እንደ ታሪኳ ያልታደለች አገር | “እኛ ያለንበትን ጉስቁልና …ታያላችሁ” (ነህ.2፡17)

ጸጋ አብ በቀለ

ከሰኔ 21-23/2009 ዓ.ም ለአገልግሎት ወደ ጎንደር ባቀናሁ ጊዜ የእግዚአብሔር መንፈስ ስለ ጎንደርና ስለአጠቃላይ ኢትዮጵያ ሕዝብ የተለየ ሸክምና መንፈስ ውስጥ አስገብቶኝ በፊቱ በጸሎት ሆኜ በብዙ አነባ ነበር፡፡

 

ጥቂት ስለ ጎንደር

በአማራ ክልል በሰሜን ጎንደር ዞን የሚትገኘ የዞኑ ዋና ከተማ ናት፡፡ ጎንደር፡- የኢትዮጵያ ቀደምት ነገሥታት መናገሻ መንበር፣ የዕውቀትና የስልጣኔ ማዕከል፣ ለብዙ ዘመናት የጦርነት አውዱማ ሆና የዘለቀች ምድር፣ በዩኒስኮ በዓለም ቅርስነት የተመዘገቡ በሥነ-ሕንፃ ዲዛዬን እጅግ የመጠቁ፣ የረቀቁ ዛሬም አጅግ ውብ የሆኑ ከ300 ዓመት በላይ ዕድሜ ያስቆጠሩ የኢትዮጵያ ነገሥታት ቤተመንግሥት የታነፁባት፣የጠንካራና ትጉህ ሕዝብ መኖሪያ፣ …ድንቅ ምድር ናት፡፡ ጎንደር ያለ ኢትዮጵያ፤ ኢትዮጵያም ያለ ጎንደር ሙሉዕ ታሪክ አይኖራቸውም፡፡ ጎንደር ውብ ናት፡፡ እንደ እ.ኤ.አ 2007 ቆጠራ ከሆነ የጎንደር ሕዝብ 207,044 ሲሆን የሃይማኖት ስብጥር ደግሞ 84.2% የኦርቶዶክ፣ 11.8% ሙስሊም፤ 1.1 የወንጌላውያን አማኞች እንደሆኑ ያመለክታል፡፡

ጥቂት ስለኢትዮጵያ

በአጠቃላይ ጎንደርን ጨምሮ የድንቅ መልክአ ምድር፣ የቀለመብዙ ቱባ ባሕል፣ ከ80 በላይ ልዩ ልዩ ብሔረሰቦች፣ ከ100 ሚሊዮን በላይ ሕዝብ መኖሪያ፣ ባለብዙ ገድልና ታሪክ ባለቤት የሆነች አገራችን ኢትዮጵያ ያለፈ የቀደመ ታሪኳ በዓለም ላይ ቀዳሚ አላደርጓትም፡፡ የትላንት ድንቅ ታሪካችን ለዛሬ ለላቀ ራእይ፣ ሥራና ብዙ ፍሬዎች ባለቤት ካላደረገን፣ ወደ ኋላ ብቻ እያየን ለራሳችን ምንም ሳንሠራ የምንደነቅና የምንደመም ከሆነ ዋጋ የለምው፡፡ መልካም ታሪካችን እንደ መሰላል ወደ ላይ መውጫ ሳይሆን የማሰናከያ አለት ሆኖብናል ማለት ነው፡፡ እኛ ሁሌ የምንፎክርበት ጀግንነት፣ በባዕድ ኃይል ያለመገዛታችን፣ ቱባ ባሕላችን፣ ሃይማኖታችን፣ የአፄ ፋስል፣ የላሊበላና የአክሱም ድንቅ ኪነ ሕንፃና ሐዊልቶች…ከረሃብ፣ ከድህነት፣ ከእርስ በርስ ጥላቻ፣ ከጠባብነት፣ ከስደት እንድናመልጥ አላደረጉንም፡፡ በዓለም ላይ ከታሪኩ ጋር የማይመሳስል ምስኪን ሕዝብ ከመሆንም አልታደጉንም፡፡ በእኛና ባለፈው ታሪክ መካከል የተፈጠረውን ክፍተት ለመሙላት ሳይሆን በቅጡ ለማወቅ እንኳ ጊዜ ያለን አንመስልም፡፡ የት እየሮጥን እንደሆነ ግባችንን በትክከል አውቀን ለመናገር ባንችልም ፋታ በማይሰጥ ብርቱ ሩጫ የተጠመድን እንመስላለን፡፡

ለኢትዮጵያ መፍትሔ እግዚአብሔር ነው

መፍትሔው፡- እግዚአብሔር ነው፡፡ መፍትሔው፡- እውነተኛ ወንጌል ነው፡፡ መፍትሔው የእግዚአብሔር ቃል ነው፡፡ መፍትሔው፡- ብርቱ የእምነት ፀሎት ነው፡፡ መፍትሔው፡- ግልጽና ትልቅ ራእይ ያነገበ፣ እግዚአብሔር አስቀድሞ ለብርቱ ሥራ የጨከነ ትውልድ መነሣት ነው፡፡ መፍትሔው፡- በእውነተኛ ወንጌል ልቧ የተለወጤ የሃይማኖትና የሥርዓት ማዕከል የሆነች ሳይሆን የዓለም ብርሃንና ጨው እንዲትሆን የተላከች እውነተኛ የክርስቶስ ኢየሱስ ቤተክርስቲያን/ተለውጠው የለውጥ መሣሪያ ለመሆኑን የተዘጋጁ የቅዱስን ሕብረት/ በሙላት በኢትዮጵያ መገለጥ ነው፡፡ የኢትዮጵያ ሕዝብ 97% ሃይማኖተኛ መሆኑን መረጃዎች ያመለክታሉ፡፡ እኔ እያወራሁ ያለው ስለሃይማኖት ሳይሆን እርግማን፣ ጨለማን፣ ኃጢአትን፣ ክፋትን፣ ያለመሥራትን፣ መደንዘዝን፣ ራእይ አልባነትን፣ ጥላቻን፣ የእርስ በርስ ጦርነትን፣ ያለመቀባበልን፣ መናናቅን፣ ጠባብነትን፣ መንደርተኝነትን፣ ያለማደግን፣ …ጽልመት ከላያችን፣ ከምድራችንና ከዓለም ሁሉ ላይ ለመግፈፍ ከላይ ከሁሉ በላይ ሆኖ ስለመጣው ስለ ናዝሬቱ ኢየሱስ ነው፡፡ ኢትዮጵያ ስለኢየሱስ የሚያወሩ፣ ኢየሱሰን በአፍ የሚከተሉ፣ ኢየሱስን ሃይማኖታቸው ያደረጉ፣ የኢየሱስ ደጋፊዎች …ሳይሆን በኢየሱስ ወንጌል በእውነት ተለውጠው እርሷንም በሁለንተናዊ መልኩ የሚለውጧት የኢየሱስን ልጆች /ልበ-ክርስቲያኖችን/ ትፈልጋለች፡፡

ለመፍትሔነት ከእግዚአብሔር የተላከ ሕዝብ

“በስሜ የተጠሩት ሕዝቤ ሰውነታቸውን አዋርደው ቢጸልዩ፥ ፊቴንም ቢፈልጉ፥ ከክፉ መንገዳቸውም ቢመለሱ፥ በሰማይ ሆኜ እሰማለሁ፥ ኃጢአታቸውንም ይቅር እላለሁ፥ ምድራቸውንም እፈውሳለሁ”(2ዜና.7፡14)፡፡ የእግዚአብሔር ሕዝብ የእግዚአብሔር ሕዝብ ስለተባለ፣ ስለሆነም መፍትሔ አይሆንም፡፡ የመጀመሪያ የሰማይ መዘጋት፣ የውስብስብ ችግሮች መኖር መከሰት በማመን፣ በማየት፣ 1. ሰውነታቸውን ማዋረድ፡- ራስን በእግዚአብሔር ፊት መጣል፣ ከጊዜው እጁ ከፍ እንድታደርገን አውቀን ራስን ማዋረድ፣ 2. መፀለይ፡- በፀሎት ሁሉ ይቻላልና 3. ፊቱን መፈለግ፡- እግዚአብሔርን ስለምድራችን ፊቱን መፈለግ፡፡ 4. ከክፉ መንገድ መመለስ፡- የእግዚአብሔር ሕዝብ ከክፉ መንገዱ ካልመለሰ አገርን ከክፉ መንገድ መመለስ አይችሉም፡፡ ቃሉም የእግዚአብሔርን ምላሽ ሲገልጽ፡- 1. በሰማይ ሆኜ እሰማለሁ፡፡ 2. ኃጢአታቸውን ይቅር እላለሁ፡፡ 3. ምድራቸውን እፈውሳለሁ፡፡ ይላል፡፡

በዚህ ልክ እንዳንገለጥ የማያስጨክነንና ለዚህች አገር መፍትሔ እንድንሆን የማያደርግን ክርስትና፣ መንፈሳዊነት፣ የወንጌል ስብከት፣ የቤተእምነትና የሚንስትሪ የስም ብዛት፣ የተወሰኑ ሰዎች መነቃቃት፣ መንፈሳዊ ግርግር፣ በፍርሽራሽ መካከል ሆነን “የእኔ እበልጣለሁ” ባዶና ከንቱ ያላዋቂዎች ፉኩኩር፣ …ሁሉም የክንቱ ከንቱ ናቸው፡፡ ወገኖቼ፡- ለራሳችንና ለአገራቸን ኢትዮጵያ እግዚአብሔርን በተሰበረ ልብና መንፈስ፣ በጥልቅ ንስሐና በእንባ እንፈልግ፡፡ እንደ እስኮትላንዳዊው ሰባኪ “ኢትዮጵያን ወይም ሞቴን ስጠኝ” የሚሉ ማላጆች እንድንሆን ጌታ እየጠራን ነው፡፡ ጥሪውን ሰምተን እንመልስ ይሆን? መልሱ ከእያንዳንዳችን ለጌታ! ተባረኩ፡፡

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s