ከማል ገልቹ በሰላም ሲሸኝ አሳምነው ለምን ሊገደል ቻለ? – ዲጎኔ ሞረቴው ከሚድ ዌስት አሜሪካ

በሃገራችን ኢትዮጲያ ሰዎች በስልጣን ላይ በሚቆዩበት ወቅት ከባልደረቦቻቸው ጋር ባለመስማማት ገሚሶቹ በሰላም ሃላፊነቱን ሲለቁ ሌሎቹ በግድያ ይወገዳሉ ይታሰራሉ:: የታደሉት በጎ ነገር ሰርተው በክብር ሲሸኙ ሲሞገሱ አንዳንዶቹም ክፉ ቢሰሩም በወዳጆቻቸው ጥፋቱ ተሸፍኖ በክብር ሲሰናበቱ በቅርቡ ያየናቸው ብዙዎች  አሉ ; ; በዚህ ክፍል ግን ተመሳሳይ ሃላፊነት የነበራቸው ከተለያይ ብሄር ወይም ክልል ስለሆኑት  ባለስልጣኖች አንተነትናለን::                                                          

በሃገራችን ታሪክ ይህ በስልጣንና በፖለቲካ መገዳደል የታሪካችን ዋና አካል ሆኖ የቆየ ሲሆን በዚህ ወቅት በአለም ዙሪያ በሃይል ስልጣን መያዝ በተወገዘበትና በሃገራችንም ብዙ የሰላም ተስፋ ከገዥዎቹ መንበር ባልተለመደ ሁኔታ በሚነገርበት ወቅት ይህ መከሰቱ በጣም ያሳዝናል ልብንም ይሰብራል ለትውልድም የሚተወው መልክት በጣም ያሳፍራል::

የሰሞኑ የፖለቲካ ውዝግብ መገዳደልን ከመንግስት ጀምሮ ሁሉም ለየራሱ በሚመች መልክ ሲያስፋፋው ደግሞ የበለጠ ያናድ ዳል የሃገርና የወገኖቻችን ጉዳይ ግድ ለሚለው ግን ጉዳዮቹን  ለምን እንዴት በማለት በሚዛናዊነት በማነጻጸር ይህ ድርጊት እንዳይደገም ምክር ይለግሳል በተፈጠረውም ድርጊት የተነሳ ተጨማሪ ጥላቻ መገዳደል እልቂት እንዳይከተል ይመክራል;:

ከዚህ በፊት ተመሳሳይ ሃላፊነት የነበራቸው ጄንራል ከማል ገልቹ ከኦሮሚያ ክልል በሰላም ሲሸኙ ቅሬታ እንደነበረባቸው በክልሉ መሪዎችና በገዥው ፓርቲም ላይ ሃዘናቸውን የገለጹ ሲሆን የጄነራል አሳምነው ግን ወደመገዳደል ማምራቱ ለምን እንዴት ተከሰተ ለወደፊቱስ ቁርሾ እንዳይኖር ምን ማድረግ ይኖርብናል ብለን መጠየቅ በቅን መምከር ይኖርብናል::ከሁሉም በላይ የጄነራል አሳምነው ልጆች ልብ በሚነካ ሁኔታ የአባታቸውን ሞት ከገለጹ በኋላ ያለው መንግስት ጄነራሉ እንደገደሏቸው ለሚያወራው የዶ/ር አምባቸው ልጆች የገለጹት የፍቅር የይቅርታ መልክት የሚያረካ እልቂቱ ቂምና ጥላቻው ይቀጥል ዘንድ ለሚፈልጉ ክፉዎች ደግሞ ጥሩ የመልስ ምት ይሆናል::

በመንግስት ስልጣን ሽኩቻ መገዳደል ሰለባ የሆኑ  ልጆች ከጥንቱም  ጀምሮ የነበሩ ሲሆን  በህይወት የተረፉት የኮሎኔል አጥናፉ አባተ ልጆች ያስሙት የቅርብ ጊዜው ምስክርነት በጣም የሚያሳዝን ነበር:: የታደሉት ደግሞ የጄነራል ደምሴ ቡልቶ ልጆች  አባታቸው ለሃገር መሻሻል ግፈኛውን ለማስወገድ ባደረገው ሙከራ በራሱ ወታደሮች ተገድሎ ክቡር ሰውነቱ በሜዳ ላይ የጎተቱትን ቂም ሳይቆጥሩ ዛሬ በተማሩት እውቀት በተለይ በውጭ ሃገር ሲያገለግሉ ማየቱ ትልቅ ቁም ነገር ነው::

ለማጠቃለል  በምክንያታዊ ትንታኔ በማየት ጄነራል አሳምነው የነበረባቸው ሃላፊነት  በብዙ መፈናቀል በብሀረተኝነት ሳይቀር በወቅቱ መሪ የሚነቀፍ አማራን ክልል ልዩ ሃይልን በሚገባ በማደራጀት በአጣዬ በወልቃይት በከሚሴ በክፉ ሃይሎች የተጨፈጨፉትን ለመጠበቅ በልዩ ሁኔታ ባደራጁት ልዩ ሃይል ሰበብ በሃገሪቱ መሪዎች በክልላቸው መሪ ሳይቀር ጥርስ ውስጥ መግባታቸውን ግምት ውስጥ በማስገባት አድርገውታል የተባለውም መገዳደል ላደረጉት በምክያታዊ ትንታኔ cause and effect ያሉበትን ሁኔታ መረዳት እንጂ የተለመደው የመንግስት የማጥላላት ዘመቻ በአንድ ጄነራል ቤት ቀላል መሳሪያ መገኘትን በልዩ ወንጀል መፈርጅ የቅርብ ባልደረቦቻቸውና  ለክልላቸው የቆሙትን የልዩ ሃይል አባላት ማስረ ማዋከብ  ለነገ የሚያስከትለውን ጠንቅ በማወቅ ማስቆም ሃላፊነት የሚሰማው መንግስት ተግባር መሆን ይኖርበታል::

ከሁሉም በላይ ስለጉዳዩ በጣም ኣወዛጋቢና ጥርጥር ውስጥ የሚያስገቡ መግለጫዎችን ባለው መንግስትና  በተለያዩ የማህበራዊ ዜና ምንጮች ስለሚሰማ ጉዳዩ በገለለተኛ አካል መጣራት ለሃገሪቱ መጻኢ እድል ወሳኝ ነው:: የኣማራ ክልል የሚባለውም የወቅቱ መሪዎች ራሳቸውን ይመርምሩ ዘንድ የዚህ መሰሉ የሃላፊነት ቦታ የነበራቸው የሌላው ክልል ሃላፊ በሰላም መሰናበት የአማራው ክልል ሃላፊ ስንብት በመገዳደል የተቋጨበትን ሁኔታ ከውስጥ ድክመት ከፌደራሉ  መንግስት ጣልቃ ገብነት መሆን ያለመሆኑን ሊመረምሩ ሊስተካከሉ ይገባል:: በሃገር ደረጃም ያለው መንግስት ለውጡን በትክክለኛው መንገድ ለመቀጠል ትልቁን የህዝብ ድጋፍ ለመጠበቅ የበለጠ ግልጽነት ሚዛናዊ አሰራርና የህግ የበላይነትTransparency and rule of law ይከተል ዘንድ ያስፈልጋል ያለበለዚያ በታልቁ መጽሃፍ አባባል ስንነካከስ ኣብረን መፍረስ ይከተላል::

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s