“ህወሃት የተከለውን የጡት ቆረጣውን ሃውልት አፍርሰን እንጣለው” (አሊ ጓንጉል)

በአሊ ጓንጉል

“…ሃያዎቹ መጨረሻ ላይ ያለ፣ በፊቱ የተደፋ፣ እጆቹን ወደፊት ዘርግቶ፣… ልብሱ በደም እና አቧራ የጨቀየ ኢትዮጵያዊ … አስከሬን መንገድ ዳር ወድቋል፣ ሰውየው ጫማ፣ ገንዘብ፣ መታወቂያ፣ የለውም። ለአርብ ጸሎት የሚሄዱት ሰዎች በሚያዩት አዝነዋል፣ ግን የገረማቸው አይመስሉም…” ይህ በትናንትናው እለት (august 31/2016) በኒውስዊክ መጽሄት ላይ ከወጣ የዜና ዘገባ የተወሰደ ነው። ርዕሱ “ጦርነትን የሸሹ የመናዊያን እና ድርቅን የሸሹ ኢትዮጵያዊያን ጅቡቲ ላይ ተገናኙ” ነው የሚለው።Development in Tigray and Oromia

የመናዊያኑ ጦርነት ሸሽተው ጅቡቲ እየመጡ ባሉበት ወቅት፣ ኢትዮጵያዊያን ደግሞ ወደ የመን የመግባታቸውን ሁኔታ ያየ አንድ ከየመን የጦርነት ወላፈን አምልጦ ጅቡቲ የገባ የመናዊ “ኢትዮጵያዊያን እብዶች ናቸው…” ነበር ያለው። በዚህ ዘገባ ውስጥ ሶስት ጉዳዩች  አስገረሙኝ።

1ኛ) ሟቹ “መታወቂያ የለውም”፦ ስንት ሰው በየበረሃው አለቀ? ስንት ሰው በስንቱ የደቡብ እና ምስራቅ አፍሪካ አገሮች በረሃ የአውሬ እና የሰው አውሬዎች (በየአረብ አገሩ እና በደቡብ አፍሪካ በአደባባይ የሜጫ/ስለት) ቀለብ ሆነ? ስንት የማይታወቅ ኢትዮጵያዊ አለቀ? የህወሃት መንግስት እንደ መንግስት፣ በ25 አመት ታሪኩ ውስጥ፣ እስኪ አንድ ቀን! እንዲያው አንዲት ቀን.. “ዜጎቼ በምን ምክንያት ታሰሩ? ተገረፉ? ተገደሉ?…የተገደለው/የሞተውስ ማን ነው?” ብሎ ጠይቆ የሚያውቅበትን አንድ ጊዜ የሚጠቅስልኝ ሰው ማን ነው? ምን መታወቂያ አለን? እንታወቃለን? በርካታ ኢትዮጵያዊያን ያኔ በደቡብ አፍሪካ በአደባባይ በእሳት ነደው እና በሜጫ ስለት ተጨፍጭፈው በተገደሉበት ሰሞን፣ አንድ ሶማሊያዊ እንዲሁ ሞቶ ነበር። መንግስት የሌላት የምትባለው አገር የሶማሊያ የወቅቱ የሽግግር መሪዎች ደቡብ አፍሪካን ስለዜጋቸው ሞት ማብራሪያ መጠየቃቸውን አስታውሳለሁ።

2ኛ) በጅቡቲ ጎዳና ለአርብ ጸሎት የሚሄዱት ሰዎች የኢትዮጵያዊውን አስከሬን እያዩ “… አልተገረሙም…”፦ ምን ይገርማል? የኢትዮጵያዊ ስደት እና ሞት፣ በረሃብ መሞት የተለመደ አይደል እንዴ? በየሜዲያው ሁልጊዜ የሚታይ እና የሚሰማ የኢትዮጵያዊያን ሞት ዜና እንዴት ይገርማል? አንዳንዴ የማይገርም ነገርም እንዲህ ይገርማል፤ እናም እኛንም የማይገርመን መሆኑ ራሱ ገረመኝ።

3ኛ) “ኢትዮጵያዊያን እብዶች ናቸው”፦ ለየመናዊው እብደት ነው። ወደ የመን እና ሳውዲ አረቢያ ለመሻገር፣ አሻጋሪዎቹን እየተጠባበቀ ላለው የሰላሳ አመቱ ኢትዮጵያዊ ገበሬ ካሊል እና የመንደሩ ልጆች ግን እብደት አይደለም። ካሊል የመናዊያን እየሸሹ ከሚወጡበት አገር የመን ውስጥ መግባት አደገኛ መሆኑን ሲነግሩት “የተወለድኩበት መንደሬ ውስጥ ካለው ነገር የከፋ ምንም ነገር አይኖርም…” ነበር ያለው።

እየሞተ ያለ ሰው ሞት አይፈራም። ህወሃቶች ያልገባቸው ነገር ይኼ ይመስለኛል። ከአገር ቤትም ወጥተው ሞት እንደሚጠብቃቸው እየተገነዘቡ የሚሄዱ እንደ ካሊል ያሉ ዜጎች እየተበራከቱ በሄዱ ቁጥር፣… እዚህም እዚያም ሞት እንደሚጠብቃቸው የተገነዘቡ ስዎች ሞትን አይፈሩም። ህወሃት በተፈጥሮው መቻቻልን የማያውቅ በመሆኑ ብቻ ሳይሆን፣ በአገር እና ህዝብ ላይ ያደረሰው በደል እና ግፍ መብዛት እና መግዘፍ ምክንያት ብቻ ካሁን በኋላ ተቻችሎ መስራት የሚሉ ማደናገሪያውን ለመስማት ጆሮውን የሚሰጠው ህዝብም አያገኝም። ባጭሩ ህወሃት እና የኢትዮጵያ ህዝብ በተለያየ መንገድ “no turn” መንገድ ላይ ደርሰዋል። ህወሃት አንድ ሰላማዊ ሰው በገደለ እና ባደማ ቁጥር፣ በገዛ ሰራዊቱ ውስጥ ያለው አንድ ታጣቂ ወታደር ልብ ይደማል። …እናም ህወሃት ይወድቃል። አሳሳቢው ነገር፣ በኢሳቱ ጋዜጠኛ ሲሳይ አጌና ቋንቋ “ህወሃት እንዳይወድቅብን” ምን እናድርግ? ነው።

ምላሻቸው ምን እንደነበር ባይነግሩንም “ሌላው የኢትዮጵያ ቀሪ ህዝብ የኦሮሞን ትግል የማይቀላቀለው ለምንድነው? ለወደፊቱስ ህዝቡን ለማስተባበር ምን ታስቧል?” የሚል ጥያቄ ከተሳታፊዎች እንደቀረበላቸው በኢሳት የነገሩን ፕሮፌሰር መረራ ጉዲና ናቸው። እኔ ፕሮፌሰሩን ወይም ከኦሮሞ ነገድ ልሂቃን አንዱን ብሆን ኖሮ “የኦሮሞ ህዝብ ሆይ! ህወሃት የተከለውን የጡት ቆረጣውን ሃውልት አፍርሰን እንጣለው” የሚል መመሪያ አስተላልፍ ነበር–ቢያንስ ለጊዜውም እንኳን ቢሆን… በህዝብ ላይ እየደረሰ ያለውን ሞት፣ ስደት፣ ረሃብ፣ መከራ … ለማሳጠር፣ እሰራ ነበር።

አማራ እና ኦሮሞን በጡት ቆረጣ፣ ወላይታ እና ጋሞውን በድንበር፣ አኝዋክ እና ሱርማውን በግጦሽ፣ አፋር እና ኢሳውን በከብት ዘረፋ፣ ቅማንት እና አማራውን በማንነት፣ ትግሬውን “ህወሃት ከሌለ አንተም የለህም! ወየውልህ …” ወዘተ እያለ እኛን ኢትዮጵያዊያንን እያቆራረጠ እና እያበጣበጠ፣ ብቻውን ማር እየቆረጠ ያለው… ህወሃት ሲወድቅ በህዝብ ላይ እንዳይወድቅ አደርግ ነበር።

የኦሮሞ ልሂቃን፣ ህወሃት በሃውልት ጭምር እያጋነነ የሚያራግበው እና እንዲህ የዛሬ ሁለት መቶ አመት አካባቢ ሆነ የተባለውን የጡት ቆረጣ ለማራገብ ሞራላዊ ድፍረት ያገኙትን ያህል፣ እዚህ ዋሽንግተን ዲሲ፣ አሜሪካ እምብርት ላይ ሆኖ ዛሬ በ21ኛው ክ/ዘ “በሜጫ አንገት” ስለመቁረጥ የፎከረውን ጃዋርን ለማውገዝ ሰብዓዊ ሞራላቸውን የሚያሳዩን መቼ ነው? በሩዋንዳው የRTLM ራድዩ ጣቢያ የጥላቻ እና መሰል መዘዞች ሳቢያ በሩዋንዳ የደረሰውን የርስ በርስ እልቂት ያስታወሰ ሰው፣ የጃዋርን የሜዲያ ሃላፊነት በቀላሉ ማየት የለበትም።

ህወሃት ሲወድቅ እንዳይወድቅብን፣ የጡት ቆረጣውን ሃውልትም ሆነ የጃዋርን የሜጫ ፉከራ ለማውገዝ አሁንም አልዘገየም።

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s