ጉዞ አድዋ ፖለቲካ አይደለም (በጥላሁን ጽጌ)

🙂

ጉዞ አድዋ ፖለቲካ አይደለም
በጥላሁን ጽጌ

አድዋ ፖለቲካ አይደለም። ታሪክ ነው። የማንነታችን መገለጫ ነው። የጥቁር ህዝቦች ሁሉ የአሸናፊነትና የድል አድራጊነት አሻራችን ነው። አድዋ ማለት አፍሪካ በኢትዮጵያውያን ተወክላ ነጮችን በእንብርክክ ያስኬደችበት እንቁ የድልና የደም መሬታችን ነው። አድዋ ፖለቲካ አይደለም። ሆኖ አያውቅም። ሊሆንም አይገባውም።
የኦሮሞ ፈረሰኞች ከጣሊያን መድፈኞች ጋር ተፋልመዋል፣ የጋሞ ጦረኞች የጣሊያን ጠብመንጃ አንጋቾችን ደረት በሳስተውበታል፣ የአማራና የትግሬ ሸማ ለባሽ ገበሬ ቤተሰቡን ጥሎ በጎራዴና በአሮጌ ጠብመንጃ ዘምቶ ለሀገሩ ክብር ሲል አድዋ መሬት ላይ ደሙን አፍስሷል።
አድዋ ቆሻሻውን ፖለቲካ የሚወክል አይደለም። ፋሽስት ጣሊያን ለሁለተኛ ጊዜ በሰሜን በደቡብ በምስራቅ መጥታ የወረረችንና በበቀል ስሜት ዘግናኝ እልቂት የፈፀመችብን ዳግም በአንድነት አርበኞች እንድንሆን ያስገደደን የአድዋ ድል የሁሉም ኢትዮጵያውያን ተዋፅዖ ያለበት በአለም ውድ መዝገብ ላይ ያረፈ ታሪካችን፤ ነጮችን አንገት ያስደፋ ጣሊያንን ያሸማቀቀ የጋራ እሴታችን ያረፈበት ክፈለዘመናትን ተሻገሪ ስማችን ስለሆነ ነው።
አድዋን ፖለቲካ ውስጥ አስገብተን ዛሬ ላለንበት የርስበርስ መጠላለፍና የጥላቻ ጉዞ ማድመቂያ እንዲሆን ለክርክር የምንመርጠውና በብሔር ፖለቲካ ጠረጴዛ ላይ የምናስቀምጠው ቆሻሻ አጀንዳ አይደለም።
አድዋ ንፁህ ነው። ድሉ የንፁህ አያቶቻችን ነው። አሸናፊነቱ የጋራ ውጤታችን ነው። ከአድዋ ድል ላይ ማንም ይሄ የኔ ድርሻ ነው ብሎ ዘግኖ ሊወስድ አይችልም። አካፍሉኝ ማለትም አይችልም። አድዋ የእኛ ትውልድ ውጤት አይደለም። ይህ ታሪክ የእኒያ የጀግኖቹ ድል ነው። የእነሱ ደም ነው የፈሰሰው የእነሱ አጥንት ነው የተከሰከሰው። እኛ የአሁኖቹ ምንም ያዋጣነው ነገር የለም። እኛ ልናደርግ የምንችለው ብቸኛ ነገር ያንን ድል መጠበቅ፣ ለአያቶቻችን ክብር መስጠትና ድሉን እስከ አለም ፍፃሜ ድረስ የኢትዮጵያ ኩራት የአፍሪካ ሀብት ማድረግና ማድረግ ብቻ ነው። ይሄንን ማድረግ ካልቻልን ደሞ ይመለከተናል ብለው አድዋን የሚዘክሩትን በአባቶቹ ድል የሚኮራውን አካል አናጥቃው። እኛ ምንም ማድረግ ካልቻልን ስለአድዋ ክብር ሲሉ ከአዲስአበባ እስከ አድዋ አንድ ሺህ ኪሎሜትሮችን በእግራቸው የሚጓዙትን መልካም ሰዎች በራሳቸው ስሜት እንዲቀሳቀሱ እንተዋቸው። አድዋ የሀገር ክብር፣ የቀደሙት ሁሉም ጀግና ኢትዮጵያውያን በደም ቀለም በአጥንት ብዕር በትልቅ ብራና ላይ የፃፉት የማይለቅ የማይፋቅ የጋራ ሀብታችን ነው። አድዋ ፖለቲካ አይደለም!
Adwa is the hub of Ethiopian patriotism, stop hate speech against Travelers of thousands of kilometres to praise the victory of Adwa!
ጥላሁን ጽጌ አመሰግናለሁ 
እግዝአብሔር ኢትዮጲያን አብዝቶ ይባርክ! !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s