኃይለገብርኤል ባላዩት እና በማያውቁት ነገር ስለሻቢያ ቅዱስነት እና ለኢትዮጵያውያን የነፃነት ትግል አጋርነት ይህን ያህል ገፍተው ጥብቅና ቆመዋል። ሆኖም ሻቢያን ጠንቅቀው የሚያውቁት እና “በሻቢያ ድጋፍ ወያኔን ታግለን መጣል እንችላለን» ብለው አምነው ወደ ኤርትራ አቅንተው የነበሩት ግለሰቦች የሚሰጡት የዐይን ምስክርነት የእርሣቸውን ተቃራኒ ነው።

በተለያዩ ጊዜያት “የኢትዮጵያ ሕዝብ አርበኞች ግንባር» በመባል በሚታወቀው ድርጅት በአመራር ላይ የነበሩ እና ያሉ፦ ፕሮፌሠር ሙሤ ተገኝ፣ አቶ መልኬ መንግሥቴ፣ አቶ ልዑል ቀስቅስ (በ1997 ዓ.ም ምርጫ የፓርላማ ተመራጭ ነበሩ)፣ አቶ አሰፋ ኃይሉ (በዐማራ ክልል የምክር ቤት ተመራጭ የነበሩ)፣ እና ሌሎችም በተደጋጋሚ እንደገለጹት ሻቢያ ምንጊዜም ጠላትነቱ የማይሽር ፀረ-ኢትዮጵያ እና ፀረ-ዐማራ ድርጅት ነው። እኒህ ሰዎች በሻቢያ ዕርዳታ ወያኔን እናስወግዳለን ብለው፣ ከሁለት እስከ አሥር ዓመታት በኤርትራ በረሃዎች ተንከራትተው ነበር። ሆኖም አቶ ኃይለገብርኤል ጥብቅና የቆሙለት ኢሣያስ አፈወርቂ እና ጭፍሮቹ አንዲት ጋት እንኳ አላንቀሣቅሳቸው ስላሉ ተስፋ ቆርጠው እና ሕይዎታቸውን አስፈላጊ ባልሆነ ሁኔታ እንዳያጡ በመስጋት ዳግም ተሰድደዋል።

በቅርብ ጊዜ ከግንቦት 7 ወታደራዊ ክንፍ ተለይተው ከወጡት አባሎች መካከል፦ ሽታዬ (የቅፅል ስም ቼጎቬራ፣ የወታደራዊ ክንፉ የአስተዳደርና ፋይናንስ ኃላፊ የነበረ)፣ ማስረሻ (የቅፅል ስም አባስ፣ የወታደራዊ ሥልጠና ኃላፊ የነበረ)፣ ኮስሞስ (የወታደራዊ ክንፉ የሕዝብ ግንኙነት ኃላፊ የነበረ)፣ ቴዎድሮስ ስዩም ኃይሌ (የቅፅል ስም ምኒልክ)፣ እና ሌሎችም ወደ ኤርትራ አቅንተው የግንቦት 7 ታጣቂ ኃይልን ከተቀላቀሉ በኋላ የሻቢያን የእገታ ሕይዎት አምልጠው ወጥተዋል። ስለሻቢያ መሠሪነት እና ፀረ-ኢትዮጵያነት እኒህ ኢትዮጵያውያን ወጣቶች የሰጡትን የዐይን እማኝነት አቶ ኃይለአብርኤል እስከዛሬ አልሰሙ ይሆን?

ምክር ለአቶ ኃይለአብርኤል፦ የዐማራውን ወጣት ለሻቢያ እና ለወያኔ የሥውር ሤራ የዕርድ ጉረኖ ከሚያቀርቡ እርስዎ ራስዎ ወደኤርትራ ሄደው ትግል ይጀምሩ እና ምሣሌ ይሁኑ። ምናልባት ከተሣካልዎት ተከታዮች ያገኙ ይሆናል። ሆኖም እርስዎ ከጀርባ ሆነው ብሶት ላይ ያለውን ዐማራ ለሌላ የከፋ ዕልቂት አይግፉት።

በዚህ የታሪክ አጋጣሚ ተጠቅመው፣ በኢትዮጵያውያን በጠቅላላ እና በተለይም ደግሞ በዐማራው ተወላጆች ላይ በተጋረጠው የኅልውና አደጋ ላይ የሚሣለቁትን ዝም ብሎ ለማለፍ አይቻልም። ስለዚህ “በሻቢያ ድጋፍ በወያኔ ላይ የትጥቅ ትግል አካሂደን ኢትዮጵያን ነፃ እናወጣለን» የሚሉ “የአየር በአየር ፖለቲከኞች» አደብ ሊገዙ ይገባል።

በተለይ ለዐማራ ወጣቶች፦ ዐማራው በታሪኩ ካጋጠሙት የኅልውና ፈተናዎች መካከል ባለፉት 24 ዓመታት ያለፈበት እጅግ የተወሳሰበው ምዕራፍ ነው። ስለሆነም ይህንን የፈተና ጊዜ ለማለፍ ጽናትን እና በራስ መተማመንን ይጠይቃል። በተለይ ደግሞ ለዐማራው እና በጠቅላላ ለኢትዮጵያውያን መሠረታዊ እና ታሪካዊ ጠላቶች ከሆኑት እንደ ሻቢያ ዓይነት ድርጅቶች ሥርዬት ይገኛል ብሎ ማመን፣ አንድም ቂልነት ሲከፋም እጅግ መሠሪነት ነው። በመሆኑም የዐማራ ወጣቶች ከእንዲህ ዓይነት ዓላማ አራማጅ፣ ኃሣይ መሢኃን ከሆኑ የሣር ውስጥ እባቦች ራሳቸውን ሊያርቁ ይገባል።

በአሞራው ውብነህ (amorawwubneh1933@gmail.com)

– See more at: http://satenaw.com/amharic/archives/8132#sthash.JAX50GO7.dpuf

በምርጫው ውጤትሊተላለፉ የተፈለገው መልእክት ምንድን ነው? ዳዊት ዳባ

ምርጫው ወያኔ በሚፈልገው እንደውም ባቀደው መንገድ አጠናቋል። “እረጭ ያለ ምርጫ”። እስከቅርብ ጊዜ እንዲደርሰን የተደረገው መረጃ ምርጫውን በመቶ ፐርሰንት ማሸነፋቸውን ነበር።አሁን ለይቶለታል። በመቶ ፐርሰንት ማሸነፋቸውን ብቻ ሳይሆን በተወሰኑት ምርጫ ጣቢያዎች ላይ አገኘንም የሚሉት ድምጽም በተመሳሳይ መቶ ፐርሰንት እንደሆነም ነው።ሌብነቱ እንዳለ ሆኖ ምርጫውን ከዚህ በተሻለና በሚመስል መንገድ ከውኖ በመንግስትነት ለመቀጠል መሞከሩን የሚያውቁት ነበር። አልፈለጉትም እንጂ መቶ ከመቶ ከሚለው በተጓዳኝ አሁንም እንደ አንድ አማራጭ አይተውት ነበር ብሎ በእርግጠኛነት መናገር ይቻላል። የሩቆቹ ነጮቹ አለቆቻችንም የተሻለ ብለውየመከሩትይህንኑ እንደነበረም እየሰማን ነው። ታዲያ ለምን? መቶ በመቶውን ምርጫቸው አደረጉት።

አንደኛው ምክንያትነገሮችንከተለመደው በጣም ባፈነገጠ መንገድ ማድረጉንደጋግመው ተጠቅመውበት ፍቱን የሆነ መላ ሆኖ ስላገኙት ነው። አሁንም ይህው መላህዝብን ተስፋ በማስቆረጥ ተገዥነቱን ለማስቀጠል የጠቅማል ብለው ስላሰቡ ነው። ሁለት በአገር ውስጥ የሚደረገውን በይበልጥም ሰላማዊ የሆነውን ትግል ማከርከርያ ለመምታት ነው።

መታወቅ ያለበት ተገዥነትም ሆነ ገዥነት የጭንቅላት ጨዋታ አለበት። ትክክል ናቸው አይደሉም የሚለውንእናቆየውና ለሀይሉ እራሱን ፍፁም በሆነ ሁናቴ ያስገዛው አገሬው ነው ብለው ሰዎቻችንያምናሉ። ይሄንምርጫያከናወኑበት ጠቅላላ ሁናቴይህ እምነታቸው ምን ያህል ስር የሰደደና ለውሳኔያቸውና ለድርጊቶቻቸው ሁሉ መሰረት መሆኑንነው የሚያሳየን።በዚህ 24 አመት ውስጥተመሳሳይነት ያላቸውን ድፍረትና ንቀት ያለባቸውን ተግባራቶች ብንዘረዝርከአንድ ሚሊዬን ምክንያቶች ውስጥየዚህ ምርጫ ውጤት አንዱ ብቻሆኖ ነው የምናገኘው።ስልሳ ጀነራሎች ካንድ ዘር ሶሙ ስንል ሌላ ስልሳ ጀነራሎች አሁንም ከራሳቸው ዘር ሾመዋል። ተገዥአድረገንዋል የሚለው እሳቦት ለውሳኔ ዋንኛ መሰረት እስከሆነ ተገዥ እንደሆንን እንድንቀጥል ጉልበታቸውን አግዝፈው ማሳየት ደግሞ አለባቸው። መቼም ልናሸንፋቸውየማይቻለን እንደሆነም ደጋግመው ሊያስታውሱን ግድ ይላል። በተጓዳኝ ደግሞ የትኛውንም አይነት የኛመገዳደርኮስሶእንዲታይ ማድረግ ደግሞ አለባቸው። አይቀጡ ቅጣት የሚያስቀጣም ተደርጎ እንዲወስድም ይፈለጋል። ለማንኛውም ይህ ሁሉ አዲስ አይደለምሗላ ቀር ተብሎ የተተው ነው እንጂ ድሮ በባርያ ስረአት ዘመን ባርያ ለማሳደር ሲጠቀሙበት የነበረ ነው።

መቶ በመቶ አይነት እርምጃ በዋናነት ተገዝቶልናል ብለው ከሚያስቡት ህዝብ በላይም ማማ የሆናቸው ክፍልእንደተሸከመእንዲቀጥል በእጅጉ አስፈላጊ ስለሆነም ነው። ጦሩ፤ካድሬው፤ የፓርላማ ምናምንቴው፤ አንድ ለአምስት የተደራጀው፤ አጋር በሚል በየዘሩያሰባሰቡት…። ፈቅደውተጠቃሚ አደረጉት እንጂ ያው ተገዥቸው አድርገው ነው የሚያዩት።

ይህ ሰው ያንድ አውራጃ አስተዳዳሪ ነው። ባለቤቱን ቀድሞ ውጪ ልኳል። አሁን ላይ እፎይታ ሊሰማው አልቻለም። በዚህ ምርጫ ሰበብ ስራ በዝቶበት ጭንቅም ላይ ነው የሰነበተው። ከነልጆቹ ከቤቱ ለቆ በመሳርያ የሚጠበቅ ቦታ ከቶ ነበር። ልጆቹን በመሳራያ እያስጠበቀ ትምህርት ቤት ማመላለስ ድረስ ፈርቷል። በደወለ ቁጥር እነዚህን ልጆች ከዚህ በቶሎ ማውጣት እንዴት አቃተሽ። የዚህ አገር ሁኔታ አይታመንም። አስፈሪ ነው። አንድ እራሴን ሁኔታዎች ሲብሱ ወደጎረቤት አገር በቶሎ መሻገር እችል ነበር። እነዚህ ልጆች ግንምን አድረጌ። ሲያለቃቅስ ነው የከረመው።

ስርአቱ ውስጥ የዚህ ግለሰብ አይነት እጅግ በዙ ናቸው። የዚህ አይነቶቹበእርግጥም መቶ ከመቶ ካልሆነባነሰ ውጤትበጭራሽ አይፀኑም። ዋናው ነገር ቁንጮዎቹ እዚህ ድረስ ያሳስባቸዋል። ያስባሉም። ልብ ልንለው የሚገባ በዚህ ሁኔታ ውስጥ ትንሽ ለቀቅ አድርገው ቢሆን ዘንድሮ እኛምየተዘረፍነው ድምፅ ጨምረንምነፃነታችንን መጠየቃችን አይቀርም ነበር። በመቶ በርሰንት

እንዳሸነፉን ሲነግሩን ደነገጥን። መቶ በመቶው በዚህ አኳያም እንደሚጠቅም አስበውበታል ማለት ይቻላል። በተጨማሪም በሰላማዊው ትግል ውስጥ ድርሻ እያደረጉ ካሉ ዜጎች ውስጥ የተገኘውን ያህል ተስፋ ቆርጠው አብዛኞቻችንን የሚመስሉ ከተገኙም የሚለው አለበት።

Graham Peebles አሳምሮ ገልፆታል።

The recent election was an insult to the people of Ethiopia, who are being intimidated, abused and suppressed by a brutal, arrogant regime that talks the democratic talk, but acts in violation of all democratic ideals.

“ፈላጭ ቆራጭ አንባገነን ሆናችሁ ያለምህረት ስትቀጠቅጡ የኖራችሁትን ህዝብ ምርጫ ተደርጎ እኛን መረጠን ማለት ስድብ ነው። እናውቃችሗለን ስለዲሞክራሲ ትቀደዳላችሁ ነግር ግን አንዳቸውን የዲሞክራሲ እሴቶች እንኳ ማክበር የተሳናችሁ ደናቁርቶች ናችሁ።”

{ይሄ አሸነፍን ለዛውም በመቶ ፐርሰንት የሚለው ለይልቃል ወይ ለሰማያዊ፤ ለመድረክ ወይ ለመራራ ነው ካልን በትልቁ እራሳችንን እየሸነገልን ነው። ትግሉም ካኛ ጋር ነው። መልክቱም ለኛ ለዜጎች ነው።}

ሁለተኛው በአገር ውስጥ የሚደረገውን ሰላማዊውን ትግል ለማድቀቅ ከተቻለም እስከመጨረሻው ለማጥፋት ነው።ስርአቱ ድርጅቶችንእስከነብሳቸውእየበላ ነው። ብዙ ሺ ሰላማዊ ታጋዬች እስር ቤት ነው ያሉት።። በስቅላት መግደል ሁሉ ጀምረዋል። ባአጠቃላይ ሰላማዊ ትግሉን ብቻ ሳይሆን እውነተኛ ታጋዬችን ላንዴና ለመጨረሻ ጊዜ ለማጥፋት ቆርጠው የተነሱ ነው የሚመስለው። ለነገሩ በቅጥቀጣ የሚጠፋ ቢሆን ኖር ድሮ ይጠፋ ነበር። ስለዚህም በተጓዳኝ አይሰራም ብለን እንድናምን ማድረግ አለባቸው። ይህንን ነው ያደረጉት። የሚቀጥለውን የምርጫ ድራማ ካሁኑ የመስራትም ጉዳይ አለበት።ሰይብል ነው ያሉት ሰርተውታል ማለት ይቻላል።

ሰላማዊውን ትግል በተመለከተ ደግሞ ግማሹን ስራ በርትተን ለረጅም አመታት እኛም ስንሰራበት ነው የከረምነው። ስለዚህምበቀላሉ ተፈጻሚ ሊሆን የሚችልሆኖታይቷቸዋል።የድርሻችንን ማድረጉንዛሬም ቀጥለናል። አጉልተን አገር ውስጥ የሚደረገው ሰላማዊ ትግል አይሰራም፤ አያስፈልግምማለት የጀመርነውከምርጫ 97 ማግስት ነው። ይህው ላለፈው አስራ አንድ አመት አካባቢ እየተለዋወጥን ሰርተንበታል። አንዱ ቡድን ሲደክመው ወይ መሳሳቱን አውቆ ሲተወው ሌላው እየተቀበለ እስካሁን ቀጥሏል።ዛሬ የጉጀሌው የኛም ጥረትተደምሮ ሰላማዊ ትግል አያስፈልግም የሚለው የብዙዎች እምነት ነው። እንደውምሰላማዊ ትግል አይሰራምየሚለው ይዘቱን ቀይሮ መታገል አያስፈልግም ወደሚለው አድጓል። እግዚአብሔር እንዳመጣቸው እሱ አንድ ነገር ያድርግብቻ አይደለም በተፈጥሮ በሂደት ታመውና አርጅተው ይሞታሉ የሚባሉ አነጋገሮች መስማትየተለመደሆኗል።

የተዘራውነው የሚታጨደው።

ደቡብ ኦሞ ደራሼ ውስጥ በጊዶሌ አውራጃ መምረጥ የሚችለው የህዝብ ቁጥር 11773 ለለምመረጥ የተመዘገበው 646 ነው። ንብን የመረጠ 431፤ ጃንጥላን 171፤ ሌላ ሰምቼው የማላውቅ ድርጅትን 44 ህዝብ ነው የመረጠው። በሌሎች ምርጫ ጣብያዎች ውጤት ቢገለጽ ከጊዶሌው ብዙም ልዩነት የሚታይበት አይመስለኝም። ምን አልባት በኦሮሚያ ክልል በተወሰነ ደረጃ ልዩነት ሊኖረው ይችላል።የምርጫው እለት በቀጥታ ስርጭት በፌስ ቡክ፤ በሳይቶች በመወያያ መድርኮች ስለምርጫው አፈፃፀም ይተላለፉ የነበሩ የቀጥታ ምስክርነቶችን ስሰበስብ ነበር። ባብዛኛው ምርጫ ጣቢያ የምርጫ ካርድ የወሰዱና ሊመርጡ የወጡት አንድ ላምስት የተደራጁ ደጋፊዎች መሆናቸውን የሚያሳይ መረጃ ነበር በብዛት የሚመጣው።

ይህስኬት ከተባለ መቼስ ማል ጎደኒ ብቻ ነው ማለት የሚቻለው። ይሄ ቁጥር ግን የሚያስፈራ ነው።መጀመርያም ቢሆን የሀይሉ አማራጭ ውጤታማ የሚሆነው በሰላማዊው ትግል መቃብር ላይ ነው የሚለው በጥንቆላ ይሆናል እንጂእስራተጃዊ ሆነ ፖለቲካዊ ፋይዳው ተሰልቶ የተደረሰበት አይደለም። ይህ ተስፋ መቁረጥን እንጂ ተሳትፎ በመንፈግየማሳጣት ትግልም አይደለም። ሲጀመር ካገዛዙ ባህሪ አኳያ የማሳጣቱ ትግል በዋናነት ፋይዳው እዚህ ግባ የሚባልእንዳልሆነ በሁሉም ወገን ስምምነቱ አለ። ከባድ ያደረገውይህንን አይነት አቋም እንድንወስድ ያደረጉን ገፊ ምክንይቶች የተሳሳቱ መሆናቸው ብቻ ሳይሆን ዘርፈ ብዙ የሆኑ ተጓዳኝ ጉዳዬችን አካቶ የተያዘ አቋም ባለመሆኑ ነው።መስሎን ነው እንጂ የጎዳነው ባጠቃላይ ትግሉን ነው። በዋናነት በሀይል የሚደረገውን ትግል። ንቁ ድርሻ ምርጫውላይና ሰላማዊው ትግሉ ላይ ከነበራቸው ዜጎች ነው የመሳርያውን ትግል እየተቀላቀሉ ያሉት። ሰላማዊ ትግሉን ዜጎች በሚሊዬኖች ጉዳዬ ብለው ይዘውትና ተሳትፈውበት ቢሆን ኖር ትግሉ ወደ ህዘባዊ እንቢተኛነት የማደግም የተሻለ እድል ነበረው። እረጭ ያለ ምርጫ ሲያቅዱ እረጭ ማድረግ ነው መዳኒቱ ትግል አይደለም።

ስለተጠያቂነት ከሆነ ምርጫ ያልነውተጠያቂነትን በዋናነት መውሰድ ግድ ይልብናል። ምርጫውን እንደ መብቱም እንደ አንድ ትግልም መወስድናተሳትፎ ማድረግ ይገባቸው የነበሩ ዜጎች በዚህ ደረጃ በማነሳቸው።የነበሩ አስቸጋሪ ሁኔታዎችን ግምት ውስጥ አስገብቶምቢታይ ልንሰራቸው ይገቡ የነበሩ ነገር ግን ያልሰራናቸው ስራዎች ብዙ መሆናቸውን አጋላጭ ነው።ተጠያቂነቱ በተዋረድ ይቀጥላል።ህዘብም ቢሆን በማኩረፍ ሆነ ተስፋ በመቁረጥ ጠብ የሚል መብት የለም። ቀላል የሆነው የዚህ አይነት ትግል ላይ እንኳ ድርሻ ለማድረግ አቅማችን የተሟጠጠ ዜጎች እዩት የሰራነውን።

“If there is no struggle, there is no progress. Those who profess to favor freedom, and yet depreciate agitation, are men who want crops without plowing up the ground. They want rain without thunder and lightning. They want the ocean without the awful roar of its many waters. This struggle may be a moral one; or it may be a physical one; or it may be both moral and physical; but it must be a struggle. Power concedesnothing without a demand.It never did and it never will.”
― Frederick Douglass

“ትግል ከሌለ የሚሻሽልና የሚለወጥ ነግር የለም። ነጻነትን አብዝተው እያሹ ምንም አይነት አስተዋፆ ለማድረግ ተነሳሽነት የሌላቸው ሰዎች ሳያርሱ አዘመራን ማጨድ የሚጎመጁ አይነት ናቸው። ነጎድጓድና መብረቅ የሌለበትን ዝናብ ያልማሉ። ማእበል የሌለበትንም ውቂያኖስ እንዲሁ። ተገደው ካልሆነ ገዥዎች ፈቅደው የሚሰጡት ጠብታ ነፃነት የለም። አይኖርምም። መገደዱ አለባቸው። ማስገደዱ በሀይል ይሆናል ወይም ተሽሎ በመገኘት። ወይም በሁለቱም። የግድ ግን መታገልአለብን።”

ለነጻነት ለሚደረገው ትግል ወገንተኛ የሆኑ የበዙት መገናኛዎች ምርጫውን በሚመለከት ለጥፋቱ ድርሻቸው ከፍ ያለ ነው። ሀላፊነት አለመወጣት ብቻ ሳይሆን አፍራሽ ሚናቸው የጎላ ነበር ባይ ነኝ። ይህንን ለማሳየት አስቤው የነበረውበትንሹ ከምርጫው ሶስት ወር በፈት ጀምሮ በጣም ካነሰም አንድ ወር ውስጥ ሽፋን የተሰጣቸውንና የተሰራባቸውን ቁምነገሮችን ሁሉ በዝርዝር በሰንጠረዥ ማስቀመጥ ነበር። አንገብጋቢነቱ፤ አንድምታው፤ ህዘብ እንዲወስደው የተፈለገው የጠራው መልእክት። ቃላት ምርጫው።ሆን ብሎ ማንኳሰስ ነበር አልነበረም?። ተስፋ አስቆራጭ ነበር አበረታች?። ምርጫው ውስን በሆነ የጊዜ ሰሌዳ የሚካሄድ ነው። አጥኖትና ቀዳሚነት አግኝቷል አላገኘም?። በምርጫ ቅስቀሳው የነበረ ድርሻ ካለ። የመሳሰሉት ወሳኝ ጥያቄዎች በማንስት መገናኛው የነበረውን አስተዋፆ ማሳየት ነበር። በዚህ እሳቦት ሳዳምጠው ሳገላብጠው ስቦረብረው ስለነበር ተልቅ የሆነ የጥፋት ድርሻ እንደነበራቸው ግልጽ ብሎ ማየት ችያለው።ክሴን ከዚህ በላይ ላመረው እችል ነበር። ቢቸግር ነው እንጂ ይህም በራሱ ዱላ ማቀበል ነው። ልተወው።

አገር ውስጥ የሚደረገውን ትግል እንደግፋለን የሚሉ ድርጅቶችና ድጋፍ ማህበራትም ሀላፊነታቸውን ባግባቡ አልተወጡም። መሽኮርመም ይታይባቸው ነበር።ለታሪክ መዝገብ ቤት የሚቀመጥ አቋም መግለጫ ከመጻፍ የዘለለ አልነበረም አስተዋፆቸው። ይህን ያህል የሰው ድርቀት አለ ወይ ነው የሚያሰኘው። የተያዘውን አቋም እንኳ በካሜራ ፊት መናገር ታቡ ነበር። የፖለቲካ ትግል መናገርን አብዝቶ ይፈልጋል።

እንደዚሁተጠያቂነቱ ይቀጥላል አብያተ እምነቶች ህዝብን ወደአምላክ መመለሱ አንድ ነገር ነው። የግድ የተራበና ነጻነት የሌለው ባርያ መሆን ግን የለበትም። ይህ ክፉ ስራ ነው። አምላክም አይደሰትበትም። ስርአቱን አያገለገላችሁ ያላችሁ ዜጎች በይበልጥም ቀለም የቀመሳችሁሁሉ መቶ ፐርሰንት ህዘብ አሸነፍኩህ እንዲባል አድርጋችሗል። ይህ ንቀት ነው። ይህ በህዝብ ላይ ማላገጥ ነው። ለዚህ ድርሻችሁ የጎላ ነውና የደረስንበትን ደረጃ እስቲ ቆም ብላችሁ እዩት።

ወያኔ እንዳቀደው ምርጫው እረጭ ያለ እንዲሆን እገዛ ያደረጉሌሎች አስተሳሰቦች።
– ትግል መሆኑ ቀርቶ ምርጫ ስለተባለ ብቻ ፍታዊ ምርጫ ይደረግና ድምጽ ተሰጥቶ፤ ጠብ ሳይል ድምጽ ተቆጥሮ አብላጫ ድምጽ ያገኛ ስልጣን መያዝ አለበት። ይህ ካልሆነ ምን ያደርጋል። የሚገርመውይህንን የምንጠብቀው ዛሬም ከወያኔ ነው።

– የሚገለውም የገደለውም ምርጫ ጫወታ ውስጥ ስለምትገቡ ነው።ይህ ሲታገሉ የሞቱትንና የታሰሩትን ተጎጂ አድርጎ ማየትና ነገ የሚገደሉትን አስገዳይ አሳሳሪ አድርጎ መፈረጅ ድረስ ይሄዳል። ይሄ ፍርደ ገምድል መሆን ብቻ አይደለም ጭካኔም ነው።

– በምርጫው የታሰተፉ እውነተኛ ተቃዋሚዎች የመጨረሻ ውጤቱ ምን ሊሆን እንደሚችል እንዴትም እንደሚመጣ ምንም ብዥታ በጭራሽ አልነበራቸውም።አይደለም ለራሳቸው ለህዘብ ባገኙት አጋጣሚ ሁሉ አስረግጠው ሲናገሩት በጥረታቸውም ሲገልፁት የነበረ ነው። ይህ በሆነበት እያወቁ ለምን ተሳተፉ የሚለውን ጥያቄ ቆም ብሎ ለሰከንድ እንኳ ለማሰብ አለመፈልግ። በቃ ለስልጣን ነው ብሎ መደምደም።

– ትግል የሚያካሂዱበትን ነባረዊ ሁኔታ በጭራሽ ግምት ውስጥ አለማስገባት። ፍቃድ ጠይቀው የሚሰለፉት ፈሪዎች ስለሆኑ ነው። ትግሉን ከሰላማዊ ወደ ህዝባዊ እንቢታ ያላሳደጉት እየተቻለ ስለሚፈሩ ነው። በመንግስት ታውቀው በግላጭ እየሰሩ መሆኑ እየታወቀ በሚስጥር የማይደራጁት እየቻሉ ነግር ግን ጥቅሙ ስላልታያቸው ነው። አቅምና ጉልበታቸውን ግምት ውስጥ ሳያስገቡ በዛ ላይ ድርሻም እገዛም በሌለበት ውጤትና ተግባር አብዝቶ መጠየቅ። ሲጀመር ታጋዬች ለህዘብ ወይስ ህዘብ ለታጋዬች ነው ጉልበት መሆን የሚገባቸው። በሁለቱም አቅጣጫ ያስኬዳል ብንል እንኳ እስከ ድክመቶቻቸው እነሱ መራራ መሰዋትነት እየከፈሉ ትግሉን ቀጥለዋል። እኛስ?።

አገር ቤት ያሉ ሰላማዊ ታጋዬች ምርኩዝ የያዘ የተቀዳደደ ድሮቶ የለበሰ ባዶ እግሩን የሚሄድ ሽማግሌ ቢሆን እንኳ በርታትና ጉልበት ሆነነው፤ አፅድተን ሱፍ አልብሰነው አሸናፊ ማድረግ መናቃችን ግድ ይለዋል። ፍቱንም ነው።

ባክኖ የቀረ አየር ኃይል

ክንዴ ዳምጤ – ሲያትል

ውስጥ ውስጡን በድብቅ ሲብላላ የሰነበተውና በኋላ ቀስ በቀስ ወደ አደባባይ የወጣው የሻብያና ህውሃት ወዳጅነት ላይ ያንዣበበው ጥቁር ደመና ሞትን አርግዞ እያስገመገመና እያስፈራራ ሰነባብቷል ። እዚህ አስመራ ውስጥ ከወትሮው የተለየ ነገር ባይታይም አዲስ አበባ ላይ የኢትዮጵያን ፓርላማ የክተት አዋጅ ተከትሎ የጦርነቱ ከበሮ ተሟሙቆ ቀጥሏል።Ethiopian air force

ህውሃት አዲስ አበባና ደ/ዘ እንደደረሰ እጁ ያስገባቸውን የኢትዮጵያ አየር ኃይል አባላት ወደ እስር ሲያግዝ እድል የቀናው ባገኘው ቀዳዳ ሁሉ አገር ጥሎ ተሰደደ ። እዚህ አስመራ ደግሞ ሙያችንን ፈልገው አዲስ እየተዋቀረ ባለው አየር ኃይላቸው ውስጥ እያሰሩን ያለን ኢትዮጵያውያን ቁጥራችን ቀላል አይደለም ። እንዲያውም ከ80 % በላይ የአዲሲቱን አገር ኤርትራን አየር ኃይል እያቋቋምን የምንገኘው በትውልድ ኤርትራዊ የሆኑትና እኛ ኢትዮጵያውያን የቀድሞው የኢትዮጵያ አየር ኃይል አባላቶች ነን ። (ኤርትራውያኖች የቀድሞ አየር ኃይል አባላት እድለኞች ናቸው ። ኢትዮጵያ እንደተደረገው መሰደድና መጋዝ አላጋጠማቸውም ። ሙያቸው ለአገሪቷ እንደሚጠቅም የሚረዳ የሙያው ባለቤት የሆነ አዛዥ አላቸውና በቀጥታ ወደ ስራ ምድባቸው እንዲገቡ ተደርጓል ።)

በዕለተ ዓርብ ግንቦት 27, 1990 (በኢትዮጵያ አቆጣጠር) ሜይ 5, 1998 በፈረንጆች የአስመራ አየር ኃይል ቤዝን ለማውደም የተጀመረውን የአየር ድብደባ ተከትሎ የኤርትራ አየር ኃይል 100% የውጊያ ዝግጁነት ( 100 % Readiness ) ታዟል

ይህ የውጊያ ዝግጁነት እኛን ኢትዮጵያውያኖቹን የማይመለከተን ቢሆንም ከኰ/ል ታደሰ ሙሉነህ ጋር በነጋታው ጠዋት ወደ አስመራው የአየር ኃይል ግቢ አመራን ። (ኰ/ል ታደሰ ሙሉነህ ማለት ታዋቂ የአየር ኃይል ተዋጊ በራሪ የነበረና በኋላም የአርበኞች ግንባር መሪ ፣ በቅርቡ ደግሞ እዚያው ኤርትራ ውስጥ ለእስር ተጋልጧል የሚባለው)

አስመራ አየር ኃይል ቤዝ እንደደረስን በሁለት የኢትዮጵያ ሚግ – 23 ተዋጊ አውሮፕላኖች የደረሰውን የአየር ድብደባና በአካባቢው ላይ ያደረሱትን ጉዳት እየተዟዟርን ተመለከትን ።

አንድ የጥገና ጋራዥና አጠገቡ የነበረች ሻይ ቤት ሙሉ በሙሉ ወደመዋል ። ኰ/ል ታደሰ ተበታትነው ወደ ሚታዩት ፍንጣሪዎች በእጁ እያመለከተ “ ይሄ ክላስተር ቦምብ ነው ” አለኝ ። በድብደባውም ሻይ ቤቷ ውስጥ ይሰሩ የነበሩ ሰራተኞች ከባድና ቀላል ጉዳት እንደደረሰባቸው ፣ ፍፁም የሚባል የቀድሞው አየር ኃይል ባልደረባም እንደሞተ ሰማሁ ።

አለፍ ብሎ ደግሞ ሁለተኛው የአውሮፕላን ጥገና ጋራዥ ላይ የወደቀውንም ቦምብ ተመለከትን ። ይህ ደግሞ “ ናፓል ቦምብ ” ነው አለኝ ኰ/ል ታደሰ ሙሉነህ በድጋሚ ። እኔ ሁለቱንም ዓይነት ቦምቦች ሳይ ይህ የመጀመሪያዬ ነበር ።

በመቀጠል በረራ መስመር ላይ የደረሰውን ጉዳት ለማየት አውሮፕላኖቹ ወደቆሙበት ስፍራ ስንጠጋ አካባቢው በአደጋ መከለያ አጥር ታጥሯል ። አጥሩን አሻግሬ ስመለከት ኰንክሪቱን ወደ አንድ ሜትር ያክል ሰርስሮ የገባው ባለ 500 ኪ/ግ ቦምብ ሳይፈነዳ ከነነፍሱ ቁጭ ብሏል ። አደጋ እንዳይደርስ ተብሎም ወደ ቦምቦቹ መቃረብን ለመከላከል እንደታጠረ ተረዳሁ ።

ይህንን ግዳጅ የሰሩት ኢትዮጵያውያን በራሪዎች አስመራን ጠንቅቀው የሚያውቁና ፤ የሚደነቅም ችሎታ ያላቸው ስለመሆኑ እኔና ኰ/ል ታደሰ ተስማማን ። ለነገሩ የአገርን አንድነት ለመታደግ ከሻብያ ጋር ግብ ግብ እንደገጠሙ እዚሁ አስመራ አይደል ዘመናቸውን የፈጁት ? አስመራ የአየር ኃይል ቤዝ ለእነዚህ በራሪዎች አዲስ ሊሆን አይችልም ። በአገር ቤት ከእስርና ከስደት ተርፈው በስራ ላይ ያሉት በራሪዎች እነማን ሊሆኑ እንደሚችሉም አሰብን ። በይበልጥ እኔ አብሪያቸው ስስራ የቆየሁ በመሆኔ ለመገመት ብዙም አልተቸገርኩም ።

አካባቢውን ተመልክተን እንዳበቃን ቁርስ በመቀማመስ ወደ ሆስፒታል በመሄድ የተጐዱ አባላትን ጠየቅን ። ኤርትራና ኢትዮጵያ ከመለያየታቸው በፊት በኢትዮጵያ አየር ኃይል ውስጥ ሁላችንም በአንድነት እንሰራ ነበርንና በአንድ እናት ልጆች መካከል የሚካሄድ ፋይዳ ቢስ ፀብ መሆኑ እየተሰማን የጦርነቱ አላስፈላጊነትና እየደረሰ ያለው መጐዳዳት በእጅጉ አሳዘነን ።

ረፋዱ ላይ አገር ያናወጠ የአደጋ ማስጠንቀቂያ ጡሩንባ ( ሳይረን ) ደጋግሞ በረጅሙ አስተጋባ ። ይህ ሳይረን የጠላት ተዋጊ አውሮፕላኖች አደጋ ለማድረስ መቃረባቸውን የሚጠቁምና ማንኛውም ሰው መከላከያ ስፍራ እንዲይዝ የሚያስጠነቅቅ ነው ። በመሆኑም ሁሉም ሰው በደርግ የአስተዳደር ዘመን ወደተሰሩ የመሬት ስር ምሽጐች እየሮጠ መግባት ጀመረ ። እኔም ዘመቻ መምሪያ አቅራቢያ ወደ አለው ባንከር እየተጣደፍኩ አመራሁ ። ልክ ባንከሩ መግቢያ ደጃፍ ላይ ስደርስ በደርግ ዘመን ሻብያ ከርቀት የከባድ መሳሪያ አረሮችን ወደ አስመራው አየር ኃይል ካምፕ ያዘንብ በነበረበት ወቅት አንድ ም/መ/አለቃ ይኩኖ ታደሰ የሚባል ጓደኛችን ወደ እዚህ ባንከር ውስጥ ሊገባ ሲል ከእርቀት እየተተኰሰ ባለው የመድፍ አረር ፍንጣሪ አንገቱ ተቆርጦ መሞቱ ለአፍታ ወደ አዕምሮዬ በመምጣቱ ሰውነቴን ሁሉ እየዘገነነኝ እያማተብኩ ፈጠን ብዬ ወደ ባንከሩ ተወርውሬ ገባሁ ። ወደ ውስጥ ስዘልቅ የአየር ኃይሉ ኰማንደርና የመከላከያ ሚንስትሩ ባንከሩ ውስጥ መኖራቸውን አስተዋልኩ ።

ደቂቃዎች ተከትሎ ለሰማይም ሆነ ለምድር የከበደ ከፍተኛ የተኩስና የፍንዳታ ጩሀት በተደጋጋሚ አገሩን አደበላለቀው ። የዓለም ፍፃሜ የሆነ ያክል ተሰማኝ ። በዚህ አስተማማኝ ባንከር ውስጥ ሆኜ ግን ሃሳቤና ስጋቴ ሁሉ አየር ላይ ሆነው ወደ ታች ስለሚተኩሱት በራሪዎች ነበር ። “ እነማን ይሆኑ ” ? ብዬ በረዥሙ እየተነፈስኩ እራሴን ጠየቅሁ ። ብርድ ቢጤ መላው አካላቴን ሲያንዘፈዝፈው ይሰማኛል ። ፓይለቶቹን በሙሉ አውቃቸዋለሁ ። ከሁሉም ጋር ከወዳጅነት የዘለለ ቅርበትና አብሮ መኖር አለኝ ። በዚህ ቀውጢ ሰዓት በራሴው ወንድሞች ዒላማ ውስጥ መሆኔ እየተሰማኝ ቢሆንም መጥፎ ሃሳብ ወደ አዕምሮዬ ከቶ አልመጣም ፤ እንዲያውም ስለነሱ ደህንነት አብልጬ ተጨነቅሁ ። የአንድ እናት ልጆችን እርስ በርሳችን እያፋጁ ያሉትን ረገምኩ ።

መከላከያ ሚንስትሩና የአየር ኃይሉ አዛዥ ወደ አሉበት አካባቢ ቀረብ በማለት የሚያደርጉትን የሬዲዮ መልዕክት ልውውጦችን ማዳመጥ ጀመርኩ ። በትግሪኛ ቋንቋ መሆኑ ቢቸግረኝም እንዲሁ በደፈናው ግን ስለምን እንደሚያወሩ መረዳት ቀላል ነበር ። ከጥቂት የሬድዮ ንግግሮች በኋላ …. “አንዲት ሚግ -21 አውሮፕላን ተመታለች ….. እየጨሰችም ነው ” የሚል መልዕክት ከወዲያኛው ጫፍ በሬዲዮው ውስጥ ጮክ ብሎ ተሰማ ። መድሃኒያለም ! እያልኩ ደጋግሜ ማማተቤን አስታውሳለሁ …. መላውን ሰውነቴን ነዘረኝ ፤ እንደፈራሁት ! አልኩኝ በውስጤ ።

ኰማንደሩም በመቻኰል ….” ወደቀች ! ” ? በማለት ጮክ ብሎ በጉጉት ጠየቀ ።

ከወዲያኛውም ጫፍ “ አዎ ወድቃለች ” የሚል ተስፋ አስቆራጭ መልስ ሰጠ ።

ባንከሩ ውስጥ እኔ ካለሁበት በተቃራኒና ተማሪዎቹ ወደ አሉበት ጥግ የደስታና የጭብጨባ ድምፅ በከፍተኛው አስተጋባ ። የሚገርም ዓለም ነው ። “ የአንዱ ቤት ሃዘን .. ለአንዱ ቤት ደስታ ነው ” አልኩኝ አንገቴን ደፍቼ እያዘንኩ ። ሆዴ በእጅጉ ታወከብኝ …. አፌ በአንድ አፍታ ደረቀ ። ….. “ እግዚያብሄር ሆይ መጥፎ ነገር አታሰማኝ ! ” አልኩ በጉልህ በሚሰማ ድምፅ ።

ኰማንደሩ በደስታ በሚመስል ፈጠን ያለ ድምፅ …. “ ፓይለቱስ ? ” ብሎ ጠየቀ ። “ ፓይለቱ ዘሏል ! ” የሚል ድምፅ ከወዲያኛው ጫፍ ከሬዲዮው ውስጥ አስተጋባ ። ቀጥሎም “ ወታደሮች ወደ ዘለለበት ስፍራ ተንቀሳቅሰዋል ” አለ ።

…… “ የፈጣሪ ያለህ ! ” …. አሁን እራሴን ማረጋጋት እንዳለብኝ ተገነዘብኩ ….. ነገሮች በቅፅበት እየተቀያየሩ ናቸው ። ማን ሊሆን ይችላል ? ብዬም ወደ ጥልቅ ሃሳብ ውስጥ ገባሁ ።

የማቃቸውን አራት የሚግ-21 በራሪዎችን ቆጠርኩ ። በእርግጥ ተፈትቶ ይሆናል ብዬ እንጂ አንዱ እስር ቤት እንዳለ አውቃለሁ ። (እድለ ቢሱ መ/አ ደመላሽ መኰንን)
ለነገሩ እስር ቤቱማ የአገር ባለውለታ የሆኑትን የአየር ኃይል አባሎችን አጭቆ ይዞ የለ ? የነጠረ ችሎታ ፣ ለዘመናት የካበተ ልምድ ፣ በርካታ አዛውንት በራሪዎች በከንቱ ከተከረቸሙ 7ኛ አመታቸውን እያከበሩ አይደል ። በሃሳቤ የተሰደዱትንና በየሜዳው የተበተኑትን የአየር ኃይሉ ባለሙያተኞችን አስታወስኩ ። … “ያልታደለችና ባለቤት አልባ የሆነች አገር ”…. አልኩኝ ለራሴ ።

ከሁሉም ያስደነገጠኝ ነገር … ከቆጠርኳቸው አራት በራሪዎች ውስጥ ሶስቱ በወታደራዊው ስርዓት ዘመን ከሻብያ ጋር በጀግንነትና በቁርጠኝነት ሲዋጉ ( ዛሬ ያ ሁሉ መስዋዕትነት በዜሮ ቢባዛም ) በአማፅያኑ ተይዘው መጨረሻ ላይ ሻብያ ድል ሲያገኝ በምህረት የተለቀቁ ነበሩ ።

“ አምላኬ እባክህ ከሶስቱ መካከልስ አንዳቸውም አይሁኑ ” ….. ብዬ ፀለይኩ ። ከሶስቱ ውጪ ደግሞ አንዱ ወጣት በራሪ ነው …. የጊምቢ ልጅ ( ም/መ/አ እንደገና ታደሰ ) ። በጣም ትሁትና ጨዋ ሰው ።

አንድ ጊዜ ባህር ዳር ከዚሁ ከጊምቢው ልጅ ም/መ/ እንደገና ጋር ከተማ ተያይዘን ወጣን ። የገበያ ዕለት በመሆኑ ብዙ ሰውና ግርግር በዝቷል ። አብዛኛው ሰው ጐስቋላና በየሚዲያው አማራ እየተባለው ከሚነገረው ፕሮፖጋንዳ ጋር በፍፁም አይጣጣምም ። መ/አ እንደገና የሚያየውና ስለ አማራ ነፍጠኛ ሲሰማ የነበረው ( ነፍጠኛ እየተባሉ የሚጠሩት አኗኗራቸው የተለየ ነው ብሎ ያምን ስለነበር ) አልገናኝ ብሎት ስሜን ጠርቶ … “ ወዳጄ ክንዴ ነፍጠኞቹ የታሉ … ? ” ብሎ ሲጠይቀኝ እነዚህ ሜዳው ላይ ፈሰው የምታያቸው ናቸው ብዬ በፈገግታ መለስኩለት ። “ እነዚህ የማያቸውማ ከጊምቢ የባሱ ጐስቋላ ሰዎችን ብቻ ነው ….. ” ይልቅ ነፍጠኞቹን አሳየኝ ያለኝን አስታውሼ ነፍጠኛ ስለሚባሉት ምስኪን ህዝቦች ውስጤ አዘነ ።

ስለዚህ ቀደም ሲል ከሻብያ በምህረት የተለቀቁት በራሪዎች ክፉው ዕጣ የእነሱ እንዳይሆን የተመኘሁት በተቃራኒው ወጣቱ በራሪ ላይ ያሟረትኩበት መስሎኝ ተፀፀትኩ።

እንዲሁ በሃሳብ እየባከንኩ ባለሁበት ቅፅበት ነበር “ ….. በራሪው በቁጥጥር ስር ውሏል ! ” …. የሚል ጨካኝ መልዕክት በሬዲዮው ውስጥ የተሰማው ። ፈፅሞ የማላውቀው በራሪ እንዲሆን ተመኘሁ ። ለነገሩ የማላውቀው በራሪ ከየት ይመጣል ? ከማርስ …. ? እንዴት ሊሆን ይችላል ?

ኰማንደሩ ፈጠን ብሎ “ … ለመሆኑ ማን የሚባል ነው ? ” ብሎ ጠየቀ ። የልቤ ምት ተቀየረብኝ …. ጆሬዬንና አፌን እንደከፈትኩ ከሬዲዮው ውስጥ የሚመጣውን መልዕክት ለማዳመጥ ጓጓሁ “ …. ያው ልማደኛው ነው …. ” አለ የሬዲዮው መልዕክት ። “ ….. ማ ! በዛብህ ? …. ” …… “ በትክክል አውቀሀዋል …. ” አለ ያ ሟርተኝ ድምፅ በድጋሜ ።

ክፉኛ ደነገጥኩ ….. ። ኰ/ል በዛብህ ጴጥሮስ በእንደዚህ አይነት የልጆች የዕቃ ዕቃ ጨዋታ በሚመስል ፋይዳ ቢስ ጦርነት ውስጥ መሰለፍ እንደሌለበት ልቤ ያምናል ። ኰ/ል በዛብህ ለአገሪቷም ሆነ ለአየር ኃይሉ ትልቅ ኃብት ነው ። የአስተማሪዎች አስተማሪ ፣ እጅግ ልምድ ያለው አዛዥ መኰንን ነው ። የእርሱ አደጋ ላይ መውደቅ በእጅጉ ይጐዳል ። በእንደዚህ ዓይነት ኤርትራን በምታክል ገና ዳዴ በምትል አዲስ አገር ጋር በሚደረግ የጥጋበኞች ልፊያ ውስጥ ቢበዛ ወጣት በራሪዎችን ማሰለፍ ሲቻል ኰ/ል በዛብህን ከነሙሉ ልምዱና አዛዥነቱ በከንቱ ማጣት ምንኛ ያለመታደል እንደሆነ አሰብኩ ። ቀደም ሲል ስምንት ዓመታትን ሙሉ በሻብያ እስር ቤት አሳልፏል ። ከሻብያ ድል በኋላም በምህረት ተለቆ ወደ ቤተሰቦቹ በሰላም የተቀላቀለ ነው ። እግዚአብሄርም ዳግመኛ ባርኰት ልጅ ወልዶ ባላቤቱን እርጥብ አራስ ልጅ እንዳስታቀፈ ሳይመለስ የቀረውን ያልታደለውን ኰ/ል በዛብህን እንደገና አሰብኩ ? ለመሆኑ ለዚህ ሁሉ ተጠያቂው ማነው ? የስንቱ ዜጋ ቤት ተዘግቶ ፣ ወጣት በራሪዎችን ሜዳ ላይ በትኖ ፣ አዛውንቶችን በየማጐሪያው እያሸ ያለ ጨካኝና ዘረኛ ስርዓት ። ፋይዳ ቢስ ጦርነት …. ከንቱ መስዋዕትነት …. ያልታደለችና እርግማን ያለባት አገር ። አንጀቴ ተቃጠለ ።

በዛብህ ጴጥሮስ ሎዳሞ አልኩኝ አንገቴን እንደደፋሁ ። ምን ዓይነት ፍርጃ ነው ? …. ጌታ እየሱስ ክርስቶስ በመስቀል ላይ ሆኖ “ አባት ሆይ … ፈቃድህ ቢሆን ይህቺ ፅዋ ከእኔ ትለፍ ” የሚለውን የመፅሃፍ ቅዱስ ትምህርት አሰብኩ ። ከምር ብርታትንና ፅናትን ተመኘሁለት ። የባለቤቱንና የልጆቹን ሃዘን አሰብኩ ። መጥፎ ቀን … መጥፎ ቦታ … መጥፎ አጋጣሚ ።

ቀና ስል ከአዛዡ ጋር ዓይን ለዓይን ግጥም አልን ። ለራሱ እየቀረበለት የነበረውን ቡና አስተናጋጇ ለእኔ እንድትሰጠኝ በጥቅሻ ወደ እኔ እያመለከተ ነበር ። አሁን ለእኔ ሁሉ ነገር መራራ ነው ፤ ነገር ግን የደረቀ አፌን ማርጠቢያ ባዶውን ቡና መጠጣት ጀመርኩ ። ሃሳቤን ግን ከኰ/ል በዛብህ ላይ ሊያነሳልኝ አልቻለም ። አሁን ምን ያስብ ይሆን አልኩኝ በውስጤ ።

በዛብህና የኤርትራው አየር ኃይል አዛዥ ኰማንደር ሃ/ፅዮን ሃድጐ ያላቸውን ጓደኝነትና ቀረቤታ አውቀዋለሁ ። አንድ ጊዜ አራት የኤርትራ አየር ኃይል የበረራ ተማሪዎች በኢትዮጵያ አየር ኃይል ስኰላር ሺፕ አግኝተው ወይም ለበረራ ስልጠና ዕድል አግኝተው ይመጣሉ ። ታድያ ተማሪዎቹን ደብረ ዘይት በረራ ት/ቤት አምጥቶ ያስረከበው አዛዡ ኰማንደር ሃ/ፅዮን ነበር ። ከስራ መውጫ ሰዓት እንደደረሰ ሃ/ፅዮን ለምን አንድ ላይ እራት አንበላም በሚል እዚያ ላለነው የበረራ አስተማሪዎች ግብዣ አቀረበ ። በሃሳቡም ተስማምተን ደ/ዘ ወደሚገኘው ሆራ ራስ ሆቴል አቀናን ። ኰ/ል በዛብህን ጨምሮ ስምንት የምንሆን የበረራ አስተማሪዎች ነበርን ። ሃ/ፂዮን ስለ ኰ/ል በዛብህ ተናግሮ አይጠግብም ። “ በጣም የምወደውና የማከብረው አስተማሪዬና ጓደኛዬ እያለ ያሞግሰዋል ። እኔ ጋ አስመራ ቢመጣ እንደዚህ ህውሃቶች እንዳደረጉት ተራ አስተማሪ አይደለም የማደርገው ። የአስተማሪዎች አስተማሪ በማድረግ ዘውድ ጭኜ በክብር የማስቀምጠው ሰው ነበር ” አለ ።

ታድያ አሁን በተፈጠረው አጋጣሚ ኰ/ል በዛብህን ምን ይለው ይሆን ? ። እንዴት ወንድምና ወንድም ፣ ጓደኛና ጓደኛ እንዲህ የመረረ የመጠፋፋትና የመተላለቅ ግጭት ውስጥ ይገባሉ ? በዚህስ ማን ተጠቃሚ ይሆናል ? አድካሚ የሆኑ ከንቱ ሃሳቦችን ሳወጣና ሳወርድ ሰዓቱ መርፈዱንም ልብ ሳልል ቀረሁ ። ኰ/ል ታደሰ በሃሳብ ጭልጥ ብዬ ከሄድኩበት ቀስቅሶ እንሂድ ባይለኝ ኖሮ ምን ያክል እዚያው ፈዝዤ እንደምቆይ መገመት ይቸግረኛል።

ከኰ/ል ታደሰ ጋር ተያይዘን እንደወጣን “ ቢ ዜድን አስበሉት አይደል ? ” አለኝ ኰ/ል ታደሰ ። (BZ ማለት ኰ/ል በዛብህ በረራ ምድብ ውስጥ የሚጠራበት የአህፅሮት ስሙ ነው) ። ለኰ/ል ታደሰ ምንም መልስ አልሰጠሁትም …. አሁንም ከራሴው የውስጥ ሃሳብ ጋር ሙግት ላይ ነኝ ። የኤርትራው አየር ኃይል ምክትል አዛዥን ጨምሮ አብዛኛዎቹ ስታፎች የቀድሞው የኢትዮጵያ አየር ኃይል አባል በመሆናቸው ፣ በተጨማሪም እየተፈጠረ ያለው ግጭት በአንድ ወቅት አንድ ላይ በነበሩ ሰዎች መካከል በመሆኑ የሃዘኔታ መንፈስ ይታይባቸው ።

ከኰ/ል ታደሰ ጋር በዝምታ ተጉዘን ከቤቴ በራፍ ላይ ስደርስ ማ/ቴክ አርጃ ፔራን አገኘሁት ። (ማ/ቴክ አርጃ የታወቀ የአርማሜንት ስፔሽያሊስት ኢትዮጵያዊ ነው ፤ ነፍሱን በገነት ያኑራት አሁን በህይወት የለም) ።

ማ/ቴክ አርጃ ወደ ቴሌ ሄዶ ደ/ዘ ቤተሰቡ ጋ ስልክ ደውሎ እየተመለሰ ነበር ። ቤተሰብ እንዴት ነው ? ደ/ዘይትስ እንዴት ናት ? ብዬ ጠየቅኩት ። “ ቤተሰብ ደህና ነው …. ደ/ዘ ግን አንድ የሻብያ ሚግ አውሮፕላን መትተን ጥለናል ተብሎ እየተጨፈረ ነው ” አለኝ ። ሚግ ጥለናል የሚለው ጉዳይ ብዙም ትኩረቴን አልሳበም ፤ ምክንያቱም እዚህ ኤርትራ አየር ኃይል ውስጥ እየሰራ ያለ አንድም ሚግ የሚባል አውሮፕላን እንደሌላቸው አውቃለሁና ። ይልቅ የገረመኝ ከአንድ ቀን በፊት ዓርብ ዕለት እዚህ አስመራ ከተማ ውስጥ የመኪና ጥሩንባ እየተነፋ ቅልጥ ያለ ጭፈራና ደስታ ነበር ። ምክንያቱ ደግሞ ሁለት የኢትዮጵያ ሚግ-23 መትተን ጥለናል የሚል ነበር ። ሁለቱም ወገኖች አውሮፕላን መትተው እንደ ጣሉና ህዝባቸውም በደስታ እንዲጨፍር እያደረጉት ነው ። ሁኔታው ሁሉ ናላዬን እያዞረው በመሆኑ ሁሉንም ትቼ ወደ እቤቴ ገባሁና አልጋዬ ላይ ጋደም ብዬ እየተከሰተ ያለውን ትርምስ በአይነ ህሊናዬ እየመረመርኩ እንቅልፍ ጣለኝ ።

በነጋታው እሁድ ዕለት ማልጄ በመነሳት ኰ/ል ታደሰ በያዛት መኪና አስመራ አየር ኃይል ቤዝ ቀደም ብለን ደረስን ። የዘመቻ ጊዚያዊ ፅ/ቤት ከምድር በታች የተሰራው ባንከር ውስጥ ስለነበር ወደዚያው አመራን ። ዙርያውን መሬት ላይ በተደረደረው ፍራሽና ምንጣፍ ላይ ቁጥሩ በዛ ያለ ሰው ተኝቷል ። አዛዡ ኰ/ር ሃ/ፅዮን ወደ አለበት ጠጋ ብለን ሰላምታ አቀረብንለት ። አስከትዬም ውስጤን እያስጨነቀኝ ያደረውን ጉዳይ ኰ/ል በዛብህን አግኝቶት እንደሆነ ዓይን ዓይኑን እያየሁ ጠየኩት ። ሃ/ፅዮንም ቁጭትና ንዴት በተቀላቀለበት አንደበት “ አግኝቼዋለሁ …. የማይረባ ሰው ነው ” አለኝ ። የኰማንደሩን ንዴት እንዳልገባኝ አልፌ “ ግን ደህና ነው ? ምን አለህ ለመሆኑ ” ? አልኩት ። “ በጣም ነው የተሳሳትከው …. እንዴት ትንሽ እንኳ አታስብም …. እንዴትስ በወያኔ ተልከህ ይህንን ትሰራለህ ” እንዳለውና በዛብህም በበኩሉ “ አንተስ ብትሆን የሰራሀው ጥሩ ስራ ነው እንዴ ? አገር ጨርሰሃል እኰ ? ምን የተረፈህ ሰው አለ ? ብዙ ሰው ተጐድቷል ? አውሮፕላኖች ከጥቅም ውጪ ናቸው .. አንድም የተረፈ በራሪ የለም … ሁለታችን ብቻ ነን የተረፍነው … (እሱንና እንደገናን ማለቱ ነበር) ” እንዳለው ነገረኝ ። ኰ/ር ሃ/ፅዮንም እየሳቀ መ/አ እንደገና (የኰ/ል በዛብህ ዊንግ ማን የነበረ ወይንም ከኰ/ል በዛብህ ጋር አስመራን ለመደብደብ አብሮት የበረረ ወጣት በራሪ) ትናንት ኰ/ል በዛብህ ተመትቶ ሲወድቅ ብቻውን ወደ መቀሌ ቤዝ ሲመለስ ወያኔዎች የሻብያ ሚግ መስሏቸው በሚሳኤል መትተው ጣሉት …. በጃንጥላ ወደ ምድር ከወረደም በኋላ የሻብያ በራሪ ያዝን ብለው ተሰብስበው ቀጠቀጡት ….. ” እያለ በጅልነታቸው ተገርሞ ጮክ ብሎ ይስቃል ። ማ/ቴክ አርጃ ፔራ ማታ ስለ ደ/ዘ የደስታ ጭፈራ የነገረኝን አስታወስኩና አሁን ኰማንደሩ ከሚነግረኝ አስቂኝ ሁኔታ ጋር አገጣጥሜ እኔም ሳልወድ በግድ ምን ያክል አየር ኃይላችን ወደ ኋላ እየወረደ እንዳለ እያሰብኩ ፈገግ አልኩኝ ። አዛዡ እንዲያውም “ ዘግይቶ የደረሰን ዜና ” በሚል በቴሌቪዥናቸውም አቅርበውታል ብሎ አከለልኝ ።

ኰማንደር ሃ/ፅዮን ከኰ/ል በዛብህ ጋር የተነጋገረውንና የሰማውን በመዘርዘር .. አንድ ሚግ አውሮፕላን ለግዳጅ ወደ አስመራ እያቀና እያለ ባልታወቀ እክል በራሪው በጃንጥላ መውረዱንና አውሮፕላኑ መከስከሱን የአብራሪው ስም ጨምሮ ነገረን ። 24 ሰዓት ባልሞላ ጊዜ ውስጥ ከህውሃት በኩል 2 ሚግ-21 እና 1 ሚግ-23 አውሮፕላኖች መውደማቸውን ፣ በአየር በተደረገ ጥቃት ከህውሃት በኩል ሁሉም በራሪዎች መቁሰላቸውንና ከአሁን በኋላ አንድም በራሪ ግዳጅ ለመፈፀም የሚችል ያለመኖሩን ሲገልፅ በኩራትና በእርካታ ነበር ። አሁንም እያመነታሁ ቆይቼ “ አንተስ እንዴት ት/ቤት ትደበድባለህ ” ? ብዬ ጠየቅኩት ። ኰ/ር ሃ/ፂዮን ሲመልስም “ እናንተ ሰዎች መቼ እንደምትነቁ አይገባኝም ። እነዚህን ሰዎች (ህውሃት) አስከ አሁን አላወቃችኋቸውም ማለት ነው ። የመጨረሻ ውሸታሞች ናቸው ። የፖለቲካ ትርፍ የሚያስገኝ ከመሰላቸው ምንም ነገር ከማድረግና ከመናገር ወደ ኋላ አይሉም …. ማመዛዘን ፈፅሞ አልፈጠረባቸውም ። የሚያወሩትን ሁሉ ከሰማህማ አብደው ያሳብዱሃል ። እነሱ ያሰቡት የጦር ጀት የላቸውም እንደፈለግን እንቀጠቅጣቸዋለን ብለው ነበር ። እድሜ ለጆቤ ። ጆቤ አዛዥ መሆኑና ያንን አየር ኃይል እንዳልነበረ በማድረጉ ባለውለታችን ነው ። ከሁሉም በላይ የሚገርመኝ ግን እነ በዛብህ በጆቤ የመታዘዛቸው ጉዳይ ነው ። አዛዡ ታዛዥ …. ታዛዡ ደግሞ አዛዥ የሆነባት አገር ። አይነ ስውር አይን ያለውን እንደመምራት ማለት ነው ” አለኝ ። ቀጥሎም የኢትዮጵያ አየር ኃይልን መበተን በጣም እቃወም ነበር ። አምርሬም አወግዝ ነበር ። ያለውን ዕምቅ ኃይል አውቀዋለሁና ። አሁን ግን እንኳንም አፈረሱልን ። እንኳንም በተኑልን ። ባይበተኑ ኖሮ ምን ይውጠን ነበር ? …. አፈር ከድሜ ያስገቡን ነበር ። ከታሰሩትና ከተሰደዱት ግማሽ ያክሉ እንኳ ቢኖሩ ኖሮ ማን ያድነን ነበር ? ሳይደግስ አይጣላም አይደለም የሚባለው ?

….. በአንድ ወቅት እንደውም የታሰሩት ምንም አላጠፉም ልቀቋቸው … ቢደበድቡም የደበደቡት ሻብያን ነው …. ስለዚህ ፍቷቸውና ለእኛ ስጡን ብያቼው ነበር ። እነሱን ባገኝ ደግሞ ለመላው አፍሪቃ የሚሆን የአቪዬሽን ሴንተር እከፍት ነበር ። እነሱም ያልፍላቸዋል …. ሙያቸውም ሜዳ ላይ እንዳልባሌ አይባክንም ነበር ። ስለዚህ ጆቤ ባለውለታዬ ነው ። በዛብህ ከነጆቤ ቤት ርካሽ ሆነ እንጂ .. የከበረ ዕንቁ ማለት ነው ። ነብይ በአገሩ አይከበርም …. ጆቤ ትልቅ ባለውለታችን ነው ….. የዕውር መሪ …. ” ብሎ ቃላቶቹን ሳይጨርስ ድንገት ፕሬዝዳንት ኢሳያስ መጡና ጨዋታችን በዚሁ አበቃ ። እኛም ከኰማንደሩ ጋር የነበረንን ጥልቅ ስሜትን ያዘለ ጭጭውውት በዚሁ ቋጭተን ከኰ/ል ታደሰ ጋ ወደ አንድ ጥግ ተጠግተን የራሳችንን ጨዋታ ጀመርን ።

3 ሚግ አውሮፕላኖች ሃያ አራት ሰዓት ሳይሞላ ወደቀ የሚባለው ዕውነት ነው ? ብዬ ኰ/ል ታደሰን ጠየቅኩት ። ኰ/ል ታደሰም ሲመልስ “ትልቁ ኪሳራ ሚግ አይደለም .. በዛብህ ነው ” አለኝ ። … በመቀጠልም “ መንግስቱ ካሳ የወደቀ ጊዜ አስታውሳለሁ .. አየር ኃይል ጨላማ የዋጠው ያክል ሃዘን ወሮት ነበር አለኝ ። “ ጥሩ በራሪ ስታጣ ጉዳቱ የቤተሰቡ አይደለም …. የአየር ኃይሉ ነው … የተቋሙ ነው ” በማለት ከልቡ በተቆጨ ስሜት ተናገረ ። “ የሚገርምህ ግን አሁን ጆቤ ጉዳቱን የሚረዳውም አይመስለኝ አለኝ ኰ/ል ታደሰ እንደተቆጨ ። ” በማስከተለም “ ለመሆኑ የእነ በዛብህ ግዳጅ ምን ለማጥፋት ነው ? ዒላማቸውስ ምንድነው ? ይሄ ሁሉ መስዋዕትነትስ አስፈላጊ ነው ? ” ። በአጠቃላይ የአውሮፕላኖቹም ሆነ የበዛብህ ለሁሉም ኪሳራ ተጠያቂው ጆቤ ነው ። በሙያው የተቀመጠ አዛዥ ቢሆን ኖሮ በዚህ ሁሉ ኪሳራ ምክንያት ወዲያው ስራውን መልቀቅ ነበረበት ። አለኝ ኰ/ል ታደሰ አምርሮ ።

ይህ የኰ/ል ታደሰ አባባል ለአስርተ ዓመታት ከአዕሮዬ አልወጣም ። እውነት ነው ደግሞ … ጆቤ በሙያው ሳይሆን በፖለቲካ አቋሙ ነው አዛዥ ሆኖ የተመደበው ። አመራሩም ሆነ ውሳኔው ሁሉ ሙያዊ ሳይሆን ፖለቲካዊ ነው ። እንዲያውም ጆቤ ዘረኛ እንጂ የሰከነ ፖለቲከኛም ስለመሆኑ እጠራጠራለሁ ። ዘር በመሰረቱ የዜግነት እኩልነትን ያቃውሳል … መጨረሻውም ጥሩ አይሆንም ። ጆቤ በዘር በሽታ የተለከፈ ስለመሆኑ በስሩ በረዳትነት ያስቀመጣቸውን ሰዎች ለአፍታ በአይነ ህሊናዬ ቃኘኋቸው ዙርያውን የራሱን ቋንቋ ተናጋሪዎችን ብቻ ኰልኩሏል ። ይህ አደገኛ ዘረኝነት እንጂ ሌላ ስያሜ ሊሰጠው አይችልም ።

ያ ትውስታዬ ዛሬ 18 ዓመታትን አስቆጥሯል ። አስመራ ያለሁበትን ሁኔታ የተገነዘቡ ጓደኞቼ ሊታደጉኝ ወሰኑ ። በጉብኝት አሁን ወደምኖርበት ሰሜን አሜሪካ እንድመጣ ከፍተኛ እገዛ አደረጉልኝ ። ከመጣሁም በኋላ በአገር ቤት ተለይቻቸው እሩቅ ለእሩቅ እንኖር የነበሩትን ባለቤቴንና ልጄን አምጥቼ በሰላም እኖራለሁ ።

ኰ/ል በዛብህ የከፈለው ዋጋ ለአገሩ እንደሆነ አምናለሁ ። ቢያንስ ግን ክብር መስጠት አስፈላጊ ነበር ። በአንድ ወቅት አሉ የተባሉት አርቲስቶች ተሰብስበው አየር ኃይሉን እንዲጐበኙ ተደረገ ። አስጐብኚው ሻለቃም “ የሞተና የበሰበሰ አየር ኃይል ነው የተረከብነው ” እያለ ደጋግሞ ይገልፃል ። ይህ አባባል እነ በዛብህን ሁለተኛ እንደ መግደል ይሰማኛል ። እንዲህ አይነቱን ሁኔታ አርቲስት ሜሮን ጌትነት “ ጠበል ጓሮ አግኝተው ቁርበት ነከሩበት ” በማለት ትቀኝበታለች ። ይህንን ታሪካዊ ስህተትና ዘለፋ ከአገር ውስጥም ይሁን ከአገር ውጪ ማንም ደፍሮ ቆሞ ሊሞግት ድፍረት ማጣቱ ቢያሳዝነኝም አርቲስት ታማኝ በየነ ረዥም እድሜ ይስጠውና እንባ እየተናነቀው ለቀድሞ የስራ አጋሮቹ እውነታውን በድፍረት አሳውቋል ። በዕለቱ አየር ኃይሉን እንዲጐበኙ የተጋበዙት አርቲስቶችም ይህንን እውነታ ሳይገነዘቡ ይቀራሉ የሚል እምነት የለኝም ። ቢያንስ እነ አርቲስት ሙላቱ አስታጥቄ እነ ጀነራል ፋንታ በላይን ከነሙያቸውና ዝናቸው ያውቁዋቸዋል የሚል እምነት አለኝ ። ጥላቻውና ዘረኝነቱ ግን ልኩን ማለፉን በቀላሉ ማየት ይቻላል ።

በቅርቡም ገቢው ለአየር ኃይል ቬተራን አሶሴሽን ይውላል የተባለው የአየር ኃይል ታሪክ መፅሃፍ (ስለ ቬትራን ማህበር ያለኝን ጥያቄ ላቆየውና) በአየር ኃይሎች ዘንድ ከፍተኛ ትኩረትን ስቦ ሰንብቷል ። አንድም ቀን ስለተሰደዱት ፣ በችግር ስለሚቆሉት ፣ ስለ ታሰሩት ፣ በእስር ላይ ህይወታቸው ላለፈ ፣ በስደት ህይወታቸው ላለፈ ፣ ስለ ተበተኑት ባለሙያዎች ድምፃቸውን አሰምተው የማያውቁት ሁሉ ዛሬ ሽር ጉድ ሲሉ ይስተዋላሉ ። ፕሬዝዳንት ግርማ ወ/ጊዮርጊስ .. ይህ ሁሉ የአገር ሃብት የፈሰሰባቸው ባለሙያዎች በከንቱ ሲበተኑ አንድም ቀን ያላስታወሱት ፤ እንዲያውም ሞትና እድሜ ልክ የተፈረደባቸውን የአየር ኃይል አባላት የፍርድ ሰነድ በፊርማቸው ያፀደቁት ፕሬዝዳንት አሁን የአየር ኃይሉ ታሪክ መፅሃፍ ሲመረቅ የክብር እንግዳና ፈራሚ መሆናቸው በእጅጉ የሚያስተዛዝብና ያስደነገጠኝ ክስተት ነው ።

በሸራተን የፊት መስመር ላይ የተሰለፉት ከፍተኛ የአየር ኃይል መኰንኖች አስተማሪዎቻችንና አለቆቻችን ሆነው ሳለ ምንም እንዳልተፈፀመ ፣ ዘግናኙ የብቀላ ጅራፍ ፈፅሞ እንደተረሳና የአየር ኃይሉን ጉዳይ ከብሄራዊ ጉዳይነት ወደ ተራ የግል ጉዳይ ዝቅ ያደረጉት በሚመስል ዓይነት በፕሬዝዳንቱ አማካኝነት የፖለቲካ ስሌት መጫወታቸው ታሪክ በትዝብት የሚመለከተው እንደሆነ ይሰማኛል ። በመጨረሻም ለዚህ መፅሃፍ እውን መሆን ከመጀመሪያው ጀምሮ በቅንነት ጥረት ያደረጉትን ሁሉ ሳላመሰግን አላልፍም ።

ኦባማን የኢትዮጵያ መንገዳቸው ቱሪናፋ አያደርጋቸውም?

ከቢላል አበጋዝ – ዋሽንተን ዲሲ

ቱሪናፋ የሚለውን ቃል ሐበሻ የተባለው መዝገበ ቃላት: ወሬኛ።ጉረኛ።ወሬ የሚያበዛ ይለዋል።ይህ ጽሁፍ ለዘለፋ ሳይሆን በፕሬዚዳንት ኦባማ የኢትዮጵያ ጉብኝት ላይ ለመወያየት ነው።እኒህን ነጥቦች እዩልኝ።Barack Obama doesn't look like a serious, well-informed president

ኦባማ ለምርጫ ሲቀርቡ “ይቻላል ፡አዎን ይቻላል” ብለው እኛንም አስብለውን ነበር።ለአሃጉራችንም በጎ ያደርጋሉ ብለንም ተመኝተን ነበርን።መመረጣቸውንም ኮርተንበትም ነበር።የኢትዮጵያ ጉብኝታቸው የአገዛዝ ዘመናቸውን ጥላሸት የሚቀባው ነው።ይህ ደግሞ ለሳቸው ክፉ ነው። ወደ ስልጣን ሲመጡ የአፍጋኒስታንና የኢራቅን የውጭ ጉዳይ ችግሮችን ተረክበዋል።በስልጣን እያሉ ሶሪያ እና የመን ተጨምረዋል። እድላቸው ሆኖ የቋጠሩት ሁሉ የሚፈታባቸው ናቸው። ተቀናቃኞቻቸው ውሳኔ ላይ ቆራጥነት የለህም ይሏቸዋል።ስተተኛና ዳተኛ ያደርጓቸዋል። ይህ ጽሁፍም አፍቅሮ ህወሃት ተግባርዎ ስተት ነው ለማለት ነው። ከኢትዮጵያውያን በተረፈም ዓለም እየታዘበዎት ነው።የኢትዮጵያ ህዝብ እምነቱ በኢትዮጵያ አምላክ ላይ ሲሆን የህወሃት እምነት በስዎ ላይ ነው። ለኢትዮጵያ ሁሌም መጨረሻው ላይ ይፈርድላታል።ህወሃት እንደ ጃፓን ሲኒ መሰባበሩ ግድግዳ ላይ ተጽፏል።

የኦባማ ወደ ኢትዮጵያ መሄድ ለማንም ግድ አይሰጥም። ስለ ኢትዮጵያ ካሰብን እውነቱ ይህ ነው። የእስልምና ሃይማኖት ኢትዮጵያን አትንኩ ሲል መጽሃፍ ቅዱስ እጆችዋን ወደፈጣሪዋ ትዘረጋለች ይላል።ዛሬ ደግሞ ደካማ በጸሎቱ፡ብርቱው በጉልበቱ፡ በንብረቱ እግዜርን አለኝታ አድርጎ ኢትዮጵያን ከህወሃት መንጋጋ ሊያወጣት የቆረጠበት ስለሆነ “ኦባማ አላወቁበትም” ከማለት ሌላ፡ አምባገነኖች ጋር ጓይላ ቢጨፍሩ “እንታይ ገድሸኒ” እንላቸዋለን።

ካስተዋልነው ዛሬ የአፍሪካ አሀጉር ከነዚያ የመንግስት ግልበጣ የዞትር ወግ ከነበረባቸው ዘመናት አልፎ ይገኛል።ስለዴሞክራሲ መስፋፋት የሚጽፉት አውራ ምሁራን ፍራንሲስ ፉኪያማ እና አማርትየ ሳን እንደሚሉት ጭቆና እየተገረሰሰ ነጻነት እያበበ ነው ባጠቃላዩ ሲታይ።በአሃጉራችን ናይጄሪያ፡ ጋና፡ ላይቤሪያ፡ ደቡብ አፍሪካ ፡ቦስዋና ለምሳሌ ያህል ይጠቀሳሉ። የዚህ ሂደት ተቃራኒው ክሚታይባቸው አገራት አንድዋ ኢትዮጵያ ናት።

ኢትዮጵያ ከህዝብዋ ብዛት መልክአ ምድርን ይዞ የዓለም ፖለቲካ ሽኩቻ ላይ ያለችበቱ አቀማመጥዋ ዋና ቦታ እዲኖራት የግድ ነው።የምንወዳት ስለሆነ ልንክባት ሳይሆን እውነታው ይህ ነው።ሀያላን ከደጇ እማይጠፉትም ለዚሁ ነው።ሁሉም ለጥቅሙ።ታዲያ ሁለት አሳዛኝ ጉዳዮች አሉ።አንደኛውና ዋነኛው የገዛ ጥቅሟን የሚጻረር ፍጹም አምባገነን መንግስት ተንሰራፍቶባት ይሄው ዘመናት ፈጅቷል።ሁለተኛው ያለውን አደገኛ መንግስት በግዜ እንዳይተካው የተቃዋሚው ሀይል በህብረት ሆኖ ዛሬ አለመጎልበቱ ነው።ትልቅ መሻሻል እያየን መሆኑ የማይካድ ቢሆንም።

ይችን ዴሞክራሲና ፍትህ ቧልት የሆኑባትን ኢትዮጵያ ፕሬዝዳንት ኦባማ ለምን ለጉብኝት መረጥዋት ? በመጀመሪያ የአስተዳደር ዘመናቸው “አምባገነኖች ወዮላችሁ !”ሲሉ ቆይተው የአምባ ገነኖች የንብ ቀፎን ያስመረጣቸውን ምክኛት መመርመር ድንቅ ነው።ዛሬ ኢትዮጵያ ትልቅ እስር ቤት ናት።የታሰረ ልጠይቅ ብለው ይሆን ? ዘር ማጥፋት የተካሄደባቸውን ስፍራዎች በዓይናቸው በብረቱ ለማየት? ሻል ያሉ ምክንያቶች እናስብ እንጂ! ጎበዝ! የአባታቸውን አገር የደፈረውን አል ሸባብን ከምድር ገጽ ለማጥፋት ?እግረ መንገዳቸው ደቡብ አፍሪካ ከመያዝ ያመለጠውን የሱዳኑን አል በሺር ጎራ ብለው ጋማውን ይዘው ዋንታናሞ ኩባ ሊሰዱት? ይህስ እንዴት ይረሳል። የአፍሪካ አምባ ገነኖችን አንድ ጋ አዲሳባ ሲማግጡ ሲያገኟቸው አንዱን በካልቾ! ሌላውን በኩርኩም! የቀረውን በቴስታ።ጉድ ሊያፈሉ ነው ለምርጫ ጊዜ እንደፎከሩት።

ላቶ መለስ ለቅሶ ሊደርሱ? ይበቃል:: እኒህ የአስቂኙ ጓደኛዬ ወጎች ናቸው። አንድ ነገር እውነት ነው።ዋይት ሀውስ ከኦባማ ቤት በር ፊት ለፊት “ሚስተር ኦባማ! እረ ሚስተር ኦባማ ! አይሰሙም እንዴ ?” እያለን እንጮህ ለነበርነው ልጅነታችንን አስጨርሰውናል።በፖለቲካ ትግል ይህ አቢይ ጉዳይ ነው።ካባቶቻችን አልማር ያልነውን እንድንማር አድርገዋል።ትግሉ ባገር ቤት ባሉ ኢትዮጵያውያንና፡ የኢትዮጵያ ዳያስፖራ ባንድ ወገን ወያኔ በተቃራኒ መካከል ነው። ኦባማ ላሻቸው ወገን ቲፎዞ ይሁኑ።ባሻቸው በመሰላቸው ጊዜ። የመን የሆነው ይህ ነው። አሊ አብደላ ሳሊህ የኪሳቸው መሀረብ ነበር። የዛሬውን ሳይሆን።እኛ ኢትዮጵውያን ከሚገድለን የበለጠ የናቀን ላይ ቂም እንይዛለን። አንረሳም።ዴሞክራሲ ሲሉ ወያኔ ያረገው ምርጫ ይበቃችኋል ነው። በዚህ እንተወውና ሌሎች ምክንያቶችን እናቋጥር።እኛ ምን ቸገረን ሲሻቸው ሰሜን ኮሪያም ሄደው ከዚያ ድንቡሼ የአገሩ መሪ ጋር ቅርጫት ኳስ ይጫወቱ።ያችን አፈነዳታለሁ የሚላትን ነገርም ቢቀሙት ለዚያ አካባቢ ሰላም ነው።ከዚህ የተረፈውን ያገራችን ሙያተኛ ቀልደኞች ይቀጥሉበት።ዋና ጭብጥ ነገሮችን ከፌዙ በተረፈ ከዚህ በታች እንወያይ:: አካባቢያችንን በተመለከተ።

ከአመታት በፊት አሜሪካ በሶማሊያ የማይታረም ስተት ሰርታለች።እንዲያው ከኢራቅም ከሌሎቹም የቀበሌው ችግሮች በፊት የሶማሊያ ይቀድማል።ከዚያ ወዲያ ዘሎ መግባት በኢራቅ።ዘሎ መግባት በየመን።ጎረቤት ሲታማ ለኔ ብለህ ስማ ነው።በዚህ በኩል ሲያስቡት ይዘገንናል::ህወሃት ልትጨምረን የምትፈልገው ገደል የመንን ይመስላል። ቶሎ ህብረት ፈጥረን ጊዜ ሳንወስድ ወያኔን እናስወግድ የሚለው ዓላማ በተጨባጭ ከዚህ ምክንያት ይነሳል። አገር የማዳን ትግል ሲባል ይሄው ነው።ኢትዮጵያ ሌላዋ ስተት አንዳትሆን::

የሶማሊያን ችግር ለመፍታት አማሪካ ዘወር ማለት አለባት።ሌሎች አውሮፓ፡ቻይና ሩሲያ ህንድ እኒህ ብልሃትና ዘዴው ተቀባይነትም ስለሚኖራቸው የተሻሉ ሽማግሌዎች ይሆናሉ።አልሸባብን ከአልቃይዳ ጉያ ሊያወያወጡ የተሻለ እድል አላቸው። የተቀረው አረብ ገንዘብ ያልቸገረው ቲርኪሚርኪ ነው።ምንአልባት ትናንሾቹ የአረብ ኤሚሪቶች ቦታ ይኖራቸዋል።ከዚህ የሰላም ሙከራ ውጭ ወያኔን ወታደራዊ ሀይል አቅራቢ አድርጎ፤ሰው አልባ አውሮፕላን ይዞ ለመዝመት ከሆነ የፈሪ በትር ይሆናል።የኢትዮጵያ ሰራዊትም ከድንበሩ ተሻግሮ በከንቱ አይሞትም።ስለዚህ ህወሃትም መለስ ዜናዊ አንዴ በልቶበት የነበረውን ዘዴ መቀየር ይገባት ነበር።መለስ ትቶት የሄደው ግምብ ራስ ሁሉ ተመልሶ ከዚያው! አዲስ ብልሃት ከየት ይምጣ ? ከሶማሊያም ሌላ የመን ሄዶ የአገራችን ሰው ለምን ይማገድ?ያውም ድንበር በማያስከብር ከሃዲ ቡድን እየተመራ።ማሃይም የህወሃት ጄኔራሎች ቀድመው ይግቡበት።ገንዘቡ ወደነሱ ኪስ ሞቱ ለተራው ወታደር መሆኑ ፍትሃዊ አይሆንም።
የየመንም ጉዳይ ውሉ ከተፈታ ቆየ። አሁን ተተብትቧል።የአየር ድብደባ አይፈታውም።የአየር ድብደባ ቀድሞ ቬትናም በኋለ አፍጋኒስታን አልፈየደም።በዚህም ግጭት የአውሮፓ፡ቻይና ሩሲያና የህንድ ሚና ካአሜሪካ ይሻላል።ላሁን ፍጥጫው የጥይት ድምጹ ሞቱ ስደቱ መቆሚያው አይታይም።

ቻይና የዛሬ አርባ አምስት ዓመታት፡ እኤአ 1970 መጀመሪያ ታንዛም የባቡር መስመርን በምስራቅ አፍሪካ ዘርግታለች።ይህ የባቡር መስመር ታዛንያን እና ዛምቢያን የሚያገናኝ 1710 ኪሎ ሜትር የሚደርስ በስድስት ዓመት ያለቀ ነው። ይህን ተግባር የምናነሳው የቻይናን አፍሪካን በጇ ማድረግ ስራ ቀደም ያለ እቅድ ያለው እንዳአማሪካ አንዴዚህ አንዴዛ እንዳልሆነ ለማሳየት ነው።ዛሬ ቻይና በአፍሪካ ተንሰራፍታለች።ለአምባ ገነኖች የጡት እናት እየሆነችም ቢሆን። ስለዚህ ኦባማ የአፍሪካን ወዳኝነት ለማግኘት ከሆነ ዉሻ ከሄድ ጅብ ጮኸ ነው።አምባ ገነኖቹንም ብዙ ገንዘብ ስላስለመደቻቸው ክፍያው ይበዛባቸዋል።ቻይናን ካፍሪካ ዘወር በይ የሚል የማን ወንድ፡ ነው?

ታዴያ የዲሞክራሲያዊ እና የሰብአዊ መብት ረገጣው ላይ ከመሳለቅ በተቀረ ከላይ ባነሳናቸው ጭብጦች ተነስተን የኦባማ ጉዞ ምን ይፈይዳል?ኬንያ ዘመድ ጥየቃ ቢያደርጉ መልካም ነው።ናይሮቢ ኤሌትሪክ አለ ስልክ ይሰራል ውሃ አለ። በጠቅላላው ካአዲሳባ ይልቅ ይመቻቸዋል። እዚያ ብቻ ቢሄዱ መልካም ነበር። ቱሪናፋን በስዋሂሊ ብችለው ደስ ይለኝ ነበር።

ኢትዮጵያን አምላክዋ ይጠብቃታል:: እብሪተኞችን ያንበረክካል!

በግፍ የታሰሩ ጋዜጠኞች፡የሀይማኖት መሪዎችን፡ የፖለቲካ መሪዎችን ለማስፈታት እንጩህ! የፍርድ ያለህ ! የነጻነት ያለህ!

ህወሃትን ከምድር ገጽ አጥፍተን ሽብርተኛ ዝር እማይልባትን ኢትዮጵያ እንገነባለን!

ኢትዮጵያ ለዘላለም ትኑር!!!

ራሱ እግር እግሩ ራስ የሆነበት፣ በአፍጢሙ የተደፋ የሕግ ስርዓት (በወይንሸት ሞላ ዙሪያ) – ግርማ

ራሱ እግር እግሩ ራስ የሆነበት፣ በአፍጢሙ የተደፋ የሕግ ስርዓት (በወይንሸት ሞላ ዙሪያ)

ራሱ እግር እግሩ ራስ የሆነበት፣ በአፍጢሙ የተደፋ የሕግ ስርዓት (በወይንሸት ሞላ ዙሪያ)

ላይ ላዩን ስናየው የጨለመ ቢመስለንም በርግጥ የኢትዮጵያ ትንሳኤ መድረሱን የሚያመላክቱ ብዙ ምልክቶች እያታዩ ነው። ከነዚህ ምልክቶች መካከል በዋናነት ቁጥራቸው እጅግ በጣም ብዙ የሆኑ፣ የሚገርሙ፣ የሚያስደንቁና ወኔ የሞላባቸው ጀግና ልጆች እየተፈጠሩ መሆናቸው ነው።

ስለኢትዮጵያ ፖለቲካ፣ ስለ አሁኑ የለዉጥ ፈላጊ ትዉልድ ሳስብ፣ በፊቴ የሚደቀኑ እጅግ ወገኖች በጣም ብዙ ናቸው። ከነዚህ ወገኖች መካከል ዛሬ ስለ አንዲት እህት እጽፋለሁ። ከፍተኛ የሆነ የዘረኛው ህወሃት አገዛዝ ዱላ ያረፍባት። ጋዜጠኛ ኤሊያስ ገብሩ፣ ከአንድ አመት በፊት “የማታውቋት ካላችሁ፣ በሰውነት ‹‹ቀጫጫ ነች›› ብዬ ብነግራችሁ አልተሳሳትኩም፡፡ ግን ጥንካሬዋ ይገርመኝ ነበር” ሲል የጻፈላት።

ወይንሸት ሞላ

ቀኑ የካቲት 30 2006 ዓ.ም ነው። እሑድ ቀን ። የሴቶች የ5000 ሩጫ ተዘጋጅቷል። በርካቶች ይሮጣሉ። ቢጫ ኬኔቴራ ለብሰዋል። ሩጫዉ እንደተጀመረ ድምጾች መሰማት ጀመሩ። የስድብ፣ የክፉ አይደለም። «የጣይቱ ልጆችን ነን፤ የሚኒሊክ ልጆች ነን፣ ለነጻነት ነው የምንሮጠዉ፣ እርቦናል፣ መብታችን ይከበር፣ የታስሩ የፖለቲካ እስረኞች ይፈቱ …» የሚሉ ድምጾች። በሌሎች ሯጮች ላይ ጠጠር አልተወረወረም። የወደመ ንብረት የለም። መንገዶች አልተዘጉም። ሩጫዉ አልተስተጓጎለም። በሰላም ተጀመሮ በሰላም ነው ያለቀው። ሆኖም ሕወሃቶች ተቆጡ። ሕግ አክብረው፣ ሕግ ምንግስቱ የሚፈቅድላቸውን መብት ተጠቅመው ሰላማዊ የነጻነት ድምጾችን ያሰሙት ወጣት ሴቶችን ያዟቸው። ለሶስት ሳምንታት አስረው ከፍተኛ ግፍ ፈጸሙባቸው። እነዚህ ልጆች የጣይቱ ልጆች ተብለው ይታወቃሉ። ከነዚህ መካከል አንዷ የሰማያዊ ፓርቲ የብሄራዊ ምክር ቤት አባል የሆነችው፣ ወይንሸት ሞላ ናት።

ብዙም አልቆየም፣ በአኑዋር መስኪድ አካባቢ በዚያ ሙስሊሞች የሚያደርጉትን እንቅስቃሴ ለመታዘብ ወይንሸት በሄደችበት ጊዜ፣ እንደገና ፖሊሶች ይይዟታል። ከፍተኛ ድብደባ ይፈጽሙባታል። ጭንቅላቷ በደብደባ ተጎድቶ የተሰፋ ሲሆን፣ የቀኝ እጇን ቀጥቅጥው ሰብረዉታል። አዚዛ መሃመድ ከምትባል የአዲስ ጉዳይ ጋዜጣ ፎቶ ግራፍ አንሺ ጋር, ፍርድ ቤት ትቀርባለች። ብዙ ሰቃይ ለሳምንታት ከተቀበለች በኋላ እንደገና ትፈታለች።

በአዲስ አበባ ከፍተኛ ተቃዉሞ በቀረበት በሚያዚያ 14 ቀን ከጠዋቱ ሁለት ሰዓት ( 8 AM ) ፣ ኢያስፔድ ተስፋዬ ከሚባል የሰማያዊ ከፍተኛ አመራር ጋር በስልክ ታወራለች። ያኔ ፖሊሶች አሁን ይይዟታል። ኢያስፔድ ለአንድ ለአመራር አባላቱ ወይንሸት መታሰሯን ያሳውቃል። በሶሻል ሜዲያም ከጠዋቱ ሶስት ሰዓት ( 9 AM) ይለጥፋል። ሌላ የሰማያዊ አመራር አቶ ወሮታው ዋሴ ወዲያው በሶስት ሰዓት ስድስተኛ ፖሊስ ጣቢያ መታሰሯን ያረጋግጣል።
የሕወሃት ፖሊሶች ወይንሽትን ጨምሮ ዳንኤል ተስፋዬ፣ ኤርሚያስ ጸጋዬ፣ ማስተዋል ፍቃዱ እና ቤተልሄም አካለወርቅ የተባሉ የሰማያዊ አባላትን ብዙ ካንገላቱ በኋላ ፍርድ ቤት ያቀርቧቸዋል። “አራት ሰዓት ተኩል ላይ መስቀል አደባባይ ሲበጥብጡ ያዝናቸው” የሚል ክስ ይመሰርታሉ። ወይንሸት የተያዘችው ከጠዋቱ በሁለት ሰዓት በሌላ ቦታ፤ ፖሊስ ግን በሌሎች እስረኞች ማድረግ እንደለመደው የዉሽትና የፈጠራ ክሱን አዥጎደጎደው። እንደው ተሳስትው እዉነት መናገር የማይችሉ ፍጥረቶች !!!

እነ ወይንሸት ሰኔ 8 ቀን 2007 ዓ.ም በቄራ ፍርድ ቤት በዋለው ችሎት፣ ተያዙ በተባሉበት ወቅት መስቀል አደባባይ ላይ እንዳልነበሩ የመከላከያ ምስክሮቻቸውን ያሰማሉ፡፡ የሰማያዊ ፓርቲ የፋይናንስ ጉዳይ ኃላፊ አቶ ወረታው ዋሴን እና የወጣቶች ጉዳይ ኃላፊ ወጣት እያስፔድ ተስፋዬን በመከላከያ ምስክርነት ወይንሸት አቀረበች፡፡ ሌሎችም እስረኞች እንደዚሁ በቦታው በተባለው ወቅት እንዳልነበሩ ምስክር አቀርቡ። ፍርድ ቤቱ ለዉሳኔ ሰኔ 15 ቀን ቀጠሮ ይሰጣል። ሰኔ 15 ቀን፣ “የወንይሸት ሞላ፣ ዳንኤል ተስፋዬና ቤትሄልየም አካለ ወርቅ የመከላከያ ምስክሮች ተከሳሾቹ በቦታው እንዳልነበሩና ወንጀሉን እንዳልፈፀሙ አላስረዱም በሚል” ፍርድ ቤቱ ጥፋተኞች ይላቸዋል። የተከሰሱበት ወንጀል እስከ 6 ወር እንደሚያስቀጣ የጠቀሰው ፍርድ ቤቱ እነ ወይንሸት ሞላ የሁለት ወር እስር ፈርዶባቸው፣ የታሰሩት ከሚያዝያ 14/ 2007 ጀምሮ ሁለት ወር ከአንድ ቀን ስለሆነ ከ እስር እንዲፈቱ ይወስናል።

አቅቢ ህግ ዜጎችን ሲከስ፣ ወንጀል ስለመስራቱ መረጃ ማቅረብ ይጠበቅበታል። ሆኖም በአገራችን ያለው የፍርድ ሂደት ዜጎች ሲታሰሩ ጥፋተኛ የሚባሉት፣ አቃቤ ሕግ ጥፋት ስለመፈጸማቸው በቂ ማስረጃ ሲያቀርብ ሳይሆን፣ ተከሳሾች ጥፋተኛ አለመሆናቸውን መረጃ ሲያቀርቡ ነው። ራሱ እግር ፣ እግሩ ራስ የሆነበት ፣ በአፍጢሙ የተደፋ የሕግ ስርዓት !!!!!

የአገራችችን አሰቂኝና አሳፋሪ የሕግ ስርዓት ድራማ እዚህ ላይ አላበቃም። ሰኔ 15 ቀን ቄራ የሚገኘው ፍርድ ቤት እንዲፈቱ ትእዛዝ ቢሰጥም የሕወሃት ፖሊሶች እንደገና የፍርድ ቤትን ትእዛዝ ጨፈለቁ። በነጋታው፣ ስኔ 16 ቀን፣ እነ ወይንሸት ሞላን እንደ ወንበዴ፣ የፍርድ ቤት መዛዣ ሳይዙ አፍነው ወሰዱ።

እንግዲህ የዛሬይቱ ኢትዮጵያ ይችን ትመስላለች። ኢትዮጵያዉያንን ልብን በሚያደማ ሁኔታ ፣ ስልጣኔ ባልገባቸው፣ በቂምና በጥላቻ በተሞሉ ፣ ከጫካ አስተሳሰብ ባልተላቀቁ፣ ፍጹም ኋላ ቀርና ዓዉሬ በሆኑ ዘረኞች፣ አንገታችቸው ደፍተው፣ ፈርተዉ፣ ተሽማቀውና ተዋርደው፣ ጥቅሮች በአፓርታይድ ዘመን ይኖሩ እንደነበረው በባርነት የሚኖሩባት አገር !!!

ደግነቱ ግን ባርነት፣ ጭቆና በቃን ብለልው የተነሱ በብዛት ያሉበት፣ ትዉልድ ነው የአሁኑ ትዉልድ። “በሀገራችን፣ ብዙ እንስቶቻችን በፍርሃት ወጥመድ ሥር ወድቀው፣ በጣም ልስልስ የሆነ የህይወትን መስመርን ምርጫቸው አድርገውና ‹‹ፖለቲካን በሩቁ!›› በሚል መሪ ቃል የዘወትር ድግግሞሻዊ ሕይወት ውስጥ በምርጫ እየተጓዙ ባሉበት ነባራዊ ሁኔታ፣ እንደወይንሸት አይነት ጥቂቶችን በፖለቲካ ዓለም ውስጥ ስመለከት እንደኢትዮጵዊ ዜጋ ደስታን ይፈጥርብኝ ነበር” ሲል እንደጻፈው ጋዜጠኛ ኤሊያስ ገብሩ፣ እኔም እንደ ወይንሸት ያሉ ፣ ብረትና ታንክ የማይፈሩ፣ “ነጻነቴን ከምትወስዱብኝ ሞቴን ስጡኝ” የሚሉ ከመቼውም ጊዜ በላይ እየበዙ መምጣታቸው በርግጥ ኢትዮያጵያችን የምትታሰብበት ጊዜ መድረሱን፣ የጨቃኝ፣ ቂመኛ፣ ከፋፋይና ዘረኛ አገዛዝም ፍጻሜ መድረሱን የሚያሳይ ነው

– See more at: http://satenaw.com/amharic/archives/8107#sthash.VxXDTAAI.dpuf

እነ ወይንሸት ሞላ ላይ ድጋሜ የቀረበውን መዝገብ ዳኞች አንቀበልም አሉ

እነወይንሸት

በነገረ ኢትዮጵያ ሪፖርተር

በእነ ወይንሸት ሞላ የክስ መዝገብ መንግስት አይ.ኤስ.አይ.ኤስን ለመቃወም በጠራው ሰልፍ ሰበብ በእስር ላይ የሚገኙት ወንይሸት ሞላ፣ ኤርሚያስ ፀጋዬ፣ ዳንኤል ተስፋዬና ቤትሄልየም አካለወርቅ ላይ ፖሊስ በድጋሜ ያቀረበውን የምርመራ መዝገብ ዳኞቹ አንቀበልም ብለዋል፡፡

እነ ወይንሸት ሰኔ 15/2007 ዓ.ም በቄራ ፍርድ ቤት በዋለው ችሎት ቀርበው እንዲፈቱ ተወስኖ እንደነበር የሚታወስ ሲሆን ፖሊስ ከእስር ሲወጡ በር ላይ በድጋሜ አስሮ ስድስተኛ ፖሊስ ጣቢያ እንደወሰዳቸው ይታወቃል፡፡

ዛሬ ሰኔ 18/2007 ዓ.ም ቀደም ብለው ተከሰውበት በነበረው ተመሳሳይ ‹ወንጀል› ፖሊስ የምርመራ መዝገብ ይዞ ቀደም ብለው ውሳኔ ባገኙበት በተመሳሳይ ቄራ ፍርድ ቤት ቀርበው የነበር ቢሆንም ዳኞቹ ‹‹እኛ ፈርደናል፤ እንዲለቀቁም ወስነናል፣ ከዚህ በኋላ ይህን ጉዳይ አናይም›› በሚል መዝገቡን እንደማያዩ ገልጸው መልሰዋቸዋል፡፡

ፖሊስ ፍርድ ቤቱ ክሱን እንደማያይ ከገለጸ በኋላ እነ ወይንሸትን ወደ ስድስተኛ ፖሊስ ጣቢያ የመለሳቸው ሲሆን፣ ፍርድ ቤቱ እንዲፈቱ የወሰነላቸው አራቱም እስረኞች ጉዳይ ምን ሊሆን እንደሚችል ግን ይህ መረጃ እስከተጠናቀረበት ጊዜ ድረስ አልታወቀም፡፡

ሜሮን አለማየሁ ለብይን ተቀጠረች

ከሚያዝያ 14/2007 ዓ.ም ሰልፍ ጋር በተያያዘ ክስ ከተመሰረተባቸው የሰማያዊ አባላት መካከል የሆነችው ሜሮን አለማየሁ ለሰኔ 24/2007 ዓ.ም ለብይን ቀጠሮ ተሰጥቷታል፡፡

Meron Alemayehu

ሜሮን ዛሬ ሰኔ 17/2007 ዓ.ም የፌደራል የመጀመሪያ ደረጃ ፍርድ ቤት ጎፋ ምድብ ችሎት የቀረበች ሲሆን፣ መከላከያ ምስክሮቿንም አቅርባ አሰምታለች፡፡ ከአንድ ወር በላይ ዋስ ተከልክላ በእስር ላይ ቆይታ ከቀናት በፊት በዋስ ወጥታ ጉዳዩዋን በውጭ ሆና እየተከታተለች ያለችው ሜሮን በቀረበባት ክስ ላይ ሰኔ 24/2007 ዓ.ም ብይን ይሰጥባታል ተብሎ ይጠበቃል፡፡

መንግስት ሚያዝያ 14/2007 ዓ.ም ጠርቶት ከነበረው ሰልፍ ጋር በተያያዘ ክስ ከመሰረተባቸው የሰማያዊ ፓርቲ አባላት መካከል እስካሁን በአራቱ ላይ የጥፋተኝነት ብይን በመስጠት ያሰረ ሲሆን፣ ቀሪዎቹ ደግሞ በእስር ላይ ሁነው ጉዳያቸውን እየተከታተሉ ይገኛሉ፡፡

ወ/ሮ ንግስት ወንዲፍራው ተፈረደባት

ንግሥት ወንዲፍራው (የሰማያዊ ፓርቲ አባል)

መንግስት አይ ኤይ አይ ኤስ በኢትዮጵያውያን ላይ የፈፀመውን ዘግናኝ ድርጊት ለመቃወም በጠራው ሰልፍ ሰበብ የታሰረችው ወ/ሮ ንግስት ወንዲፍራው ዛሬ ሰኔ 17/2007 ዓ.ም ቄራ የመጀመሪያ ፍርድ ቤት ቀርባ የ8 ወር እስራት ተፈርዶባታል፡፡
ንግስት ወንዲፍራው ግንቦት 19/2007 ዓ.ም ያለ ማዘዣ ከ3 አመት ልጇ ጋር በፖሊስና ደህንነቶች ተይዛ 6ኛ ፖሊስ ጣቢያ ታስራ ቆይታለች፡፡

ምንጭ፡ ነገረ ኢትዮጵያ

የበረሃው ጂኒ፣ የባህሩ ጋኔል (በልጅግ ዓሊ)

በልጅግ ዓሊ

ብቻውን ሆኖ ከጥግ ቆሞ ይቆዝማል። ጸጉሩን እየፈተለ ይናደዳል . . . ብቻውን ያልጎመጉማል። ትንሽ ቆይቶ ያለቅሳል። ለጉድ! ያነባዋል። ሰው እንዳለ እንደሌለ አካባቢውን ይቃኛል። ገና ወደዚህ አካባቢ እንደመጣ ሲብስበት በሰው ፊት ያለቅስ ነበር። አሁን አሁን ግን ሲያለቅስ ሰው ሲያየው አይወድም። መጀመሪያ አካባቢ ጎረቤቶቹ ሲያለቅስ ሲመለከቱ ያጽናኑት ነበር። በኋላ ግን ቀውሷል ብለው ደመደሙ። እንዲያው በደፈናው ግማሾቹ ፍቅር ይዞት ነው ሲሉ፣ ሌሎቹ ደግሞ የሳሃራ በረሃ ጋኔል አግኝቶት ነው. . . ወይም የባሕር ጂኒ ተጠናውታው ይሆናል ማለት ጀመሩ። በየሄደበት ሁሉም እብድ ነው፣ ቀውሷል ብለው ደምድመዋል። ስለሚናገረው ነገር ግን ማንም ልብ ብሎ ያስተዋለውም፣ የጠየቀውም የለም። እሱም መናገር አይወድም። በእርግጥም ስለሱ የሚያውቅ ማንም የለም።Ethiopian refugees drown

ብቸኝነቱን ሲያስብ፣ የውስጥ ሃዘኑ የአዕምሮውን ጣሪያ ሲነካበት ከቤት ተነስቶ ውልቅ ይላል። ባቡር ይሳፈርና ወደ ፍራንክፈርት ይሄዳል። መሄጃ እንደሌለው የሚያውቀው ግን ፍራንክፈርት ሲደርስ ነው። ለምን ከቤቱ እንደወጣ ግራ ይገባዋል። ባቡር ጣቢያ ከሚገኘው ማክዶናልድስ ይገባና ቁጭ ይላል። እዛም ሆኖ በሃሳብ እንደገና ይወረሳል። ወዲያው ደግሞ እንባው ድቅን ይላል። የጸጋዬ ገብረ መድህንን ወንድ ልጅ ተደብቆ ነው የሚለቅሰው የሚለውን ግጥም በቃሉ ይወጣዋል።

ከወዳጅ ከዘመድ ርቆ፣
አንጀቱን በአንጀቱ ታጥቆ፣
ተሸሽጎ ተገልሎ ተሸማቆ ተሸምቆ፣
ከቤተሰብ ተደብቆ፣
መሽቶ የማታ ማታ ነው፣ ሌት ነው የወንድ ልጅ እንባው ።

እውነት ነው! ወንድ ልጅ በቀን አያለቅስም ብሎ ራሱን ያሳምናል።

በእንባ የጠበቡ ዓይኖቹን እየደጋገመ ጠረግ ጠረግ ያደርጋቸዋል። ጭንቅላቱ ግን በሃሳብ እንደተወጠረ ነው። እዬ! ዬ! ብሎ . . . አልቅሶ ቢወጣለት ምንኛ በወደደ ነበር። አካባቢውን ዞር ዞር ብሎ ይቃኛል። የሚያውቀው ሰው የለም። ማልቀስ እችላለሁ። ማን እንዳይታዘበኝ? ከማን ነው የምደበቀው? እዚህ አበሻ የለም . . .ቀውስ የሚለኝ የለም . . . እያለ ራሱን በራሱ በሚጽናኑ ቃላት ማባበል ይጀምራል። ብቻው ሲያለቅስ አበሾች አይተው ቀውሷል እንዳይሉት መፍራቱን ግን አልተወም።

ቁጭ ባለበት በሃሳብ ይነጉዳል። እንቅልፍ እንደያዘው ሰው በመሃል እንደገና ከሃሳቡ ይባንናል። በቀስታ ድምጽ ማዕበል፣ ማዕበል ፣ ማዕበል ይላል። አጠገቡ ያሉት ሰዎች ቋንቁው ባይገባቸውም በትዝብት ይመለከቱታል፤ በመቀጠልም ጮክ ብሎ እጄን ያዢኝ ፣ እጄን ያዢኝ ፣ እጄን ያዢኝ እያለ ይጮኻል። ሁሉም ሰው ወደ እሱ ይመለከታል፣ እሱ ግን ሰው እንደሚመለከተው ከቶ አያስተውልም። ለምን ለቀቅሽኝ ፣ ለምን?. . . ለምን ለቀቅሽኝ ብሎ ይጮኻል። ከዚያም ወዲያው ፈቱን የእንባ ዘለላ ያርሰዋል። ያለቅሳል ፣ ይንሰቀሰቃል. . . በጉንጩ ላይ ከሚፈሰው ይልቅ ደረቱን ሰንጥቆ ወደ ውስጥ የሚገባው እንባ ይብሳል ።

ጥቂት ቆይቶ ራሱን የጸጋዬን ግጥም ውስጥ ለመደበቅ ይሞክራል። እሱም አልመች ሲለው ግጥሙን እያሰላሰለ ማን ነው . . . ወንድ ልጅ ተደብቆ ነው የሚያለቅሰው፣ የሚንሰቀሰቀው ያለው? . . . ስህተት ነው ፀጋዬ! ወንድ ልጅ የሚያነባው አደባባይ ላይ ነው እንጂ! . . . ፀጋዬ ተሳስተሃል! ግጥምህን አርመው! ባንተ ዘመን ይሆናል በምሽት ተደብቆ የሚያለቅስው፣ በእኛ ዘመን ግን ተቀይሯል። በእኛ ዘመን ወንድ ልጅ ሲደላው ብቻ ነው ተደብቆ በምሽት የሚያነባው፣ እንደዚህ ቀይረነዋል፣ አንተም ቀይረዋ!

ጣሩ ሲበዛበት ግፍ መከራው፣
በቀን በጠራራ ፀሐይ አደባባይ ሕዝብ ፊት ነው፣
ወንድ ልጅ የሚያለቅሰው፣ የሚንሰቀሰቀው።

ማንነቱ የተደፈረበት፣
እሱነቱን ያጣበት፣
ብሶቱን የሚገልጽበት፣
ቁጭቱን የሚያሳይበት፣
ብቸኝነቱን የሚወጣበት።

ቀን ነው የሚያነባው፣
ሰው ፊት ነው የሚያለቅሰው፣
አደባባይ ነው ስቅስቅ የሚለው፣

ሕዝበ አዳም፣ የሃበሻ ዘር ብሶቱን እንዲያይለት ፣
አይቶም እንዲያላግጥበት . . . ።

ፀጋዬ ግጥምህን ቀይረው። . . . ይላል።

ወዲያው ቀና ብሎ ላፍታ ሰውን ሁሉ ከገላመጠ በኋላ፣ የአዳም ልጅ ሁላ አላግጥ . . . እኔን እያየህ ተዝናና ብሎ ከማክዶናልድ ይወጣል። ነገር ግን፣ ውጭ ወጥቶ የሚሄድበትን አያውቀውም። መሃል መንገድ ላይ ለተወሰኑ ደቂቃዎች ቆሞ፣ እንደገና ለራሱ ብቻ በሚገባው ቋንቋ ማልጎምጎም ይቀጥላል፡፡

ከዚያም ፈጠን ፈጠን እያለ በርካታ እርምጃዎች ይራመዳል ። ወዲያውም ዘው ብሎ አንዱ አበሻ ቡና ቤት ይገባል። እዚያም ላፍታ አይቆይም። ይወጣል። እንደገና ሌላው ጋ ይገባል። ከዚያም ይወጣል። ከረንቦላ መጫወቻ ቤት ይሄዳል። . . . እዚያም እንደደረሰ፣ ተጫዋቾቹንና የከረንቡላ መጫወቻወን ጠረንጴዛና ኳሶች ትኩር ብሎ ቆሞ ያስተውላል።

ይኽ ትዕይንት ለሱ የዕለት ተዕለት ኑሮው ነው።

ከእነዚህ ቀናት በአንዱ ግን፣ እንዲህ ሆነ። …. በዚው በለመደው ቤት የከንቡላ ጨዋታ እያስዋለ ሳለ፣ ድንገት ሳይታሰብ . . . “ማዕበል ! ማዕበል ! እጄን አትልቀቂ ! . . . ጀልባውን ይዤዋለሁ እጄን አትልቀቂ ! ሲል አንቧረቀ። በአንድ እጁ ጀልባውን፣ በሌላኛው እሷን እንደሚጎትት ያህል ሰውነቱ ተወጣጠረ። ጮኸ ! ተጣራ ! ከረንቦላ ቤቱ ላፍታም ቢሆን በጸጥታ ተሞላ። ሁላችንም በአንክሮ ወደ እሱ ተመለከትን። በአዕምሮው አንድ ነገር እንዳስታወሰ ዓይኖቹ ፈጠጡ። እንባው በፊቱ ላይ ቦይ ቀዶ ቁልቁል መንዠቅዠቅ ጀመረ። . . . በከረንቦላው ጠረቤዛ ላይ ያሉትን ድንጋዮች በታተናቸው። ጨዋታውን ተረበሸ። ተጫዋቾቹ ጮኹበት። “ይህንን ቀውስ አስወጡት” ብሎ አንዱ ጮኸ ። ባለቤቶቹ “ውጣ! እንግዳ አትረብሽ” ብለው ገፍትረው አስወጡት።

የእሱን እግር ተከትሎ፣ በከረንቦላ ቤቱ ውስጥ የጦፈ ክርክር ተነሳ። “ይህንን ሰውዬ መምህር ግርማ ቢያገኙት ያድኑታል” አለ አንዱ። “እባክህ ተወን! በዓለም የታወቀው የጀርመን ሃኪም ያላዳነውን እንዴት ነው መምህር ግርማ የሚያድኑት?” አለ ሌላኛው። ክርክሩ ከእሱ አለፈና ወደ መምህር ግርማ ሥራና ተዓምር ተቀየረ። አንዱ የእሳቸው አድናቂ ሌላው ደግሞ ጽኑ ተቃዋሚ ሆነው ይከራከሩ ጀመር።

እኔንም በውል የማላውቀው ስሜት ገፍትሮ ከውስጥ አስወጣኝ። ተከተልኩት። እንደተለመደው ለማጽናናት ሞከርኩ። “ፀሐፊ ነኝ ትል የለም እንዴ?” ሳላስበው ጠየቀኝ። መልሱን ሳይጠብቅ ቀጠለ። “እስቲ ጻፈውና እንይህ? እስቲ ንገርልን ምን እንደደረሰብን ? አቦ ጀግና ሁና ! እውነቱን ጻፈዋ ? ቀውሷል እያሉ ከየአበሻው ቡና ቤት ከሚያባርሩኝ የደረሰብኝን ንገራቸው። ሳሃራን አየሁት. . . ባህሩን አየሁት ብለኸኝ የለም እንዴ ? ጻፈዋ እናንብበው ? ወይስ ሰሃራ ድረስ የሄድከው የአሸዋውን ማማር፣ የቴምሩን ጣእም፣ የፀሃዩን ግለት፣ የሙቀቱን ትእይንት ለማያውቁት ልታሳውቅ ነበር? ወይንስ ዕረፍት አምሮህ ነው ? …. ጉድ እኮ ነው! የኛ ስቃይ ለእናንተ መዝናኛ መሆኑ አይገርምህም ! ” በማለት ሳላስበው በጥያቄ ላይ ጥያቄ እአደራረበ ጠየቀኝ።

“ለመሆኑ ኩፍራን ታውቀዋለህ ? ከሱዳን ተነስተን እስከ ሊቢያ ኩፍራ ድረስ ምን ያህል የሰው ልጅ ስቃይና መከራ እንዳለ ታውቃለህ ? ሳሃራን አቋርጠህ ሰዎች የሚኖሩበት ቦታ ስትደርስ የሚሰማህን ታውቃለህ ? አንተ አታውቅም ! መች ይህን ጉድ ቀመስክና ! አንተ ኤር ኮንድሽን ባለው መኪና ውስጥ ተቀምጠህ አይደል እንዴ ሳሃራን የጎበኘኸው ? እሱንም እንኳ ቢሆን ጻፍና አስረዳቸው. . . መቀወስ ይነሰኝ እንዴ ? ቀውስ ነው እያሉ የሚያሽሟጥጡኝን በውል አስረዳቸው እንጂ ? ዳሩ አንተ ብትጽፈው መች አንብበውት፤ ለእሱ መች ጊዜ አላቸውና፤ አንዳንዶቹም ማንበብ አይችሉም። መታወቂያቸው ላይ ያለውን ስማቸውን እንኳ በውል አያውቁትም እኮ ! . . . እኔ ግን ቀውስ አይደለሁም። እነርሱ ናቸው አውቆ አበዶች። ሙሉ ቀን ድንጋይ ሲያፋትጉ የሚውሉ፣ ቤት ሞልተው በባዶ ሁካታ ሲንጫጩ የሚውሉ፣ ጫት እንደ ከብት እያመነዥኩ በቅዠት ምናብ የሚደሰኩሩ፣ በቁማር ፍቅር ሲነዱ ለሚያድሩ፣ የቡና ቅራሪ ሲጋቱ የሚውሉ፣ እነርሱ ናቸው እንጅ ቀውሶች። …. ህ’ ህ ! …. የህሊና ሚዛናቸው የተዛባ፣ አዙሮ የሚያይ አንገት የሌላቸው፣ የመጡበትን የረሱ፣ የሚሄዱበት ካርታ የጠፋባቸው።” መድረሻቸው ከከንቱ የሆነ ። “ሰው መሳይ በሸንጎ ማለት እነሱ ናቸው።”

“ደግሞ ንገራቸው. . . በሳር ውስጥ ተሸሸጎ፣ ታፍኖ፣ ከኩርፋ ትራቫሎስ ድረስ ያለውን መከራ። ስለ ባሕሩም፣ ስለ ጀልባውም ንገራቸው ለእነዚህ አረመኔዎች። እኔን ቀውሷል እያሉ ከየቡና ቤቱ የሚያባርሩኝን ። ቀውስ ነው በላቸው። በፍቅር ነው ያበደው ይሉ የለም? አዎ በፍቅር ነው የቀወሰው በላቸው። ስለ ፍቅር ምን ያውቃሉ? በሃሳብ የሚገለሙቱ፣ በሥራ ቦዝነው ከረንቦላ የሚጫወቱ፣ ጫት እያመነዠኩ በከንቱ ፍልስፍና ለሚሟገቱ፣ የመንፈስ ድኩማኖች፣ ሲመሽ አንቡላ እየጋፉ በየጎዳናው ለሚጣለዙ ግብዞች፣ አስረግጠህ ንገራቸው። እኔ ሰው ወድጄ ስለሰው ነው ያበድኩት . . . እነርሱ ግን የራሳቸውን ጠልተው ሰለ ሆዳቸው አብደዋል። አዎ አሁን በእኔና በእነሱ መካከል ልዩነት አለ። ይኸውም እኔ ሰው ወድጄ ስለፍቅር እራሴን ሰጥቻለሁ፣ እነሱ ደግሞ ሞራል አጥተው ለሱስ ስብዕናቸውን ጥለዋል።”

“አይገርምም! ለሴት ፍቅር እንዴት ታለቅሳለህ ብሎ ጠየቀኝ እኮ አንዱ። እንዴት አላለቅስም? አለቅሳለሁ እንጂ! ሱዳን ነበር የተዋወቅነው። እዚያ ነው ያፈቀራት በላቸው።”

ሻይ የምትሸጥበት ቦታ ነው የተዋወቅነው። ገንዘብ አልነበረኝም። ርቦኝ ነበር ። ምንም ሳልፈራ መራቤን ነገርኳት። ዳቦና ሻይ ሰጠችኝ። እንደ እናቴም እንደ እህቴም ታየችኝ። ደግነትዋ እንድቀርባት አደረገኝ። በልቼ ስጨርስ ሲርብህ ሁል ጊዜ ና አለችኝ። እኔም ከእሷ አካባቢ መጥፋትን አልደፈርኩም። ስቀርባት ወደድኳት ። ስቀርባት ወደደችኝ ። ተዋደድን። እኔ ገንዘብ አልነበረኝም። ከውጭ ይልኩልኛል ብዬ የተማመንኳቸው ወንድሞቼና እህቶቼን በቃላቸው አላገኘኋቸውም። ታሪኬን ነገርኳት። አዘነችልኝና እኔ አለሁልህ አለችኝ። ገንዘብ ሠርተን አውሮፓ እንደርሳለን አይዞህ አለችኝ። ከወንድሞቼና ከእህቶቼ ያጣሁትን የሰው እምነት እንደገና የሰጠችኝን ካላፈቀርኩ ማንን ላፍቅር?”

“ንገራቸው ለእነዚህ ብኩኖች! ሻይ ሽጣ ነበር ወደ ሊቢያ የምንሄድበትን የከፈለችው። ያንን ሁሉ መከራ አልፈን አብረን ነበር ሊቢያ የደረስነው። ካንተ አልለይም ብላ አብራኝ የተሰቃየችው። ሳጣ ያጣችው፣ ሳገኝ የተደሰተችው፣ የፍቅር ማጀቴ ነበረች እኮ ። አንድ ለእኔ የተፈጠረች፣ ውብ ቆንጆ፣ ደግ ለሰው አዛኝ፣ ጠይቅ ድፍን ሱዳንን፣ ጠይቅ ድፍን ሊብያን፣ ማን እንደነበረች ይነግሩሃል። . . . እርጉዝ እኮ ነበረች፣ የመጀመሪያው ልጄ እናት፣ አውሮፓ እናሳድጋለን ስንል ነው እኮ ጥላኝ የሄደችው፣ እንዴት አላብድ? እንዴት አልቀውስ፣ እንዴት አላለቅስ፣ ለእሷ ያልታበደ ለሌላ ለማን ይታበድ?”

“እነዚህ ስለ ፍቅር ምን ያውቃሉ? እነዚህ ከልጃቸው አፍ ቀምተው ለቁማር የሚገብሩ እብዶች እኔን እንዴት ቀውስ ይሉኛል? እነሱ አሉ አይደሉም እንዴ ጨርቃቸውን ያልጣሉ በቁም ሙቶች። ይህንን ቀውስ አስወጡት ሲሉ በጫት አፋቸው ሲለፈልፉ አያፍሩም እኮ።”

ነገሩን ለማወቅ ቸኩዬ “. . .ታዲያ ለምን ተጣላችሁ? የትነች ያለችው? እናስታርቃችሁ እንጂ. . .?” ብዬ ጠየቅኩት። ዓይኑን ፈጠጥ አድርጎ አይቶኝ ። ቀጠለ።

“እኔ ጠቤ እንደነሱ ከሰው አይደለም። እኔ ጠቤ ከተፈጥሮ ነው። ከበረሃው ነው በልልኝ፣ ከማዕበሉ ጋር ነው በልልኝ። ያንን የሳሃራን በረሃ አቋርጠን ሊቢያ ስንደርስ ደስታችን ብዙ ነበር ። መለያያችን መድረሱን መች አስብንና። ሁለት ወር ሊቢያ ውስጥ ተደብቀን ኖርን። በተለይ እሷ ራሱዋን ደባብቃ አስቀያሚ ለመምሰል ትጥር ነበር። የእሷን ቁንጅና ያዩ ሊቢያኖች እሷንም እንደማይለቋት እኔንም እንደማይለቁኝ አውቀን ነበር። ለነገሩ ሁላችንም ተደብቀን አልነበረም የምንኖረው? እዛ ነበር እርጉዝ መሆኗን የነገረችኝ ። የመደንገጥም፣ የመደሰትም፣ የማዘንም ስሜት ተሰማኝ። እንደ ምንም ገንዘቡ ተከፍሎ፣ ጀልባው ተዘጋጀና ጉዞ ጀመርን። የሊቢያን የባሀር ክልል ስንወጣ ጀልባው ላይ ችግር እንዳለ ተረዳን። ከአንድ ወገን ያሉ ሰዎች በተፈጠረው ግርግር ወደ እኛ አካባቢ መጡ ። ጀልበዋ ተገለበጠች። ብዙዎቹ ሰመጡ። እኔ እጇን እንደያዝኳት እሷም እጄን እንደያዘችኝ ነበር ጀልባው መስጠም የጀመረው። በአንድ እጄ እሷን በሌላው ጀልባውን እንደያዝኩ፣ እሷ ደግሞ በአንድ እጇ እኔን በአንድ እጇ ባዶውን ጀርካን እንደያዘች ነበር። ከጥቂት ሰዓታት በኋላ ሳይታሰብ ማዕበል ተነሳ። ይህንን ጊዜ ስትጸልይ ነበር። ፈጣሪ ላልተወለደው ልጃችን ብለህ ማረን፣ ማዕበሉን አቁምልን እያለች ነበር የምትጸልየው፣ ማርያምን ነበር የምትማጸነው።”

“በአንድ እጄ እሷን በአንድ እጄ ጀልባውን ይዤ ነበር ማዕበሉን ለመቋቋም የታገልኩት። በከፍታ የተነሳው ማዕበል ውሃውን ፊታችን ላይ ስለረጨን አፈነን። እጄን ለቀቀችው። ለመያዝ ሞከርኩ አልቻልኩም። እሷም ታገለች። ስሜን እየጠራች ጮኸች። ከአጠገቤ ድምጿ ራቀኝ። ድምጿ በአራቱም ማዕዘን ይሰማኝ ጀመር። ወዴት ልሂድ? ዋና አልችል። እዚህ ነኝ ብዬ መለስኩ። አበድኩ፣ በዚያ ጨለማ ምን ላድርግ፣ አበድኩ፣ ጮኩ፣ ምን ልሁን? ሌሊቱን ሁሉ ተጣራሁ፣ ድምጿ እየራቀ መጣ። እንዲሁ እንዳበድኩ ምሽቱ እየነጋ መጣ። ጠዋት ላይ የለችም፣ ትልቅ መርከብ መጥቶ እኛን አዳነን፣ ጀሪካኑን በሩቅ አየሁት። ፈለኳት ነገር ግን ላገኛት አልቻልኩም፣ የለችም። ከዚያ ቀን ጀምሮ መንፈሴ ታወከ፣ ህሊናየ ተነካ፣ ሰላሜና ፍቅሬ አብሮ በማእበል ዳግም ላይመለስ ተወሰደ፣ እኔም የሰውና የመንፈስ ደሃ ሆንኩ። አበድኩ፣ ቀወሰኩ። ንገራቸው ለምን እንደቀወስኩ። መቼም አይሰሙህም። ቁማር ተበልቶ አበደ ብትላቸው ነበር የሚሰሙህ!”

“ለእነዚህ ሃይማኖት ለሌላቸው ግብዞች። ለእሷ ያላበድኩ ለማን ልበድ?. . . ለማን ልቀውስ? እንደነርሱ ለቁማር፣ ለጫት፣ ለዝሙት . . . ? ጂኒ ባሕር ላይ መታው አይደል የሚሉህ? አዎ! የባህር ነውጥ ጭካኔና የሰው ፍቅር ማዕበል፣ የሳህራ በረሃ አባዜና የሰው ልጅ ውዴታውና ውለታው ነው እሱን ያቀወሰው በላቸው። እንደ እናንተ በየመሸታ ቤቱ ከበርቻቻና ጫት ቁማርና አደንዛዥ ዕጽ አይደለም እኔን ያሳበደኝ ብሏል በላቸው። መቼም ስለደነዘዙ አይሰሙህም እንጅ፣ ንገራቸው። ሰው ለሰው እንደ ተፈጠረና እንደሚኖር ሁሉ፣ ሰው ለሰው እንደሚሞትም ይወቁ።”

ካለኝ በሁዋላ፣ ጥሎኝ እያለቀሰ ሄደ። እያነባ፣ እየጮኸ፣ እያጉተመተመ፣ ሄደ . . . የባህሩ ጂኒ፣ የባሕሩ ጋኔል ነው ፍቅሬን የወሰዳት እያለ ሄደ። ቀን ከሌሊት አነባለሁ፣ አለቀስሳለሁ፣ ለእንባና ለሃዘን ቀጠሮ የለውም ጸጋዬ አንተም አልተረዳኸውም እያለ ፈጠን ፈጠን እያለ ሄደ።

መከራ ሲመጣ አይነግርም አዋጅ ፡
ሲገሰግስ አድሮ ሌት ይደርሳል እንጅ

እንዲሉ፣ ጸጋዬ ተሳስተሃል፣ እኔ ዛሬም ነገም አነባለሁ፣ ዓይኔ እስከሚከዳኝ አነባለሁ። የሰው ልጅ አሳር ፍፃሜ እስከሚያገኝ፣ ፍቅር፣ ደግነት ልግስናና ርህራሄ ሚዛን እስከሚደፋ፣ ፣ የሰውልጅ ሃብቱ ሰው መሆኑ እስኪታወቅ ድረስ ዛሬም ነገም አነሆ አለቅሳለሁ.፣ማዕበሉ ፀጥ እስከሚል አነባለሁ . . እያለ እያጉተመተመ፣ ከዓይኔ ራቀ።

ተፈጸመ

(ግንቦት፡ 2015 ዓ.ም)

Beljig.ali@gmail.com
• በፍራንክፈርት ከተማ የሊቢያንና የደቡብ አፍሪካን ሰማዕታት ለማስታወስ በተዘጋጀው የሐገር ፍቅር ሥነ ጥበብ ዝግጅት ላይ የቀረበ በእውነተኛ ታሪክ ላይ የተመሰረተ ልብ ወለድ።

ሙታንን የከፋፈለው የህወሓት ‹‹ብሄርተኝነት››

hawzen
ከጌታቸው ሽፈራው

ጀርመን ውስጥ በነበረበት ወቅት ጠባብ ብሄርተኝነት ምን እንደሆነ በተግባር የተገነዘበው የሳይንሱ ሊቅ አልበርት አንስታይን ጠባብ ብሄርተኝነትን የሰው ልጅ አጥፊ በሽታ ነው ይለዋል፡፡ አውቁ ሳይንቲስት ይህን በሽታ በቀላሉ የማይድን፣ የሰውን መላ ሰውነት የሚያበላሽ እከክ አይነት ወረርሽኝ ጋር ያመስለዋል፡፡ የህወሓት በሽታም ይህ የኑክሊየር ፊዚክስ ቀመሩ ባለቤት የገለጸው ጠባብ ብሄርተኝነት ነው፡፡ ደርግ በትግራይ ጨምሮ በሁሉም የአገራችን ክፍሎች ህዝብ ጨፍጭፏል፡፡ ይህን ጭፍጨፋ በኢትዮጵያውያን ላይ የተደረገ በደል አድርጎ ከመቁጠር ይልቅ በብሄር አይን መንዝሮታል፡፡ እናም ሰኔ 15 ‹‹የትግራይ የሰማዕታት ቀን›› በሚል ለ26ኛ ጊዜ አክብሯል፡፡

እንግዲህ ትግራይ ውስጥ ደርግ የጨፈጨፋቸውን ኢትዮጵያውያን ከሞቱ በኋላም እንደ ኢትዮጵያውያን እንዳናስባቸው በቋንቋ መስመር ታጥረናል ማለት ነው፡፡ በመላው አገሪቱ ጭፍጨፋዎች ነበሩና ሌሎች ከ80 በላይ ‹‹ብሄሮች››ም የየራሳቸውን ሰዕማታት ቀን ሊያከብሩ መሆኑ ነው፡፡ ደርግ አሁን ትግራይ ተብሎ በተከለለው የኢትዮጵያ ክፍል ባደረገው ጭፍጨፋ አፋርኛ፣ አማርኛ፣ ኦሮምኛ….ሌሎችም ቋንቋ ተናጋሪዎች ለገበያ አሊያም በሌላ ምክንያት በአካባቢው በመገኘታቸው የጭፍጨፋው ሰለባ የሆኑት ነፍሳቸው የሰው ነፍስ አይደለም ማለት ነው፡፡

በተመሳሳይ በሌሎች አካባቢዎች በተደረጉ ጭፍጨፋዎች ትግርኛ ተናጋሪ ኢትዮጵያውያን የጭፍጨፋው ሰለባ ሆነዋል፡፡ ሆኖም ህወሓት ሀውዜንም ሆነ ሌሎች አካባቢዎች በተደረጉት ጭፍጨፋዎች ሰለባ የሆኑት ‹‹ትግሬዎች ብቻ ናቸው!›› ብሎ ለብቻው የሙት አመት እያከበረ ነው፡፡ በዚህም ትግራይ ውስጥ በደርግ የተጨፈጨፉ ሌላ ቋንቋ ተናገሪዎች ደመ ከልቦች ሆነዋል፡፡

ህወሓት ማንን ያስቀድማል?

አንድ ሀቀኛ ፓርቲ ከስልጣን ይልቅ ሊያስቀድመው የሚገባው ወክየዋለሁ የሚለውን ህዝብ ነው፡፡ ሆኖም አንዳንድ ፓርቲዎች በስም ወክለነዋል የሚሉትን ህዝብ እንዳስቀደሙ በማስመሰል ቅድሚያ የሚሰጡት ስልጣናቸውን ነው፡፡ ከዚህ ሲከፋ ደግሞ ስልጣናቸው በራሱ ወክየዋለሁ የሚሉትን ህዝብ ከመውደድ ይልቅ ሌላ ህዝብን በመጥላት ላይ ሊመሰረት ይችላል፡፡ አጠቃላይ የአገሪቱን ህዝብ የሚጠሉ ከሆነ ደግሞ የሚወዱት ስልጣንን ብቻ ይሆናል፡፡ የህወሓት ስልጣን የተመሰረተው ሌሎችን በመጥላት ላይ ነው፡፡ ህወሓት የትግራይን ህዝብ ቢወድ ኖሮ በጠባብ ብሄርተኝነት ከሌላው የኢትዮጵያ ህዝብ ለመነጠል ባልጣረ ነበር፡፡ በመላ ኢትዮጵያ የሞቱትን ትግርኛ ተናጋሪዎች ሞት ረስቶ ክልሉ ውስጥ የሞቱትን የሚረሳበት አጋጣሚ አይፈጠርም ነበር፡፡ ለኢትዮጵያ ህዝብ ፍቅር ቢኖረው ደግሞ ትግራይ ውስጥ የተጨፈጨፉትን ኢትዮጵያውያን ከሰው ሳይቆጥር የእኔ ነው ያለውን ህዝብ ብቻ በቋንቋ ለይቶ ባላስታወሰ ነበር፡፡

ህወሓት ይህን ጥላቻን መሰረት ያደረገ ጉዞውን አርበኝነት ይለዋል፡፡ ስሙ እንኳ ይህን ለትግራይ ህዝብ አርነት የቆመ መሆኑን ያስረዳል፡፡ የፈረንሳ ቻረለስ ዲ ጎል ህወሓትን አይነት አካሄድ አርበኝነት ሳይሆን በጥላቻ ላይ የተመሰረተ ጠባብ ብሄርተኝነት አድርጎ ይወስደዋል፡፡ እንደ ቻረለስ ዲ ጎል አርበኝነት ማለት የህዝብን ፍቅር ስታስቀድም የሚመመጣ ነው፡፡ በተቃራኒው ጠባብ ብሄርተኝነት ለራስህ ህዝብ ያለህን ፍቅር በመቅደሙ ሳይሆን ለሌሎች ህዝቦች ያለህን ጥላቻ ስታስቀድም የሚመጣ ክስተት ነው፡፡ ይህ የፈረንሳይ የቀድሞ ፕሬዝዳንት ህወሓትን በስርዓት የገለጸው ይመስለኛል፡፡ በመሆኑም ህወሓት ወክየዋለሁ የሚለውን የትግራይን ህዝብም አይደለም፡፡ ቀሪው የኢትዮጵያ ህዝብ ላይማ ዲ ጎል እንደሚለው ጥላቸው የከረረ ነው፡፡ በዚህ መሃል የቀረው አንድ ነገር ብቻ ነው፡፡ ስልጣን! ከሁሉም አስቀድመዋለሁ የሚለውን የትግራይ ህዝብም የስልጣን መጠቀሚያ ነው፡፡ ‹‹የትግራይ ሰማዕታ ቀን›› ብሎ ሲያውጅም ‹‹የሞትነው እኛ ነን፡፡ በመሆኑም ስልጣን ላይ መቆየት ያለብን እኛ ነን›› ብሎ ለስልጣን ምሽግ መቆፈሩ ነው፡፡
ኦስካር ስትራውስ የተባሉ ሌላ ሰውም እንደ ዲ ጎል ሁሉ ብሄርተኝነት አርበኝነት ሆኖ አያውቅም ይላሉ፡፡ ከብሄርተኝነት በእጅጉ የተሻለና ድንበርና ሌሎች መከለያዎች የማይገድቡት አርበኝነት አለ የሚሉት እኝህ ሰው አርበኝነትን የቋንቋም ሆነ ሌላ ድንበር ሊለየው አይገባም ባይ ናቸው፡፡ ይህ አርበኝነት ድንበር ሳይገድበው የሰው ልጅ ስልጣኔ የሰጠውን ተስፋ የሚያስቀጥለበት ከሆነ ብቻ ነው፡፡ ድንበር የሚገድበው አርበኝነት ከዚህ በተቃራኒ የሰው ልጅን ስልጣኔ የሚያከስም እኩይነት ነው፡፡ አብዛኛዎቹ ምሁራን እንደ ህወሓት ያሉትን የፖለቲካ ሀይሎች ላይ በተመሳሳይ የሚዘምቱ ናቸው፡፡

ለምሳሌ ያህል ቶርሰሪን ቬብለን ጠባብ ብሄርተኝነትን ሞራል ባጣ መንገድ የተወለደ እና ሰይጣናዊ በሆነ መንገድ የሚመለክ መሆኑን ያሰምሩበታል፡፡ አስቀጥለውም ይህ መስረቱ እኩይ የሆነ አስተሳሰስ የሰው ልጅን ተቋማትና አጠቃላይ ኑሮ በአለመግባባትና በጭንቀት ከመወጠር አልቆመመም ሲሉ ኢትዮጵያ ያለችበትን አይነት ሁኔታ ቀድመው የተገነዘቡ ያስመስላቸዋል፡፡

በአገራችን ብሄር ‹‹ከሲቪል›› ተቋማት አልፎ ቤተ እምነት ውስጥ አለመግባባትና አለመተማመን እየፈጠረ ቀጥሏል፡፡ ቀበሌ ብቻ ሳይሆን ቤተ ክርስቲያንና መስጊድ ውስጥም ሳያዩ ያምናሉ በሚባሉት ኢትዮጵያውያን ላይ ‹‹ብሄር›› የልዩነት ምክንያት ሆኗል፡፡ ከአመታት በፊት ጳጳስ ከተቀናቃኞቻቸው ግብጽ ሲመጣ በፍቅር ይቀበሉ የነበሩት ኢትዮጵያውያን አሁን የቤተ ክርስቲያን መሪዎችን በ‹‹ብሄር›› አይን እንዲያዩ ተገድደዋል፡፡ ለዚህ ደግሞ ህወሓት ቀዳሚውን ድርሻ ይወስዳል፡፡ የድርጅቱ የቀድሞ ሊቀመንበር በመጽሃፋቸው እነ ስብሃት ነጋ ደብረ ዳሞን የመሳሰሉ ገዳማት ሳይቀሩ የህወሓትን አባላት አስርገው ሲያስገቡ መቆየታቸውንና በአሁኑ ወቅት በመላው አገሪቱ የሚሰራበት መሆኑን አምነዋል፡፡ ኢትዮጵያውያንም የእምነት፣ የቋንቋና ሌሎችም ሳይወስኗቸው ከሚገናኙባቸው ነገሮች አንዱ ሀዘን ነው፡፡ በዚህ ረገድ ኢትዮጵያውያን የራሳቸውን የሆነን ልዩ ማህበራዊ መሰረትና ተቋማት መስርተዋል፡፡ አሁን ግን ሟች በ‹‹ብሄር›› አጥር ታጥሯል፡፡ ሁሉም ‹‹ሟችህን በየ ቋንቋህ አስብ›› ተብሎ መከለል ተጀምሯል፡፡ ይህ እንግዲህ ቶርሰሪን ቬብለን መሰረቱ አሉታዊ መሆኑን የሚገልጹት ጠባብ ብሄርተኝነት እስከ ለቅሶና ቀብርም ወርዶ የኢትዮጵያውያንን ማህበራዊ ትስስርና ተቋማት ማንኮታኮቱን ነው የምንረዳው፡፡

በአሁኑ ወቅት በርካታ ቀናት የሚከበሩት በአለም አቀፍ ደረጃ ነው፡፡ የሴቶች፣ የሰራተኞች፣ የጋዜጠኞች… ብቻ በርካታ ቀናት የሚታሰቡት በአለም አቀፍ ደረጃ ነው፡፡ ምክንያቱም ዘመኑ በአገር ብቻ የሚታጠርበት ባለመሆኑ ነው፡፡ ኢትዮጵያውያን ጨምሮ በርካታ ህዝቦች በሩዋንዳና በሌሎች አገራት የተፈጸሙን ጭፍጨፋዎች ያወግዛሉ፡፡ ጭፍጨፋን በተመለከተም አለማቀፍ ቀናት ይከበራሉ፡፡ አሁን በአገራችን እየተደረገ ያለው ግን ከአለም አቀፍም ወርዶ በ‹‹ብሄር›› ሆኗል፡፡ ኢትዮጵያውያን ቋንቋውን ካልተናገሩ በስተቀር የተጨፈጨፉ ወንድሞቻቸውን ቀን ለማስብ እንዳይችሉ የ‹‹ብሄር›› አጥር ታጥሮባቸዋል፡፡

– See more at: http://www.zehabesha.com/amharic/archives/44586#sthash.OoOO6wO4.dpuf