አገዛዙ አለኝ የሚለውን ህገ መንግስት በተግባር ቀዶ ጥሎታል! (ሰማያዊ ፓርቲ)

ከሰማያዊ ፓርቲ የተሰጠ መግለጫ

አገዛዙ ራሱ ያፀደቀው ህገ መንግስት አንቀፅ 15 ማንኛውም ሰው በህግ በተደነገገው ከባድ የወንጀል ቅጣት ካልሆነ በስተቀር ህይወቱን አያጣም በማለት ቢደነግግም ለአንድ ቀንም እንኳ ህግን አክብሮ የማያወቀው ህወሃት/ኢህአዴግ በተለያዩ የሀገሪቱ አካባቢዎች ዜጎችን በጠራራ ፀሀይ መግደሉን ዋና ስራው አድርጎታል፡፡ በተመሳሳይ በህገ መንግስቱ አንቀፅ 21 በጥበቃ ላይ ያሉና በፍርድ የታሰሩ ሰዎች ሰባዊ ክብራቸውን በሚጠብቁ ሁኔታዎች የመያዝ መብት እንዳላቸውና ከትዳር ጓደኞቻቸውና ከቅርብ ዘመዶቻቸው፣ ከሃይማኖት አማካሪዎቻቸው ከሃኪሞቻቸውና ከህግ አማካሪዎቻቸው ጋር ለመገናኘትና እንዲጎበኟቸውም ዕድል የማግኘት መብት እንዳላቸው ቢገልፅም አገዛዙ በህገ መንግስቱ የተሰጣቸውን የመፃፍ፣ የመናገርና የመደራጀት መብታቸውን ተግባራዊ በማድረጋቸው ብቻ በየእስር ቤቱ ያጎራቸው ዜጎች በአስከፊ ሁኔታ ላይ ይገኛሉ፡፡Semayawi party to welcome Andinet members

የሰማያዊ ፓርቲ ልሳን የነገረ ኢትዮጵያ ዋና አዘጋጅ ጋዜጠኛ ጌታቸው ሽፈራው ያለምንም ክስ ከአምስት ወራት በላይ ማዕከላዊ በሚባለው የዜጎች ማሰቃያ ጣቢያ ቆይቷል፡፡

እንዲሁም የሰማያዊ ፓርቲ የሰሜን ጎንደር አስተባባሪ አቶ አግባው ሰጠኝ እና ከእሱ ጋር በአንድ መዝገብ የተከሰሱ ተከሳሾች በማንነታቸው ብቻ በደል እንደሚደርስባቸው በተደጋጋሚ ለፍርድ ቤት ቢናገሩም አገዛዙ ከማስተካከል ይልቅ ለምን ተናገራችሁ በማለት በጨለማ ክፍል ወስጥ አሰሯቸው ይገኛል፡፡ አመፅ አነሳስታችኋል በሚል ክስ የቀረበባቸው ምክትል ሊቀመንበሩን አቶ በቀለ ገርባን ጨምሮ የኦሮሞ ፌደራሊስት ኮንግረስ አመራሮችና አባላት በቀጠሯቸው እንዳይቀርቡ ከመደረጉም በላይ የእስረኞችን ስነ ልቦና በሚጎዳ ሁኔታ ልብሶቻቸውን ተቀምተው በባዶ እግራቸውና በወስጥ ልብሶቻቸው ፍርድ ቤት ለመቅረብ ተገደዋል፡፡

በቂሊንጦ ማጎሪያ የሚገኙት የሰማያዊ ፓርቲ የቀድሞ አመራሮች አግባው ሰጠኝ ፣ዮናታን ተስፋዬ፤ ፍቅረማሪያም አስማማውና ብርሃኑ ተክለያሬድ በአሁኑ ሰዓት በጨለማ ክፍል ውስጥ ታስረው የሚገኙ ሲሆን በቅርብ ዘመዶቻቸውና በጠበቆቻቸው እንዳይጎበኙ ተደርገዋል፡፡ በአጠቃላይ አገዛዙ የራሱን ዜጎች በመግደልና በማሰር በስልጣን ለመቆየት መወሰኑን ባለፉት ስድስት ወራት ብቻ የፈፀመው ወንጀል ያረጋግጣል፡፡ ስለሆነም ከዚህ አስከፊ አገዛዝ ተላቀን ህዝባዊ አስተዳደር መገንባት የምንችለው ሁላችንም ለመታሰርና ለመሞት ቆርጠን ስንነሳ ብቻ መሆኑን ተገንዝበን ትግላችንን አጠናክረን እንድንቀጥል ለኢትዮጵያ ህዝብ ጥሪያችንን እናስተላልፋለን፡፡

ኢትዮጵያ በክብር ለዘላለም ትኑር
ሰኔ 2 ቀን 2008 ዓ.ም

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s