ኮ/ል ደመቀ ዘውዱ ዛሬ ከእስር ቤት ወጣ | በጎንደር ከተሞችና በባህርዳር የሥራ ማቆም እየተደረገ ነው | መኪና ማለፍ አይችልም

(ዘ-ሐበሻ) በጎንደር የተለያዩ ከተሞች እንዲሁም በባህርዳር በዛሬው ዕለት የሥራ ማቆም አድማ እየተደረገ ነው:: አስቸኳይ ጊዜ አዋጁን በመቃወምና በግፍ የታሰሩ ነጻ ሃሳቢ ዜጎች ከ እስር እንዲለቀቁ የሚጠይቀው ይኸው የሥራ ማቆም አድማን ለማስተጓጎል የሕወሓት ተላላኪዎች እየሰሩ መሆኑም ታውቋል::

በጎንደርና ባህርዳር የሥራ ማቆም አድማው በቀጠለበት በዚህ ሰዓት የአማራ ክልል ቴሌቭዥን ጣቢያ የወልቃይት አማራ ዋና አንቀሳቃሽ ሞተር ኮ/ል ደመቀ ዘውዱ ዛሬ ከእስር ቤት መውጣቱን ዘግቧል:: እንደ ጣቢያው ዘገባ ከ እርሱ ጋር ክስ የተቋረጠላቸው 10 ሰዎችም አብረው ተፈተዋል::

በባህርዳርና ጎንደር የመከላከያ ሠራዊት ዋና ዋና መንገዶችን እንደተቆጣጠረው የሚገልጹት የዘ-ሐበሻ ምንጮች የህወሓት መንግስት ተላላኪ የሆኑና ከሕዝብ ጎን ያልቆሙ የወረዳ አስተዳዳሪዎች በአድማው ተሳትፋችኋል ያሉ የንግድ ድርጅቶች ላይ ቀይ X በማድረግ እንዲሁም ደብዳቤ በመለጠፍ ንግዶቻቸውን እንዲከፍቱ እያስገደዱ ይገኛሉ:: መኪናዎችን እና ባጃጆችንም ታርጋ እየነቀሉ መሆኑን ገልጸዋል::

ለሕወሓት መንግስት አድረው የባህርዳርና የጎንደር ሕዝብ እያደረገ ያለውን አድማ ለማስተጓጎል የሚሰሩት የወረዳው ባለስልጣናት ላይ እርምጃ እንደሚወሰድባቸው ከአካባቢው ወጣቶች የወጣው ማስጠንቀቂያ ይገልጻል:: በአሁኑ ወቅትም ወጣቶቹ አድማውን ለማስተጓጎል የሚሰሩትን የወረዳ ባለስልጣናትን መኖሪያ ቤት አድራሻዎችን እየተለዋወጡ መሆኑም የደረሰን መረጃ አስታውቋል::

ይህ በ እንዲህ እንዳለ በጎንደር ትራንስፖርት ባለመኖሩ የተነሳ ወደ ኤርፕርት የሚሄዱ ሰዎች በመስተጓጎላቸው ከጎንደር የሚደረጉ የሃገር ውስጥ የአውሮፕላን በረራዎችን እንዳስተጓጎለና አየር መንገዱም የበረራ ሰዓት ለመቀየር እንዳስገደደው የዘ-ሐበሻ ምንጮች ዘግበዋል::

በሌላ በኩል ደብረታቦር ከተማ ውስጥ ከፍተኛ ውጥረት እንዳለና በአካባቢው ምንም ዓይነት መኪና እንደማያልፍ ምንጮቻችን አስታውቀዋል::

Advertisements

የጠቅላይ ተጠቅላይ ጨዋታ | ከኤርሚያስ ለገሰ

ከአስቸኳይ ጊዜ አዋጁ ቀጥሎ የኢትዬጲያን የፓለቲካ አየር የሞላው የሚቀጥለው ” ጠቅላይ/ ተጠቅላይ” ማን ይሆናል የሚለው ነው። ይህንን ጉዳይ ሰዎች በተለያዩ አቅጣጫዎች ይመለከቱታል። በተለይም በማህበራዊ ድረገጾች ካሉት ፍትጊያዎች አንዱ በዚህ ዙሪያ ያለው እሰጣ ገባ ሆኗል። በአንድ በኩል ስርነቀል የስርአት ለውጥ ለማምጣት እየታገልን ባለንበት ሰአት በዚህ አነስተኛ አጀንዳ ዙሪያ ለምን ጊዜያችንን እናጠፋለን የሚሉ ብዙዎች ናቸው። በሌላ በኩል ከራሳቸው እምነት፣ ጥቅም እና ፍላጐት በመነሳት ” እከሌ ጠቅላይ መሆን አለበት!” የሚለውን የሚገፋም አልታጡም።

የትግራይ ነፃ አውጪ የፌስቡክ ካድሬዎች በሁኔታዎች ተደናግጠው ቢጠፉም ከእናት ፓርቲያቸው ጋር እያሴሩ መሆኑ የሚደበቅ አልሆነም። ትኩረት ለሰጣቸው በሕዝብ ፊት የሚደሰኩሩትና ከመጋረጃ ጀርባ የሚሰሩት የአልሞት ባይ ተጋዳይነት ለየቅል መሆኑን ማየት ይቻላል።

ነገርን ነገር ያነሳዋል እና አንድ ወዳጄ ሰሞኑን ተወዳጅ ሆና ከአብዛኛው አንደበት በተነገረችው አዝናኝ ቃል ተጠቅሞ ” ኮካዎች ሸሹ ወይስ አፈገፈጉ?” ብሎ ጠይቆኝ ነበር። እኔም ” ኮተታም ካድሬዎችን በዝንብ ከፍ ካለም በጆፌ አሞራ ልትመስላቸው ትችላለህ። ደም እንደ ጐርፍ ሲወርድና የሰው ህይወት በአጋዚ ሲቀጠፍ ጐርፍ ሆነው ይመጣሉ” አልኩት። እውነት ለመናገር ኮካዎች በደም ካልሰከሩ እስትንፋስ ያላቸው አይመስለኝም።

ያም ሆነ ይህ የትግራይ ነፃ አውጪ ” የጠቅላይ/ተጠቅላይ” ጨዋታን የሚመለከተው ከራሱ ህልውና አንፃር ብቻ ነው። የዘረጉት ሕግና የአፈና ስርአት የፓለቲካና የኢኮኖሚ የበላይነታቸውን እስካረጋገጠላቸው ድረስ ለተፈፃሚነቱ በትጋት ይንቀሳቀሳሉ። ሕገ መንግስቱን ለማስከበር በሚል ሽፋን የፓርቲያቸውን የበላይነት ለማረጋገጥ የቻሉትን በሙሉ ያደርጋሉ። የተፈጠረባቸውን ቀውስ ለመደበቅ በሚያደርጉት መፍጨርጨር መዳመጥ ያለባቸውን ለመዳመጥ ህገ መንግስት በመጠበቅ ስም አስፈሪ ተኩላ ይሆናሉ። ለዚህ እንዲያግዛቸው የራሳቸው የጫካ ፕሮግራም ግልባጭ የሆነውን ሕገ መንግስት እንደ ጋሻ ይጠቀማሉ። በተጨማሪም በዣንጥላነት እያገለገላቸው ያለውን የኢህአዴግ ህገ-ደንብ ያለምንም ለውጥ እንዲተገበር ያደርጋሉ።

በመሆኑም የጠቅላይ /ተጠቅላይ ጨዋታን በዋናነት ማየት የሚገባን የትግራይ ነፃ አውጪ ፍላጐት ምንድነው ከሚለው አንፃር ይሆናል። ህውሓት ፓለቲካዊ ሞቱን ለመሞት እያጣጣረ ቢሆንም የፀጥታና የስለላ መዋቅሩ ገና አልተነካም። አሁንም ማሰር፣ መግደል፣ መሰወር ይችላል። አሁንም ህገ መንግስቱን ከአደጋ ለመጠበቅ በሚል ሰበብ እየሞተ ያለውን የፓለቲካ መዋቅር አዛዥና አናዛዡ የፀጥታና ስለላ መዋቅሩ ነው። እያንዳንዱ የፓርላማ አባላት ጋር እየደወለና በአካል እየሔደ ” አስቸኳይ ግዜ አዋጁን ባታፀድቅ በሞቀው ህይወትህ ፍረድ። እንደውም ተቃውሞ እያስተባበርክ ያለኸው አንተ መሆንህን ደርሰንበታል” እያለ ያስፈራራል። ለምሳሌ የስለላው መዋቅር አባል የሆነው አስመላሽ ወልደስላሴ ከስብሰባው በፊት በቀጭኑ ሽቦ ” አስቸኳይ ጊዜ አዋጁ የፓሊሲ ጉዳይ ነው” ማለት በቂው ሊሆን ይችላል። በኢህአዴግ መንግስታዊ መመሪያም ሆነ የድርጅት ህገ ደንብ አንፃር ” የፓሊሲ ጉዳይ ነው!” ከተባለ በተፃራሪው መቆም ፈፅሞ አይቻልም። እናም የፀጥታና ስለላ መዋቅሩ የፓለቲካ አመራሩን እንደ ህዝብ ግንኙነት ተጠቅሞ የፈለገውን በሀይል ሊፈፅም ይችላል።

ወደ ጠቅላይ ተጠቅላይ ጨዋታ ስንመለስ ቀደም ብሎ እንደተጠቀሰው የትግራይ ነፃ አውጪ ሁለት ሰነዶችን መዞ ያወጣል። እነዚህም የኢህአዴግ ሕገ መንግስትንና ህገ ደንቡ ናቸው። እስቲ እያንዳንዱን በተናጠል እና በተዛምዶ እንመልከት።

# የኢህአዴግ ሕገ መንግስት

አስቀድሞ እንደተገለጠው የትግራይ ነፃ አውጪ ሁሉንም መቆጣጠር የሚፈልገው ” ሕገ መንግስታዊ ስርአቱን” ለማስጠበቅ በሚል እንደሆነ ይታወቃል። በተለይም የህገ መንግስቱ አንቀፅ ዘጠኝ እየተጠቀሰ የሕግ የበላይነት ለማስከበር ሀላፊነት አለብን የሚባለው በዚህ ምክንያት ነው። አንቀፅ ዘጠኝ የኢህአዴግ ህገ መንግስት የአገሪቱ የበላይ ህግ መሆኑ፣ ማንኛውም ሕግ፣ ልማዳዊ አሰራር እንዲሁም የመንግስት አካል ወይም ባለስልጣን ውሳኔ ከህገ መንግስቱ ጋር የሚቃረን ከሆነ ተፈፃሚነት እንደማይኖረው ይደነግጋል። በሕገ መንግስቱ ከተደነገገው ውጭ በማንኛውም አኳኃን የመንግስት ስልጣን መያዝ እንደተከለከለ ይገልጣል።

ምንም እንኳን የትግራይ ነፃ አውጪ ቅጥፈት ሞራላዊ እሴት ብቻ ሳይሆን የአገዛዙ ዋልታና ማገር መሆኑ ቢታወቅም እስከጠቀማቸው ደረስ ” ሕገ መንግስቱ ይከበር” ማለታቸው አይቀርም። ስለዚህም በደብረፂዬን መሪነት በፀጥታና ስለላ የበላይነት የያዘው ፓርቲ ” የጠቅላይ ሚኒስትሩ አሰያየም!” የሚለውን የሕገ መንግስት አንቀፅ 73 ላይ ሙጭጭ ማለቱ አይቀርም። በአዋቂነት ውስጥ ሆነው በኩራት ይገልጡታል። በነገራችን ላይ አንቀፅ 73 ጠቅላይ ሚኒስትሩ ከሕዝብ ተወካዬች ምክርቤት አባላት መካከል ይመረጣል ይላል።

በእኔ እምነት የደብረፂዬን ፓርቲ ይሄን የህገ መንግስት አንቀፅ የሚቀየረው በመቃብሬ ላይ ነው ማለቱ አይቀርም። በተደጋጋሚም ” ህገ መንግስቱ ይከበር!” የሚል ከበሮ መደለቅ ይጀምራል። እናም ይሄ ከሆነ ዘንዳ ከውሳኔው የማያሻማ ቁምነገሮችን ማውጣት ይቻላል።

የመጀመሪያው ቁምነገር ” ጠቅላይ/ ተጠቅላይ” የሚሆነው ግለሰብ የግዴታ የፓርላማ አባል መሆን ይገባዋል። ይሄ መመዘኛ ለማ መገርሳ፣ ዶክተር አቢይ አህመድ እና ወርቅነህ ገበየሁን በመጀመሪያው ዙር ከጨዋታ ውጭ ያወጣል። ስለዚህ የለማም ሆነ የዶክተር አቢይ ጠቅላይ መሆን እንደማይችሉ የተረጋገጠ ነው።

በሌላ በኩል ደመቀ መኮንን፣ አባዱላ ገመዳ፣ ደብረፂዬንና አዲሱን የደኢህዴን ሊቀመንበር( ምንአልባት ሽፈራው ሽጉጤ) ወደ ቀጣዩ ዙር የሚያልፋ ይሆናል። በመሆኑም የትግራይ ነፃ አውጪ ክንፍ የሆነው የፀጥታና ስለላ መዋቅር ሕገ መንግስቱ ሳይሸራረፍ ይተግበር ካለ ጠቅላዩ ደብረፂዬን ሊሆን ይችላል። ተጠቅላዬቹ ደመቀ፣ አባዱላ እና ሽፈራው ሽጉጤ ሊሆኑ ይችላሉ።

የራሴን ግምት አስቀምጬ ለመሄድ ያህል የስለላ እና የፀጥታ መዋቅሩ ለደመቀ መኮንን 60 በመቶ፣ ለአባዱላ 40 በመቶ በመስጠት የደሜክስን ተጠቅላይነት የሚያፀና ይመስለኛል። እናም ከሐይለማርያም ተስተካካይ ሰው በዙፋኑ ላይ እናገኛለን።

እዚህ ላይ የትግራይ ነፃ አውጪ ክንፍ የሆነው የፀጥታና ስለላ መዋቅር በሚፈልገው የህገ መንግስት ማእቀፍ የሚዘልቅ ከሆነ ስለ ምክትል ጠቅላይ ሚኒስትርም ጥቂት ማውራት ያስፈልጋል። በህገ መንግስቱ መሰረት ምክትል ጠቅላይ ሚኒስትር ለመሆን የፓርላማ አባል መሆን አይጠይቅም። በሌላ አነጋገር ም/ ጠ/ ሚኒስትሩ የፓርላማ አባል መሆን አይጠበቅበትም። እናም ለም/ጠ/ ሚኒስትርነት ህውሓት ወይዘሪት ፈትለወርቅ ( ሞንጆሪኖ)፣ ኦህዴድ ዶክተር አቢይ ሊያቀርቡ ይችላሉ። በእኔ ግምት ወቅቱ ከምንግዜውም በላይ ለትግራይ ነፃ አውጪ ወሳኝ በመሆኑ ወይዘሪት ፈትለወርቅ የመመደብ እድሏ ሰፊ ነው። በሌላ በኩል ዶክተር አቢይን ከስሩ ነቅለው በውሃ ላይ የሚንሳፈፍ ደረቅ ኩበት ማድረጉ የበለጠ የሚጠቅማቸው ከሆነ ምክትል ተጠቅላይ ሚኒስትር በማድረግ ይመድቡታል። በመሆኑም የምክትልነት ጨዋታው ( game theory) የሚሆነው ደመቀ መኮንንን በምትጠቀልለው ሞንጆሪኖ እና ተጠቅላዪ ዶክተር አቢይ መካከል ይሆናል።

# የሕውሓት/ ኢህአዴግ ድርጅታዊ ህገ ደንብ

በህውሓት/ ኢህአዴግ ህገ ደንብ መሰረት 180 አባላት ያሉት ( ከእያንዳንዱ 45) የኢህአዴግ ምክርቤት የድርጅቱን ሊቀመንበር በሚስጥር በሚሰጥ ድምፅ ይመርጣል። በድምፅ አሰጣጡ ላይ 180 የምክር ቤት አባላት እኩል ድምፅ አላቸው። ምንም እንኳን ከ3ሚሊዬን አባል እና ከ40 ሚሊዬን በላይ ህዝብ ወክያለሁ የሚለው ኦህዴድ ከግማሽ ሚሊዬን በታች እና ከ5 ሚሊዬን በታች ወክያለሁ የሚለው ህውሃት እኩል ድምፅ መያዛቸው ሊያነጋግር ቢችልም።

በህገ ደንቡ መሰረት አራቱም የዘውጌ ድርጅቶች የኢህአዴግ ሊቀመንበር እና ምክትል አጩ የማቅረብ መብት አላቸው። ለሊቀመንበርነት የሚወዳደሩት የብሔር ድርጅቶቹ ሊቀ መናብርት ይሆናሉ። እዚህ ላይ በህገ ደንቡ ሊቀመንበሩ የድርጅቱ የበላይ አስፈፃሚ መሆኑን ቢገልፅም በመንግስት ስልጣን ውስጥ ጠቅላይ ሚኒስትር ይሆናል የሚል በግልፅ የተቀመጠ ነገር የለም። ለነገሩ ፓርቲው እንደ አቶ መለስ የመንግስት ዘላለማዊነትን ካልተላበሰ በስተቀር ሊያስቀምጥ አይችልም። ነገር ግን ድርጅት መንግስትን የሚመራ እንደመሆኑ መጠን ፓርቲው በውድም ይሁን በግድ ስልጣኑን የተቆናጠጠ በመሆኑ የፓርቲው ሊቀመንበር የመንግስት የበላይ ሆኖ መቀመጡ ተመራጭ ይሆናል።

እናም በዚህ ስሌት መሰረት ከወዲሁ ግምቴን ለማስቀመጥ ህውሓት “ለሊቀመንበርነት እንዲወዳደር የማቀርበው እጩ የለኝም” ይላል። ደብረጲዬንን ከትግራይ አምጥቶ ማወዳደር ከባድ ስለሚሆንበት። ፌዴራሉን በስውር ለመምራት ደብሪፅን ማምጣት አደጋ ይኖረዋል። ብአዴን በሊቀመንበርነት ደመቀ መኮንን እጩ እንዲሆን ያቀርባል። ኦህዴድ ለድርጅት ሊቀመንበርነት በእጩነት የሚያቀርበው የሚኖር አይመስለኝም። ለማ መገርሳ የኢህአዴግ ሊቀመንበር ሆኖ ቢመረጥ እንኳን ጠቅላይ ሚኒስትር መሆን ስለማይችል የፓርቲው ቁንጮ መሆን የሚፈይድለት ነገር የለም። የደቡብ ድርጅቱ ደኢህዴግ አዲሱ ሊቀመንበሩን ለኢህአዴግ ሊቀመንበርነት እጩ አድርጐ ሊያቀርብ ይችላል። የደኢህዴኑ ሊቀመንበር የፓርላማ አባል ከሆነ ከደመቀ መኮንን ጋር የሚገጥመው ለድርጅት ሊቀመንበርነት ብቻ ሳይሆን ለተጠቅላይነትም ጭምር ይሆናል። እናም የትግራይ ነፃ አውጪ ሙሉ ድጋፍ ያለው ደመቀ መኮንን በተጠቅላይነት አራት ኪሎ ይሰጠዋል።

# እና ምን ይጠበስ?

አንዳንድ ሰዎች የቅርብ ወዳጆቼን ጨምሮ በዚህ ጉዳይ ላይ ጊዜ ማጥፋት እንደማያስፈልግ ሲገልጡ እሰማለሁ። የትግራይ ነፃ አውጪ በሰጠን አጀንዳ ላይ የተጠመድን አድርገው ይወስዱታል። በመሰረቱ በዚህ አስተያየት አልስማማም።

በመጀመሪያ ደረጃ የትግራይ ነፃ አውጪ የገባበት ሁኔታ ቀውስ እንጂ ስኬት አይደለም። የቀውሱ መሰረታዊ ምንጭም የኢትዬጲያ ህዝብ እምቢተኝነት የወለደው እንጂ አገዛዙ የመለወጥ ፍላጐት ስላለው አይደለም። በሕዝብ አመፅ ምክንያት የትግራይ ነፃ አውጪ እየተፍረከረከ፣ የአመራር ሽኩቻው በግልፅ እየታየ ትኩረት አንስጠው ማለት አያስኬድም።አይደለም የአገሬው ሰው ምእራባውያን፣ አለም አቀፍ ተቋማት እና ሚዲያው በትግራይ ነፃ አውጪ ውስጥ የተፈጠረውን የስልጣን ፍጥጫ በአንክሮት እየተከታተሉ ስጋታቸውን በሚገልፁበት ሁኔታ የስርአት ለውጥ ፈላጊዎች ትኩረት ካልሰጠነው የለውጥ ግንዛቤያችንን መፈተሽ ይኖርብናል። ይሄን ማስታወሻ እየፃፍኩ በኢትዬጲያ የአሜሪካን ኤምባሲና አምባሳደር የአቶ ኃይለማርያም ከስልጣን መውረድ ጋር ተያይዞ ይፋ ያደረጉት ማስጠንቀቂያና በአስቸኳይ ጊዜ አዋጁ ላይ ያወጡት መግለጫ በትዝታዬ መጥቶ ነበር። የስርአት ለውጥ ፈላጊውም ሆነ የሚዲያ ተቋማት እንዴት ተሯሩጠው እንደተቀባበሉት ጭው አለብኝ። በብዙ ሰዎች ትንተና ውስጥም ይህ በተደጋጋሚ የሚጠቀስና በእያንዳንዳችን አእምሮ ውስጥ የሚንገዋለል ነው።

በሁለተኛ ደረጃ ደጋግሜ እንደገለፅኩት ትናንሽ ለውጦች ትላልቅ ለውጦችን ይጋብዛሉ። ለነገሩ በትግራይ ነፃ አውጪ ውስጥ የሚኖርን የስልጣን ሽኩቻ እንደ ትንሽ ለውጥ ሊወሰድ ይገባል ወይ የሚለውም መጠየቅ ይኖርበታል። የትግራይ ነፃ አውጪ ድርጅት የፋሺስት እና አፓርታይድ ድቃይ በመሆኑ በጣም አደገኛ ነው። ይሄ አደገኛ ስርአት በተነሳበት የሕዝብ ጥያቄ ውስጣዊ ህይወቱ ውስጥ ያጋጠመው የአመራር መፍረክረክ በቀላሉ የሚታይ አይደለም። እነሱ ሲወድቁ እኛንም ይዘው እንዳይወድቁ ፣ ሽብርና የእርስ በርስ እልቂት እንዳይፈጠር በቅርበት መከታተል ያስፈልጋል። ለማንም ግልጥ እንደሆነው ይሄ ፋሽስታዊ አገዛዝ እስከአሁን ለግፍና ለጭፍጨፋ አዲስ ባይሆንም ከኢትዬጲያ ህዝብ ጋር ለመጨረሻ ጊዜ የተቆራረጠበት እና እርስ በራስ መበላላት የጀመረበት ነው። ይሄ በአግባቡ ትኩረት ሊሰጠው ይገባል። ይሄን ማድረግ ዋናውን ትግል ያግዘዋል እንጂ የሚያዘናጋው አይሆንም። ይልቁንስ በትግራይ ነፃ አውጪ እና ተላላኪዎቹ ውስጥ የተፈጠረው ክፍፍል ለመሰረታዊ ለውጡ በአቀጣጣይነት ሊታይ የሚችል ነው። ” የጉልቻ ለውጥ” ብቻ ተደርጐ መወሰድ የለበትም። እንደዚህ ማሰብ ተራራ የሚያክል ስህተት ለመስራት እንደመዘጋጀት ተደርጐ ሊወሰድ የሚችል ነው።

በሶስተኛ ደረጃ በስርአት ለውጥ ፈላጊው ዘንድ የሚታዩ የተሳሳቱ ዝንባሌዎችን ነቅሶ በማውጣት ለመታገል ያግዛል። ይሄ ወቅት ዘረኝነት እና ፋሺዝም አብረው የቆሙበት የሞትና የሽረት ዘመን ነው። የዘረኝነት ፓለቲካ በአገዛዙ ውስጥ ብቻ አይደለም። ተቃዋሚ ሀይሉም ጋር የDNA ፓለቲካ ስር እየሰደደ ሄዷል። እንደዚህ ባለ አደገኛና ደካማ አቋም ምክንያት አመዳዩን አለላ ለማስመሰል ጥረት እየተደረገ ነው። እከሌ በሕዝብ ተወዳጅ ስለሆነ በጠቅላይ/ ተጠቅላይነት ካላየሁት ሞቼ እገኛለሁ የሚሉ አደገኛ አስተያየቶች እየተደመጡ ነው። ሌሎች ድብቅ ፍላጐት ያላቸው ደግሞ የሕዝቡን ልቦና በማዳመጥ እነሱ ወደሚፈልጉት ለማሽከርከር ያለ የሌለ ጉልበታቸውን በመጠቀም ላይ ናቸው። ለዚህ ጥሩ ምሳሌ የሚሆነው ለማ መገርሳ እና ዶክተር አቢይን ወደ ፌዴራል ተጠቅላይነት እንዲሄዱ የሚደረገው ግፊት ነው።

በእኔ እምነት በለማ እና አቢይ ላይ እየተካሄደ ያለው ዘመቻ ከስራቸው በመንቀል አስብቶ የማረድ ነው። እርግጥም ከአፈራቸው ላይ ስራቸውን መንቀል እንዳያብቡ ያደርጋል።ለማና አቢይ ለመካከለኛ ጊዜ የኦሮሚያን የፓለቲካና የድርጅት ስራ በበላይነት መምራት ይኖርባቸዋል። እስከ ሶስት ሚሊዬን ይጠጋል የተባለውን የኦህዴድ አባልና ቄሮን በአዲሱ አስተሳሰባቸው ኢንዶክትሬት ማድረግ ይኖርባቸዋል። በመንግስት የስራ አመራርና የካድሬ ስልጠና ማእከላት ” ኢትዬጲያዊነት ሱስ መሆኑን፣ የብሔር ጭቆና የሚባል ተረት ተረት መሆኑን፣ የኦሮሞ ጀግኖች ኢትዬጲያ አገራቸውን ለማቆየት ያደረጉትን ተጋድሎ፣ ኢትዬጲያዊነት እንደ ጉልት ማንም ሲፈልገው የሚያቋቁመው እና የሚበትነው እንዳልሆነ፣ መታወቂያ ላይ ብሔር መፃፍ ያስቆሙበትን ምክንያት፣ የኦሮሞ ህዝብ ወርቃማ እሴቶችን…ወዘተ” የሚያስተምሩበት ካሪኩለም በመቅረፅ ማስተማር ይኖርባቸዋል። ሚሊዬን ለማዎችና አቢዬች መፈጠር ይኖርባቸዋል። የትምህርት ቤት ካሪኩለሞችን በእነሱ አዲስ ተራማጅ አስተሳሰብ መቃኘት የቅድሚያ ስራቸው ሊሆን ይገባል።

የለማ ቡድን አባላት ከላይ የተጠቀሰውን እያደረጉ የአገሪቱን ሕገ መንግስት ወደ ፕሬዝዳንታዊ ስርአት ( የአንድ ሰው አንድ ድምፅ) የሚቀየርበት ሁኔታ ማመቻቸት ይኖርባቸዋል። በዚህ ዙሪያ የፕሮፌሰር መረራ ፓርቲ እና የሌሎች ድርጅቶች ድጋፍ ስለሚያገኙ ትግሉ አስቸጋሪ ላይሆን ይችላል።የለማ ቡድን ይሄን ማድረግ ከቻለ በኢትዬጲያ ታሪክ ውስጥ ዘወትር የሚታወስ ደማቅ ታሪክ ይሰራል። የኢትዬጲያ አምላክ ይርዳቸው።

አንድ ጓድ ገፅ ስር አንዱ ፀረ-አማራ በረቀቀ ስልት ሲዋጋ አየሁና ይህንን ሀሳብ በስፋት ላወጋበት ወደድኩኝ:: (ሊዲያ ዘ-ጊዮን አማራ)

አንድ ጓድ ገፅ ስር አንዱ ፀረ-አማራ በረቀቀ ስልት ሲዋጋ አየሁና ይህንን ሀሳብ በስፋት ላወጋበት ወደድኩኝ:: እንዲህ ይላል እራሱን ሲገልጥ ” I’m not a politician, but I consider myself as a ‘concerned citizen’” ምናምን አለና የዚሁን ጓድ ለአማራው ወገኑ ያለውን concern ምን ሲደረግ ያሳስብሀል እያለ በስውር ፀረ-አማራ አቋሙ የአማራውን ትግል በማዋደቅና በማጥላላት እሱ ብቻ እንደተማረ አድርጎ ሌላው ሁሉ እንዲህ እና እንዲያ ነው ይለው ገባ…. አልፎም እሱ ራሱው ፌስቡክ ላይ ቁጭ ብሎ ቢሆንም ዳሩ ያማራውን ትግል የፌስቡክ አርበኛ እያለ እዚሁ ፌስቡክ ላይ ሆኖ ሌላውን በፌስቡከኛነት ወረፈ! ብዙ የምለው ቢኖረኝም ባነሳት ማወናባጅነት ከዚህ ሰው ነገርን በነገር ስመልስ እንኳን አንተ እነዶናልድ ትራፕም በፌቡና በቲዊተር ግንባር ነው ሲታኮሱ የሚውሉት ልለው ብዬ አንዳንዴም “ጅል አይሙት እንዲያስቅ” እንዲል ወገኔ አማራ እኔም ልስቅ ወደድህ በዚህ በጅልነት ላይ! እሱ ራሱ ባፉ ቃል የተያዘበት ጉዳይ ፌስቡክ ላይ ሆኖ እንዳለ ያላጤነ ተምሬያለሁ ባይ በወረቅት ላይ ሽምደዳ የትምህርት ተቋማት ውስጥ አንድ ብጣሽ ወረቀት ተሰጥቶት አንድን ስራ ማከናወኛ ልምድ ያልዘለለ መሆኑን ያልተረዳ ያካበተው ከዚህ በዘለለ ምንም መሆኑን የተረዳው አይመስልም!“እንዳንተ ያለ የተማረ ሰው” ያላት ደግሞ ሌላ ነገር ጫረችብኝ:: ይህንን ወንድም ተምረሀል በሚል ሙገሳ (ከፍሎ በተማረና በሚያውቀው ጉዳዩ) ይህንን ሰው አማራው ከማህበረሰቡ ሲነጥልና እሱን ከሌላው ወገኑ በዚህች ወረቀት ተጠቅሞ የተሻለ ሊያስመስለው ሲዳዳው ሳይ ፀረ አማራነትን ሌላ በከፋ መንገድ አየሁት! በመጀመሪያ የተማረ ትምህርት የቀሰመ ማለት ከፈለገ ልዩ መአረግ አይደለም:: እድል ካገኙ ማንም ፍጡር ሊያደርገው የሚችለው ነገር ነው:: ሲለጥቅ ለአማራ ትምህርት መቅሰም ከምእራባዊያን indoctrination system of education በፊት የራሳችን schooling system የነበረን ሰዎች ነን! ለኛ ይህ አዲስ አይደለም!

ሁለት ነገሮች አእምሮየ ላይ አጥብቀው ተመላለሰ::

First of all, what kind of a “concerned citizen” will hide themselves from a social matter by holding a neutral stance and yet claim to be concerned? We all know that neutrality is another form of silence which is tantamount to consent. Neutrality is a hiding place for those who are unconcerned and unbothered. On the other hand, when people feel concerned, they feel obliged to give voice to the voiceless and then they take action. That, my friend is called “politics” …

በጣም ያልተ-ማረ አባባሉ ከዚሁ ተምሬያለሁ የሚልሰው ቀልቤን የሳበው..

“I’m not in politics, but I’m a concerned citizen” ይላል:: በለው! Please make me understand as to how you call yourself “a concerned citizen” and yet you are not concerned to fellow citizens who are marginalized by their ethnic linage? What part of your concerned citizenry is allowing you to turn a blind eye to fellow citizens who are victims of genocide just because they are Amhara? It’s clear that Ethiopian citizenry has become a hiding place for those who are anti-Amhara.

Anyone can become a doctor, teacher, consultant or accountant. It’s a very easily achievable goal if one sets their mind to it. Some are unable to get this opportunity of indoctrination to get a certification by an educational institution due to their unfortunate circumstance of their life situation. If we furnish the opportunity for each and every man on this plane, anyone can master the memorization skills needed to succeed in the schooling system. No biggie!

It’s like doing a job training over years and years in an institution. True, it demands hefty payments so we think we acquire something bigger than we actually do, while in reality it is a how to do the job training, nothing more nothing less. It doesn’t take a genius to hold on to a White Castle certificate, but a really AVERAGE man. Wait, forgot that a genius is a genius because of he is beyond the capabilities of certifying facilities…..

The schooling system is nothing, but a system of indoctrination where one masters memorization skills. Why do we have to memorize though, one might ask, well most things we learn are theories, a theory not fact, a theory could be fiction, not necessarily the truth, hence the need for indoctrination.

School has become a modern man’s religion, they say amen and amen to every theory that it is shoving down their throats. It produces easily bored folks who do not reflect or contemplate, addicts of memorization skill, who read and read and read, so they refer to it for everything, unable to think critically or independently without pulling from the theories they learned, incapable of creativity and …..that’s all! To our sueprise the system is not shy to subliminally put mockery here and there by introducing people who “created” new things such Apple, Facebook etc. who are dropouts, who didn’t need it’s validity. It’s telling us in plain sight that the certificate does not make one creative, but surely a wage slave, hello…!

So to brag about this memorization skill just shows ones bondage of the mental slavery of aliened thinking of institutional mindset. Acquiring a certificate does not make one intelligent necessarily, but an educated man of a certain field. Having Intelligence is often confused with being educated. This indoctrination style of memorization skill will make a conformist, leaving one unable to think independently unless referring to an old man’s theory from a thousand years ago, in some instances a man who never even existed. School shapes our mind to think through someone else’s theoretical thesis from hundreds of years ago. A theory that we are not able to question or debunk using our own critical mind because it’s the Castles bible. Theory after theory after theory…. theory that still didn’t come to be fact, but we keep on theorizing on it.

The global elite’s has successfully implemented these indoctrination institutions across the world by changing an ancient schooling system (which used to have facts, not theory) to keep the masses at a servitude level of thinking. White Castle produces many indoctrinated folks who no more possess their own mind and I must admit that it’s product is identical and uniform, blameless. In these facilities are where many young minds gets violated and tortured by theories that makes zero sense often, but faculty claims an old man from France, England, Russia etc wrote once upon a time and so it must be true, and so we should think alike. Has anyone measured the earth? No! But we have a given measurement of it. How? Because!

Failing to grasp and memorize this theories and lacking passion for it has a big consequence, labeled – dumb! We learn theories for years and years that we will never apply or use in real life. We never get to use most of the theories as they are fictional, but we were tested on all that gibberish and stress ourselves at እንቦቀቅላ age, age we should be out playing a lot. Intuition is always right I felt trapped when I was a 7 year old for spending 35-40 hours a week at school and I still feel that same feeling to spend as an adult 40-50 hours a week working until I turn 65….. when are we going to live though? Question remain unanswered.

Indoctrination kills our intuition and common sense. Once one loses intuition and common sense, he becomes a robot. What a great waste of time! It’s hard for some to go through this system of indoctrination, not because they are dumb or has ADHD etc syndrome, but most probably because their subconscious holding on to its common sense (which has becoming a rare sense because of memorization schooling system) and intuition. Most of kids labeled with ADHD have higher IQ than the average kids. True Some are good at memorization, those people are most likely with less critical thinking ability and so it’s easy for them to suck out of White Castle bosom.

Ever since the emerge of modern indoctrination facilities known as school human has become modern domesticated animal to the few elites of our world. Conformists comes out of this institutions to defy creation because of their memorization skill of evolution- Darwin theory, Big Bang theory, critical theory…… theory that will never come to be fact or truth that we are subjected to believe it. Schooling system that leaves our mind decapitating our minds critical thinking ability by restricting own reasoning and logic claiming it doesn’t match so and so’s theory. Why do we need to take so and so’s theory to think about creation for instance? Because we are the unorganized truth fighting organized lie.

I don’t understand as to why we are forced to send our kids to school at young age to sit in the most uncomfortable chair for 8 hours a day. This is not education, but torturing our mind so it will never be accessible to its own capability of critical thinking ability. This is not educating one, but indoctrinating. When finishing school the only difference now is chair is changed to another chair somewhat comfortable with to a wage this time. Entering into wage slavery! Welcome corporate loves your sweat!

የተማረ ማለት ከድንቁርና ምህረትን ያገኘ ማለት ነው እኔ ሲገባኝ! መማርን ማሳያው አዳራሽ እየሞሉ elite elite መጫወትና በመሸላለም የአካዳሚክስ ጡንቻን እየታያዩ መላላጥ ሳይሆን አእምሮን ጨምቆና አስቦ አውጥቶ መላ ማለት መቻል ነው! መማር ማለት የአንድ ከሞተ አንድ አለም ያለፈውን ግሪካዊና ፈረንሳዊን ፍልስፍና መደግደግ ሳይሆን በራስ ቆሞ ያለማጣቀስ ነገሮችን መፍታት መቻልን ይጠይቃል አሊያ በወረቀት ላይ የተመሰከረልንን የሽምደዳን ችሎታ እንደ ዳዊት መድገም ነው የሚሆነው! ያ ደግሞ ድንቁርና እንጂ ምንም ምህረት የለውም!

በወረቀቱ ይሁንብን እናአስብ! እናስብ ያለ ፈረንጅ ሽማግሎች ፍልስፍና! እንምከር ያለ ራሺያ ፀሀፊ ወግ- በወረቀቱ ብያለሁ!

ጀግናው አንዷለም አራጌ ለኢትዮጵያ ሕዝብ መልዕክት ላከ | እባክዎ ይመልከቱት

ለሚገባችሁ ሁሉ ልባዊ ምስጋናዬ ከክብሮትና ፍቅር ጋር ይድረሳችሁ…. (አንዱዓለም አራጌ)

“ከኢሕአዴግ ፈርጣማ መዳፍ የሚታደግ እንደሌላ እያወክ ድህረት ከየት አመጣኸው ?” እያሉ ብዙዎች ይጠይቃሉ። መልሱ ግን ቀላል ነው። የድፍረቴ ምንጭና ተስፋዬ ፣ በእስር ቤት ትቢያ ላይ ስጣል ለአፍታ እንኳን ያልተለየኝ ፣ በመከራ ሁሉ እግሮቼ እንዳይናወጡ ትልቁ ጽኑ አለት የሆነኝ እግዚአብሄር ነው። ለርሱ ክብር ምስጋና አምልኮ ይድረሰው።

የምወዳችሁ ልጆቼ ሩህና ኖላዊ፣ በሕጻንነት አይምሯችሁ ምህዋር ላይ ሲጉላሉ የነበሩ ጥያቄዎቻችሁን መመለስ ባለመቻሌ ፣ እኔን ለመጠየቅ በተመላለሳቹህባችሁ አመታት ለወደቃችሁ፣ ለተነሳችሁት፣ ለደማችሁት ፣ እንዲሁም በጣም በማስፈልጋችሁ ሰዓት ከሕይወታችሁ በግፍ በመጉደሌ በጣም አዝናለሁ።ይቅርታ ታደረጉልኝም ዘንድ እጠይቃለሁ። ምን አልባት አንድ ቀን ለምን ቤተሰባችን  አሁን ባለፈበት ሁኔታ ማለፍ እንደተገደደ በዉል እንደምትረዱ፣ አሁን እንደ ቤተሰብ ካለፍንበት የአፈር ሰርጥ የምንጽናናበት ጊዜ እንደሚመጣ ተስፋ አደርጋለሁ። በዉል በማታወቁት አለም፣ ሰሙንና ገጽታዉን እንኳን በበዉል የማትለዩትን አባታችሁን ባልጠና እግራችሁ ተመላልሳችሁ ስለጠየቃችሁኝ፣  ሳልሰጣችሁ ስለሰጣችሁን በተትረፈረፈ ንጹህ ፍቅር በጣም አመሰግናቹሃለሁ።

አያሌዎች የኢትዮጵያ ሕዝብ የዲሞክራሲያው ስርዓት ባለቤት ይሆን ዘንድ በዋጋ የማይታመነውን ክብር ሕይወታቸውን እንኳን ሳይነፍጉ ሰጥተዋል። በኩራት በክብርና በሰላም የምትኖር ኢትዮጵያ ትፈጠር ዘንድ እኔም የበኩሌን ትንሿን አስተዋጾ ለማበርከት ባደረኩት ጥረትና በከፈልኩት ዋጋ በጣም ነው ደስታ የሚሰማኝ።  እራሴን እንደተባረከ አድርጌ ነው የምቆጥረው።

“ከአጋም የተጠጋ ቁልቋል” እንዲሉ ቀደም ሲል በ”ነውጠኛው ቅንጅት” ወደ ሁለት አመት ገዳማ፣ አሁን ደግሞ በ”አሸባሪነት” ስድስት አመት ተኩል በድምሩ ከስምንት አመት በላይ የሕወሃት ወግ ማእረግ የምናይባቸውን አፍላ አመታት በግፍና በዉሸት በተደረቱ የአገዛዙ የአፈና ተግባራቶች ተነጥቀናል። ከአጠገብሽ ባልነበሩካብቸው በነዚህ ሁሉ አመታት ፣ በጽናት ከጎኔ ስለቆምሽው፣ የኔንም ሚማ ጭምር በመወጣት ልጆቻችን በማሳደግ ለከፈልሽው ዋጋ፣  ላደረግሽልኝ ትልቅ ድጋፍ ሁሉ ባለቤተ ሰላም አስቻለ ልባዊ ምስጋናዬ ይድረስሽ።

በገጠር በከተማባ በዉጭ ሀገር የምትገኙ ቤተሰቦቼ በሙሉ በተለይም ፍሬሕይወት እንዳለ፣ ሚኪያስ እንዳለ፣ ዜና ደሳለኝና ዳግም ደሳለኝ ለፍቅራችሁና ለጥያቂያችሁ በጣም አመሰግናለሁ።

በድንገት ከአጠገባችሁ ተነጥዪ ብታሰርም በመንፈስ አብራችሁኝ ለታሰራችሁ እኔንም ለማስፈታትና የታሰርኩበት አላማ ዳር ለማድረስ ስላደረጋችሁት ተጋድሎ የፓርቲዬ የቀድሞ አንድነት ለዲሞክራሲ ለፍትህ ፓርቲ (አንድነት) አመራርቾንም አባላትን ከፍ ያለ ምስጋናዬን አቀርባለሁ።

ሁልጊዜ ከእናንተ ጋር አብሬ ለመስራት በመቻሌ ደስ የሚለኝ በሰሜን አሜሪካ የቀድሞ አንድነት ፓርቲ የድጋፍ ሰጭ ኮሚቴዎች አባላት ሁሉ ላደረጋችሁት ትግልና ላደረጋችሁልኝ ድጋፍ ምስጋናዬን አቀርባለሁ።

ጠበቆቼ አቶ ደርበው ተመስገንና አቶ አበበ ጉታ ብዙዎች እንኳን ጥብቃን ሊቆሙልኝ ቀርቶ በሩቁ በሚሸሹን ሰዓት ፣ ሊደርስባችሁ የሚችለውን ሁሉ ሳትፈሩ የነጻ ያህል በሚቆጠር ክፍያ በከፍተኛ ፍርድ ቤት እስከ ሰበር ሰሚች ችሎት ድረስ አብራችሁን ስለተንከራተታችሁና ስላደረጋችሁት  ጥረት እግዚአብሄር ዉለታችሁን ይክፈላችሁ።

በመላው አለም በተለይም በሰሜን አሜሪካ እስራኤልና አዉሮፓ የምትገኙ የኢትዮጵያ የዳያስፖራ አባላት በተለይም ትግሉ ለማገዝ ለአመታት ባለመታከት እየሰራችሁ ያላችሁ አክቲቪስቶች ፣ የአየር መለዋወጥና አስቸጋሪው የሕይወት ዉጣ ዉረድ፣  የአሁኑ ዘመን መርዝም ሳያዝላችሁ ከጎኔ ስለቆማችሁ እንዲሁም የታፈነውን የኢትዮጵያ ሕዝብ ጩኸት ከፍ አድርጋችሁ ለአለም በማሰማት ስለምታደረጉት አስተዋጾ የላቀ አክብሮትና ምስጋናዬን ላቀርብላችሁ እወዳለሁ።

በሀገርም በዉጭም የምትገኙ ጋዜጠኞች ፣ ብሎገሮች፣ ድረ-ገጾችና የመገናኛ ብዝሃን ተቋማት እዉነቱን ለሕዝብ ለማሳወቅ ስለሰራችሁ ስራ ሁሉ በጣም እያመሰገንኩ በተለይም ኢሳት ቴሌቭዥንና ዘሃበሻ ድህረ ገጽን እንዲሁም የዞን ዘጠኝ አባላትንና ጋዜጠኛ ተመስገን ደሳለኝ እጅግ አድርጌ አመሰግናለሁ።

በአገርም ውስጥ ሆነ በዉጭ ሃገር የምትግኙ በተቃዉሞው ጎራ የተሰለፋችሁ ሃይሎች ሁሉ  ያሉን የፕሮግራምና የ ስትራተጂ ልዩነቲች ሳይገድበን የዲሞራሲና የመበት መገፈፍ ጉዳይ የሁላችንም በመሆኑ በአንዱ ላይ የሚደረሰው በሁላችንም ላይ እንደደረሰ ይቆጠራል ብላችሁ ላሰማችሁት የይፋታ ጥሪ በጣም አመሰግናለሁ።

የአለም አቀፍ ማህበረሰብ አባላት “ Injustice anywhere is a threat to justice everywhere” ብላችሁ በኢትዮጵያ ሕዝብ ላይ እየደረሰ ያለው አፈና እንዲቆም ስለምታደረጉት ጥረት እኔም እፈታ ዘንድ በራሳችሁ መንገድ ስላደረጋችሁት ጥረት አመሰግናለሁ።

በመጨረሻ ለዘመናት በተንሰራፋው የአገዛዙ ማነቆ ታንቆ የጭቆናንና የጭንቅን አመታትን እየገፉ የሚገኘው የኢትዮዮጵያ ሕዝብ፣  በዉል የሚገባው የግፍ ስቃይ በእኔና በቤተሰቤ ላይም ሲደርስ፣ ፍርድ ወደማያዛበው ፈጣሪ ችሎት አቤት በማለትና በልዩ ልዩ መንገዶች ድጋፉን በመግለጽ እንዲሁም ፍጹም የማይገባኝም ፍቅርና አክብሮት በመለገድ ለእነኤ ብቻ ሳይሆን ለቤተሰቦቺም ትልቅ ሞራልና ስንቅ ሆኗል። ለኢትዮጵያዉያን ወገኖቼ ሁሉ፣ ለመላው የኢትዮጵያ ህዝብ እራሴን ዝቅ አድርጌ ከልቤ የሚቀዳዉን ምስጋናና ፍቅር አቀርባለሁ።

እኔና ጥቂት ኢትዮጵያዉያን ከክፉ እስር መፈታታችን ለብዙዎች በተለይም ለቅርብ ቤተሰብ አባሎቻችን እፎይታን ቢሰጥም እዉነታኛዉና ዘላቂው እፎይታ የሚመጣው ግን ኢትዮጵያ ከዘመን ጠገቡ የአገዛዝ ቀንበር ተፈታ፣ ዴሞክራሲያዊነት ሀገር መሆን ስትችል ብቻ ነው። አንድ ህዝብም ሆን ሀገር በትክክል ታላቅ ነው የሚባለው በሰራው ድልድይ ወይንም መንገድ ሳይሆን የሉዓልዊ ስልጣን ባለቤት ሲሆን ነው። ይህ እስኪሆን ድረስ እጅ  ለእጅ ተያይዘን የጸና ሰላማዊ ትግል ከማድረግ ዉጭ የቀረን አማራጭ የለም።

በዚህ ሂደት ፍጹም ከእኛ ልናርቀው የሚገባው ነገር ካለ የመጀመሪያው ዘረኝነት ነው። ለእኔ ሰውን በዘሩ ምክንያት ከመጥላት ብሎም ከማጥቃት በላይ ኢሰባአዊነት የለም። በምንም አይነት መንገድ ወደዚህ ደረጃ እንዳንወርድ ልንጠነቀቅ ይገባል። ይልቅስ ቀንበሩ የተጫነው ሁላችንም ላይ ነዉና እንደ አንድ ልብ መካሪ፣ እንደ አንድ ቃል ተናጋሪ ሆነን ልንታገል ይገባናል።

ነጻነት እንደ ቀትር ጸሃይ፣  ወንድማማችነት እንደ ጉንጉን አበባ፣ ፍትህ እንደ ሃይለኛ ጅረት በኢትዮጵያ ላይ ይንገስ።

አንዱዓለም አራጌ

 ጋዜጠኛ እስክንድር ነጋ 

(አንጋፋው ጋዜጠኛ እስክንደር ነጋ አገር ቤት ለሚታተመው ሪፖርተር ጋዜጣ ኢትዮጵያውያን ወደፊት እንጅ ወደ ኋላ መመልከት እንደሌለባቸው በመገልጽ ከአሁን በኋላ በዜጎች ላይ ከዘራቸው የተነሳ የሚደርሰው ጥቃትና የንብረት ወድመት እንዲቆም ጥሪ አቅርቧል። የሪፖርተርን ጋዜጣ ዘገባ እንደሚከተለው ቀርቧል)

እስክንድር ለሪፖርተር እንደገለጸው፣ ስድስት ዓመታት ከስድስት ወራት የታሰረው ባልሠራው ወንጀል በሐሰት ተከሶ ነው፡፡ ከሕይወቱ፣ ከልጁና ከባለቤቱ የጠቀሰውን ያህል ዕድሜ መቀነሱንና በአጠቃላይ በእስር ቤት ብዙ ነገሮችን ያሳለፈ ቢሆንም፣ ስላለፉት ጊዜያት ማንሳትና ቀደም ብሎ የተናገራቸውን መድገም እንደማይፈልግ ተናግሯል፡፡

‹‹ለአገራችን የሚበጃት ወደኋላ መመልከት ሳይሆን ወደፊት ማየት ነው፤›› የሚለው እስክንድር፣ እሱ ምንም ደረሰበት ምን የሚያስበው ስለድሮው ሳይሆን በቀጣይ ተስፋ በሚያደርገው ላይ መሆኑን ገልጿል፡፡

ከእስር ሲለቀቅ በኢሕአዴግ ላይ ጥላቻና ቂም በቀል ይዞ አለመውጣቱን የሚናገረው እስክንድር፣ ኢሕአዴግ ወደፊት በሚመጣው ዴሞክራሲያዊ ሥርዓት ውስጥ አንድ አካል ይሆናል የሚል ተስፋ እንዳለው አስረድቷል፡፡

ኢሕአዴግ በእሱ ላይ በል ስላደረሰበት ቂም በቀል ይዞ እንደ ኢሠፓ ይበተን የሚል አቋም እንደሌለው ወይም እንዲበተን እንደማይፈልግ የሚናገረው እስክንድር፣ ኢትዮጵያንና ሕዝቧን የሚጠቅም ሥራ እንዲሠራና ከስህተቶቹ እንዲማር ፍላጎት እንዳለው ገልጿል፡፡

በአውሮፓና በአፍሪካ አገሮች በተለይ በቦትስዋና፣ በጋና፣ በማላዊና በደቡብ አፍሪካ የታየው ብሩህ ተስፋ፣ በኢትዮጵያም የማይኖርበት ምክንያት እንደሌለ የሚናገረው እስክንድር፣ እነዚህ አገሮች በአስቸጋሪ ሁኔታ ውስጥ ሆነው የዴሞክራሲ ሥርዓት የገነቡ በመሆናቸው፣ ለኢትዮጵያ ዓይነተኛ ምሳሌዎች መሆናቸውን ጠቁሟል፡፡ በኢትዮጵያ በተጨባጭ ምን መደረግ እንዳለበት የሚያስተምሩ ምሳሌዎች መሆናቸውንም አክሏል፡፡

በደቡብ አፍሪካ አምባገነኖች በሕዝብ ላይ በደል ማድረሳቸውን የጠቆመው እስክንድር፣ ናሽናል ፓርቲ ከአፓርታይድ ወደ ዴሞክራሲ ሥርዓት በተደረገው ሽግግር የኮሻና የዙሉ ጎሳዎች መጨራረሳቸውን ጠቁሟል፡፡ በብዙ ሺዎች የሚቆጠሩ ሰዎች መሞታቸውንም አክሏል፡፡ የዴሞክራሲ ሥርዓት ሲገነቡና ከገነቡ በኋላ ግን ወደ ኋላ ተመልሰው ያንን ግፍና በደል መመልከት አለመፈለጋቸውን አውስቶ፣ ኢትዮጵያም ውስጥ ስለተፈጸመው ግፍና በደል ወደኋላ መመልከት ተገቢና አስፈላጊ ባለመሆኑ፣ ወደፊት የሚታየውንና ያለውን በሰላም፣ በዴሞክራሲ፣ በወንድማማችነት፣ በፍቅርና በአንድነት ተስፋ ላይ መሥራት ተገቢ መሆኑን አስረድቷል፡፡

በአሁኑ ጊዜ በኢትዮጵያ የብሔር ጥቃት እየታየ መሆኑን የገለጸው እስክንድር፣ ‹‹የብሔር ጥቃት፣ የፋብሪካና ሌሎች ቃጠሎዎች፣ በንብረትና በሕዝብ ላይ የሚደርሱ ጉዳቶች ያለምንም ቅድመ ሁኔታ መቆም አለባቸው፤›› ብሏል፡፡ የሕዝብ ትግል ግቡ ለጥሩ ነገር ስለሆነ፣ ሥልቱም ጥሩ መሆን እንዳለበት አሳስቧል፡፡ ሥልቱ ከተበላሸ ግቡን ማስተካከል ስለማይቻል፣ በተለይ ወጣቱ ሥልቱ ላይ መጠንቀቅ እንዳለበት ምክሩን አስተላልፏል፡፡ ለግቡ ያለውን ራዕይ በሥልቱ ማሳየት እንዳለበትም አክሏል፡፡ በኢትዮጵያ የብሔር ጥቃት በመታየቱ መፍራት ተገቢ አለመሆኑንን የገለጸው እስክንድር፣ በደቡብ አፍሪካ ከአፓርታይድ ወደ ዴሞከራሲ ሥርዓት በሚደረግ ሽግግር ተመሳሳይ ጥቃት የተፈጸመ ቢሆንም፣ ያንን ሁሉ ችግር አልፈው የዴሞክራሲ አገር ለመገንባት መቻላቸውን አስረድቷል፡፡ በኢትዮጵያ ግን የብሔር ጥቃት መፈጠርም ሆነ መታሰብ እንደሌለበትና ችግሩን በትክክል የማወቅ ግዴታ የኢሕአዴግ ብቻ ሳይሆን፣ የሁሉም ሕዝብ በመሆኑ በጋራና በአንድነት ተባብሮ በሰላማዊ መንገድ የዴሞክራሲ ሥርዓት መገንባት አስፈላጊ መሆኑን አብራርቷል፡፡

በኢትዮጵያ የሚታዩትን ግጭቶች ከምንጩ ለማድረቅ መንግሥት ያለምንም ቅድመ ሁኔታ በሕጋዊ መድረክና ከሕጋዊ መድረክ ውጪ ካሉ የፖለቲካ ድርጅቶችና ኃይሎች ጋር መደራደር እንዳለበት የተናገረው እስክንድር፣ ኢሕአዴግ ቀደም ብሎ የሚያስቀምጣቸውን ቅድመ ሁኔታዎች ትቶ ካልተደራደረ ግጭቶች እየተባባሱና ሥር እየሰደዱ ሄደው አገር አደጋ ላይ እንደምትወድቅ ጠቁሟል፡፡ የደቡብ አፍሪካ ናሽናል ፓርቲ መሬት ላይ ያለው ሁኔታ እየተባባሰና እየተበላሸ መሄዱን ሲያይ ከኤኤንሲ (ANC) በመደራደሩ ለውጤት መብቃቱን ጠቁሞ፣ ‹‹ይኼንን ጥበብ ኢሕአዴግም መማር አለበት፤›› ብሏል፡፡

ኢሕአዴግ በመርህ ደረጃ ከፖለቲካ ፓርቲዎች ጋር እየተደራደረ መሆኑን እየገለጸ ቢሆንም፣ ‹‹ግን ከማን ጋር ነው የሚደራደረው? ቢሆንም እንኳን ግማሽ መንገድ ይቀረዋል፤›› የሚለው እስክንድር፣ ጊዜው አሁን ስለሆነ ከሁሉም ጋር በመደራደር የኢትዮጵያን አንድነት መጠበቅ ተቀዳሚ ተግባር ማድረግ እንዳለበት አሳስቧል፡፡ ኢሕአዴግ ውስጥ ለኢትዮጵያ አንድነት የሚጨነቁ ሰዎች እንዳሉ ስለሚታወቅ፣ ፓርቲያቸው ወደ ሰላም አቅጣጫ እንዲሄድ መታገል እንዳለባቸውም ጠቁሟል፡፡ የፖለቲካ እስረኞች የማይኖሩባት አገርና ሥርዓት መገንባት እንዳለበት የጠቆመው እስክንድር፣ የታሰሩ ዜጎችን ያለምንም ቅድመ ሁኔታ ፈትቶ የዴሞክራሲ ሥርዓት ግንባታው አካል መሆን እንዲችሉ ማድረግ ተገቢና የግድ መሆኑን አስረድቷል፡፡

ኢትዮጵያውያንን ዘረኝነት አይገልጸንም፣ አይወክለንምም- አንዱዋለም አራጌ

አንዱዋለም አራጌ

አንጋፋው የቀድሞ የአንድነት ፓርቲ ም/ሊቀመነበር፣ አገር ቤት ለሚታተመው ሪፖርተር ጋዜጣ እንደገለጸው፣ ኢሓዴግ ለ26 አመታት ዴሞርካሲን ሲዞረው ቆይቶ መጨረሻ ላይ ለዲሞክራሲ እቅፋት የሆነው ራሱ መሆኑን ማመኑና እስረኞችን ለመፍታት መሞከሩ እንዳስደሰታቸው ገልጸው፣ ከዚህ በኋላ በአገሪት አዲስ መራፍ መጀመር እንዳለበት ያሳስባሉ። አቶ አንዱዋለም ‹‹አሸባሪ፣ አገር ከጂና ሌሎች የተለያዩ ነገሮችን መናገር ትርጉም የለውም፡፡ እጅ ለእጅ ተያይዘን ከችግር መውጣት አለብን” ሲሉ ኢትዮጵያ በፊቱ ትልቅ ችግር እንደተጋረጠባትና ኢትዮጵያዉይና በአንድ ላይ ሆነው በጋራ ማደግ እንዳለባቸው ነው የገለጹት።

በአገሪቷ ያለው የዘር ግጭት ፣ የዘር ፖለቲካ ለብዙ ዜጎች መፈናቀል፣ መሞት ምክንያት መሆኑ ይታወቃል። አቶ አንዱዋለም ” ሥርዓቱ ተስፋ የሚያስቆርጥ ቢሆንም፣ ወጣቱ ግን መጠንቀቅና ከጥፋት መራቅ አለበት፡፡ በተለይ ወጣቱ፣ ዘረኝነት የሚሉትን ነቀርሳ መቋቋምና ማስወገድ አለበት፡፡ ኢትዮጵያውያንን ዘረኝነት አይገልጸንም፣ አይወክለንምም” ሲሉ ዜጎች ከዘር ፖለቲካና አስተሳሰብ እንዲወጡ አሳስበዋል።

ሪፖርተር ጋዜጣ አቶ አንዱዋለማ አራጌ በተናገሩት ዙሪያ ያሰፈረውን እንደሚከተለው ቀርቧል፡

——

ሰሞኑን ከተፈቱት ፍርደኞች መካከል አንዱ የሆነው የቀድሞ አንድነት ለዴሞክራሲና ለፍትሕ ፓርቲ (አንድነት) አመራር የነበረው አቶ አንዱዓለም አራጌ በበኩሉ እንደተናገረው፣ ‹‹እስር ቤት ያሳለፍኩትን የግፍ፣ የመከራና፣ የስቃይ ዓመታት ወደኋላ ሄጄ ማሰብ አልፈልግም፤›› ይላል፡፡

‹‹በደሌን መቁጠር ከጀመርኩ ቁስሌ ያመረቅዛል፣ ሕመሜን ማዳመጥ አልፈልግም፤›› የሚለው አቶ አንዱዓለም፣ ብዙ የተጎዳም ቢሆን ፈጣሪው ፀጋውን አብዝቶለት እስሩንና የደረሰበትን በደል ተቋቁሞ መፈታቱን ተናግሯል፡፡

በተለይ በመጀመርያዎቹ ሁለት ዓመታት ተኩል አይደለም በአገር ዜጋ ላይ ቀርቶ በሌላ አገር ዜጋ ላይም ቢሆን ሊፈጸም የማይገባ በደል እንደተፈጸመበት ገልጾ፣ እስከ መጨረሻው የእስር ዘመን (ስድስት ዓመታት ከስድስት ወራት) የደረሰበት በደል የሚሰቀጥጥ በመሆኑ ማንሳት እንደማይፈልግ ተናግሯል፡፡ ግን ያ መስዋዕትነት እንደሚፈጸምበት አስቀድሞ ስለሚያውቅ ለመሞት ጭምር ተዘጋጅቶ እንደነበር አስረድቷል፡፡

ወንጀል ሳይሠራ ነፃ ሆኖ መወያየትና መከራከር ኢሕአዴግን እንደ መድፈርና አልገዛምና የበላይነትን እንደ ማስፋፋት ስለሚቆጠር፣ ጥቃት እንደሚደርስበት ያውቅ እንደነበር ገልጾ፣ ለነፃነት የከፈለው መስዋዕት በመሆኑ እንደማይበዛ ተናግሯል፡፡ በእሱ ላይ የደረሰው እስራት፣ በደልና ስቃይ በቀለ ገርባና ኦልባና ሌሊሳን ጨምሮ በሌሎችም ወገኖች ላይ የደረሰ መሆኑን ጠቁሟል፡፡

ከማዕከላዊ ወደ ማረሚያ ቤት ሲወርድ የታሰረው አገሪቱ ውስጥ አሉ የሚባሉ አደገኛ እስረኞች በሚታሰሩበት ‹‹ቅጣት ቤት›› በሚባል ማሰቃያ ቦታ መሆኑን ጠቁሞ፣ መዳፍ በምታክል ቦታ ላይ እስከ በር ድረስ በተነጠፈ ፍራሽ ላይ በወንጀል የማይመሳሰሉ 18 ታሳሪዎች እርስ በርስ ተደራርበው፣ በተለይ ለሁለት ዓመት ተኩል መቆየቱን አስታውቋል፡፡

አቶ አንዱዓለም ወደፊት በምን ሁኔታ እንደሚቀጥል ለቀረበለት ጥያቄ በሰጠው ምላሽ፣ ‹‹ስለወደፊቱ ለመናገር ገና ነኝ፡፡ ታስሬ የነበረው ምንም መረጃ በሌለበት ቦታ ነው፡፡ መጀመርያ ጆሮና ዓይኔን ከፍቼ አካባቢውን መረዳት አለብኝ፡፡ እኔ ባልነበርኩበት ጊዜ የተፈጠረው የፖለቲካ እንቅስቃሴ ምን ይመስል እንደነበርና የአገሪቱን ሁኔታ በጥሞና ለመረዳት ጥረት አደርጋለሁ፤›› ከዚያ በኋላ የራሴን ትንተና ሠርቼ ምን ማድረግ እንዳለብኝ እወስናለሁ፤›› ብሏል፡፡

አቶ አንዱዓለም እንደሚለው ሕይወት ማለት ነፃነት ነው፡፡ ነፃነት የሌለበት ሕይወት ብዙም ትርጉም እንደማይሰጠውና ህሊናው እየወቀሰው ራሱን ሳይሆን ‹‹ቀንበር›› እየሳበ በአገሩ ላይ መኖር እንደማይፈልግም ተናግሯል፡፡ ‹‹ታሪካችን ሁሉ የአገዛዝ ነው፤›› የሚለው አቶ አንዱዓለም፣ ከእነ ጄኔራል መንግሥቱ ነዋይ መፈንቅለ መንግሥት ጀምሮ እስከ ኢሕአዴግ ድረስ የሚደረገው ትግል፣ በተለያየ መንገድ ይገለጽ እንጂ የዴሞክራሲ ትግል መሆኑን አብራርቷል፡፡ ብዙ መስዋዕትነት መክፈሉንና አገሪቱ በአንጡራ ሀብቷ ያስተማረቻቸውን ልጆቿዋን ማጣቷን አክሏል፡፡ በዚያ ጊዜ የተጀመረው የዴሞክራሲ ምጥ አለመወለዱና አገሪቱ አሁንም ጭንቅ ላይ በመሆኗ፣ መገላገልና ታሪኳን መቀየር እንዳለባትም ተናግሯል፡፡ ያ ደግሞ የሚሆነው የዴሞክራሲ ሥርዓት ሲመጣ ነው ብሏል፡፡ አንድ ሕዝብ ትልቅ ነው የሚባለው ሉዓላዊ ሲሆንና አገርም ሉዓላዊ የሚባለው ሕዝቡ የሥልጣን ባለቤት ሲሆን መሆኑን አቶ አንዱዓለም አስረድቷል፡፡

ከነፃነትና ዴሞክራሲ ውጪ በሚመረተው ስንዴ ብዛት ወይም ሌላ ቁሳቁስ ሕዝብን ታላቅ ማድረግ ስለማይቻል፣ ሉዓላዊነቱ መከበር እንዳለበትም አውስቷል፡፡

‹‹ኢትዮጵያውያን እስካሁን ድረስ ሉዓላዊነታችን ተከብሮ አያውቅም፡፡ ይኼ ትልቅ ጎደሎነትና ክፍተት ነው፡፡ አሁን ዘመን ተቀይሯል፡፡ በዚህ ዘመን አሳክተን ማለፍ አለብን፡፡ ይኼንን ለማሳካት ደግሞ ሰላማዊ ትግል ሁነኛው መንገድ ነው፤›› ብሏል፡፡ ዋጋ ቢያስከፍልም ከተመጣበት አዙሪት ተወጥቶ በሰላማዊ መንገድ መታገል አማራጭ የሌለው ነገር መሆኑን አክሏል፡፡ ለማሰርና ለመግደል መዘጋጀት እንደማያስፈልግ አክሏል፡፡

መንግሥት አሁን እስረኞችን መፍታቱንና ያለበትን ሁኔታ በሚመለከት አቶ አንዱዓለም፣ ‹‹ኢሕአዴግ የዴሞክራሲን ነገር ዙሪያውን ሲዞረው ነበር፡፡ ከ26 ዓመታት በኋላ ግን የዴሞክራሲ እንቅፋት መሆኑን አምኗል፡፡ በፖለቲካ ፓርቲዎችና አመራሮቹ ላይ ችግር መፍጠሩን በመገናኛ ብዙኃን ተናግሯል፤›› በማለት ይኼንን ያከብርለታል፣ ያደንቅለታል፡፡ ‹‹እየገደለ ራሱን እንደ መላዕክት ከመቁጠር ስህተቱን በትክክል ማየቱ ጥሩ ነው፡፡ እስረኞችንም ለመልቀቅ የመጣበት ሒደት የሚበረታታ በመሆኑ ጥሩ ነው፤›› ሲል አቶ አንዱዓለም ተናግሯል፡፡ ‹‹አሸባሪ፣ አገር ከጂና ሌሎች የተለያዩ ነገሮችን መናገር ትርጉም የለውም፡፡ እጅ ለእጅ ተያይዘን ከችግር መውጣት አለብን፤›› ብሏል፡፡

አንዱ እየገነባ ሌላው እያፈረሰ፣ አንዱ እየተናገረ ሌላው እየተቃወመ፣ መደማመጥና መናበብ ሳይኖር ይችህን አገር እንገነባታለንና በርቀት እናስጉዛታለን ብሎ ማሰብ አስቸጋሪ መሆኑንም አክሏል፡፡

ኦሮሚያ ላይ ተጀመሩት ነገሮች ጥሩ መሆናቸውንና በሌሎችም ክልሎች ‹‹የኢትዮጵያ ጉዳይ ያገባናል፤›› የሚል አስተሳሰብ መምጣት እንዳለበት የተናገረው አቶ አንዱዓለም፣ በውጭው ዓለም ያደጉት አገሮችም የፖለቲካ ልዩነት የላቸውም ማለት ሳይሆን፣ ተቻችለውና በያገባኛል መንፈስ ተግባራዊ ማድረግ በመቻላቸው መሆኑን አስረድቷል፡፡ በኦሮሚያ ክልል መንግሥትና ባለሥልጣናት ላይ የታየው ሆደ ሰፊነት በኢሕአዴግም ላይ ሊተገበር እንደሚገባ አክሏል፡፡

ኢሕአዴግ በኢትዮጵያ ጉዳይ ያገባኛል የሚሉ ሁሉ አብረውት እንዲመክሩና እንዲሠለፉ ቆራጥነት እንደሚስፈልገውና ከዚህም የሚበልጥ ዕድል እንደሌለ ተናግሯል፡፡ ‹‹ከተወሰኑ አሥርት ዓመታት በኃላ ሁላችንም የለንም፤›› የሚለው አቶ አንዱዓለም፣ ግን ለልጅ ልጅ የሚተርፍ ታሪክ ሠርቶ ማለፍ የተሻለ መሆኑን ጠቁሟል፡፡ መንበርከክና ማንበርከክን ትቶ ሆደ ሰፊ ሆኖ ለሁሉም የሚበጅ ነገር መሥራት ተገቢ መሆኑን ገልጿል፡፡ የተፈጠረን ችግር ለማክሸፍ ብሎ ኢሕአዴግ ማሰር መፍታቱን ከቀጠለ፣ የባሰ ነገር ውስጥ እንደሚገባና አደገኛ መሆኑንም አሳስቧል፡፡ አዲሱ ትውልድ ዝም ብሎ የሚቀበል ሳይሆን ከዘመኑ ጋር አብሮ የሚለወጥና ፈጥኖ አሳቢ በመሆኑ፣ በአገሪቱም ላይ አዲስ ዘመን እንዲመጣ ተባብሮና ፈጥኖ የሚያስብ ዴሞክራሲያዊ ሥርዓትና መሪ አስፈላጊ መሆኑን አቶ አንዱዓለም አስረድቷል፡፡

ወጣቱ ምን ማድረግ እንዳለበት ተጠይቆ በሰጠው ምላሽ፣ ወጣቱ ንብረት ማቃጠል የለበትም፡፡ ሥርዓቱ ተስፋ የሚያስቆርጥ ቢሆንም፣ ወጣቱ ግን መጠንቀቅና ከጥፋት መራቅ አለበት፡፡ በተለይ ወጣቱ፣ ‹‹ዘረኝነት የሚሉትን ነቀርሳ መቋቋምና ማስወገድ አለበት፡፡ ኢትዮጵያውያንን ዘረኝነት አይገልጸንም፣ አይወክለንምም፤›› ብሏል፡፡ ‹‹አባቶች የዓድዋን ድል የተቀዳጁት፣ ከየአቅጣጫው ተጠራርተውና አንድ ሆነው ባደረጉት ተጋድሎ በመሆኑ፣ አብረው ሞተው አብረው የተቀበሩ እንጂ ዘር ቆጥረው አለመሆኑን ልብ ማለት ተገቢ ነው፤›› ሲል አውስቷል፡፡ ከመቶ ዓመታት በኋላ ፍቅርና ታሪክ መሥራት ይገባል እንጂ፣ ሰው ዘሩ ተቆጥሮ ጥቃት ለመፈጸም መዘጋጀትና ማሰብ ፀያፍ መሆኑን አክሏል፡፡ ከዘረኝነት ታቅቦ ለሰላማዊ ትግል በመሠለፍ ኢትዮጵያን ወደፊት ማራመድ ተቀዳሚና ዋናው ተግባር የወጣቱ መሆን እንዳለበት አቶ አንዱዓለም አብራርቷል፡፡

ኃይለ ማርያም ደሳለኝና ሥልጣን (ፕ/ር መስፍን ወልደ ማርያም)

ፕ/ር መስፍን ወልደ ማርያም
የካቲት 2010

Mesfin Woldemariam

ኃይለ ማርያም ደሳለኝ በፈቃዱ ከባለሥልጣንነት ተሰናበተ፤ ብዙ ሰዎች አስተ አስተያየታቸውን በቴሌቪዥን ሲገልጹ እንደሰማሁት ከጠቅላይ ሚኒስትርነት በፈቃዱ ለመሰናበት ለኢትዮጵያ የመጀመሪያ ነው ይላሉ፤ ይህ የማስታወስ ችሎታችንን ዝቅተኛነትን ያመለክታል፤ ጸሐፌ ትእዘዝ አክሊሉ ሀብተ ወልድን ረስተናል! (ስለዚህ ጉዳይ በእንዘጭ! እምቦጭ! የኢትዮጵያ ጉዞ ላይ ዘርዘር አድርጌ ገልጫለሁና ወደዚያ አልገባም፤)፡፡

ኃይለ ማርያም የለቀቀው በእርግጥ በፈቃዱ ነው ወይስ ተገፍቶ ነው የሚለውን ጥያቄ አሁን ለመመለስ አይቻልም፤ ነገር ግን የጠቅላይ ሚኒስትሩ ስንብት ከዛሬው የኢትዮጵያ ከባድ ችግር ጋር፣ ከለማ መገርሳና ከዓቢይ አስተሳሰብ ጋር፣ ከኢትዮጵያ ሕዝብ ንቃት ጋር ምን ዓይነት ገመድ እንደሚያያይዛቸው ወደፊት ጊዜ ይገልጥልናል፤ በኃይለ ማርያም ስንብት ማግስት የተተኮሰው የአስቸኳይ ጊዜ አዋጅ እርቅንና ሰላምን መመኘትን አያመለክትም፤ በአንጻሩ ብዙ እስረኞች መፈታታቸው ለሰላምና ለእርቅ የሚጋብዝ ይመስላል፤ ማታለል ካልሆነ!

የሆነ ሆኖ ለሃያ ሰባት ዓመታት ሙሉ መተማመን እየጠፋ ጥላቻ እየከፋ፣ የባለሥልጣኖች ንቅዘት እየተስፋፋ በመሄዱና የደሀው ሕዝብ መራቆት አዲስ ያልተጠበቀ አደጋን አንጠልጥሎ መጣ፤ ለሦስት ሺህ ዓመታት የቆየውን ባህላዊ ትስስር ሰባብሮ የጎሣ አገዛዝና የጎሣ መለዮ የተጫነበት ሕዝብ አኮረፈ፣ ተነጫነጨ፣ ተቆጣ፤ ያገኘው መልስ መታሰር፣ መደብደብ፣ መገደል ብቻ ሆነ፡፡

በታኅሣሥ 2013 ትዝብት በሚል ጋዜጣ ላይ የወጣ የጊዜውን ሁኔታ የሚገልጽ ዘገባ ነበር፤ ርእሱ የዛሬው ሁኔታ የት ያደርሰናል የሚል ነበር ቀደም ብዬ ከዚያ በፊት ጊዜው ሳይደርስ ገና በ2009 ዓ.ም. የክህደት ቁለቁለት በሚል ርእስ አንድ መጽሐፍ አበርክቼ ነበር፤ ቀጥዬም በ2010 ዓ.ም. እንዘጭ! –እምቦጭ! የኢትዮጵያ ጉዞ በሚል ርእስ ሌላ መጽሕፍ አሳተምሁ፤ እነዚህ መጻሕፍትና ሌሎችም ጽሑፎች የአገዛዙንም ሆነ የሕዝቡን ችግር ፈልፍለው የሚያሳዩ መስሎኝ ነበር፤ነገር ግን አሁንም አዝማሚያችን ባህል ያደረግነውን አንዱ ጉልበተኛ በሌላ ጉልበተኛ ሲመታ፣ ሕግ በጉልበተኛነት ተሸንፎ ሕዝብን በጣም የሚያስጨቅ ሁኔታ ሲሰፍን ነው፤ በ1983 ዓ.ም. የተወጠነው የአገር አገዛዝ ዓላማና አቅጣጫ የሕዝብን ስሜት ያላካተተ ነበር፤ ገዢዎቻችን በዚያን ጊዜ በድንቁርና የፈጠሩትን ችግር ዛሬ በግዳቸው ተጋፍጠውታል::

በ1983 የኢትዮጵያ ሕዝብ እንደልማዱ የተነቀለውን በደስታና በእልልታ ሸኘና ጉልበተኞች የተከሉትን በደስታና በእልልታ ተቀበለ፤ ወዲያው ማልቀስ ጀመረ፤ ሃያ ሰባት ዓመት ሙሉ አለቀሰ፤ ተፈናቀለ፤ ተጎሳቆለ፤ ተባረረ፤ ተደናበረ፤ ደኸየ፤ ተራቆተ፤ እንባውን አሟጠጠ፤አግዜርን ተለማመጠ፡፡

እግዚአብሔር በጥበቡ ለኢትዮጵያ ሕዝብ አንቂ አጋር የሚሆኑትን ላከለት፤ ኮሎኔል ደመቀ፣ ፍቅሬ ቶሎሳ፣ ሰሎሞን ዴሬሳ፣ ከዚያም ለማ መገርሳ፣ ዓቢይ (ዶር)፣ ሬሳ የመሰለው የኢትዮጵያ ሕዝብ አጋር ሲያገኝ ተንቀሳቀሰ፣ ትንፋሽ ተነፈሰ፣ ያለነው እዚህ ላይ ነው፡፡

የጻእረ ሞት እንቅስቃሴና የንቃት እንቅስቃሴ ሊመሳሰሉ ይችላሉ፤ ግን ሁለቱን ማሳሳት (ንቃትን እንደ ጻእረ ሞት ወይም ጻእረ ሞትን እንደንቃት መቀበል) በጣም አደገኛ ነው፤ ንቃት የሕያውነት ብሥራት ነው፤ ጻእረ ሞት የሞት ብሥራት ነው፤ ኢትዮጵያ ዛሬ በሁለት ብሥራቶች መሀከል ነች፤ መግደል የሞት አጋፋሪ ነው፤ መግደል የሕይወት ጸር ነው፤ ንቃት የአዲስ ሕይወት፣ የነጻነት ክህሎት፣ የሀሳቦች ፍጭት፣ የልማትና የእድገት ውደድር፣ የዜግነት ኅብረት መሠረት ነው፣ ዛሬ ኢትዮጵያ ያለችበት መንታ መንገድ አንዱ ጻእረ ሞትን ያሳያል፤ ሌላው ሕይወትን ያሳያል፣ በምርጫችን እንሞታለን፤ ወይም በምርጫችን እንለመልማለን፡፡

ኃይለ ማርያም ደሳለኝም የመፍትሔው አካል ለመሆን መንፈሳዊ ምኞት አድሮበታል፤ የኃይለ ማርያም ከሥልጣን መሰናበት ችግርም አለው፤ የመፍትሔው አካል መሆን ችግሩን ሊያደነድነው ይችላል፤ ችግሩ ሲደነድን የአስቸኳይ ጊዜ አዋጅን ይወልዳል!

ግራም ነፈሰ ቀኝ የኢትዮጵያ የፖሊቲካ ኳስ በፈረንጆች የአነጋገር ፈሊጥ ለመጠቀም አሁን ያለችው በወያኔ እግር ስር ነች፤ አሁን ትልቁ ችግር ወያኔ ኳስ መጫወት የማይችል መሆኑ ነው፤ ኳስ ጨዋታ ሕጎችና ዳኞች አሉበትና፤ የሚቀጥሉት ቀኖችና ወሮች ከምንጊዜም የበለጠ ሕጎችና ዳኞች ያስፈልጋሉ፤ ሌላውን አዲሱን የፋና ቴሌቪዥን ፈሊጥ በመከተል በቅርቡ እናየዋለን፡፡

አልአዛርን ከመቃብር ያወጣ አምላከ፣ ዳዊት ጎልያድን እንዲያሸንፍ ያደረገ አምላክ ኢትዮጵያን ለዳግማዊ ትንሣኤ ያበቃታል ብዬ አምናለሁ፡፡