ይህቺ አገር የማናት?

ይህቺ አገር የማናት? Biniam Hirut

ኢትዮጲያ ውስጥ ካለኝ የስራ እና የንግድ ልምድ በመነሳት….ፖለቲካዊ ጉዳዮችን ወደጎን በመተው በአገሪቱ ውስጥ እጅግ እየተስፋፋ የመጣውና መመለሻ የሌለውን የሙስና ባህልን ሳስብ በጣም አዝናለሁ፣ እሰጋለሁም፡፡ በግሌ ፈጽሞ ሊደረጉ የችላሉ ብዬ ያላሰብኳቸው ነገሮች ደርሰውብኛል፡፡ በኢትዮጲያ ውስጥ በአንድ አመት ብቻ በሙስና የሚጠፋው ገንዘብ አባይን ለመገደብ ከሚወጣው ይተናነሳል ብላችሁ ነው ?
እጅግ የሙስና ስር የሆኑ ድርጅቶች በርካታ ናቸው

በጣም ትልቁን ቦታ የሚይዙት ግን
የብረታ ብረት እና ኢንጂነሪንግ ኮርፖሬሽን

—የሀገሪቱ ከግማሽ በላይ የሚሆነውን የውጪ እዳ የተበደረ ድርጅት ነገር ግን እሰራለው ካላቸው ስራዎች እሩቡን እንኳን መስራት የማይችል፡፡ በጄኔራል የሚመራ እና በርካታ የህወሃት የቁርጥ ቀን ልጆችን በዙሪያው አቅፎ የሚንቀሳቀስ፡፡ ድርጀቱ ውስጥ ያለው የሙስና ሰንሰለት እጅግ የተወሳሰበ እና ከአንድ መንደር የመጡ ሰዎች ብቻ ተጠቃሚ የሚሆኑበት ድርጅት ነው፡፡ ከዚህ ድርጅት ጋር ምንም አይነት ስራ ለመስራት ፓስወርዱ የሰፈር ስም ነው፡፡ ከሰሩ ግን በአንድ ጀምበር ሚሊዮነር ይሆናሉ፡፡ እዳውን ግን ትውልድ ይገፈግፋል፡፡ እጅግ የሚያሳዝነው ግን መቼም የዚህ ድርጅት ሃላፊዎች ሹመት በሹመት ይሆናሉ እንጂ ምንም ቢያጠፉ የሚነካቸው የለም፡፡
የኢትዮጲያ ገቢዎች እና ጉምሩክ ባለስልጣን

—ስለዚህ እንኳን መናገር የሚያስፈልግ አይመስለኝም፡፡ ከጽዳት ሰራተኛ እስከ ሀላፊዎች ድረስ አሁንም በሰፈር ልጆች የተሞላ ድርጅት ነው፡፡ በጣም በሚገርም ሁኔታ ከአንድ መንደር ብቻ ለመቅጠር የተቋቋመ እስኪመስል ድረስ፡፡ በተለይ ቁልፍ የሆኑ የጉምሩክ ቦታዎች ላይ የሚሰሩቱ፡፡ በጣም የማዝነው… በአረብ ሀገር ስንት ስቃይ አይተው የሚመጡ እህቶቻችንን እና ተራ መንገደኞችን ካልሲና ቀሚስ እየቆጠሩ ያለምንም ምህረት ፍትሃዊ ያልሆነ ታክስ የሚያስከፍሉ ሰዎች በቢሊዮን የሚቆጠር ታክስን ግን በትንንሽ ፍርፋሪ የሚያጭበረብሩ ሰይጣኖች የሞሉበት ድርጅት ነው፡፡
የኢትዮጲያ ኢንቨስትመንት ኮሚሽን

—በኢንቨስትመንት ስም በርካታ ጥቅማጥቅሞች የሚገኝበት ይህ ቤት ሀገሪቷ የምትዘረፍበት ቤት ነው፡፡ በኢትዮጲያዊያኖችም በውጭ ሀገር ዜጎችም፡፡ በተለይ ቻይናውያን እድሜ ለዚህ ድርጅት እና ይህ ድርጅት ለሚሰጣቸው የተለያዩ ድጋፍ፣ ከለላ፣ እና ጥቅማጥቅሞች፡፡ የሀገር ውስጥ ነጋዴዎችን ህገወጥ በሆነ መልኩ በከፍተኛ ሙስና ሽባ እያደረጉ ከሌሎች ሀገር ሰዎች ጋር ስንት ብር ሰሩ.?..በየመንደሩ በትንንሽ ኩሽናዎች በቻይናዎች የሚሰሩ ስንት ጉዶችን ያስፋፋዉ ይሄ ድርጅት ነው፡፡ ቆዳዎት እስከነጣ ድረስ ለአበሻ የማይቻል ነገር ሁሉ ይቻላል፡፡ አሁንም በሚገርም ሁኔታ ሃላፊዎችን የሚነካ ማንም የለም፡፡

ይቀጥላል ..በየ መስሪያ ቤቶቹ… ክ/ከተማ..ቀበሌ/… እያለ፡፡ ይህ ሁሉ ገንዘብ ግን የት ነው የሚገባው ? ይህንን ማስተዳደር ያልቻለ መንግስትስ ምን ማስተዳደር ይችላል?

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s