አቶ ኃይለማርያም ደሳለኝና ሜቴክ

አቶ ኃይለማርያም ደሳለኝና ሜቴክ | በኃይሉ ሚዴቅሳ ፍስሀፅዮን

አቶ ኃይለማርያም ደሳለኝና ሜቴክ | በኃይሉ ሚዴቅሳ ፍስሀፅዮን

ሜቴክ ይፋዊ ዝርፊያ ጀምሯል የተባለው ከ2004 ዓ.ም. መጨረሻ ጀምሮ መሆኑን መንግሥት ይፋ አድርጓል፡፡ ይህ ዘመን ደግሞ የቀድሞ ጠቅላይ ሚኒስትር መለስ ዜናዊ ያረፉበትና፣ አቶ ኃይለማርያም ወደ መሪነት የመጡበት ጊዜ ነው፡፡ ይህ ድርጅት ደግሞ ቀጥተኛ ተጠሪነቱ ለጠቅላይ ሚኒስትሩ ነው፡፡ ሜቴክን በቦርድ ሰብሳቢነት ይመሩት የነበሩት ደግሞ ምክትል ጠቅላይ ሚኒስትሩ ደመቀ መኮንን ናቸው፡፡

አስገራሚው ነገርም ይህ ነው፡፡ የሀገሪቱ አንደኛና ሁለተኛ ሰዎች በቀጥታ የሚቆጣጠሩት ተቋም በዚህ ደረጃ ተንኮታኩቶ ሲታይ እነዚህ ሰዎች የትነበሩ ያስብላል፡፡ ሀገሪቱ የፕሮጀክት ማናጅመንት ቀውስ ውስጥ በወደቀችባቸው ባለፉት ዓመታት ጠቅላይ ሚኒስትር ኃይለማርያምና ምክትላቸው ምንም ነግረውን አያውቅም፡፡ ኦዲት ተደርጎ የማያውቅ፣ ሕገወጥ ግዥ ሲፈጽም፣ ሚኒስትሮችን ሲሰድብና ሲያስፈራራ ወዘተ እነዚህ ሰዎች የትነበሩ፡፡

የቀድሞ ጠቅላይ ሚኒስትር ኃይለማርያም ደሳለኝ፣ በተደጋጋሚ የሚሏት አንድ ነገር ነበረች፡፡ ‹‹ሕዝብን ማገልገል መሰጠት ነው›› የምትል፡፡ ሕዝብን ማገልገል ማለት ሌባንና ዘራፊን ቅጣት እንዲያገኝና ልጓም እንዲበጅለት ማድረግ አይደለምን፣ ታዲያ የዚህ ድርጊት ልጓምና፣ የመቅጪያ ሕግስ ከአቶ ኃይለማርያምና ምክትላቸው ውጭ ማን እጅ ነበረ?

አቶ ኃይለማርያም የለውጥ አካል ለመሆን ሥልጣኔን ለቀቅሁ ካሉ በኋላ፣ ምንም ወንጀል የሌለባቸው ሐገር ወዳድ ተብለው በጠቅላይ ሚኒስትር ዓቢይ ተወደስው፣ አንገት ሙሉ ወርቅ ተሸልመው ተሸኙ፡፡ አቶ ደመቀም ከቦርድ ሰብሳቢነት እስከ ምክትል ጠቅላይ ሚኒስትርነት አሁንም ሥልጣን ላይ ናቸው፡፡

ትናንት ሜቴክን ከፔትሮብራስ ጋር አነፃፅሬ በፃፍሁት ጽሁፍ ላይ እንዳሳየሁት፣ ማይክል ቲመር እነ ሉላ ዳሲልቫን ሲያስር ከፔትሮብራስ ገንዘብ ወስደዋል ብሎ አይደለም፡፡ ይህ ፕሮጀክት ሲከስር መንግሥታዊ ኃላፊነታችሁን ተጠቅማችሁ አላዳናችሁትም ብሎ እንጂ፡፡

አቶ ኃይለማርያም ግን ሥራ ላይ ሳይሆን ጸሎት ላይ እንደከረሙ በቴሌቭዥን እየመጡ እየነገሩን ነው፡፡

አኬልዳማ ቁጥር ሁለትን አየሁት!

ከሚሊኒየም ወዲህ የመንግሥት መገናኛ ብዙሃን እንደ ዶክመንተሪ ደጋግመው የሰሩት ሥራ የአፈርና ውሃ ጥበቃ ሥራ ብቻ ይመስለኛል፡፡ በተለይ ብዙ ፖለቲካ እና ፖለቲከኞችን የተመለከቱ ሥራዎች በዘጋቢ ፊልም ቀርበዋል፡፡ ጂሃዳዊ ሀረካት፣ አኬልዳማ፣ አዲስ አበባን እንደ ባግዳድ ወዘተ የሚሉትን የሃይስኩልም የዩኒቨርሲቲ ተማሪ ሆነን አይተናል፡፡

አብዛኞቹ ዶክመንተሪዎች ተቃዋሚ ፖለቲከኞችን ማዕከል ያደረጉ ነበሩ፡፡ ከሁሉም ግን አኬልዳማን መርሳት የለብንም፡፡

እስክንድር ነጋ፣ አንዷለም አራጌ…ወዘተ የተባሉ ፖለቲከኞች ገና በቁጥጥር ሥር እንደዋሉ፣ ክስ እንኳ ሳይመሰረትባቸው ነበር አኬልዳማ የቀረበው፡፡ አኬልዳማ የደም መሬት ነው፡፡ እነዚህን ከእስኪብርቶ በላይ የጨበጡት ነገር የሌላቸው ፖለቲከኞች ባንክና ታንክ ላለው መንግሥት ሥጋት ናቸው ተብሎ አገርን የደም መሬት ሊያደርጉ ነበር ተባለ፡፡

እዚህ ጋር ልብ ሊባለው የሚገባው ነገር አለ፡፡ መንግሥት ይህንን ሲያደርግ ሰዎቹን ፍርድ ቤት አልበየነባቸውም፡፡ በመጨረሻም አንድነት ፓርቲ ይህ ዶክመንተሪ ስም ማጥፋት ነው ብሎ ከሰሰ፡፡ ፍርድቤትም አዎ ስም ማጥፋት ነው አለ፡፡ ቴሌቭዥኑም ይቅርታ እንዲጠይቅ ታዘዘ፡፡

በፍርድቤት ጥፋተኛ ያልተባለን ሰው ወንጀለኛ ብሎ መፈረጅ፣ በሚዲያ ሕግም ሆነ በሌሎች ሕጎች ያስጠይቃል፡፡ ምክንያቱም በፍርድ ሂደቱ ላይ ተጽእኖ ያሳርፋል ተብሎ ስለሚታሰብ ነው፡፡ የትናንቱ ዶክመንተሪም ምናባዊው ወዘተ ከሚባል አኬልዳማ ቁጥር ሁለት ቢባል ይሻላል፡፡

በይዘት ካልሆነ በስተቀር በአቀራረብም ሆነ በአፈራረጅ (በቅርጽ) ልዩነት የለውም፡፡ ገና ለገናው ሕዝብ ብንነግረው ከመደነቅ አልፎ ምንም አይለንም ተብሎ ከሆነ ያስተዛዝባል፡፡ ተፈጽሟል የተባለው ወንጀል፣ ከአሁን በፊት በተለየዩ መንገዶች ሲወራና ሲራገብ የነበረ መሆኑ ይታወቃል፡፡ ጉዳዩ ከሕዝብ የተሰወረ ላለመሆኑ ቢያንስ ፓርላማው እማኝ ነው፡፡ በተደጋጋሚ ፓርላማው ይህንን ጉዳይ ሲናገር ነበር፡፡ የሜቴክ አመራሮችም አንዳንዴ አምነው ‹‹መሰዋት ካለብኝ ልሰዋ›› እያሉ፣ ሌላ ጊዜ ደግሞ በምንም አታመጡም መንፈስ ሲከራከሩ ነበር፡፡ እናም ጉዳዩ የአደባባይ ምስጢር ከሆነ ውሎ አድሯል፡፡ የትናንቱ ዶክመንተሪ የነገረን አዲስ ነገር የለም፡፡

ይህንን ዘጋቢ ፊልም ከአኬልዳማ ጋር የሚያመሳስለው በፍርድቤት ጥፋተኛ ያልተባሉ ሰዎችን ስምና ድርጅቶች ወንጀለኛ ሲል ማምሸቱ ነው፡፡ ይህ እስከዛሬ ከነበሩት አሰራሮች የቀጠለ ክፉ ድርጊት ነው፡፡ ‹‹የጠሉትን ለመምታት ዘጋቢ ፊልም መሥራት›› የሚል ብሒል ቀጥሏል፡፡

(ከአዘጋጁ፡- ይህ ጹሑፍ የጸሐፊውን እንጂ የድሬቲዩብን ኤዲቶሪል አቋም አያንጸባርቅም)

Advertisements

በኢትዮጵያ አየር መንግድ ላይ የተደረገ ምርመራ እና መግለጫ (ሚክይ ዓምሃራ)

ANA (All Nippon Airways) የተባለዉ የጃፓን አየር መንገድ ከቦይንግ ያዘዛቸዉ 5 B787 ድሪም ላይነር ደረጃቸዉን ያልጠበቁ በመሆኑ እና ዲዛይናቸዉ ችግር ስላለበት እንዲሁም ጭነት ሳይጭኑ በራሱ ከባድ በመሆናቸዉ ከቦይንግ ጋር የነበረዉን ዉል ያፈርሳል፡፡ ቦይንግ ገዢ እንደምንም ሲያፈላልግ የኢትዮጵያ አየር መንገድ ፈቃደኛ በመሆን ይወስዳቸዋል፡፡አየር መንገዱ 5ቱን አዉሮፕላኖች እያንዳንዱን አዉሮፕላን በ 90 ሚሊየን ዶላር ከገዛ በኋላ መልሶ ለደቡብ አሜሪካ አንድ ካምፓኒ እያንዳንዱን በ 120 ሚሊየን ዶላር ይሸጥለታል፡፡ ይህ ካምፓኒ ከገዛቸዉ በኋላ መልሶ ለኢትዮጵያ አየር መንገድ በ 25 አመት ዉል ያከራየዋል፡፡ ያ ማለት አሩሮፕላኖች እስኪያረጁ ማለት ነዉ፡፡በዚህ ዉል ላይ ከ 15 ሚሊየን ዶላር በላይ ኮሚሽን ለአየር መንገዱ ሃላፊዎች ተከፍሏል፡፡

– እኒህ በሊዝ ተከራይቶ የሚያበራቸዉ አዉሮፕላኖች የሞተር ዘይት ችግር ምክንያት እንዲሁም የተገጠመለት Trent 1000 Rolls Royce ሞተር ችግር ምክንያት 4ቱ አዉሮፕላኖች ከአመት በላይ ሳይበሩ ተቀምጠዋል፡፡ የዚህ አውሮፕላን የሊዝ ክፍያ በዶላር በወር 800,000 እስከ 1.25 ሚሊየን USD ድረስ ነው፡፡ ሳየሰሩ በየወሩ መንግስት 1.25 ሚሊየን ዶላር ለደቡብ አሜሪካዉ ካምፓኒ ይከፍላል ማለት ነዉ፡፡አየር መንገዱ ደግሞ በቀን የሚያስገባዉን እስከ 110 ሽህ ዶላር ያጣል፡፡

– የኢትዮጵያ አየር መንገድ ሃላፊዉ የግሉ አዉሮፕላን እንዳለዉ ተረጋግጧል (ከክንፈ ዳኛዉ ጋር በሸር የገዟት ናት ይባላል)፡፡ አዉሮፕላኗ የተመዘገበችዉ Boing 767 -300 ER ET AMF በሚል ነዉ፡፡አዉሮፕላኗ ባብዛኘዉ ግብጽ እና ታንዛኒያ ትበራለች፡፡ አቶ ተወልደ በሲሸልስ የ ባለ 5 ኮከብ ሆቴል ያስገነባ ሲሆን በኢትዮጵያ አየር መንገድ የፕሮሞሽን ክፍል ዉስጥ ሲሸልስ የሚሄዱ ፓይለቶች እና ሌሎች ሰራተኞች ይሄን ሆቴል እንዲጠቀሙ ይገፋፋሉ፡፡ የህወሃት እና የሜቴክ ሃላፊወች የቅዳሜ እና እሁድ የሚያሳልፉት ሲሸልስ በዚህ ሆቴል ዉስጥ ነዉ፡፡

– በዉጭ ሀገር ባሉ የአየር መንገዱ የቲኬት መሸጫወች የተሰበሰበ 67 ሚሊየን ዶላር ወደ ሃገር ቤት ሳይገባ በዛዉ ቀርቷል፡፡ በተጨማሪም በዶላር ለሃገሪቱ ገቢ መደረግ የነበረበት 85 ሚሊየን ዶላር እዛዉ ዉጭ ሃገር በግለሰቦች ባንክ በማስቀረት ከሜቴክ እና ወጋገን ባንክ በወጣ የኢትዮጵያ ብር ገቢ ተደርጓል፡፡

– የአየር መንገዱ ሃላፊ ሰራተኞችን በዘር እና በዘምድ አዝማድ በመቅጠር እንዲሁም በማባረር ተጠምዶ ከርሟል፡፡ ሁለተኛ ሚስቱን በሎስ አንጀለስ የአየር መንገዱ ጣቢያ ሃላፊ አድርጎ ሹሟል፡፡ቦርድ ሳይፈቅድለት የአየር መንገዱ ሃላፊ በየ ሁለት ወሩ ጀርምን የህክምና ክትትል ያደርጋል፡፡ ይህም በሚሊየን ዶላር ወጭ አስወጥቷል፡፡

– በባለፈዉ አመት በማኔጅመንት ችግር 450 አካባቢ የበረራ አስተናጋጆች፤ 80 ቴክንሺያኖች፤ አበራሪዎች እና ሌሎች በመቶወች የሚቆጠሩ ሰራተኞች ለቀዋል ወይም በብሄራቸዉ ምክንያት ተባረዋል፡፡

– ክነፈ ዳኛዉ እና ተወልደ ሁነዉ ሜቴክ የገዛትን አዉሮፕላን ለሌላ ድርጅት (ኤሽያ ዉስጥ ኔፓል ዉስጥ ላለ የእርዳታ ድርጅት ነዉ የሚል ሲሆን መረጃዉ በደንብ ስላልተረጋገጠ ቀጣይ ይጣራል) አከራይተዋታል፡፡ አገናኙ ተወልደ ነዉ፡፡

– የአየር መንገዱ ሃላፊ ተወልድ ገብረእግዛብሄር በዘመዱ በአዲያም ገብረእግብሄር ስም 4 የተለያዩ ህንጻወች አዲስ አባባ ዉስጥ እያስገነባ እንደሆነ ተደርሶበታል፡፡ አዲያም ገብረእግዛብሄር የሳሙኤል ሰንሻይን ባለቤት ዉሽማ ስትሆን ህንጻዉቹ የሚሰሩት በሰን ሻይን ኮንስትራክሽን ነዉ፡፡ አዲያም ገብረ እግዛብሄር የኢትዮያን ካር ጎ በመጠቀም ዘመናዊ መኪናወችን ያለቀረጥ ከጀርመን በማስገባት እና በመሸጥ ትታወቃለች፡፡

– ለሰራተኞች መኖሪያ ብሎ አየር መንገዱ ያሰራዉ ህንጻወች ለአንድ ብሄር ልጆች ብቻ በመስጠት እንዲሁም ህንጻወችን ለመስራት ጨረታ ያሸነፈዉን ድርጅት በመተዉ ለአንድ ለህወሃት ካምፓኒ (አፍሮ ጺወን) በመስጥት በሚሊየን የሚቆጠር ብር ጠፍቷል፡፡

– የአየር መንገዱ የህዝብ ግንኙት ሃላፊ ባልተቤት የአየር መንገዱ ሰራተኛ ባይሆንም የአየር መንገዱ የደሞዝ መክፈያ ሊስጥ ዉስጥ ስሙ ተገኝቷል፡፡ ይሄም ማለት ሰራተኛ ሳይሆን ከአየር መንገዱ ደሞዝ ይወስዳል ማለት ነዉ፡፡

– የአየር መንገዱ የዲጅታል ዲፓርትመንት የፖለቲካ ማስኬጃ በማድረግ ከ 120 በላይ የአይ ቲ ባለሙያቸወን በመቅጠር ሶሻል ሚዲያን በመጠቀም ህዝበን ከህዝብ ሲያጋጩ ይዉላሉ፡፡ ሰሞኑን ሊታወቅ ይችላል ተብሎ በመፍራት ወደ 60 ሚሆኑትን ቀንዋል፡፡

– አየር መንገዱ ለድራግ እንዲሁም የዝሆን ቀንድ እና የመሳሰሉ ኢሌጋል ቢዝነስ ዉስጥ በመግባቱ ብዙ ሀገሮች ማስጠንቀቂያ ለአየር መንገዱ ሰተዋል፡፡

– ለሰራተኞች መኖሪያ ገንዘብ ከ PTA ባንክ በሚሊየን ዶላር ተበድሮ ነገር ግን ግማሹ ቤቱ ሳይሰራ የት እንደደረሰ አይታወቅም፡፡

– 2.4 ሚሊየን ብር ለሃጂ ተጓዦች ለተጉላሉበት ሆቴል እና ምግብ ተብሎ ወቶ የአየር መንገዱ ሃላፊዎች ተከፋፍለዉታል፡፡ ይህ የሆነዉ የሃጂ ተጓዦች አየር መንገዱ ዉስጥ ያለምግብ እና መኝታ ለብዙ ቀን እየተጉላሉ ነበር፡፡

– አየር መንገዱ የሚያሰራዉ ሆቴል ኦዲት ሲደረግ እጅግ ብዙ ገንዘብ የፈጀ ሲሆን ከ 45 ሚሊየን ብር በላይ ለማን እንደተከፈለ የማይታወቅ ገንዘብ ማባከን ተገኝቶበታል፡፡

– በአየር መንገዱ ቅጥር ግቢ ዉስጥ ሁለት የምድር ዉስጥ እስር ቤት ተገኝተዋል፡፡ በዚህ እስር ቤት ዉስጥ ሰራተኞች ተደፍረዋል፤ ሞተዋል፡፡

የህወሓቶች ዘራፋና ጨካኔ ኢትዮጵያን በቁሟ እስከ መሸጥ ይደርሳል! (ስዩም ተሾመ)

ሀገር መሸጥ ምንድን ነው?

ህወሓቶች ወደ ስልጣን ከመጡበት ግዜ ጀምሮ የኢትዮጵያን ህዝብ በግፍ አሰቃይተዋል፣ በገፍ ዘርፈዋል። በፖሊስ ጣቢያዎች፣ በማረሚያ ቤቶች እና በድብቅ እስር ቤቶች ሲፈፅሙት የነበረው አሰቃቂ ግፍና በደል ገፈቱን ለቀመሰው ቀርቶ ሲነገር ለሚሰማው እንኳን ይዘገንናል። ነገር ግን ህወሓቶች ወደ ስልጣን ከመጡበት ግዜ ጀመሮ “ሀገር ሽያጮች ነበሩ?” ሲባል ለብዙዎች እውነት አይመስልም።

በዚህ ረገድ በተደጋጋሚ ከሚቀርቡ ማሳያዎች አንዱ የአሰብ ወደብ ጉዳይ ነው። በእርግጥ ኢትዮጵያን የምታክል ሀገር ወደብ አልባ ማድረግ ሀገር ከመሸጥ ተለይቶ አይታይም። ይሁን እንጂ የአሰብ ወደብን አሳልፎ መስጠት ሀገር ከመሸጥ ጋር አይገናኝም የሚሉ ሰዎች ሊኖሩ ይችላሉ። ጉዳዩን በጥልቀት ለመረዳት የሚሻ ሰው ኤርትራ ራሷ ከኢትዮጵያ የተገነጠለችበትን አግባብ በጥሞና ማጤን አለበት። ኤርትራ የተገነጠለችው ከኤርትራዊያን ፍላጎት ይልቅ በህወሓቶች ግፊት መሆኑን ለተረዳ ሰው ጉዳዩ ሀገር መገንጥል ሳይሆን መሸጥ እንደሆነ ለማወቅ ግዜ አያደግተውም።

የኤርትራ መገንጠልና የአሰብ ጉዳይ ብዙ አጨቃጫቂ ሊሆን ይችላል። ነገር ግን በኢትዮጵያና ኤርትራ መካከል ጦርነት ሲቀሰቀስ በአቶ አባይ ፀሓዬ የሚመራ ቡድን በመተማ ወረዳ በመገኘት 24ሺህ ሄክታር መሬት ለሱዳን መስጠቱ ሀገር መሸጥ ነው። በወቅቱ የወረዳው አስተዳዳሪ የነበሩት ግለሰብ አቶ አባይ ፀሓዬ የተጠቀሰው መሬት ለሱዳን እንዲሰጥ ሲያዝዙ ዓይን እማኝ እንደነበሩ በተለያዩ ሚዲያዎች በሰጡት አስተያየት ገልፀዋል። በዚህ ዓይነት ሀገር የመሸጥ ተግባር እጄን አላስገባም በማለታቸው ምክንያት በፈጠራ ክስ እስራትና እንግልት ደርሶባቸዋል።

አንዳንድ የህወሓት አባላትና ደጋፊዎች የተጠቀሱት የወረዳ አስተዳዳሪ “አክራሪ አቋም” ያላቸው የብዓዴን/አዴፓ አመራር እንደመሆናቸው የተናገሩት ነገር የአቶ አባይ ፀሓዬን መልካም ስምና ዝና ለማጥልሸት እንደሆነ ሲገልፁ ይሰማል። ይሁን እንጂ የኢትዮጵያ ጦር አሸንፎ አስመራ ከተማ ሊገባ የተቃረበን የኢትዮጵያ ወታደር ወደኋላ እንዲመለስ ከተደረገ በኋላ ባድመን ለኤርትራ አሳልፎ መስጠት ግልፅ የሆነ ሀገር መሸጥ ነው። በእርግጥ ባድመ በዓለም-አቀፉ ፍርድ ቤት ለኤርትራ የተወሰነች እንደመሆኗ ጉዳዩ ከሀገር መሸጥ ጋር አይገናኝም የሚሉ ወገኖች አይጠፉም። ነገር ግን የባድመ ጉዳይ ሀገር መሸጥ እንደሆነ ለመገንዘብ በወቅቱ የኢትዮጵያ ውጪ ሚኒስትር ጉዳይ የነበሩት አቶ ስዩም መስፍን ባድመ የኢትዮጵያ መሆኗን ለማሳየት ያቀረቡትን ማስረጃ ማየት ያስፈልጋል።

አንደኛ፡- የባድመ ከተማ በ1950ዎቹ በአፄ ሃይለስላሴ ትዕዛዝ በራስ መንገሻ የተመሰረተች መሆኗን፣ ሁለተኛ፡- ኤርትራ ከተገነጠለች በኋላ በ1987 ዓ.ም በኢትዮጵያ በተካሄደው ሀገር-አቀፍ ህዝብና ቤት ቆጣራ የባድመ ከተማና አከባቢዋ ነዋሪዎች መቆጠራቸውና ሙሉ መረጃው በማዕከላዊ ስታትስቲክስ ኤጀንሲ ተቀምጦ እያለ፣ ሦስተኛ፡- የባድመ አከባቢ ሰው አልባ በነበረበትና የኢትዮጵያ ይሁን የኤርትራ አካል መሆኑን መለየት በማይቻልበት በ1900 ዓ.ም በአፄ ሚኒሊክ የተፈረመን የድንበር ስምምነት በማስረጃነት ማቅረብ “ባድመ የኢትዮጵያ አይደለችም” ብሎ እንደመከራከር ነው። ከዚህ አንፃር ባድመ ለኤርትራ ተላልፋ የተሰጠችበት ሁኔታ ሀገር መሸጥ ነው።

የኤርትራ፣ አሰብ፣ መተማና ባድመ መሬትና ወደብ ተላልፈው የተሸጡትና የተሰጡት ከ20 አመት በፊት ነው። ከሁለት አስርት አመታት በፊት የሆነን ነገር ወደኋላ ተመልሶ ማሰብና አሳማኝ የሆነ ማስረጃ ማቅረብ አዳጋች ነው። በመሆኑም የተጠቀሱትን የኢትዮጵያ ሉዓላዊ መሬቶች ለሌላ ሀገር አሳልፈው የሰጡና የሸጡ ሰዎች ዛሬ ላይ “ሀገር ሽያጭ አይደለንም” ብለው ዓይናቸውን በጨው አጥበው ሊናገሩ ይችላሉ። ሆኖም ግን ባለፉት አምስት አመታት ውስጥ የፈፀሙትን ተግባር ግን መዋሸት ሆነ መደበቅ አይችሉም። ምክንያቱም ከ2006 እስከ 2010 ዓ.ም (እ.አ.አ ከ2013 – 2018) ባሉት አመስት አመታት ሀገሪቱን ለመሸጥ የፈፀሟቸው ተግባራት በግልፅ የሚታዩና በተጨባጭ ማስረጃ የተደገፉ ናቸው።

ከኢትዮ-ኤርትራ ጦርነት በፊት 90% የኢትዮጵያ ገቢና ወጪ ንግድ የሚካሄደው በአሰብ ወደብ፣ 5% በምፅዋ ወደብ እና የተቀረው 5% በጅቡቲ ወደብ ነበር። ከጦርነቱ በኋላ 95% የገቢና ወጪ ንግድ በጅቡቲ ወደብ በኩል ሆነ። በዚህ ምክንያት ለጅቡቲ መንግስት የመጠጥ ውሃ እና የኤሌክትሪክ ኃይል ከማቅረብ ጀምሮ የኢትዮ-ጅቡቲ የባቡር መስመር መዘርጋት የሀገሪቱን የገቢና ውጪ ንግድ ለማቀላጠፍ መልካም ተግባር ተደርጎ ሊወሰድ ይችላል። ለዚህ ደግሞ ከፍተኛ የሆነ የገንዘብ ብድር ስምምነት ማድረግ ተገቢ ነው።

በቻይና አምባሳደር የነበሩት አቶ ስዩም መስፍን እና ብርሃነ ገብረክርስቶስ አማካኝነት በተሰራ “የዲፕሎማሲ” ስራ ከፍተኛ የገንዘብ ብድር ማግኘት ተቻለ። በዓለም ላይ ካሉት ግዙፍ የንግድ ባንኮች ከሚያስከፍሉት ጋር ተቀራራቢ በሆነ የወለድ መጠን በአስር አመታት ውስጥ ኢትዮጵያ 13.5 ቢሊዮን ዶላር ከቻይና ተበደረች። ከዚህ ውስጥ ወደ 6.5 ቢሊዮን ዶላር የሚሆነው በ2006 ዓ.ም (እ.አ.አ. በ2013) የተገኘ ብድር ነው። ከዚህ ውስጥ 3 ቢሊዮን ዶላሩ የኢትዮ-ጅቡቲ የባቡር መስመርን ለመዘርጋት የዋለ ነው። በተመሳሳይ ጅቡቲ ትልቅ ወደብ ለመገንባት ከቻይና የ1 ቢሊዮን ዶላር ብድር ስምምነት ከቻይና ጋር ተፈራረመች።

በኢትዮጵያምሆነ በጅቡቲ ከቻይና በተገኘው ብድር የሚሰሩት የኢትዮ-ጅቡቲ የባቡር መስመር እና የጅቡቲ ወደብ የግንባታ ስራው ለቻይና ተቋራጭ ድርጅት ተሰጠ። ይህ የግንባታ ድርጅት እ.አ.አ. በ2016 ዓ.ም የባቡር መስመሩን ዘርግቶ ለማስረከብ ውል ገባ። ይሁን እንጂ የባቡር መስመሩ ተጠናቅቆ በተግባር ሥራ የጀመረው ከሁለት አመት መዘግየት በኋላ በ2018 መጀመሪያ ላይ ነው። የቻይና ተቋራጭ ድርጅት በውሉ መሰረት ግንባታውን ባለማጠናቀቁ ምክንያት የባቡር መስመሩ በታቀደለት ግዜ አልጀመረም።

ይሁን እንጂ ከ2016-2018 ባሉት ሁለት አመታት ውስጥ የባቡር መስመሩ ተገንብቶ ሥራ ሳይጀምር ብድሩን ለቻይና ሲከፈል ቆይቷል። በዚህ መሰረት የቻይና ተቋራጭ ድርጅት በውሉ መሰረት ሥራውን ሰርቶ ባለማጠናቀቁ፣ በዚህም ከቻይና የተወሰደው ብድር በኢኮኖሚው ውስጥ ምንም ዓይነት እሴት ሳይጨምር ኢትዮጵያ ዕዳ ስትከፍል ቆይታለች። በብድር የተገኘው ገንዘብ በኢትዮጵያ ኢኮኖሚ ውስጥ ምንም ዓይነት እሴት ሳይጨምር ዕዳ መክፈል ያልሰሩበትን ገንዘብ ከደሃ ሀገር ላይ እንደ መቀማት ነው።

ባለፈው አመት የሀገሪቱ ኢኮኖሚ በከፍተኛ የውጪ ምንዛሬ እጥረት ከተፈጠረባቸው ዋና ዋና ምክንያቶች አንዱ ኢትዮጵያ ያለ አግባብ ለቻይና የምትከፍለው የብድር ዕዳ ነው። በአጠቃላይ የኢትዮጵያ የብድር መጠን ከጠቅላላ የሀገሪቱ የምርት መጠን 59% ላይ ደርሶ ነበር። በዚህ መሰረት የዕዳ መጠኑ በሀገሪቱ ሉዓላዊነት ላይ አደጋ ለመጋረጥ የቀረው 1% ብቻ ነው። የብድር መጠኑ 60% እና ከዚያ በላይ ከሆነ ማንኛውም የፋይናንስ ተቋም ለኢትዮጵያ ብድር አይሰጥም። ምክንያቱም ሀገሪቱ የወሰደችውን ብድር የመክፈል አቅም የላትም። በመሆኑም ለሀገሪቱ ከፍተኛ ብድር የሰጡ ሀገራት ያበደሩት ገንዘብ እስኪመለስ በሚል የኢትዮጵያን ሃብትና ንብረት የመውረስ መብት አላቸው።

ከኢትዮጵያ ኢኮኖሚ አንፃር ሲታይ የጅቡቲ ኢኮኖሚ በጣም ትንሽ ነው። በመሆኑም ሀገሪቱ ከቻይና የወሰደችው ብድር መጠን ከሀገሪቱ ጠቅላላ የምርት መጠን ውስጥ 88% ሆኗል። ስለዚህ ጅቡቲ ከየትኛውም ሀገርና የፋይናንስ ተቋም ብድር መጠየቅና ማግኘት አትችልም። በዚህ መሰረት ጅቡቲ ወደቧን ሲያስተዳድር ከነበረው የዱባይ ኩባንያ ጋር የነበራትን ውል በመሰረዝ ለቻይና ኩባንያ ሰጠች። ከዚህ በተጨማሪ የቻይና መንግስት በጅቡቲ የራሱን የጦር ሰፈር በመገንባት 2500 ወታደሮቹን ከኢትዮጵያ አፍንጫ ስር አምጥቶ አሰፈረ።

የኢትዮጵያ ኢኮኖሚ በውጪ ምንዛሬ እጥረት ለመውደቅ የቀረው 1% ነው። ስለዚህ እየተንገዳገደ ያለው የኢትዮጵያ ኢኮኖሚ ሲወድቅ ቻይና የሰጠችውን ብድር ለማስመለስ በሚል ልክ እንደ ጅቡቲ የኢትዮጵያን መሬትና ሃብት የመውረስ መብት አላት። በዚህ መሰረት ቻይና የኢትዮ-ጅቡቲን የባቡር መስመር ለመውረስ ቅድመ-ዝግጅቷን አጠናቅቃለች። ለዚህ ደግሞ ቻይና 95% የኢትዮጵያ ገቢና ወጪ ንግድ የሚተላለፍበትን የጅቡቲ ወደብ ተቆጣጥራለች። ከዚህ በተጨማሪ የራሷን የጦር ሰፍር በመገንባት 2500 የሚሆኑ ወታደሮቿን አስፍራለች። ከጥቂት ወራት በኋላ ኢትዮጵያ ከቻይና የወሰደችውን ብድር መክፈል ያቅታታል። ቻይና ብድሯ እስኪመለስ የኢትዮ-ጅቡቲ ባቡር መስመር እንዲሰጣት ትጠይቃለች። “እምቢ” ካለች ደግሞ 95% የገቢና ወጪ ንግድ የሚተላለፍበትን ወደብ “ሲጥ” በማድረግ ኢትዮጵያ ሉዓላዊ መሬትና ሃብቷን እንድትሰጣት ታደርጋለች። ታዲያ ሀገር መሸጥ ማለት ይሄ አይደለም?

የተዋሐደች ኢትዮጵያን ለመገንባት አዲስ የመንግሥት የአስተዳደር አካባቢዎችን ለመወሰን የሚያሰችል ውጥን ሀሳብ

ጽሑፉ ዋናው ፍሬ ሀሳብ በአጭሩ በዐማርኛ ተተርጉሞ የቀረበ

መግቢያ

ይህ ጽሑፍ በእንግሊዘኛ ቋንቋ “Proposed New Ethiopian Government Administrative Boundary System For Unified Nation Building” በሚል ርዕስ በነሐሴ ወር 2010 ዓ.ም. ተዘጋጅቶ ከቀረበው የጥናት ጽሑፍ በአጭሩ የቀረበ ነው፡፡ የቀረበው የጥናት ሀሳብ በእንግሊዘኛ በመሆኑና ለብዙ ሰዎች አመቺ ላይሆን ይችላል ብለን በመገመት፤ እንዲሁም ሁሉንም ለመተርጎም ጊዜ የሚወስድ በመሆኑ ጠቅለል ያለ ሀሳቡን በአጭሩ በዐማርኛ ተርጉመን አቅርበናል፡፡

-[ሙሉውን ለማንበብ እዚህ ይጫኑ]—–

—————————————-

አንዳንድ የህወሃት ቁንጮዎች የእስር ማዘዣ ተቆርጦባቸዋል (መሳይ መኮንን)

መሳይ መኮንን

Wanted former Ethiopian officials.

ነገሮች ፍጥነታቸው አስደማሚ ሆኗል። አይናችንን በተከፈተ ቁጥር የምንሰማው የምናየው ተአምር እየሆነብን ነው። በዚህ ፍጥነት ህወሀት ፍርስርሱ ወጥቶ ለጥፋት ያሰማራቸውን ተኩላዎቹን ወደበረታቸው መሰብሰብ እስኪያቅተው ይደርሳል ብዬ አልጠበኩም። ዋናዎቹ አሳዎች የተደበቁበት ምሽግ መናዱ አይቀርም። አሁን እንደሰማነው የስኳሩ ንጉስ አባይ ጸሀዬ፡ የሜቴኩ ባላባት ብ/ጄ ክንፈ ዳኘው እና የሳይበሩ ጠላፊ ሜ/ጄ ተክለብርሃን ወልደአረጋይ የእስር ማዘዣ ተቆርጦባቸዋል። ቀደም ሲል ማዘዣ ተቆርጦበት ከመቀሌ መውጣት ሳይችል ከአክሱም ሆቴል የተደበቀው ጌታቸው አሰፋ ቁጥር አንድ ተፈላጊ ሆኗል።

የኢሳትን የ8ዓመታት ጩሀት ጠቅላይ አቃቤ ህጉ አቶ ብርሃኑ ጸጋዬ አንድ ሰዓት ባልሞላ ጋዜጣዊ መግለጪያ አጠቃለው ነገሩን። በመጨረሻም የእኛን ጩሀት ያስተጋባውን የጠቅላይ ሚኒስትር አብይ መንግስት መልካም ጅምር ብዬ አወድሼዋለሁ። አቶ ብርሃኑ እሳቸውም በአንድ ወቅት የፍትህ ቢሮ ባለስልጣን በነበሩ ጊዜ ሲያስተባብሉት የነበረውን ግፍ በራሳቸው አንደበት መመስከራቸው ሃጢያታቸውን በአደባባይ ያጠቡበት አጋጣሚ ተፈጥሮላቸዋል።

አዎን! ኢትዮጵያ በቁሟ ተዘርፋለች። ተግጣለች። ሜቴክ ደምና ስጋዋን ጨርሶ በአጥንቷ አስቀርቷታል።

አዎን! ኢትዮጵያ ለዜጎቿ የሲዖል ምድር ሆና ቆይታለች። ተደፍረዋል። ተቀጥቅጠዋል። ተኮላሽተዋል። ተገድለዋል።

የአቶ ብርሃኑ መግለጫያ በአጭሩ ከተገለጸ ከዚህ አያልፍም።

መቼም አጃኢብ ነው። ባለፉት ሶስት ቀናት የሆነው ያልተጠበቀ ነበር። በመከላከያና ደህንነት ውስጥ እየተወሰደ ያለው የመጥረግና የማጽዳት ስራ ኢትዮጵያን ወደ ዲሞክራሲያዊ ስርዓት ለመውሰድ ትልቅ አቅም ይፈጥራል። ዶ/ር አብይ ቃላቸውን የሚጠብቁ እንደሆኑ እያስመሰከሩ ነው። የማይደፈር፡ የማይነካ የሚመስለውን የህወሀትን ቅጥር ሰባብረው እነዚያን ለሰማይ ገዝፈው የተቆለሉ የህወሀት ሹማምንቶችን ከየተደበቁበት ማንቁርታቸውን ለመያዝ የጀመሩት ዘመቻ ልብ ያሞቃል፡ ተስፋ ይሰጣል።

ይህ እርምጃ ከማንም በላይ ለትግራይ ህዝብ እፎይታን የሚሰጥ ነው። አንዳንድ የትግራይ አክቲቪስቶችና ልሂቃን እያደነቆሩን እንዳለው የጠ/ሚር አብይ እርምጃ የትግራይ ህዝብ ላይ ያነጣጠረ አይደለም። አንድ ያነጋገርኳቸው የቀድሞ የፖሊስ መኮንን ይህ የሰሞኑ እርምጃ ለትግራይ ህዝብ ትንሳዔን ይዞ የሚመጣ ነው። እነዚህ ወደ ከርቸሌ የገቡና እንዲገቡ ማዘዢያ የተቆረጠባቸው የህወሀት ሹማምንት ከማንም በላይ መከራና ፍዳ ያመጡት ለትግራይ ህዝብ ነው። በእነሱ ዳፋ የትግራይ ህዝብ ዋጋ ሊከፍል አይገባም። እንደአልቅት ጀርባው ላይ ተሰክተውና ተጣብቀው ደሙን ሲመጡ የከረሙት ህወሀቶች ለፍርድ ሲቀርቡ መቀሌ መደነስ፡ አክሱም መጨፈር፡ አዲግራት አጆሀ ማለት እንጂ ስጋት ሊገባቸው አይገባም።

የኢንሳው ምክትል ቢኒያም ተወልደ ከርቸሌ ገብቷል። አለቃው በቅርቡ ይቀላቀለዋል። የሜቴክ ግሪሳዎች ተለቅመው እስር ቤት ናቸው። አዛዣቸው ክንፈን እንኳን ደህና መጥህ ብለው የሻማ ተቀብለው ያስተናግዱታል። አቶ አባይ ጸሀዬ 77ቢሊየን ብር የት እንዳቀለጡት እጆቻቸው በሰንሰለት ታስሮ ከልደታ ፍርድ ቤት ችሎት ላይ ቃላቸውን የሚሰጡበት ጊዜ ሩቅ አይሆንም። በረከት ስምዖን እንደቢንቢ ጆሮ ላይ የሚጮሁ ቃላቱን በሶስተኛው መጽሀፉ ”የከርቸሌው በረከት” በሚል እንደሚያስነብበን አልጠራጠርም። ሁሉም በሰፈረው ቁና ይሰፈር ዘንድ ጊዜው እነሆ ቀርቧል!!

ጠ/ሚ ዶ/ር አብይ የባህር ዳር ዩኒቨርስቲ ያስመረቃቸው የህክምና ባለሙያዎች በኤርትራና ሶማሊያ የነፃ ህክምና እንዲሰጡ ጥሪ አቀረቡ

አዲስ አበባ፣ ህዳር 1፣ 2011 (ኤፍ.ቢ.ሲ) የባህር ዳር ዩኒቨርስቲ 172 የህክምና ባለሙያዎችን ጠቅላይ ሚኒስትር ዶክተር አብይ አህመድ፣ ፕሬዚዳንት ኢሳያስና መሃመድ አብዱላሂ በተገኙበት አስመረቀ።

ጠቅላይ ሚኒስትሩ በሆስፒታሉና በተማሪዎች የምረቃ ስነ ስርዓት ላይ ባደረጉት ንግግር ተመራቂ ተማሪዎች ላስተማራቸው ማህበረሰብ በሙያቸው የሚጠበቅባቸውን እንዲወጡ አሳስበዋል።

የተመረቁ ተማሪዎች በኤርትራና ሶማሊያ የነፃ ህክምና እንዲሰጡ የጤና ጥበቃ ሚኒስቴር ነገሮችን እንደሚያመቻች ነው የተናገሩት።

ይህም በሀገራቱ መካከል እየተካሄደ ያለውን የኢኮኖሚ ውህደትና የህዝብ ለህዝብ መቀራረብ ለማሳደግ እንደሚረዳ አስታውቀዋል።

እንዲሁም በዛሬው ዕለት የተመረቀው ጥበበ ግዮን ስፔሻላይዝድ ሆስፒታል አስፈላጊው ነገር እንዲሟላ የዩኒቨርስቲው ማህበረሰብ ጥረት እንዲያደርግ ያሳሰቡ ሲሆን፥ መንግስት ድጋፍ ለማድረግ ዝግጁ ነው ብለዋል።

ጠቅላይ ሚኒስትሩ በአካባቢው ሆስፒታሉ እንዲከፈት ድጋፍ ላደረጉ አርሶ አደሮችም ምስጋና አቅርበዋል።
የህክምናውና የምግብ ዘርፍ በቀጣይ ጊዜያት ዋና የቴክኖሎጂና የሀብት ፍሰት

እንደሚሆን ጠቅላይ ሚኒስትር ዶክተር አብይ አህመድ ጠቅሰዋል።
የአካባቢው ማህበረሰብ ለመሪዎቹ ላደረገው አቀባበል ምስጋና ያቀረቡት ጠቅላይ ሚኒስትሩ፥ ጣና የኢትዮጵያ፣ የሱዳንና የግብፅ ብቻ ሳይሆን የመላ አፍሪካውያን ትልቅ ሀብት መሆኑን አንስተዋል።

እኛ የምንጀምረው ልጆቻችን የሚጨርሱት በአካባቢው የሚመሰረተው ከተማ ወደ ፊት የቱሪዝም ሀብት ይሆናልም ሲሉ ጠቅላይ ሚኒስትሩ ተናግረዋል።

በኤፍሬም ምትኩ