በክልል ሰበብ ደቡብ ኢትዮጵያ ውስጥ ደም እንዳይፈስ (ሰለሞን ምትኩ)

ደቡብ ኢትዮጵያ ውስጥ ያሉት ወደ 13 ዞኖች በሙሉ ማለት በሚቻል ደረጃ ኢትዮጵያ ላለፉት 27 ወያኔ ሲጨቁናት በቆየው ሕገ መንግስት መሰረት የክልልነት ጥያቄ አቅርበዋል።

የደቡብ ኢትዮጵያ ብሄሮች እያነሱት ያሉት የክልልነት ጥያቄዎች ሕጋዊና ፍትሃዊ ናቸው። ሕገመንግስቱ ያስቀመጣቸውን ደረጃዎች እያለፉ መልስ ሊያገኙ ይገባል።

ላለፉት 27 ዓመታት ወያኔ ደቡብ ኢትዮጵያን ይጨቁንበት የነበረው ስርዓት ሕገ መንግስት እያለ በሚንጠራራው መሳሪያው እንኳን በማይፈቅድለት የጭፍለቃ አካሄድ መሆኑ ግልጽ ነው። አሁን ዶክተር አብይ ጠቅላይ ሚኒስትር ከሆኑልን ወዲህ ግን ይህ ኢፍትሃዊነት ይስተካከላል ወይም ለጠቅላላው ኢትዮጵያዊ የማይሰራው ሕገ መንግስት ይለወጣል ብለን ጠብቀናል። ጠቅላዩ ያለባቸው ጫና ሕገ መንግስቱን በዝህች ኣጭር ሰዓት እንዲቀይሩልን ስለማያስችላቸው ባለው ሕገ መንግስት መሰረት ተገቢውን መስፈርት ያሟሉ ጥያቄዎችን ተቀብለው መልስ እንዲሰጡልን ሲል ሕዝቡ በመወትወት ላይ ይገኛል።

መንግስት የሕዝብን ድምጽ እያዳመጠና ወደ ታች ወርዶ እየተወያየ ባለበትና የወሰንና ድምበር ጉዳዮችን እያስጠና ባለበት በዝህ ወቅት ይህንን መብት በጉልበት ለማስፈጸም የሚቸኩሉ አካላት ሃገሪቷ ያለችበትን የሽግግር ሂደት ከግንዛቤ ያስገባ ሊሆን ይገባል። ምርጫ ቦርድ ሕዝበ ውሳኔ ለመጥራት የሰው ሃይሌን እያሟለሁኝ ነው እያለ የሕዝቡን ትዕግስት እየጠየቀ ይገኛል።

ሲዳማ ወላይታ ጉራጌ ሀድያ ጋሞ ብሄረሰቦች ኢትዮጵያ ውስጥ ያሉትን ብሄሮች ሕዝብ ብዛት ከ1-10ኛ ስናስቀምጥ የምናገኛቸው በኢትዮጵያ የሕዝብ ብዛት እንደ መስፈርት ከታዬ ከፍተኛ ሕዝብ ብዛት ያላቸው የደቡብ ኢትዮጵያ ብሄሮች ናቸው።

እነዝህ ብሄሮች ከጋምቤላ፥ ቤኒሻንጉልና ሕረሪ በላይ የሕዝብ ብዛት እንዳላቸው ማስረጃዎች ያሳያሉ።

የሲዳማ ሕዝብ ብዛት ከፍተኛም ነው። ጥንትም ክፍለሃገር ሁሉ ነበር። አሁን ያለንን ሕገ መንግስት ከተጠቀምን ሲዳማም ሆነ ሌሎቹ የደቡብ ብሄሮች በሙሉ ክልል ከመሆነ የሚከለክላቸው ምንም ምድራዊ ሃይል አይኖርምና ትዕግስት ይኑረን።

ሕጉ የሚፈቅደውን መብት ለማስፈጸም ለምን የአንድ ንጽሁህ ሰው ሕይወት እንኳን አደጋ ውስጥ ይገባል?

የሲዳማ ሕዝብና ኤጄቶ በአጠቃላይ ከፍተኛ ሃላፊነት በሚሰማበት ደረጃ እንዲንቀሳቀሱ እናሳስብ።

ትዕግስት የፍርሃት ምልክት አይደለም። መሬት ላይ በመንግስታችን ላይ ያለውንም ጫና በሚገባ እንረዳ።

ዶክተር አብይ የመላውን ኢትዮጵያ ሕዝብ ጥያቄ የሚሰሙ መሪ በመሆናቸው ከቶውንም Abuse ልናደርጋቸው አይገባም።

በጉልበትም ቢሆን እናስፈጽማለን ያለውን የሶስተኛ አካል ዛቻ በፍጹም ልናስተናግድ አይገባም።

እርስ በራሳችን በመዋደድ በመከባበር እናድርገው። የብዙ ልማት የተፈጥሮ ጸጋ የሃገር ኣስታራቂ ሽማግሌዎችና አኩሪ ባህሎች ባለቤት ብቻም ሳይሆን የወንጌላዊት ቤተክርስቲያናት የሙስሊም እምነቶች ባለቤት የሆነው የሕዝባችን ክፍል ትዕግስት በማጣት አላስፈላጊ ግጭት ውስጥ ገብቶ ክቡር የሰው ልጅ ሕይወት በከንቱ እንዲፈስ መፍቀድ የለብንም።

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s