ኢትዮጵያዊነት በአንጻረ ጎሰኝነት (ዶ/ር ፍቅሬ ቶለሳ ጂግሳ)

ኢትዮጵያውያንን እና ትውልደ ኢትዮጵያውያንን ሁሉ የሚያገናኘን ኢትዮጵያዊነት ብቻ ነው። ጎሰኝነት ወይም በቋንቋ መቧደን ሁላችንንም አያገናኘንም። ጎሰኝነት ወይም የቋንቋ አንድነት የሚያቀራርበው አድ ቋንቋየሚናገሩትን ብቻ ነው። ኢትዮጵያዊነትን የተቀበሉት ግን ኢትዮጵያዊነት ያስተሳስራቸዋል።

የኦሮሞ ልሂቃንን እንደምሳሌ ብንወስድ ከባለፉት 45 ዐመታት ወዲህ የተወለዱት እንደ እነ ዶር ዐብይ እና አቶ ለማ መገርሳ ዐይነቶቹ ምንም ኢትዮጵያዊነትን በሚጠላ ስርዐት ውስጥ ቢያድጉም ከዘር ማንዘራቸውበደማቸው ውስጥ በተንቆረቆረው የኢትዮጵያዊነት ፍቅር የተነሳ “ኢትዮጵያዊነት ሱስ ነው፤ ስንኖር ኢትዮጵያዊ ነን፤ ስንሞት ደግሞ ኢትዮጵያ፤ እስከማለት ደርሰዋል። ኦሮሞ በኢትዮጵያ ታሪክ ውስጥ ሚያው የሚልድመት ሳይሆን የሚያገሳ አንበሳ እንደሆነ አውቀው ይኮራሉ እንጂ አያፍሩም። የዝቅተኝነት ወይም የተጠቂነት ስሜት የላቸውም። እነሱ ከኢትዮጵያም ዳር ድንበር አልፈው አፍሪካን በመውደድ ተነድፈዋል።የአፍሪካዊነት ስሜትም አላቸው። ዶክተር ዐብይ አፍሪካንም ጭምር ለማሳደግ እቅድ እንዳለው ገልጾልናል። ይህን ለማሳካት ኢትዮጵያን፥ ጅቡቲን፥ ሶማሊያን፥ ሱዳንን እና ኤርትራን አንድ ለማድረግ ጀምሯል።ጅማሮው ድንቅ ነው። ይህ እቅዱም ትልቅ ባለራዕይ ያሰኘዋል። ያስከብረዋልም።

ዐብይ እና ለማ ሳይወለዱ ወይም ህጻን ሳሉ የዛሬ 45 ዐመት ትግል ውስጥ የገቡት የኦሮሞ ልሂቃን ደግሞ ኢትዮጵያዊነትን ይጠላሉ። ቃሉንም አይወዱም። ሰንደቅአላማውን ማየት አይፈልጉም። የኢትዮጵያ ታሪክሲባል በዳግማዊ ምንይልክ ዘመን የነበረው ብቻ ይመስላቸዋል። ከዛ በፊት የኦሮሞ ዝርያዎች ንጉሠነገሥታት እና ንግሥተ ነገሥታት ሆነው ለ 600 ዐመታት ኢትዮጵያን እንደገዙ አያውቁም፤ ወይም ሊያውቁአይፈልጉም። ዐያት ቅድመ ዐያቶቻቸው በገዳ ሥርዐት ታዘው ድንበር እየዘለሉ፥ ወሰን እያሰፉ ከኢትዮጵያ ቱስተው እስከ ሩዋንዳ እና ማሊ እንደደረሱ አያውቁም። እንደ እነሱ አስፍተው ማየት ባለመቻላቸው እጅግጠበው እንኳን የኢትዮጵያን ድንበር ዘልለው ሊሄዱ ቀርቶ ኢትዮጵያን በሞላ መያዝ ተስኖአቸው ወይም ተጃጅለው ከሰፊዋ ኢትዮጵያ ውስጥ አንዲት ቁራጭ መሬት ቀፍፈው ኦሮምያ ብለው ሰይመው፥ በውስጧምፊንፊኔ የምትባል ምድር ጨምረው እሷ ላይ ሙጭጭ ይላሉ። አባቶቻቸው ጠላቶቻቸውን የሚያጠቁ ኩሩ ጀግኖች እንደነበሩ ዘንግተው እነሱ ተጠቂ ነን እያሉ ያለማባራት ያለቃቅሳሉ።

ሰሞኑን በሽማግሎቹ የኦሮሞ ፓለቲከኞች ላይ የታየው ሁኔታ ይህን የሚያንጸባርቅ ነው። እነሱ የእነ ዐብይ እና ለማ ተቃራኒ ናቸው። ከየ21ኛውን ክፍለዘመን አዲስ መዝሙር ለመዘመር አዳግቷቸው ያንኑ የ 20ኛውንክፍለ ዘመን ዘፈን ያለማቋረጥ ይዘፍናሉ። ፈረንጅ ሲተርት “You can’t teach an old dog a new trick. ይላል።  “ያረጀ  ውሻን  አዲስ  ፈሊጥ  አታስተምረውም”ማለት ነው።የእነሱም ሁኔታ እንደዛ ስለሆነ እነ ዐብይእና ለማ ዐይነቶቹ የአዲስ ዘመን ኦሮሞዎች እንደ ቀስት ወደፊት ይስፈነጠራሉ። ሽማግሎቹ እንደ ቀስቱ ደጋን አንድ ቦታ ተገትረው ይቀራሉ።

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s