ሠማያዊ ፓርቲ እያበቃለት ይሆን? (ኤርሚያስ ቶኩማ)

blue-partyበኢትዮጵያውያን ከሚመሩ የፖለቲካ ድርጅቶች ለሰማያዊ ፓርቲ የነበረኝ አድናቆት የተለየ ነው። በተለይም ለፓርቲው ሊቀመንበር ኢንጂነር ይልቃል እና ለ2005ቱ የሰማያዊ ትውልድ ከፍተኛ ክብር ነበረኝ። ኢትዮጵያን መለወጥ ይችል የነበረው ያ የ2005ቱ ትውልድ ገሚሱ ታስሮ፣ ገሚሱ ተስፋ ቆርጦ እራሱን ከፓርቲው ሲያገል ፓርቲው ሊቀመንበሩን እና የተወሰኑ ጠንካራ ሰዎችን ይዞ ለመታገል ቢሞክርም በእኔ ግምት ወያኔና የሰማያዊ ስኬት የሚያንገበግባቸው ተቃዋሚ ነን ባዮች አስርገው ባስገቧቸው ግለሰቦች ፓርቲው መተራመስ ጀምሯል። በአንድ ወቅት ፕሮፌሠር መስፍን ወልደማርያም እዛው ካዛንቺስ በሚገኘው የሰማያዊ ፓርቲ ተገኝተው ባደረጉት ንግግር “የኢትዮጵያ ፖለቲካ ፓርቲዎችን ከሚያፈርሷቸው ጉዳዮች መካከል በፓርቲ አባላት መካከል ያለው የእኩልነት መንፈስ ነው። አባላቶች የፓርቲዬን ሊቀመንበር ስም ባጎድፍ ወይም ሥልጣኑን ለመቀማት ብሞክር ማንም ሊቀጣኝ አይችልም ብሎ ያስባል ወያኔ የነፈገውን መብት በፓርቲው ላይ መተግበር ይፈልጋል” ሲሉ ተናግረው ነበረ። አሁን በሰማያዊ የሆነው ይሄው ነው።

በቅድሚያ ሠማያዊ ውስጥ ከኢንጂነር ይልቃል ጋር ተግባብተው የኢትዮጵያን ፖለቲካ መቀየር ይችላሉ ተብለው የሚታሰቡ ወጣቶች ቀስ በቀስ ከፓርቲው እንዲወገዱ ተደረገ ባለፉት አንድ አመት የተባረሩ ጠንካራ አባላትን ልብ ይሏል። በመቀጠልም ሊቀመንበሩ አምባገነን ነው ገንዘብ ጠፍቷል የሚሉ አሉባልታዎች እንዲነገሩ ተደረገ፤፤ ቀጥለው ኢንጂነር ይልቃል ወደኢትዮጵያ አይመልስም ሲሉ ፃፉ ሆኖም ኢንጂነር ይልቃል ተመለሰ ተዘረፈ የተባለም ገንዘብ አልተገኘም እነዚህ ሁላ ሁኔታዎች ሰማያዊን ሊያፈርሱ ባለመቻላቸው ከሰሞኑ ከፓርቲው መተዳደሪያ ደንብ ውጭ በሆነ መልኩ ተካሄደ በተባለው ጠቅላላ ጉባኤ የተገኘው 65 ሰው ነው የመረጠው 32 :ስሜነህ 4: ሰለሞን 14: ባዶ ወረቀት 22 ስብሰባውን ህጋዊ ለማረግ 114 ሰው ግዴታ መገኘት ነበረበት፡፡ ያው እዛች ሐገር ህግ የለም እንጂ ምርጫ ቦርድ 65 ሠው ይዞ ጠቅላላ ጉባኤ ማካሄድ ሕጉን የሚጣረስ በመሆኑ ተቀባይነት አይኖረውም ነበረ ሆኖም ምርጫ ቦርድ በአክራሪ ኢትዮጵያዊነት የሚከሰውን ሠማያዊ ፓርቲ ለማፍረስ እራሱ የሄደበት መንገድ በመሆኑ ምርጫ ቦርድ አዲሱን አመራር ለመቀበል አሰፍስፎ እየጠበቀ ይገኛል።

ሠማያዊ ፓርቲን ለማፍረስ ዝግጅት መጠናቀቁን ከወራቶች በፊት እንዲህ ገልጬ ነበረ
ሠማያዊ ፓርቲን ለማፍረስ ዝግጅቶች ተጠናቀዋል።
የሚባረሩ ፖለቲከኞች ተለይተው ታውቀዋል

ሠማያዊ ፓርቲ በሃገራችን ሠላማዊ የፖለቲካ ትግል ውስጥ ተስፋ ከተጣለባቸው ፓርቲዎች ውስጥ በእድሜ አጭር ቢሆንም በውስጡ በያዛቸው ጠንካራ አባላቱ የተነሳ ለአመታት ተኝቶ የነበረውን የሰላማዊ ትግል ከሞተበት አንስቶ መልካም የሚባል በወሬ ሣይሆን በተግባር የተደገፈ ፖለቲካዊ እንቅስቃሴ እያካሄደ ያለ ፓርቲ ነው በዚህ እንቅስቃሴ የተነሳ የፓርቲው አባል የሆነው ሳሙኤል አወቀ ተግድሏል፤ የኢንጂነር ይልቃል እጅ ተሰብሯል፤ የሺዋስ፣ ዮናታን፣ ማቲያስ እና በርካቶች አሁንም በእስር ላይ ይገኛሉ፤ ወረታው ከስራው ተባሯል፤ ወይንሸት ጭንቅላቷ ላይ የመሰንጠቅ አደጋ አጋጥሟታል፤ በርካቶች በድብደባ ምክንያት ሕመምተኛ ሆነዋል፤ ጌታቸው ሽፈራው የሰማያዊ ፓርቲ ጋዜጣ ላይ ትፅፋለህ ተብሎ ታስሯል ይህ ሁሉ ምንም ማለት አይደለም አንድ ታጋይ ትግል ውስጥ ሲገባ የሰማያዊ ፓርቲ አባላት የደረሰባቸው ጉዳቶች

ሊያጋጥሙት እንደሚችሉ እሙን ነው ሆኖም አምነሀቸው አብረህ ትግል ውስጥ ያሉ ጓዶችህ ለኢህአዴግ አድረው ፓርቲህን ሲያፈርሱት ስታይ ያማል።
ነገሩ እንዲህ ነው ኢህአዴግ ሠማያዊ ፓርቲን ለማፍረስ የፓርቲው አባላትን መጠቀሚያ ለማድረግ ሲሯሯጥ መቆየቱ አይዘነጋም ታድያ ነገሮች ተመቻችተው ከዚህ ቀደም የሰማያዊ ፓርቲ ኦዲተሮች የፓርቲውን ሊቀመንበር ኢንጂነር ይልቃልን ጨምሮ ወረታው፣ ወይንሸትን እና ስለሺን በገንዘብ ማጭበርበር በመክሰስ ከፓርቲው ለማገድ ውስጥ ለውስጥ ተስማምተው ጨርሰው የኢዲተሮቹን ውሣኔ ይፋ አውጥተው እነይልቃል፣ ወረታውን እና ወይንሸትን በማስጠላት ጠቅላላ ጉባኤው የተጠቀሱትን አመራሮች ለማባረር ውስጥ ለውስጥ እየተሠራ ይገኛል በህገወጥ መንገድም አዲስ ሊቀመንበር መርጠዋል። የሚገርመው ዛሬ ሰማያዊን ለመቆጣጠር ከተነሱ ሐይሎች ውስጥ የተወሰኑት ከወራቶች በፊት ከሁለት የገዢው ፓርቲዎች የደህንነት ሐይሎች ጋር በመሆን እነይልቃልን እንዴት ማባረር እንዳለባቸው ተስማምተው ጨርሰዋል። እነዚህ ሰዎች ከዚህ ቀደም ጠንካሮቹን ዮናታን፣ እያስፔድንና ዮናስን ከፓርቲው ማባረራቸው አይረሳም። እኔ በግሌ ሠማያዊ ፓርቲን የማውቀው አሁን ይባረራሉ በተባሉት ሀገር ወዳድ ግለሰቦች እና በተባረሩት ወጣቶች ምክንያት ነው። እነዚህ ድንቅ ወጣቶች ሰማያዊ ውስጥ ባይኖሩ ሰማያዊ ፓርቲ በሕይወት መኖሩንም እኔንጃ ስለሆነም ሁላችንም በሰላማዊ ትግል ኢህአዴግን በማስወገድ ዴሞክራሲያዊ ስርአት መገንባት እንችላለን ብለን የምናስብ ኢትዮጵያውያን በሙሉ ከእነኢንጂነር ይልቃል ጎን በመቆም ሰማያዊ ፓርቲን ከመፍረስ እናድነው።

በቀጣይ ሰማያዊ ፓርቲን ለማፍረስ እየሰሩ ያሉ ግለሰቦችን ማንነት ከመረጃ ጋር የማቀርብ መሆኔን ከወዲሁ እገልፃለሁ።
#ኤርሚያስ_ቶኩማ

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s