“ከልደት ወደ ታሪክ” በደስታ ስሜት ውስጥ የተፃፈ (ያሬድ ሹመቴ)

በዳግማዊ አፄ ምኒልክ ስም የተሰየመው የደብረብርሀን ዩኒቨርሲቲ “ዳግማዊ ምኒልክ” ካምፓስ የመሰረት ድንጋይ በዛሬው እለት ከደብረ ብርሀን 7 ኪ.ሜ ርቀት ላይ በምትገኘው የእምዬ ምኒልክ የትውልድ መንደር አንጎለላ ላይ ተጥሏል።

ዳግማዊ አፄ ምኒልክ ላለፉት 2 አስርት አመታት በስማቸው ምንም አይነት መታሰቢያ ሳይሰራላቸው ወይ ሳይሰየምላቸው የቆየ ከመሆኑ አንፃር ይህ የዛሬው ጅምር እንቅስቃሴ በታሪካችን ውስጥ ጉልህ ቦታ እንዳለው ይሰማኛል። በዚህም በእጅጉ ተደስቻለሁ። ሁላችንንም ኢትዮጵያዊያን በተለይም የጉዞ ዓድዋ አባላትና ደጋፊዎችን እንኳን ደስ አላችሁ ለማለት እወዳለሁ።

ዳግማዊ አፄ ምኒልክ ለኢትዮጵያ የለፉ ኢትዮጵያንም የሰሩ ሰው ናቸውና ስማቸው በየትኛውም ቦታ ከፍ ብሎ ሲጠራ ደስታ ይሰማኛል። ለልደታቸው መታሰቢያ ይሆን ዘንድ በስማቸው በትውልድ መንደራቸው የሚሰራውን ከፍተኛ የትምህርት ተቋም ግናባታ ፍፃሜ በጉጉት እየጠበቅን ምዕራፍ አንድ በድል እንደተጠናቀቀ ይሰማኛል።

ነገር ግን ከፍተኛ ታሪክ በሰሩበት በዓድዋ ተራሮች ዙሪያ እሳቸውን የሚዘክር ሐውልት ይሁን ሌላ መዘክር ቆሞ እስካላየው ድረስ አፄ ምኒልክ ከዘመኑ የቀበሌኛ አስተሳሰብ አርቀን በኢትዮጵያ ግዝፈት ልክ ማየት ጀምረናል ብዬ ማሰብ አልችልም።

የዩኒቨርሲቲውን ዳግማዊ ምኒልክ ካምፓስ ግናባታ ለወጠናችሁ ስራውንም ከመሰረት መጣል ላደረሳችሁ ያለኝን አክብሮት እየገለጽኩ፣ ከዚህ በተጨማሪ ዳግማዊ አፄ ምንሊክ እና ሌሎችም የሀገራችን ታሪክ ሰሪ ቀደምት መሪዎች ከቀበሌኛ ከፍ ያለ ታላቂቱን ኢትዮጵያን ሊያሳይ የሚችል ውጤት እንዲመጣ ለሰሩት ውለታ ስለ ኢትዮጵያ የከፈሉትን ዋጋ ታሪክ በሰሩባቸው ቦታዎች በሙሉ መዘከር ይጀምር ዘንድ እንድንተጋ በታላቅ ትህትና እጠይቃለሁ።

በዓድዋ ተራሮች ማህፀን ከመቶ ሀያ አመታት በኋላ የተሰባሰቡት የዘንድሮ መሪዎቻችን የፓን አፍሪካን ዩኒቨርሲቲ መሰረት ድንጋይ ሲያቆሙ በነበረበት ስነ ስርዓት ላይ የእኒህን ታላቅ ጀግና ስም አንዴም እንኳን ሳይጠሩን ማለፋቸው ትዝብት ላይ ይጥላል።

እባካችሁ ከልደት ወደ ታሪክ እንሸጋገር
#ኢትዮጵያዊነት_ይለምልም!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s