የኦሕዴድ ጉባኤ በጅማ ተከፈተ ።

የኦህዴድ ጉባኤ በጅማ ከተማ ዶክተር አብይ አሕመድ አቶ ለማ መገርሳና በሺዎች የሚቆጠሩ የኦህዴድእና አባላት በተገኙበት በይፋ ተከፍቷል ።

የኦህዴድ እና የኢህአዴግ ሊቀመንበር እንዲሁም የኢትዮጵያ ጠቅላይ ሚኒስትር ዶ/ር ዐቢይ አህመድ በጅማ እየተካሄደ ባለው የኦህዴድ 9ኛ ድርጅታዊ ጉባኤ ላይ ከተናገሩት የተወሰዱ ዋና ዋና ነጥቦች:-

 ኢትዮጵያን እንገነባለን፣ አፍሪካን እንገነባለን፣ ማንም ኃይል ደግሞ ከዚህ ሊያቆመን አይችልም፡፡

 ኦሮሞ ማቀፍን፣ እናት የሌላቸውን ልጆች ማሳደግን ነው ያስተማረን፣ ኦሮሞ ከተዋጋ ያሸንፋል እንጂ ሰውን መግደልን አላስተማረንም፡፡

 የዚህ አገር አንድነት ለማስጠበቅ ኦሮሞ ኃላፊነት አለበት፡፡

 ኢትዮጵያ ከጠላት ጋር ባደረገችው ጦርነቶች ውስጥ ኦሮሞ ከፍተኛ አስተዋጽኦ አድርጓል፡፡

 አባጅፋር ለኦሮሞ ብቻ ሳይሆን ለኢትዮጵያም ጭምር አርቀው የሚያስቡ ነበሩ፡፡

 አሁን ባለንበት ዘመን በትናንትናው ስልት ማሸነፍ አይቻልም፡፡

 ኦሮሞ አገር መምራት አይችልም የሚሉን አሉ፤ ኦሮሞ አገር መምራት ብቻ ሳይሆን አገር መገንባት ይችላል፤ ኦሮሞ ገዳን ለዓለም እንደ ሰጠ ሁሉ፣ ኦሮሞ በቅርቡ አዲስ ፍልስፍና ለኢትዮጵያና ለአፍሪካ ሰጥቶ ሊያሳያቸው ይፈልጋል፡፡

 የሚዲያ ጦርነት፣ የጦር ሜዳ ጦርነት፣ የኢኮኖሚ ጦርነት ማድረግ ስለምንችል ጠላቶቻችን ሁለት ሶስቴ ማሰብ አላባችሁ እንላለን፡፡

 ከጠላት ጋር ሆናችሁ የኦሮሞ ትግልን ወደኋላ ለመመለስ ያሰባችሁ ካላችሁ ከጠላት ለይተን አናያችሁም፡፡

 የህግ የበላይነት የማስከበር ኃላፊነት ለማንም አሳልፈን አንሰጥም፡፡

 ከዚህ በኋላ በኦሮሞ ስም መነገድ አይቻልም፡፡

 አስራ አምስት፣ ሃያ ሆኖ ለኦሮሞ መታገል አያስፈልግም፤ ከበዛ ሁለት ሶስት ፓርቲዎች ለኦሮሞ በቂ ናቸው፡፡

 አብሮ መቆም ማለት ጠዋት ጠዋት እዚህ መቆም ከሰዓት፣ ከሰዓት ደግሞ እዚያ መቆም ማለት አይደለም፡፡

 ከሁሉም ኢትዮጵያ ህዝቦች ጋር በጋራ በአንድነት ተባብረን መስራት አለብን፡፡

 ኦሮሞነት በርካታ ነገሮችን አስተምሮናል ፤ በገዳ ስርዓት መሰረት ብሔር ብሔረሰቦችን አቅፈን በጋራ መስራት ይጠበቅብናል፡፡

 ዋናው መልዕክት አሸናፊን ሀሳብ መያዝ ነው

Advertisements

“ህወሓት ሽብር ስፖንሰር ያደርጋል!!! የአህያ ባል፣ ከጅብ አያስጥልም!!!”

ኢት-ኢኮኖሚ /ET- ECONOMY
‹‹ ህወሓት ሽብር ስፖንሰር ያደርጋል!!! የአህያ ባል፣ ከጅብ አያስጥልም!!! ››
‹‹ከኢትዮጵያ ኢኮኖሚክስ ማህበር›› ፀ/ት ፂዮን ዘማርያም

1-የትግራይ ክልል፣ 2- የአማራ ክልል፣ 3-የኦሮሚያ ክልል፣ 4- ደቡብ ክልል፣

የህወሃት የጦር አበጋዞች መንግሥት የኢትዮጵያን መከላከያ ሠራዊት ኃይል ማለትም የአየር ኃይል ተዋጊ ጀቶችን በውቅሮ ተራሮችን ቦርቡሮ አኑሮቸዋል፣ የሃገሪቱ ታንኮች ወርሶል እንዲሁም የጦር ግምጃ ቤቱ የጦር መሣሪያ በሙሉ በትግራይ ክልል ውስጥ መገኘቱና ወደ ነበሩበት ሥፍራ አለመመለሳቸው መጪውን አገር አቀፍ ምርጫና የህዝቡን የመኖር ህልውናና የሃገሪቱን እጣ ፈንታ ያልተፈታ እንቆቅልሽ አድረጎታል፡፡ በተጨማሪ የደህንነት መሥሪያ ቤቱ የነበረ የስለላ መረጃ መሣሪያ አስቀድሞ ተነቅሎ ወደ ትግራይ ተወስዶል፡፡ በሙስና ወንጀል የሚጠየቁ የኢፈርትና ሜቴክ ሹማምንቶች የህዝብ ኃብት ዘርፈው በክልሉ ውስጥ ተደብቀዋል፡፡ የአገር አቀፍ ጠቅላላ ምርጫ ተሳታፊ ተፎካካሪ የፖለቲካ ፓርቲዎች በወያኔ ምሽግ ርደው ገና ሳይወዳደሩ የተሸነፉ ለመሆናቸው የኒውክለር ፊዚክስ ሊቅ መሆን አያስፈልግም፡፡ በኢትዮጵያ ቴሌቪዥን ‹‹ የአስቸኮይ ጊዜ አዋጅ ናፈቀን!!!›› አለ ህዝቡ በሚል የወያኔ ፀረዴሞክራሲ ኃይል ማሞካሸት ተጀምሮል፡፡

የወያኔ/ኢህአዴግ የፖለቲካ መረብ መልኩን ቀይሮ እንደ ሲሊቨስትሪ ስታልዬን የራንቦ ፊልምን ከመቀሌ በመተወን ላይ ነው፡፡ ሁሉም ሰው ከህግ ፊት እኩል ከሆነ መቀሌ የመሸገው የወያኔ ፋሽስቶች ለ27 ዓመታት የፈፀሙት ወንጀለኞች ለፍርድ መቅረብ ይኖርባቸዋል፡፡ የወያኔ ወንጀለኞች ለህዝብ ሳይቀርብ በኢትዮጵያ ሠላም አይመጣም፡፡ በሃገሪቱ ውስጥ የሚከናወነው አለመረጋጋት ምንጩ ወያኔ ስፖንስር በገንዘብና ጦር መሣሪያ የሚያደርገው የፖለቲካ መረብ ሴራ እጅ እንዳለበት ጊዜ ያወጣዋል፡፡ ተፎካካሪ ፓርቲዎች በመጀመሪያ የህወሓት የጦር መሣሪያ ክምችትና የተዘረፈ ኃብት ጠይቀው በማስመለስና በእውን የምናየውን ‹‹በመንግሥት ውስጥ መንግሥት›› የዶክተር አብይ የአዲስ አበባው መንግሥትና የዶክተር ደብረፂዎን የመቐለው መንግሥት፣እንደአለ መረዳት፣ እንኮን ጥርሳቸውን በፖለቲካ የነቀሉት ፖለቲከኞች ቀርቶ ህዝቡ ያውቃል፡፡ ህወሓት/ኢህአዴግ ፀረ ዴሞክራሲ ኃይል እንደገበሎ የፖለቲካ ቆዳውን ቀለም እየቀያየረ በልተመታው የፖለቲካ መዋቅሩና በፋሽስታዊ ቡድኑ በህዝብ ውስጥ ሽብር በመፍጠር የዴሞክራሲውን ኃይሉን በማኮላሸትና በገቡት ፖለቲከኞች መኃል የጥላቻ ፖለቲካ በመንዛት፣ የዘር ግጭት በመለኮስ፣ የገንዘብና ጦር መሣሪያ ዝውውር በማድረግ ህዝቡ ያገኘውን ሰላምና ዴሞክራሲ እንዳያጣጥም በማደረግ በፍርሃት ውስጥ እንዲኖር አድርገውታል፡፡ በሃገሪቱ የህግ ጥሰት የተፈፀመው በወያኔ ሆኖ ሳለ እንዳይጠየቅ ስምምነት ያለ ይመስላል፣ የወያኔ ሹማምንት በገደሉት፣ በዘረፉት በህግ እስካልተጠየቁ ድረስና በህግ ፊት ሁሉም እኩል እስካልሆነ ድረስ ‹‹ የአህያ ባል፣ ከጅብ አያስጥልም!!! ›› መባሉ አይቀርም፡፡

መቐለ የመሸገው የወያኔ ኃይል በሪሞት ኮንትሮል እየተቆጣጠረ እንደሆነ ግልፅ ነው፣ ከፍርሃታችን በሰተቀር ሁሉም ያውቃል፡፡ ወያኔን ፈርተው በተናጥል የኢህአዴግን የውሽት የዴሞክራሲ ጭንብል ሳያወልቁ ምርጫ ለመግጠም የሚያደርጉት የፖለቲካ ውድድር በምንም መለኪያ የፖለቲካ ሸፍጥና ማህይምነት ይሆናል፡፡ ህወሓት/ ኢህአዴግ የፖለቲካ ፓርቲዎች ለህዝብ ተወካዩች ምክር ቤት(501)ና ለክልል ምክር ቤቶች(1350) እጩዎች ብዛትና በማቅረብ፤ ተፎካካሪ ፓርቲዎች ማሸነፍ ስለሚችል የምርጫውን የጊዜ ሠሌዳ አያሸጋሽግም፡፡ ህገመንግሥቱም አይፈቅድም!!! የህወኃት አብዬታዊ ዴሞክራሲ እንደሚቀጥል ፎክሮል፡፡ የተፎካካሪ ፓርቲዎች በህብረት እንደ አንድ ፓርቲ ተወዳድረው ቢቀርቡ ማሸነፍ ባይችሉ የተወሰነ ወንበሮች ለማግኘት ይችሉ ይሆናል እንላለን፡፡ የ2012 ዓ/ም ምርጫ ተፎካካሪ ፓርቲዎች ዳግም በወያኔ ኢህአዴግ መሸነፋቸው አይቀሬና ከታሪክ አለመማራቸውና ዛሬም በህብረ ብሄርነት ሳይደራጁ በህብለ በራሄ (ዲኤን ኤ) የተደራጁ ወያኔ/ ኢህአዴግ ድርጅቶችና አጋር ድርጅቶች እንዲሁም ተፎካካሪ ፓርቲዎች የሃገሪቱም የወደፊት እጣ ፈንታ የባሰ ያጨልሙታል እንላለን፡፡

በዚህ የዲጅታል ቴክኖሎጅ ዘመን፣ ለሃገሪቱ የተማረ ወጣት ትውልድ የሚመጥን የፖለቲካ ሥርዓት አስተዳደር ለመመሥረት ተፎካካሪ ፓርቲዎች ህገ-መንግሥቱን አንቀፆች የማሻሻል፣ የምርጫ ቦርድ የማዋቀር፣ የህግ ሥርአቱን የማደራጀት፣ የሲቪክ ድርጅቶችና የሙያ ማህበራትን፣ ወዘተ በዴሞክራሲያዊ ውይይት ማሻሻል ይጠበቅባቸዋል እንላለን፡፡ ሆኖም ባለፉት 27 አመታት ህወሓት የተከለው የህብለ በራሄ (ዲኤን ኤ) ፖለቲካ ሥር ሰዶ ትልቅ ወርካ ዛፍ ሆኖል፡፡ ዜጎች ከቦታ ቦታ ተዘዋውረው እንደማይሰሩ፣ ዜጎች በሃገራቸው በየትም ቦታ ኃብት አፍርተው መኖር እንደማይችሉ፣ ዜጎች በሃገራቸው ፖለቲካ ተሳትፎቸው በክልላቸው ብቻ እንደሚወሰን፣ የህግ የበላይነት እንደሌለ አይነኬ የህወኃት ወንጀለኞች ለፍርድ ማቅረብ እንደማንችል ተገንዝበናል፡፡ አሁንም የሃገሪቱን የፖለቲካ ኢኮኖሚ የሚያሽከረክረው በመቐለ በመሸገው ወያኔ ‹‹አሊባባና አርባዎቹ ሌቦች!›› እንደሆነ፣ የመሸጉበት ዋሻ መክፈቻና መዝጊያ ማለፍያ ቃል/ ኮድ እነሱ ጋር ብቻ እንዳለ ተረድተናል፡፡ ህዝቡን በእለት ተለት ሽብር ውስጥ በመክተት፣ ሰላም እንዳይኖር በማድረግ ከጠረፍ አንስቶ እስከ መኃል ሃገር ድረስ የተቀነባበረ ሽብርና ሴራ መረብ ዘርግተዋል፡፡ ወያኔ ብቻ በሰላም ይኖራል በሃገሪቱ መቐለ ብቻ ሰላም ይሆናል፣ ሌላው ህዝብ እርስ በእርሱ እንዲጫረስ ተፈርዶበታል፡፡ ወያኔ ከመቐሌ ሽብር ስፖንስር ያደርጋል፣ አጀንዳ ይቀርፃል!!!

የመከላከያ ሠራዊቱና የፖሊስ ኃይል አሁንም ታዛዥነቱ ለመቐሌው ወያኔ እንደሆነ ታሪክ ያወጣዋል፡፡ ህዝቡ በፍርሃት ርዶ፣ እንዲኖር በወያኔ የፖለቲካ አመራር ተፈርዶበታል፡፡ የህብለ በራሄ (ዲኤን ኤ) የፖለቲካ ቴያትሩ ትዕይንት በቀጣይነት እንደሚቀጥልና በዘር ፖለቲካው መደራጀትና የክልል መንግስታት በማያባራ የወሰን ግጭት ጦርነት መቀጠሉ አይቀሬ ነው፡፡ ህብረተሰቡ የእራሱ ሠላምን ለመጠበቅ ‹‹የሠላምና መረጋጋት ዴሞክራሲያዊ ጋርድ ›› በማዋቀር ከቀበሌ ጀምሮ እስከ ላይ ድረስ በፈረቃ ዘብ መቆም እራሱን መጠበቅ ይችላል እንላለን፡፡ የፖሊስ ኮሚሽን ኮሚሽነር፣ ሁሌ የህንድ ፊልም ይመስል፣ ሌባና ፖሊስ ጨዋታ ክትትል የሚያደርጉ ይመስላሉ፣ አንድ ወንጀለኛ ለፍርድ አቅርበውና በማስረጃ ተሞግተው አስፈርደው አያውቁም፣ የሱማሌውን መሪ አብዲ ኢሌን ወንጀለኛነት እንኮን መፋረድ አልተቻለም!!!

ወያኔ በወንጀል ላይ ወንጀል፣ በወንጀል ላይ ወንጀል በመደራረቡ የእራሱን ወንጀል ደብዛው እስኪጠፋ ድረስ ዜጎቻችን እየተበቀለ ይገኛል፡፡ የወረቀት ላይ ነብር የነበረው ‹‹የኢትዮጵያ ሰብዓዊ መብት ኮሚሽን›› በሃገሪቱ የተቀሰቀሱ ግጭቶችን ዛሬ በሚዲያ በማራገብና በማጋለጥ ስለ ህግ ጥሰት ያቅራራል፣ የወያኔ ዘመን ስብዓዊ መብት ጥሰቶችን በማድበስበስ ላይ ይገኛል፡፡ ህወሓት ከኢትዮቴሌኮም የነበረውን አጠቃላይ የዜጎችን፣ የባንኮችዲጂታል መረጃዎችን መቐለ ወስደዋል፡፡ የዋልታና የፋና ብሮድካስት የቴሌቨዝንና ሬዲዬ በወያኔ ስፖንሰር እየተደረጉ ‹‹ ማሪኝ አብዬቴ! አብዬታዊ ዴሞክራሲ! አስቸኮይ ጊዜ አዋጅ ናፈቀን!!! ›› በማለት ወያኔን ማሞካሸታቸውን ልብ ይበሉ፡፡ እነዚህ በአንድ ራስ ሁለት ምላስ የሆኑ ምላሳዊ ጋዜጠኞች አዲሱን ለውጥና የዶክተር አብይ አህመድን መንግስት በመሰለል ስራ ላይ ተጠምደዋልና በኢትዮጵያ የክልል መንግሥታት በየክልላቸው የሚሰበስቡት ግብርና ታክስ እዚህ ግባ የማይባል ሲሆን ከአዲስ አበባ አስተዳደር፣ ከአንደኛና ሁለተኛ ግብር ከፋዬች እንዲሁም ከዓለም አቀፍ መንግሥታት የበጀት ድጋፍ በማግኘት ለ27 አመታት ዘለቀ፡፡ በሃገሪቱ 12.5 በመቶ ግብር እንደሚሰበሰብ ከአፍሪካ ሃገራት ከ25 በመቶ ግብር እንደሚሰበስቡ ይታወቃል፡፡ በግብር ከፋዩ ህዝብ የህወሓት/ ኢህአዴግ የፖለቲካ ካድሬዎች፣ ኮሚሳሮች፣ የክልል ሹማምንቶች፣ የጦር አበጋዞች፣ የደህንነት ሰዎች የፖለቲካ ተከታዬች ደሞዝ ክፍያ፣ የመኪናቸው የነዳጅ ወዘተ ወጪ ይውላል፡፡ ስለዚህ እያንዳንዱ ክልል ከፌዴራል መንግሥት የሚያገኘው የመደበኛ በጀት፣ ለክልሎች የሚደረግ የበጀት እርዳታና ድጎማ ለማግኘት ሌሎችም የብሄር ድርጅቶች ወደ ክልላዊ መንግሥትነት በማደግ የሚገኘውን በጀት መቆደስ ይሻሉ፡፡ በአሁኑም አመት የሲዳማ፣ ጉራጌ፣ ወላይታ፣ጋሞ ወዘተ ወደ ክልል መንግሥት ጥያቄ ማቅረባቸው ታሪካዊ እድገታቸው ይሆናል፡፡

{I} የህወሓት/ኢህአዴግ በጀት ቀመር መቀየር ይገባዋል፣ የበጀቱ ድልድል እንደየ ክልሎቹ ሃገር ውስጥ ብሄራዊ ምርት (ጂዲፒ) አስተዋፆኦ፣ የውጭ ምንዛሪ ገቢ አስተዋፅኦ፣ የህዝብ ብዛት፣ የሥራ አጥ ችግር ድርሻ፣ የግብር አሰባሰቡ አስተዋፆኦ ወዘተ ላይ ያላተኮረ ግልፅነት፣ፍህታዊነትና እኩልነታ ላይ ያልተመረኮዘ በመሆኑ ላለፉት 27 አመታት ሲተች ቆይቶል፡፡ የ2008ዓ/ም የሃገሪቱ አጠቃላይ በጀት 223.3 ቢሊዩን ብር ሲሆን፣ የ2009 ዓ/ም የሃገሪቱ አጠቃላይ በጀት 321.8 ቢሊዩን ብር ሲሆን፣እንዲሁም የ2010 ዓ/ም የሃገሪቱ አጠቃላይ በጀት 346.9 ቢሊዩን ብር የ2011ዓ/ም የሃገሪቱ በጀት መሆኑ ተገልፆል፡፡ የመንግሥት በጀት ክፍፍል ከ2008 እስከ 2010ዓ/ም፣ ለመደበኛ፣ ለካቲታል፣ ለየክልሎች ድጋፍ በጀትን ክፍፍል ፍህታዊ አለመሆንና የክልሎች የግብር አሰባሰብ ዝቅተኛ መሆን፣ የመደበኛ በጀት እየጨመረ መሄድ፣ የክልሎች የፖለቲካ ድርጅቶች ቅጥር ሁኔታን የተወሰነ በማድረግ ለክልሉ ህዝብ የሥራ ፈጠራ በጀቱ እንዲውል በማድረግ የሥራ ፈቱን ቁጥር ለመቀነስ ብሎም በ2011ዓ/ም በመላ ሃገሪቱ ለሚገኙ ለ 5 ሚሊዮን ወጣቶች ሥራ መፍጠር አስፈላጊ ነው እንላለን፡፡ ዳክተር አብይ አህመድ የ2011ዓ/ም የሃገሪቱ አጠቃላይ በጀት 346.9 ቢሊዩን ብር በቀድሞው የወያኔ ኢህአዴግ የበጀት ቀመር ክፍፍል መሠረት ማድረግ ከፍተኛ የስራ አጡን ቁጥር ችግር ማቃለል አይችልም እንላለን፡፡

መደበኛው በጀት፣ መደበኛው ባጀት(ለመንግስት ሠራተኛና ለመከላከያ ሠራዊት ደሞዝና አበል እንዲሁም ስራ ማስኬጃ ከሃገሪቱ ዓመታዊ ባጀት የመደበኛው ባጀት በየግዜው እየጨመረ በመሄድ ላይ ይገኛል፡፡ የ2008ዓ/ም መደበኛው በጀት 50 ቢሊዩን ብር፣በ2009 እኢአ 82 ቢሊዩን ብር፤ በ2010ዓ/ም መደበኛው በጀት 91.7 ቢሊዩን ብር ከፍ ሲል ጭማሪው ህብረተሰቡን ለከፍተኛ ግብር ይዳርገዋል፡፡ ‹‹ገበሬ የሚበላው ቢያጣ የሚከፍለው አያጣም!›እንደሚባለው ነው፡፡ የኢትዩጵያ ሕዝቦች አብዩታዊ ዴሞክራሲያዊ ግንባር (ኢሕአዴግ) መደበኛው ባጀት ለብሄራዊ ክልላዊ መንግስታት ለመንግስት ሠራተኛ ደሞዝና አበል እንዲሁም ስራ ማስኬጃ ያውለዋል፡፡ ለህወሓት፣ ለኦሕዴድ፣ ለብአዴን፣ ለደኢሕዴግ፣ ለሶዴድ፣ ለቤህነን፣ ለጋሕነን፣ ለሀብሊ እና ለአዲስአበባ አስተዳደር ሹማምንትና ካድሬዎች የሚወጣ የደሞዝና ሥራ ማስኪጃ በጀት ነው፡፡

የክልል መንግስት ድጋፍ በጀት፣ የኢትዬጵያ ፌዴራል መንግስት ዓመታዊ ባጀት ለክልሎች መንግስት ድጋፍ የ2008ዓ/ም የሃገሪቱ አጠቃላይ በጀት 223.3 ቢሊዩን ሲሆን ከዚህ ውስጥ፣ ለክልል መንግስት ድጋፍ በጀት፣ 76.8 ቢሊዩን ብር፣ የ2009 እኢአ ለክልሎች ድጎማ የፀደቀው ባጀት 117 ቢሊዩን ብር ሲሆን፣ የ2010 እኢአ ለክልሎች ድጎማ የፀደቀው ባጀት 135.6 ቢሊዩን ብር ሲሆን፣ለክልሎች የተመደበው ባጀት ክፍፍል ለህዝብ በይፋ አልተገለፀም፡፡ ሲሆን ለዘላቂ ልማት ግብ ከ 6 እስከ 15 ቢሊዩን ብር በጀት መያዙ ተጠቅሶ ነበር፡፡

ለካፒታል ፕሮጀክቶች ባጀት፣በተመሳሳይ ለካፒታል ፕሮጀክቶች በጀት ከሃገሪቱ ዓመታዊ ባጀት የካፒታል ባጀት በየግዜው እየጨመረ በመሄድ ላይ ይገኛል፡፡ የ2008ዓ/ም የሃገሪቱ አጠቃላይ በጀት 223.3 ቢሊዩን ሲሆን ከዚህ ውስጥ፣ ለካፒታል ፕሮጀክቶች በጀት 84 ቢሊዩን ብር መሆኑ ተጠቅሶል፡፡ የ2009 ዓ/ም የሃገሪቱ አጠቃላይ በጀት 321.8 ቢሊዩን ሲሆን ከዚህ ውስጥ፣ ለካፒታል ፕሮጀክቶች በጀት 115 ቢሊዩን ብር መሆኑ ተጠቅሶል፡፡ የ2010 ዓ/ም የሃገሪቱ አጠቃላይ በጀት 346.9 ቢሊዩን ሲሆን ከዚህ ውስጥ፣ ለካፒታል ፕሮጀክቶች በጀት 113.6 ቢሊዩን ብር መሆኑ ተጠቅሶል፡፡ የወያኔ የዘር ተኮር የኢትዬጵያ ፌዴራል መንግስት ሥርዓት ከዲኤን ኤ ይልቅ በመልከምድራዊ፣ ኢኮኖሚያዊ፣ ጥቅሞች ላይ ፌዴራላዊ መንግሥት ተመስርቶ፣ ዜጎች የፈለጉበት ቦታ መኖርና የሰዎች ከቦታ ቦታ ተዘዋውሮ የመሥራት መብትና ነፃነት መጠበቅ ይኖርበታል እንላለን፡-

ለክልሎች የሚደረግ የበጀት እርዳታ/ድጎማ፣ የኢትዬጵያ ፌዴራል መንግስት ለክልሎች የበጀት ድጎማ ሚያደርግበት ሁለት መሠረታዊ ምክንያቶች አሉት፡፡ የመጀመሪያው ምክንያት የክልሎች መንግስታት ያላቸውን የተፈጥሮ፤ የሰው ሃይልና ካፒታል ሃብቶችን በአግባቡ ማደራጀት ባለመቻላቸው የተነሳ፣ አስተዳደራዊ ወጫቸውን መሸፈን ባለመቻላቻ ምክንያት ነው፡፡ ሁለተኛው ምክንያት ደግሞ መንግስት በሁሉም ክልሎች እኩል የሆነ የኢኮኖሚ እድገት ማምጣት ሃላፊነት ስላለበት ነው፡፡ መንግስት በሁለተኛው ምክንያት የተነሳ እኩል ያልሆነ የሃብት ክፍፍል ፖሊሲ በመንደፍ በክልሎች መኃል እኩልነት መፍጠር ይሻል፡፡ የመንግስት ለክልሎች የሚያደርገው የእርዳታና ድጎማ ስርዓት ለክልሎች እድገት ጠቃሚ መሣሪያ በመሆን የኢኮኖሚና የማህበረሰብ እድገት ለማፋጠን ታላቅ ጠቄሜታ ሳያስገኝ ቀርቶል፡፡ በዚህም ምክንያት ለብሄራዊ ክልላዊ መንግስታትና አስተዳደር የሚደረገው ጠቅላላ የካፒታል በጀት ክፍፍል ድጎማ በየግዜው እየጨመረ ቢሄድም በክልሎች መኃል የተፈጠረው ያልተስተካከለ ዕድገት በተለይም በትምህርት፣ በጤና፣ በመብራት፣ በቴሌኮሙኒኬሽን፣ በላተጠና የመሠረተ-ልማት ሜጋ ፕሮጀክቶች ማለትም በመንገድ ሥራ፣ በባቡር መስመር፣ በኤርፖርት፣ በግድቡ፣ በኢንዱስትሪያል ዞኖች ግንባታ አይን ያወጣ አድሎና ዝርፍያ እንደአለ ገሃድ ሆኖል፡፡ የኢትዬጵያ ፌዴራል መንግስት ለክልሎች የበጀት ድጎማ መሠረታዊ ደንብና መመሪያ ሲኖረው የኢኮኖሚውን እድገት ቱሩፋት በፍታዊነት ለማከፋፈል ዋናው መሥፈርቶች መኃል፤ የክልሎች የህዝብ ብዛት፣ የእድገታቸው ደረጃ፣ የገቢ ምንጫቸው ከካፒታል ባጀት ጋር ያለው የንፅፅር ድርሻ፣ በማስላት ላይ ያልተመሠረተ መሆኑን አጥኝዎች ይገልፃል፡፡

የደሃ ፖለቲካኞች ሽሮ መብልያ ጥያቄ በኢትዮጵያ ብሄራዊ ክልልና ዓለም አቀፍ የውጭ ግንኙነት ዕይታ፡- በኢትዮጵያ የብሄር ብሄረሰቦች፣ የኦሮሚያ ክልል፣ የአማራ ክልል፣ የትግራይ ክልል፣ ሱማሌ ክልል፣ ደቡብ ክልል፣ ቤኒሻንጉል ጉሙዝ ክልል፣ ጋምሌላ ክልል፣ ሃረሪ ክልል፣ አፋር ክልል የዘረኛ ምሁራን የፖለቲካ ሥልጣንና የፖለቲካ ሽሮ መብያ ጥያቄ መሆኑን እናረጋግጥላችኃለን፡፡ የወያኔ ህገ መንግሥት የሣር ጉዝጎዝ ያህል ዋጋ ማጣቱና የኢትዮጵያ ሰንደቅ ዓላማ በተባበሩት መንግሥታትና የአፍሪካ ህብረት፣ እውቅና ያለው እሱ ብቻ መሆኑን ማወቅ ይገባል፣ በድርጅቶች ሰንደቅ ዓላማ መጣላት አያሸም የክልሎች ሰንደቅ ዓላማ የአውሮፓ ስፖርት ክለቦች ማልያ ያህል በዓለማችን እውቅና የለውም፡፡አያጣላም፡፡

{I} በኢትዮጵያ የክልል መንግሥት ድንበሮች/ ወሰኞች፣(Regional state borders) የኦሮሚያ ክልል 9 አዋሳኝ ድንበርተኞች አሉት፣ የአማራ ከልል 5 አዋሳኝ ድንበርተኞች አሉት፣ የአማራ ከልል 4 አዋሳኝ ድንበርተኞች አሉት፣ የሱማሌ ከልል 5 አዋሳኝ ድንበርተኞች አሉት፣ የደቡብ ከልል 4 አዋሳኝ ድንበርተኞች አሉት፣ የቤኒሻንጉል ጉሙዝ ከልል 4 አዋሳኝ ድንበርተኞች አሉት፣ የጋምቤላ ከልል 4 አዋሳኝ ድንበርተኞች አሉት፣ የሃረሪ ከልል 4 አዋሳኝ ድንበርተኞች አሉት፣የአፋር ከልል 4 አዋሳኝ ድንበርተኞች አሉት፣ የክልሎች የድንበር ግጭቶች የማያባራ ጦርነት ያስከትላል፡፡
በፈቃድ ከመጣ ባርነት የበለጠ የሚያሳፍር የለም!!! (‘No slavery is more disgraceful than that which is self-imposed’Seneca) ይሄ አባባል ለእኛ ‹‹በፈቃድ ከመጣ የልሂቃን ባርነት የበለጠ የሚያሳፍር የለም!!!›› ቢባል ያስኬዳል፣ የኢትዮጵያ ልሂቃን ከባህር ማዶ የቀሰሙትን ትምህርት ከሃገራቸው ተጨባች ሁኔታ ጋር ባለማዛመድ እንዳለ በመቃዳትና በመተርጎም ከስልጣኔ ማማና ከምሁራን ጎራ ቢደመሩም ለሃገራቸው የፖለቲካ፣ ምጣኔ ኃብትና ምህበራዊ ጉዳዮች የሰጡት መፍትሄ አጠያያቂ ነው፡፡ በወያኔ ኢህአዴግ በኢትዮጵያ ህዝብ ላይ የህብለ በራሄ (ዲኤን ኤ) ፌዴራሊዝም ፖለቲካ ከተጫነብን 27 አመታት ተቆጠረ፣ የኢትዮጵያ ፌዴራል መንግሥት ህዝቡን በልሳን ከፋፍሎ ለሞት፣ እስራትና ስደት ዳረገው፡፡ በኦሮሞና ሱማሌ፣ በአማራና ትግራይ፣ በሲዳማና ወላይታ፣ ወዘተ በተከሰተው የዘር ግጭት የሃገር ውስጥ ተፈናቃዬች ቁጥር ከሁለት እስከ ሦስት ሚሊዮን አሻቅቦል፡፡ የህወሃት አመራር በትግራይ ህዝብ ላይ የዘር ፍጅት ተካሄደበት፣በአንድ ዘር ላይ ያነጣጠረ ጥቃት ተፈፀመብን ‹ኢንተር ሃሞይ!› ብለው እንደጮሁት ዛሬም ድራማ እየሰሩ ናቸው ታዲያ እነዚህን ቦዘኔ ሌባ የወያኔ አመራሮች ‹‹በፈቃድ ከመጣ የወያኔ አመራር ባርነት የበለጠ የሚያሳፍር የለም!!!›› ልንላቸው ይገባል፡፡ ማንም ሰው ከህግ በላይ መሆን ስለማይችል መቐለ የመሸገው ፀረ-ዴሞክራቲክ ኃይል ለፍርድ መቅረብ ይገባዋል እንላለን፡፡ ከ2012 ዓ/ም ምርጫ በፊት ትግራይ የከተመው ጸረ ዴሞክራቲክ ኃይል ሌላውን ህዝብ በዘረፈው ገንዘብና የጦር መሣሪያ ማመሱ ቀጣይነት እንዳለው ሃገር ውስጥ የገቡ የፖለቲካ ፓርቲዎችና ድርጅት መሪዎች አጥተውት አይመስልም!!! ተራው የእኛ ጊዜ ነው ብለው መኖሪያ ቤት እንዲሰጣቸው፣ መኪና ለመሄጃቸው፣ ወፍራም ደሞዝ፣ መሬት እንዲሰጣቸው ወዘተ በጥቅም ላይ የተመሰረተ የፖለቲካ ሽሮ መብያ ለማድረግ ከሆነ ከህወሓት/ኢህአዴግ ዘመነ አገዛዝ በምንም አትሻሉም እንላለን፡፡ የሚበላው የሌለው ህዝብ ፖለቲከኞችን ይበላል!!!

በዘር ግጭት! የሃገር ውስጥ ተፈናቃዬች! የማንነት ጥያቄ ሠለባዎች፣ ባለፉት 27 አመታት ወያኔ ባጸደቀው በዘርና ልሳን በተከለለ ፌዴራላዊ ክልላዊ አስተዳደር የተነሳ የኢትዮጵያ ህዝብ ቁም ስቅሉን በማየት ላይ ይገኛል፡፡ በዚህም የተነሳ በወያኔ ከፋፍለህ ግዛው የአባላህኝ ዘመን ከክልላቸችን ውጡ፣ ቅስቀሳ የተነሳ የሃገራችን ዜጎች በሁሉም የሃገሪቱ ጋዛት ውስጥ ተዘዋውሮ የመስራት መብቱንና ክብሩን አጥቶል፡፡ በዚህም የተነሳ ከአንድ ሚሊዩን 500 ሽህ ህዝብ በላይ የኦሮሞና ሱማሌ ህዝብ ከቀያቸው ተፈናቅለዋል፡፡ በጉጂ ኦሮሞዎችና በሲዳማ ጊዴኦ የዘር ግጭት የተፈናቀሉ ከ750 ሽህ እስከ አንድ ሚሊዮን ወገኞቻችን ከቀያቸው ተፈናቅለዋል፡፡ በሲዳማና ወላይታ በተከሰተው የዘር ግጭት ከ20 እስከ 30 ሽህ ህዝብ ተፈናቅሎል፡

{1} የትግራይ ህዝብ ተፈናቃዬች፣ የኢትዮጵያ ፌዴራል መንግሥትና የትግራይ መንግሥት በሃገሪቱ ውስጥ በየወሩ ያለውን የትግራይ ተፈናቃዬችን ቁጥር ይደብቃሉ፡፡ የረድዔት ድረገፅ ሪፖርት መሠረት በግንቦት 17 ቀን 2018 እኤአ ከ30 ሽህ የትግራይ ህዝብ ከሚኖሩበት ቀዬቸውን መፈናቀላቸውን ትግራይ ኦን ላይን ዘግቦል፡፡ ከዚህ ውስጥ ከ30112 ሽህ ህዝብ በዘር ግጭት መንስዔ 8510 ሽህ ሰዎች ከሚኖሩበት ቀዬ ከአማራና ኦሮሞ ክልል መፈናቀል ተዘግቦል፡፡ የሱማሌ ክልል ፕሬዜዳንት የሆኑት አብዲ ኢሌ 10 ሚሊዮን ብር እርዳታ መስጠት በዜና ማሰራጫ ቀርቦል፡፡ የወያኔ አመራር ሌብነትን የትግራይ ህዝብ ያውቃል፡፡ ይህ በእንዲህ እያለ የትግራይ ርዕስ መስተዳደር ዶክተር ደብረፂዬን በትግራይ ህዝብ ላይ የዘር ፍጅት ተደረገ በማለት ከመቐለ በማቅራራታቸው ይታወሳል፡፡ እናቱ የማተችበትም፣ ወንዝ ውሃ ለመቅዳት የወረደችበትም ህፃን እኩል ያለቅሳል እንደሚባለው ዓይነት የኢትዮጵያን ህዝብ በማስፈራራት ላይ ይገኛሉ፡፡

{2} አማራ ህዝብ ተፈናቃዬች፣ ከጉራፈርዳ በመለስ ዜናዊ ዘመን በሽፈራው ሽጉጤ አስፈፃሚነት በአንድ ጊዜ ብቻ ከ78000 በላይ ቁጥር ያላቸው አማራዎች ተፈናቅለዋል፡፡ ከአማያ ደቡብ ምዕራብ ሸዋ ውስጥ የሚገኝ ሥፍራ በህወሃት/ኦህዴድ አስፈፃሚነት ከ5000 በላይ ቁጥር ያላቸው አማራዎች ተባረዋልበ 1992 ዓ/ም ከ12000 በላይ ተባረዋል በኢሰመጉ ከ1983 እስከ 2009 ዓ/ም ድርጊቱ ተጋልጦ ነበር፡፡በወያኔ ትዛዝ ሰጪነት ፣ በኦህዴድ አስፈፃሚነት ከምስራቅ ወለጋ ጊዳ ኪራሙ አካባቢ ቤትና ንብረታቸው ተቃጥሎ፣ ቤተክርስቲያን ተቃጥሎ፣ በቤት ንብረታቸው ተዘርፎ ሰብላቸው እንዲቃጠል ተደርጎ ወደ አማራ ክልል አዊ ዞን ውጥ ጃዊ በረሃ ተጥለው ለወባና ሌሎች በሽቶች ተዳርገዋል ለሞት በቅተዋል፣ ቤተሰቦች ተበትነዋል፡፡ቤኒሻንጉል ከክልል መተከል አውራጃ ዲባ ጤናና ማንዱራ ጉንጉዋ በተባለው ወረዳዎች ውስጥ የቤኒሻንጉል ነፃ አውጭ ድርጅት በሚባል ኃይል ፈፃሚነት 6000 በላይ አማራዎች ሲፈናቀሉ፣ 270 ሰዎች ተገድለዋል፡፡6833 መኖሪያ ቤቶች ተቃጥለዋልቤትንብረታቸው የቤት እንሰሳቶቻቸው ተወስደዋል፡፡ ከተለያዩ ክልሎች ከ500 ሽህ በላይ የሚሆኑ የአማራ ተወላጆች በወያኔ ሴራ በግፍ ተፈናቅለዋል፡፡

{3} በጉጂ ኦሮሞዎችና በሲዳማ ጊዴኦ የዘር ግጭት የተፈናቀሉ ወገኖቻችን፣ ከ740,000 ቁጥር ያላቸው የጊዴኦዎች እና ከ 178,000 በላይ ቁጥር የጉጂ ኦሮሞዎች ተፈናቅለዋል፡፡ በመቶዎች የሚቆጠሩ ኢትዮጵያውያን ሞተዋል፡፡ የጊዴኦ በደቡብ ክልልና ጉጂ በኦሮሚያ ክልል አዋሳኝ የሚኖሮ ወገኖች ከአካባቢያቸው ተፈናቅለዋል፡፡ የውስጥ ተፈናቃዬች ቁጥር በአሁኑ ሰኣት 970 ሽህ መድረሱ ተገልፆል፡፡ 30,000 በላይ ቁጥር ያላቸው ሲዳማዎች የአክራሪ ብሄርተኛነት ፖለቲካ ውጤት በሆነው የነገድ ማንነት መሰረት ያደረገ ውዝግብ እናንተ ወደ ክልላችሁ ሂዱ ተብለው ለዘመናት ከኖሩበት ቦታ ተባረዎል፡፡

{4} በኦሮሚያ ክልልና በሱማሌ ክልል ወሰን አንድ ሚሊዮን የተፈናቀሉ ወገኖች፣ በኦሮሚያ ክልልና በሱማሌ ክልል ከ800,000 ኦሮሞዎችና ከ200,000 በላይ ቁጥር ያላቸው ኢትዮጵያዊያን ሶማሌዎች ተፈናቅለዋል፡፡ በኢትዮጵያ በሃገር ውስጥ የተፈናቃዮች ቁጥር 1.7 ሚሊዮን ህዝብ በተለያዩ አካባቢዎች በኦሮሚያና በደቡብ ክልል በተቀሰቀሰ የዘር ግጭትና በድርቅ የተነሳ ተፈናቅለው ሠፍረው ነበር፡፡

{5} በአዲስ አበባ፣ በቡራዩ፣ አስኮ፣ በጉራጌ፣ በስልጤ፣ በአርባ ምንጭ ወዘተ የተከሰተ የዘር ግጭት በሰው ህይወትና ንብረት ላይ የተፈፀመ አሳዛኝ ድርጊት ነው፣ ወንጀለኞቹ ለፍርድ በአስቸኮይ መቅረብ ይኖርበቸዋል እንላለን፡፡ አይነኬ የወያኔ ወንጀለኞች ለህግ ጥሰት ፈር ቀዳጆች ናቸው!!! ህወሓት የተከለው የህብለ በራሄ (ዲኤን ኤ) ፖለቲካ ሥር ሰዶ ትልቅ ወርካ ዛፍ ሆኖል፡፡ ህብረ ብሄር ፓርቲዎችና የብሄር ድርጅቶች ተቻቻሉ!!! አይነኬ የህወኃት ወንጀለኞች ለፍርድ ይቅረቡ!!! የህግ የበላይነት ይከበር!!! ወያኔ ከመቐሌ ሽብር ስፖንስር ያደርጋል፣ አጀንዳ ይቀርፃል!!! ‹‹የሠላምና መረጋጋት ዴሞክራሲያዊ ጋርድ ›› በማዋቀር ከቀበሌ ጀምሮ እስከ ላይ ድረስ በፈረቃ ዘብ መቆም እራሱን ይጠብቅ!!!

ኮ/ል ደመቀ ዘውዱ የወልቃይት ጠገዴ አማራ ማንነት አስመላሽ ኮሚቴ በጠራው ስብሰባ ላይ ያደረገው ንግግር ሙሉ ቃል


…………………………
“አማራ በብሔር መደራጀት ችግር የወለደው ቢሆንም አማራ በብሔረ መደራጀት መብታችን ነው፡፡ የማንንም ፍቃድ አያስፈልገንም፡፡ ሀቁ ይህ እንደሆነ የአማራ ህዝባችን ከስሜት ነፃ በሆነ አስተምህሮ በመስጠት ህዝቡን ጠንካራ አቋም እንዲይዝ በማድረግ ራሱን ከማንኛውም የዘር ጥቃት እንዲከላከል ማድረግ”
~ህወሓት የወልቃይት ጠገዴ የአማራ ብሔርተኝነት አለመመለሱ ከጊዜ በኋላ ውጤቱ ቀሪው ኃይል በታሪክ ሊነግረን ይሆናል፡፡ ህወሓት የአማራ ህዝብ ጥያቄ ላለመመለስ ጦርነት ከመረጠ በአማራ አሸናፊነት እንደሚደመደም አትጠራጠሩ፡፡ ህወሓት የአማራ ህዝብ ጥያቄ በሰላም ከመለሰ ግን አሸናፊም ተሸናፊም አይኖርም በኢትዮጵያዊነታችን በጋራ እንኖራለን፡፡
~የአማራ ህዝብ የተለያዩና ብዙ ድርጅቶች ለችግራችን መፍትሄ አይደሉም፡፡ የአማራ ህዝብ የሚያስፈልገን አንድ ወይም ሁለት ጠንካራ ተፎካካሪ ፖለቲካ ፓርቲ ብቻ ነው የሚያስፈልጉን እንዲህ ከሆነ ጉልበትም አቅምም እንዲፈጥር አማራ ይረዳል፡፡
……………………………
ሙሉ ንግግሩ ከስር ይገኛል!
ቀን 08/01/2011ዓ.ም
ቀጣይ መስራት የሚገባን እና ሊገጥሙን የሚችሉ ችግሮችና መፍትሔዎች

1. መስራት የሚገባን

የአማራ የማንነት ጥያቄያችን አወንታዊ መልስ እንዲያገኝ በህጋዊ መልክ ተስፋ ሳንቆርጥ እስከ መጨረሻ መታገል የወልቃይት ጠገዴ የአማራ የማንነት ጥያቄ የመላ አማራ ህዝብ ጥያቄ ከሆነ ውሎ አድሯል፡፡
የመላ አማራ ህዝብ ጥያቄ ብቻ ሣይሆን የመላ አማራ መንግስትና ድርጅት ጥያቄ እንዲሆን አጥብቀን መታገል ይገባናል፡፡ የወልቃይት ጠገዴ ህዝብ የአማራ የማንነት ጥያቄ መንግስት ህግና እውነትን ይዞ በፍትሃዊነት ጥያቄውን እንዲመልሰው ወሳኙ የአማራ ህዝብ ስለሆነ አማራ በጠንካራ ብሔርተኝነት ተደራጅቶ መታገል ይገባዋል፡፡

እንደ አማራ ብሔር ተወላጆች መጠን እኛ የወልቃይት ጠገዴ ህዝብ የአማራ ማንነት አስመላሽ ኮሚቴና መላ የወልቃይት ጠገዴ ህዝባችን ጋር ከመላ የአማራ ሕዝብ ጐን ተሰልፈን ብሔራዊ ማንነታችንና ክብራችን ለማስመለስ አሁንም ጠንክረን እንታገላለን፡፡
የአማራ ብሔርተኝነት በማጠናከር ጠንካራ አገር እንድትኖረን ለኢትዮጵያ አገራችን በሙሉ ልብ እንታገላለን፡፡ የአማራ ብሔርተኝነት በማጠናከር ጠንካራ አገር እንድትኖረን ለኢትዮጵያ አገራችን በሙሉ ልብ እንታገላለን፡፡ የመላ የአማራ ህዝብ ሰብአዊና ዴሞክራሲያዊ መብት የፖለቲካና የኢኮኖሚ እንዲሁም ማህበራዊ እኩልነት የሚያረጋግጥ መንግስት እንዲኖረን አጥብቀን ልንታገል ይገባል፡፡

የአንድ ብሔር አንድነትና ፍቅር የሚመሰረተው ከአንድ ቤት ቤተሰብና ከቀበሌ ነው። የአንድ አገር አንድነትና ፍቅር የሚመሰረተው ከአንድ ዞን እና ከአንድ ብሔር ነው፡፡ ለዚህ ነው ጠንካራ ኢትዮጵያ ለመፍጠር ጠንካራ የአማራ ብሔረተኝነት እንፍጠር የምንለው፡፡

አማራዎች ባለፉት ሃያ ሰባት/27/ ዓመታት ብዙ ግፍና በደሎች አሳልፈናል፡፡ እንድንገደል፣ እንድንታሰር፣ እንድንሰደድ፣ ተፈጥሮአዊ ሃብታችን እና መሬታችን እንድንዘረፍ ዋና ምክንያት ምክንያታዊ ያልሆነ አንድነት እየሰበክን አንዲት ኢትዮጵያን ሳናገኝ አማራ ራሱን ሳያድን ለከፍተኛ ጥቃት ተዳርጓል፡፡ ስለሆነ በብሔር ያለ መደራጀታችን ምን ያህል ዋጋ እንዳስከፈለን ምስክር አያስፈልገንም፡፡

ስለዚህ አማራ በብሔር መደራጀት ምንም አማራጭ የሌለው ሃሣብ እንደሆነ እናምናለን፡፡ አማራ በጠንካራ ብሔርተኝነት ካልተደራጀ የወልቃይት ጠገዴ የማንነት ጥያቄ የአማራ የወሰን ጥያቄዎች እንደማይመለሱ እርግጠኞች ነን፡፡ መሰረታዊ የማንነት ጥያቄ፣ የወሰን ጥያቄ፣ የፖለቲካ፣ የኢኮኖሚና የማህበራዊ እኩልነት እንዲመለስ ወንድ ሴት፣ ወጣት ሽማግሌ፣ ሙስሊም ክርስቲያን ሳንባባል ቅማንት፣ አገው፣ ኦሮሞ፣ ስናሻ ሳንባባል በአንድ አማራነት ስር ተደራጅተን በሚለያዩን ተከባብረን በሚያመሳስሉን ተቀራርበን በመስራት አንድ አማራ ድርጅት ልንመሰርት ይገባል፡፡ አንድ አማራ፣ አንድ አገው፣ አንድ ኦሮሞ፣ አንድ ቅማንት፣ ሲጠቃ ሲበደል አንድ አንድ አማራ ተደራጅተን ጥቃቱን ልንከላከል እና ልናድነው ይገባል፡፡

የአማራ ጠላቶች የሚያመሳስሉን ሳይሆን ልዩነታችን በጥላቻ እያሰፉ እርስ በእርሳችን እንድንጋደል፣ እንድንጠፋፋ በሚያረጉት ሴራ በጋራ በንቃት ልንከላከል ይገባል፡፡ አማራ የሚያጠቃን ውጫዊ ሣይሆን ውስጣዊ አለመግባባት ካለ ብቻ ነው፡፡

2. የአማራ የማንነትና የወሰን ጥያቄዎች እንዳይመለሱ የሚገጥሙን ችግሮች:_

1. ማንነት ማለት ምን ማለት ነው ትክክለኛ ትርጉም ካለመረዳት የማንም የፖለቲካ ነጋሴ ሰለባ የመሆን አቋም የማጣት ሁኔታ፣

2. ምክንያታዊ የብሔር መደራጀትና ምክንያታዊ የአገር አንድነት በትክክል ለያይቶ ካለመረዳት ከነፈሰው የመንፈስ ሁኔታ ሊገጥመን ይችላል፡፡

3. ክብረኛ በመሆን እኔ ያልኩትን ስሙ የማለትና ልታይ ልታይ በማለት በተለየ በወጣቱ ክፍል አለመግባባት ሊፈጠር ይችላል፡፡

4. የማንነት ጥያቄና የብሔርተኝነት አደረጃጀት ለግል ጥቅም ማራመጃ የመጠቀም የማንነት ጥያቄው ሆነ የብሔር አደረጃጀቱ በግዚያዊነት የግል ጥቅም ምንም የሌለው ተጠቃሚነቱ የጋራና የረጅም ጊዜ ሁኖ ሲያገኘው ተስፋ የመቁረጥ ከዚህ በተነሣ ትግሉን ከማኽል መንገድ ትቶ የመሔድ ለሚታገድ ታጋዮች የማጥላላት ጥቅም ወደ አለበት የመንሸራተት ሁኔታ ሊገጥመን ይችላል፡፡

5. ህወሓት የትግራይ መንግስት የአማራ ደካማ ጐን እያየ ዘርና ጐሣን መሰረት አድርጐ አማራ በብሔር እንዳይደራጅ ከፍተኛ ገንዘብ በማፍሰስ አንድ እንዳንሆን በራሳችን ሰው ወዳጅ እየመሰለ እርስ በርሳችን ሊያጋጨን ይችላል፡፡

6. “የወልቃይት ጠገዴ ህዝብ ትግራይም አማራም አይደለም ወልቃይት ራሱ የቻለ ህዝብ ነው የወልቃይት ራስ ገዝ ነው የምንፈልገው” የሚሉ ኮሚቴ በማቋቋም የወልቃይት ህዝብ በማደናገር ብሎም ለፌዴራል መንግስት ግራ በማጋባት የወልቃይት ጠገዴ ህዝብ የማንነት ጥያቄ አፋጣኝ መልስ እንዳያገኝ ማዘግየት፡፡ ሁለቱ የወልቃይት ጠገዴ ህዝብ ከአማራ ህዝብ በመነጠል ማንነትና ታሪክ አልባ በማስቀረት በሁለት ዱላ እንዲመታ የተለያየ ሴራ ሊፈጥር ይችላል፡፡

7. አሁን ያሉ የአማራ ድርጅቶችና የአንድነት ድርጅቶች አባላት ምክንያታዊ የሆነ ፖለቲካ ከመከተል ይልቅ ጭፍን የሆነ የቲፎዞ ፖለቲካ በመከተል ተቀራርበን በሃሣብ ከመመካከር ይልቅ በሩቅ ሁኖ አንዱን የአንዱን ስም በማጥፋት እኔን ስሙኝ የማለት ወቅታዊ የህዝብ ስሜትን በማየት ለጊዜያዊ የፓርቲ ጥቅም በመሮጥ የህዝብ መሠረታዊ ጥያቄ የመርሳትና ህዝብን ግራ የማጋባት ሁኔታ ሊገጥመን ይችላል፡፡

መፍትሄዎች

የማንነት ትርጉም ካለመረዳት የሚፈጠሩ ችግሮች መፍትሄው ማህበረሰቡን በተለያየ መልኩ ማስተማር ማንነት ማለት ቋንቋ፣ ባህል፣ ስነ-ልቦና፣ የመሬት ጅኦግራፊያዊ አቀማመጥና ታሪክ እንደሆነ ቋንቋ በጉርብትና፣ በትምህርት፣ በስደትና በእናት አባት የሚገኝ ሲሆን ትክክለኛ የማንነት ቋንቋየ የሚባል ሐዘንና ደስታህን የምትገልጽበት ቋንቋ ሲሆን የማንነት ቋንቋየ ማለት እንደሆነ ማስተማር አለብን፡፡

ምክንያታዊ የብሔር አደረጃጀትና ጥቅሙን ካለመረዳት አማራ በብሔር መደራጀት ችግር የወለደው ቢሆንም አማራ በብሔረ መደራጀት መብታችን ነው፡፡ የማንንም ፍቃድ አያስፈልገንም፡፡ ሀቁ ይህ እንደሆነ የአማራ ህዝባችን ከስሜት ነፃ በሆነ አስተምህሮ በመስጠት ህዝቡን ጠንካራ አቋም እንዲይዝ በማድረግ ራሱን ከማንኛውም የዘር ጥቃት እንዲከላከል ማድረግ፡፡ አማራ ሲኖር ኢትዮጵያ ትኖራለች አማራ ከለለ ኢትዮጵያም አትኖርም በማለት ለአማራ ህዝብ እውቅናና ህልውና የሚያምን መንግስትና አገር እንድትኖረን አበክረን መታገል፡፡ የአማራ ህዝብ መሠረታዊና ጊዜያዊ ጥያቄዎችን ለማህበረሰቡ አብራርቶ ማስረዳት፡፡

ክብረኛ የመሆን አዝማሚያ መድሃኒቱ ህዝብና አገርን ማዕከል በማድረግ የግል ክብርና እኔ ያልኩት ብቻ ስሙ የሚል አመለካከት ጠቃሚ እንዳልሆነ የማያግባባ እንደሆነ አይተን ለሰው ልጅ አክብሮት ትህትናን በማሳየት እርስ በእርሳችን በመደማመጥ ለህዝባችን ዘላቂ ጥቅም የሚያመጣ አቅጣጫ መከተል፡፡

የማንነት ጥያቄና የብሔርተኝነት አደረጃጀት በትክክለኛ መንገድ ከማስኬድ ይልቅ ለግል ጥቅም ማስገኛ የምንሮጥ ከሆነ ትግሉን ከመንገድ ጥለነው ተስፋ በመቁረጥ የምንሄድ ከሆነ የመገዛ የራሳችን ህዝብ ትላንትና ከገጠመን ግፍና በደል የነገው ጥፋትና ግፍ ሊያመዝን ይችላል ስለሆነ “ገንዘብ ጠፊና አላፊ ነው” በሚል አመለካከት ለብሔራዊ ማንነታችን እና ክብራችን በፅናት ልንታገል ይገባል፡፡

ህወሓት የትግራይ መንግስት ዘርና ጐሳን መሠረት አድርጐ አማራ አንድ እንዳይሆን ከፍተኛ በጀት በመመደብ እርስ በእርሳችን ለማናቆር የሚያደርገው ሴራ በትክክል በመረዳት ዘርና ጐሣ ሳንለይ በእውነትና በሀቀኝነት ለአንድ አማራ ለአንዲት ኢትዮጵያ ልንታገል ይገባል፡፡ ህወሓት የትግራይ ተወላጆች በሁለት አቅጣጫ አሰልፎታል አንዱ ግልፅ የሆነ ደጋፊ የአባልነት ካርድ ያለው ሲሆን ሁለተኛው ድብቅ ደጋፊ የአማራ መታወቂያ በማስያዝ ግማሹ የህወሓት ጠላትና ተቃዋሚ በማስመሰል በአማራ ድርጅቶችና ተቋማት በገንዘብ እንዲቀጠሩ በማድረግ ከፍተኛ የስለላና የደህንነት ስራ እንዲሰሩ በማድረግ የአማራ መንግስትና ህዝብ የዕለት ተዕለት እንቅስቃሴ በመቆጣጠር የህወሓት የጀርባ አጥንት ሆነው እንዲያገለግሉ የትግራይ ተወላጆች አሰላለፍ ፈጥሯል፡፡

ለዚህ መድኃኒቱ የትግራይ ተወላጆች በአማራ ህዝብ ላይ እንደ ካሁን ቀደሙ ሁሉን ነገር በየዋህነት ከፍተን መስጠት ማቆም ነው፡፡ ህውሓት የቀማንን ማንነትና መሬት እስከሚመልስ ድረስ የትግራይ ተወላጆች በፖለቲካ አስተዳደር፣ በፀጥታ አስተዳደር፣ በደህንነት ስልጣን፣ ለሕዝብ ደህንነት አስጊ በሆኑ ተቋማት እንዳይሰሩ የአማራ ህዝብና መንግስት ተስማምተው ለአማራ ህዝባችን ደህንነት ሲባል ሊገደብ ይገባል፡፡

ማንኛውም የአማራ ህዝብ ፀጉረ ልውጥ የሆነ ለማኝ፣ እብድ፣ ቄስ ወይም መነኩሴ መስለው በየአካባቢው ለመረጃ ስራ የተሰማሩትን ህዝቡን እንዲከታተል በመላ አማራ የማንቃት ስራ መስራት ህዝባችን ተደራጅቶ ራስን የመከላከል ስራ እንዲሰራ ማገዝ፡፡ ይህንን የምንለው ያለን መፍትሄ የትግራይ ህዝብን ከመጥላት አይደለም። ከህወሓት ሴራና ተንኮል ተነስተን ለአማራ ካለው ጥላቻ የተነሣ አሁን ገበሬ አዝመራ በሚሰበስብበት አማራ ካላጠፋን መተኛት አንችልም በማለት መላ የትግራይ ገበሬ አዲስ መሣሪያ ዕድሜና ፆታ ሳይለይ መሣሪያ በማስታጠቅ ፀረ አማራ ተሰለፍ ብሎ ሌት ተቀን በማሰልጠን ላይ ይገኛል። ለዚህ ነው የአማራ ህዝብ የዋህነትና እንቅልፍ ይብቃ፡፡ ራሳችን ለማዳን እና ለመከላከል ትግላችን ከውስጥ ወደ ውጭ ይሁን፡፡

6. ‹‹ወልቃይት ጠገዴ ትግራይም አማራም አይደለም ወልቃይት ራሱ የቻለ ህዝብ ነው›› በሚል የፈጠራ ታሪክ ህወሓት ሽርኵ አንዳንድ የወልቃይት ተወላጆች ለታሪክና ለማንነት ያልታደሉ ለሆዳቸው ያደሩ በጋብቻና በጥቅም ከትግራይ ባለስልጣን የተሳሰሩ ግማሽ ጐናቸው የትግራይ ተወላጆች የሆኑትን አደራጅቶ ወደ ፌዴራል መንግስት ፌዴሬሽን ም/ቤት እንደ አዲስ ጥያቄ እንዲያቀርቡ በህወሓት ከፍተኛ በጀት ተመድቦ እንደሚንቀሳቀሱ ሚስጥሩን ደርሶናል፡፡ ሃሣቡ ደግሞ እጅግ መሰሪ የወልቃይት ጠገዴ ህዝብ ማንነትና ታሪክ አልባ ከማስቀረት አልፎ ከሚወደው ህዝብ አማራ ነጥለው ለዘልአለም ዙፋን እንዲጠፋ ለማድረግ በሰፈራ የመጣ ከትግራይ ሕዝብ በወልቃይት ጠገዴ እኩል የመወሰን መብት የሚሰጥ እንደሆነ እና የወልቃይት ጠገዴ ህዝብ በትግራይ ተወላጆች ቁጥር ተበልጦ ቀጣይ ተመልሶ የትግራይ ማንነት እንዲያነሣ በማድረግ ለዘለዓለም የትግራይ ግዛት ለማስደረግ እንደሆነ ሴራው ገብቶናል፡፡ ህገ-መንግስታዊ ጥያቄ በአግባቡ የማይመልስ መንግስትና ድርጅት ከሆነ አማራ ወሰኑ ተከዜ ነው ተከዜ መልስ በህግና በውዴታ ህወሓት የማይልስ ከሆነ አማራ በግድ የማስመለስ ወኔም አቋምም አለን፡፡ ህወሓት ብንነግረው ብንነግረው አልሰማም ካለ በእስክርቢቶና በወረቀት ልጠየቅነው መትረየስና ላውንቸር ታጥቆ አማራ መውጋት ነው መፍትሄድ ካለ እኛ ምንም ማድረግ አንችልም የተኛው አንበሣ መቀስቀስ ነው፡፡

ህወሓት የወልቃይት ጠገዴ የአማራ ብሔርተኝነት አለመመለሱ ከጊዜ በኋላ ውጤቱ ቀሪው ኃይል በታሪክ ሊነግረን ይሆናል፡፡ ህወሓት የአማራ ህዝብ ጥያቄ ላለመመለስ ጦርነት ከመረጠ በአማራ አሸናፊነት እንደሚደመደም አትጠራጠሩ፡፡ ህወሓት የአማራ ህዝብ ጥያቄ በሰላም ከመለሰ ግን አሸናፊም ተሸናፊም አይኖርም በኢትዮጵያዊነታችን በጋራ እንኖራለን፡፡ ለማንኛውም የአማራ ህዝባችን ራሱን ለማስከበር ይደራጅ፡፡

7. ሌላው የፖለቲካ ትርፍ ለማግኘት ተብሎ ተቀራርበን አማራዎች ከመመካከር ይልቅ በብዙ ቡድን እና ፓርቲ ተበትነን ህዝባችን ግራ ከማጋባት ከስሜትና ከአሉባልታ ነፃ ሁነን በሚያመሳስሉን ተቀራርበን በመስራት በሚያለያዩን ደግሞ ተከባብረን ልዩነታችን ወደ ህዝብ በማቅረብ ፈራጅና ዳኛ ህዝብ እንደሆነ አምነን ለአማራ ብሔርተኝነት ከልብ እንታገላለን፡፡

የአማራ ህዝብ የተለያዩና ብዙ ድርጅቶች ለችግራችን መፍትሄ አይደሉም፡፡ የአማራ ህዝብ የሚያስፈልገን አንድ ወይም ሁለት ጠንካራ ተፎካካሪ ፖለቲካ ፓርቲ ብቻ ነው የሚያስፈልጉን እንዲህ ከሆነ ጉልበትም አቅምም እንዲፈጥር አማራ ይረዳል፡፡
በመጨረሻ በምክንያት የተደገፈ የአማራ ብሔርተኝነት በማጠናከር በምክንያት የተደገፈ የአገር አንድነት እንድንመሰርት ከለውጥ የአመራር ኃይል ጐን በመሰለፍ ለሁላችን ኢትዮጵያዊያን ዘር ጐሣ ሳትል በእኩል ዓይን የምታስተናግድ አገር እስከምንፈጥር ጠንክረን እንታገላለን፡፡ ለውጡን እውን እንዲሆን አማራ በብሔር የደራጅ የማንነትና የወሰን ጥያቄዎቻችን እንዲመለሱ አማራ በብሔር ይደራጅ፡፡

መስከረም 08/01/2011 ዓ.ም
በጌምድር፣ ጎንደር

የሰሞኑ ሁኔታ (ጌታቸው ኃይሌ)

ጎሰኝነት፤ እንደዚህ ቃል የሰለቸን ሌላ ቃል ያለ አይመስለኝም። ግን ብዙ ቢተችም፥ ብዙ ቢጣጣልም፥ ዱሮውንም ሊሆን የማይገባውን የጎሰኝነትንና የፖለቲካን ጋብቻ ማፋታት አልተቻለም። ስንተቸው አድረን ጠዋት ሲነጋ እዚያው ማታ እተውንበት ቦታ ቁጭ ብሎ እናገኘዋለን። ለምን ይሆን? እንደሚመስለኝ፥ ጎሰኝነትን የተማሪዎቹ እንቅስቃሴ ለአንዳንዶች ካቀመሷቸው ወዲህ ሱስ ሆኖባቸዋል። ጎሰኝነት ሱስ ነው። ሲኖሩም ጎሰኛ፥ ሲሞቱም ጎሰኛ ሆነው ሊቀሩ። አንዳንድ ሰዎች በሱስ መይያዛቸውን ስለማያምኑ የሱስ መድኃኒት ፍለጋ አይሄዱም፤ ቢሰጣቸውም አይቀበሉም።

ኦሮሞዎች በሚኖሩበትና በአዲስ አበባ ከተማ ጎሳን የማያመለክት የመታወቂያ ወረቀት እየወጣ መሆኑ ይነገራል። ትልቅ ዜና ነው። ግን ጎሰኝነት መፋቅ ያለበት ከወረቀቱ ላይ ይልቅ ከሰዉ አስተሳሰብ ላይ ነው። እነዚህ በጎሰኝነት ሕዝብ የሚበጠብጡት ልጆች መታወቂያቸው ጎሳ-አልባ ስማቸውም ኦሮምኛ፥ ወላይትኛ፥ ሱማልኛ፥ ያልሆነ ሊሆን ይችላል። የነሱ አስተሳሰብ ግን በጎሰኝነት ተበክሏል። የሚፈልጉት ምን ይሆን? በአንድ አፍ የሚናገሩ ቢሆን፥ ያንን አፍ ፈልገን እንጠይቀው ነበር። አገር መግዛት ነው? ወይስ መገንጠል? ማንን እንጠይቅና ለዚህ ጭቅጪቅ ፍጻሜ እናግኝና እፎይ እንበል? መግዛት አምሯቸው እንደሆነ፥ ከእንግዴህ ወዲህ ማንም በማንም መገዛት አይፈልግም። መለያየት ከሆነም፥ መለያየት ማንንም ከሌላው የበለጠ አይጐዳም።

ክልል፤ ጎሰኝነትና ክልል የአንድ ሳንቲም ሁለት ገጾች ናቸው። ክልል የቆመው ሰብአዊ መብት ላይ ነው። የትም ቦታ የመኖር መብትን ይጥሳል። ስለክልል ክፋት የተጻፈው ስለጎሰኝነት ክፋት የተጻፈውን ያህል ቢሆንም፥ አንድ ያልተሠመረበት ጉዳይ ቀርቷል። እሱውም፥ ያንድ ክልል ሰው ወደ ሌላው ክልል ሄዶ እንዳይኖር መከልከሉ የሚያስከትለው ጉዳት ነው። ተጎጂው የዚያ ክልል ሰዎች ናቸው። አዲስ ደም እንዳያገኙ ይከለከላሉ። አሜሪካ በቴክኖሎጂ ልቃ የሄደችው የውጪ ደም የሚገባበትን ቦይ ሁል ጊዜ ክፍት ስላደረገች ነው።

ዲሞክራሲ፤ አንዳንድ ሰዎች በዲሞክራሲና በጎሰኝነት ሲምሉ ይሰማሉ፤ “በአንድ ራስ ሁለት መላስ” እንደሚባለው ነው። ከሁለቱ አንዱን መያዝ ግድ ይላል። ምክንያቱም፥ ዲሞክራሲ የአሸናፊ ፓርቲ አስተዳደር እንጂ የጎሳ ገዢነትን አያመጣም። ኢትዮጵያ ውስጥ ማንም በጎሳ የተደራጀ ፓርቲ በምርጫ ሊያሸንፍ አይችልም። ግፋ ቢል፥ ሁለት ሦስቱ የጎሳ ፓርቲዎች ጣምራ ቢፈጥሩ ነው። የቱና የቱ ጎሳ? ሁሉም በተፋጠጠበት አገር ሰላማዊ የጎሳ ፓርቲ ጣምራ አይታሰብም፤ አይቻልምም። ቢቻልም እንኳ የተሸነፉትን ጎሳዎች ለመጨቈን እንጂ ከዚያ

 

አልፎ፥ የአንድ ጎሳ ግዛት አይሆንም። ባጭሩ፥ አንድ ሀገር የተኳረፉ ጎሳዎች በሰላም መኖሪያ ልትሆን አትችልም። ዶክተር ዐቢይ የኢትዮጵያን ትልቅነት ለማሳየት ይጥራል። የሕዝቧን ኋላ- ቀርነት የሚያውቅ አይመስልም። እግዚአብሔር ይርዳው።

ባንዲራ፤ ካሳደገችን ባንዲራ ጋር ፍቅር የያዘን ጥቂቶች አይደለንም። እኔ ሳያት ሆዴ ይንሰፈሰፋል። ምንም ምክንያት ቢሰጠን ከሷ ፍቅር (ሱስም በሉት) ሊለየን አይችልም። አሁን ያለው መንግሥት የሚገዛን ደርግ ዘውዱንና መስቀሉን በጐረደው አንበሳ ምትክ ኮከብ ባለበት አረንጓዴ፥ ቢጫ ቀይ ቀለም ባለው ባንዲራ ነው። ቀለሙን ያቈየው የሕዝብ አመፅ ነው እንጂ፥ ያ ተንኮለኛማ ሌላ ቀለምና አርማ ባለው ባንዲራ ሊተካት አስቦ ነበር። ሆኖም፥ ሊለውጣት ያሰበው “ከቀለሙ በስተጀርባ ባለው ምክንያት ነው” በማለት ክፉ ትርጕም ስለሰጣት፥ በዚያ ትርጕም ምክንያት የሚጠሏትም አሉ። ብዙ የአፍሪካ አገሮች በቅኝ ግዛት ሥር በነበሩበት ጊዜ የኛ ባንዲራ ብቸኛ አፍሪካዊት ባንዲራ ስለነበረች እንደ አፍሪካ (እንደ ራሳቸው) ባንዲራ ያዩዋት ነበረ። ነፃ ሲወጡ የራሳቸውን ባንዲራ ከኢትዮጵያ ባንዲራ ጋር እያዛመዱ ፈጠሩ። ፍቅራችን አብረናት ስላደግን ከመሆን አልፎ በዓለም ላይ የምታስከብረንም ሆነች። ራሱንና ታሪኩን የሚጠላ ገዢ ካልመጣብን ይቺ ባንዲራ አትቀየርም። የምንመኘው ዲሞክራሲ ሲሰፍንና የሀገሪቱ ባንዲራ በሕዝብ ድምፅ ይወሰን ቢባልም፥ በድል አድራጊነት ትውለበለብ ይመስለኛል።

ግን ልብ እንበል፤ “ወታደር በጦርነት የሚዋደቀው ለባንዲራው ነው” ሲባል ምን ማለት ነው? ለምሳሌ፥ የኢትዮጵያ ወታደር አድዋ ላይ፥ ካራ ማራ ላይ፥ ባድሜ ላይ የተዋደቀው ለባንዲራው ከሆነ፥ በጊዜው አገሪቱን ወክሎ ለሚያውለበልበው ባንዲራ እንጂ፥ ሁል ጊዜም ለአንድ ዓይነት ባንዲራ አይደለም። መዋደቁን ከአንድ ከተወሰነ ባንዲራ ጋራ ብቻ ማያያዙ ስሕተት ነው።

ዶክተር ዐቢይ አሕመድ፤ ጠቅላይ ሚኒስቴሩ በቅርብ ጊዜ በባንዲራው ምክንያት ስለተነሣው ብጥብጥ የተናገረው ብዙዎችን አስቈጥቷል። ይኸ ብቻ አይደለም፤ የኢሕአዴጉ መሪ የኢሕአዴግን ባንዲራ ሲያውለበልብ ሲያዩም የሚገረሙ አሉ። እነዚህ ሰዎች የኢትዮጵያ ባንዲራ በመንግሥት ደረጃ ከ1964 ዓ. ም. ጀምሮ ሁለት ጊዜ እንደተለወጠ ልብ አላሉትም። ሌጣውን ባንዲራ እነሱ ስላውለበለቡት የሀገሩ ሕጋዊ ባንዲራ መስሏቸዋል። በአሁኑ ጊዜ ከባለ ኮከቡ በቀር ማንኛውም ባንዲራ (ሌጣው ባንዲራ ሳይቀር) የኢትዮጵያ መንግሥት ሕጋዊ ባንዲራ አይደለም። ራሱ ዶክተር ዐቢይና ባንዲራው ከሕገ መንግሥቱ ጋራ የኢሕአዴግ ወገኖች ናቸው። የኢሕአዴግን ሕገ መንግሥት መጣስና የኢሕአዴግን ባንዲራ አለመቀበል ዶክተር ዐቢይን አለመቀበል ነው።

የዶክተር ዐቢይን አመራር ተቀብሎ፥ የኢሕአዴግን ሥርዓት አለመቀበል፥ “ከመረቁ አውጡልኝ ከሥጋው ጦመኛ ነኝ” ማለት ይሆናል። ከነዚህ ሰዎች ይልቅ የዶክተር ዐቢይን ለውጥ የማይቀበሉ

ይሻላሉ። ሌጣውን ባንዲራ ማውለብለብ ያሳስር ነበረ። ዶክተር ዐቢይ “አንድ ኢትዮጵያዊ የፈለገውን ባንዲራ ቢያውለበልብ፥ ያልፈለገውን ቢያቃጥል ሐሳብን በነፃ ከመናገር የተለየ አይደለም” ብሏል። በዲሞክራሲ የሚምል ሰው ይኸንን  አነጋገር  መቀበል  እንዴት ያቅተዋል? ሌላው ቢቀር፥ በዚህ ረገድ ከሠለጠኑት አገሮች እኩል አደረገን እኮ።

የጥንቱ ባንዲራችን እንዲመለስልን እንታገላለን። እስከዚያ ግን ሕጋዊው የኢትዮጵያ ባንዲራ የምንጠላው ባለኮከቡ ነው። ሌጣውን ባንዲራና የኦነግን ባንዲራ ስናውለበልብ ላለመታሰራችን ዶክተር ዐቢይን እናመስግን። በሕግ ፊት አሁን ሁለቱም እኩል ሌላ ባንዲራዎች ናቸው። ዶክተሩ፥ “በዘዴ የማመጣው ለውጥ ካላስደሰታችሁ ያውላችሁ አገሪቷን ሌላ ሰው ይምራት” ብሎ ሥራውን ቢለቅ እናጨበጭባለን ወይስ ሌላ ሰው ሲተካ፥ “ጉልቻ መለወጥ ወጡን አያጣፍጥም” እንላለን? እሱ ቢለቅ የሚተካ አይጠፋም። ግን ማነው የሚተካው? ሰዶ ማሳደድ እንዳይሆንብን እፈራለሁ። ሆኖም፥ ሕገ ወጦችን በስብከት ብቻ ማስተዳደር አይቻልም።

የፖለቲካ ለውጥ፤ በአሁኑ ሰዓት ሁለት ዓይነት የፖለቲካ ለውጦች ይታዩኛል፤ ግን ሁለትነታቸውን መለየት አቅቶን እያምታታናቸው ተቸግረናል። አንዱ ለውጥ ኢሕአዴግ የራሱን ሕገ መንግሥት ጥሶ ሕዝብ ማጥቃቱን እንዲያቆም ማድረግ ነው። ኢሕአዴግ ያለ ሕግ ያስር፥ ይገርፍ፥ ያኰላሽ፥ በሰው አፍ ውስጥ ይሸና፥ ይዘርፍ ነበር። ዶክተር ዐቢይ ሊያመጣ የሚችለው ለውጥ ይኸንን ኢ-ሕገ-ኢሕአዴጋዊ ወንጀል ማቈም ነው። አቁሞልናል፤ ነፃነት ተሰምቶናል። ሳንፈራ እንናገራለን፥ እንጽፋለን፤ ሕዝብ (ከወያኔ በቀር) ከዳር እስከ ዳር እልል ብሏል።

ሁለተኛው ለውጥ ኢሕአዴግ ባወጣው ሕገ መንግሥት አገሪቱ የምትሠቃይበትን ሥርዓት ማቆም ይሆናል። ዶክተር ዐቢይ ይኸን በራሱ ፈቃድ ማድረግ አይችልም፤ ሥልጣኑ የለውም። ሥልጣኑ የፓርላማ ነው። ያሁኑ ፓርላማ ይኸንን ዓይነት ለውጥ ለማምጣት ቢጠየቅ ይስማማ አይስማማ እርግጠኛ አይደለሁም፤ ግን የሚስማማ አይመስለኝም። እንዲያ ከሆነ፥ ዶክተር ዐቢይ ሊያደርግ የሚችለው፥ ቃል በገባልን መሠረት፥ የሚቀጥለውን ምርጫ  ተቀባይነት እንዲኖረው ማድረግ ነው። ይህን ካደረገ፥ ለውጥ ለማምጣት የሚችል ፓርላማ እንድንመርጥ ዕድል እናገኛለን ማለት ነው። ይኸንን ሁለተኛውን ዓይነት ለውጥ የምንፈልግ ሁሉ፥ የማይሆን ጥያቄ መደርደራችንን ትተን፥ ኑ፥ ለውጥ ያመጣሉ የምንላቸውን ተወዳዳሪዎች ለመምረጥ እናሰፍስፍ።

ድዮስጶራ፤ ኢትዮጵያ የተመለሰው ድዮስጶራ ነገር ግራ የሚያጋባ ሆኖብኛል። ልክ ከትልቅ ጦርነት በድል አድራጊነት የተመለሰ ሆኗል። እርግጥ ብዙዎቹ የተቃውሞ ድምፃቸውን  አስሰምተዋል፤  አገር  ውስጥ ለሚታገሉ ፓርቲዎች የገንዘብ እርዳታ አድርገዋል። ሬዲዮና

ቴለቪዠን አቋቁመው የአገር ውስጡን ተቃውሞ ደግፈዋል፤ አበረታትተዋልም። ትግሉ አገር ውስጥ ነበር ማለት ነው። ታዲያ፥ ይኸ ሁሉ ሆሆታ አገር ውስጥ ሆነው ጠላትን ፊት ለፊት በተዋጉት ጀግኖች ጀግንነት ላይ ጥላ መጣል አይሆንም? “ገንዘብ አለው” የሚባለው ድዮስጶራ ሆቴል ሲገባ ቅናሽ ይደረግለታል!

ከሁሉም የገረመኝ የድዮስጶራውን ጉዳይ የሚያይ መሥሪያ ቤት ይቋቋማል መባሉ አንሶ፥ “ሲቋቋም እኛ የድዮስጶራው አባላት መሳተፍ አለብን” የሚል ጥያቄ መነሣቱ ነው። ድዮስጶራ የሚባል ጎሳ ተፈጠረ ማለት ነው? ከእነዚህ ሰዎች ውስጥ ትምህርት ቤት ያልገቡ ቢኖርባቸውም እሠለጠነ አገር በመኖራቸው ምክንያት በማየትና በመስማት ብዙ ነገር ሳይማሩ አልቀረም። ታዲያ ራሳቸውን ከተማሪ ቤት እንደተመለሱ ቈጥረው ዕውቀታቸውን የሚያካፍሉበትን መሥሪያ ቤት እየፈለጉ፥ ለምን አገራቸውን አይረዱም? በነሱና ከተማሪ ቤት ከተመለሱ ኢትዮጵያውያን መካከል ምን ልዩነት አለ? ምንም።

የኢንጂኔር ስመኘው በቀለ ሞት፤ መጀመርያ ሰውየው  ታላቅ  ኢትዮጵያዊ እንደሆነ በሰፊው ተወራ። የምርመራው ውጤት ራሱን የገደለ መሆኑን ሲያመለክት፥ የምርመራውን ውጤት መግለጫ በደምብ ያልተረዳውም የተረዳውም እኩል፥ “እንዴት አንድ ታላቅ ኢትዮጵያዊ ራሱን ይገድላል?” አሉ። ከዚያም አልፈው፥ ከምርመራው በፊት ሊጠየቅ የሚገባውን ጥያቄ ከምርመራው በኋላ ጠየቁ፤ “መርማሪዎቹ ገለልተኞች መሆን አለባቸው” የሚሉ ተነሡ። ያስገደለው ደብረ ጽዮን ነው ቢባል ግን ይቀበሉት ነበር።

እምነትን ማፍረስ ይቸግራል። ግን ስመ ጥሩው Anthony Michael Bourdain እና እሱን የመሰሉ ሰዎች ራሳቸውን ይገድላሉ ብሎ የሚያስብ ማንም አልነበረም። የሰው ሆዱን የወፍ ወንዱን ሁሉ ሰው አያውቅም። ግን ሁሉ በጁ፥ ሁሉ በደጁ የነበረ Anthony Michael Bourdain ባለፈው ጁን 8, 2018 ራሱን አጠፋ። ኢንጂኔሩ ለምን ራሱን ገደለ ብሎ መጠየቅ ይቻላል፤ ተገቢም ነው። ለዚህም ጥያቄ ቢሆን መልሱን የሚሰጡን ከመርማሪዎቹ በቀር ሌላ ዐዋቂ እስካሁን አልተገኘም። ከሥራው ጋር የተያያዘ ነገር እንዳለ እንጠረጥራለን፤ ጥርጣሬ ነው። ራሱን የገደለው ለግድቡ ሥራ የተመደበ ገንዘብ ሲዘረፍ ዝም ብሎ አይቶ፥ አሁን ምርመራ የማይቀር መስሎት ከሆነ፥ ራሱን ከመግደል ለመከራከር ቢዘጋጅ ይሻል ነበር። “ባለሥልጣኖች አስገድደውኝ ፈርሜያለሁ” ቢል፥ የቱ ዳኛ “ይሙት በቃ” ይፈርድበት ነበር? በዚያ ላይ ዘመኑ የይቅርታ ዘመን ስለሆነ፥ በይቅርታ ይታለፍ ነበር። ሌላ ምክንያት (የቤተሰብ ጉዳይ) ሊኖርም አይችልም?

እንቈቅልሽ፤ አንድ ሴት የዓለሙ ሁሉ ሴት ሲደፈር እሷ ብቻ ሳትደፈር የቀረች ይመስል፥ “እኔ አልተነካሁም” እያለች ስትኵራራ ብትሰሙ ምን ትላላችሁ? “ኢትዮጵያ በቅኝ ገዚዎች ያልተገዛች ትልቅ አገር ናት” ማለት ምን ማለት ነው? የአስተሳሰብ ግጭት የለበትም? ሰውየው ኩሩ አባት

 

ነው። ኵራቱ የሚያኰሩ ጨዋ ልጆች ስላሳደገ ነው። ድንገት ከልጆቹ አንዱ በሌብነት ተከሰሰ፤ አባቱ ተከራክሮ ነፃ አወጣው። ከአደባባይ ሲመለሱ፥ ልጁ የሚመሰገን መስሎት ቀደም ቀደም ብሎ ነበር። እቤት ሲደርሱ አባቱ ገረፉት። “ምነው! አባባ፤ ዳኛው ነፃ አውጥቶኝ የለም እንዴ” ቢላቸው፥ “ዱሮውኑ የኔ ልጅ ሆነህ መጠርጠርህስ!” አሉት ይባላል። ታላቋ አገሬ፥ “ሌላ አገር ቅኝ ግዛቴ አላደረግሁም” ብላ ትኵራ እንጂ፥ እንዴት “አልተገዛሁም” ማለት ኵራት ይሆናታል? አገራችንን አናዋርድ።

ኦሮሞዎች፤ ኦሮሞዎች  በዓሥራ  ስድስተኛው  ምእት  ዓመት  ማህል ኢትዮጵያ ከገቡበር ጊዜ አንሥቶ እስከ እኛ ዘመን ድረስ የመንግሥቱ ሥልጣን ተሳታፊና የተመዘገበው የኢትዮጵያ ታሪክ ሠሪ መሆናቸውን ማንም የማይረታው መዝገብ አለን። የባለሥልጣን ሰዎችን ስም ዘርዝሩ ብንባል እንዘረዝራለን። ኦሮሞች የኢትዮጵያ ታሪክ ደግ ከሆነ ከመመስገን፥ ክፉም ከሆነ ከመታማት ከሌላው ሕዝብ አይለዩም።

ግን ይህ እውነታ የዛሬዎችን ኦሮሞች አያረካቸውም። እንደምገምተው፥ የሚሉት እንዲህ ነው፤

 

ታሪኩ እውነት ቢሆንም፥ አባቶቻችን በኢትዮጵያ ታሪክ የተካፈሉት የአማራውን መንግሥት በማገልገል ነው እንጂ፥ እነሱ ባቋቋሙት የኢትዮጵያ መንግሥት አይደለም። የመንግሥቱ ባህል የአማራው ባህል ነው። ኦሮሞዎች በኢትዮጵያ መንግሥት የተካፈሉት የአማራውን፥ የአማራውን ቋንቋ በመናገር፥ የአማራውን ሃይማኖት በመያዝ፥ የአማራውን ባህል ባህላቸው በማድረግ ነው። ምንም እንመን ምን፥ በሃይማኖታችን መኖር፥ በቋንቋችን መናገር እናፍር ነበር። የኢትዮጵያ መንግሥት ተሳታፊዎች የምንሆነው የኦሮሞ መንግሥት አቋቁመን ነው ባንልም፥ አማሮች በባህላቸው (በሃይማኖታቸው፥ በቋንቋቸው፥ በኪነ ጥበባቸው) የሚኰሩትን ያህል የሚያስኰራን ሁኔታ ሲፈጠር ነው። በኢትዮጵያ ብዙዎች ነን። ብዙነታችን በመንግሥቱ ላይ መንፀባረቅ አለበት።

ዶክተር ዐቢያ “እኔ ወደ ለውጡ አሸጋግራችኋለሁ” ሲል፥ “ይኸ እውነታ ለብዙዎቻችሁ መራር ስለሆነ፥ እኔ እንዲዋጥላችሁ እረዳችኋለሁ” ማለቱ ይመስለኛል።  ይኸው  የኦነግ  ባንዲራ  ሲውለበለብ፥  ውይይት በኦሮምኛም ሲካሄድ ጸጥ ብለን እናያለን፤  እናዳምጣለን። “ተዉ” ለማለት ምን ምክንያት እንሰጣለን? በገዛ አገራቸው፥ “በባህላችሁ አትኑሩ” ልንል አንችልም። ኢትዮጵያዊነትን፥ የዲሞክራሲ አስተዳደርን፥ የኢትዮጵያ የትኛውም ክፍል የሁላችንም መሆኑን ከተቀበሉ፥ ግዴታችን ያላንዳች ማጕረምረም ሕይወትን በብልጽግና እንድንኖራት የሚያስችል ዘዴ መፈለግ ብቻ መሆን አለበት። የተማሩት የኦሮሞ ፖለቲከኞች አማርኛ

ስለሚያውቁ ንግግራቸው በአማርኛ ቢያደርጉ ብዙ አዳማጭ ያገኙ ነበር። ግን በኦሮምኛ መናገራቸው ማንነታቸውን ለማስረገጥ እንጂ ለመሰማት ብቻ አይደለም።

ብዙ ጊዜ እንደተናገርኩት፥ አንድ ኢትዮጵያዊ ከራሱ ቋንቋ በተጨማሪ የመረጠውን አንድ ሌላ ኢትዮጵያዊ ቋንቋ ቢማር የበለጠ እንቀራረባለን። ሐሳቡን ሳቀርብ፥ የአብዛኛው ምርጫ ኦሮምኛ እንደሚሆን በመገመት ነው። በአንድ ዘመን በጎንደር ከተማ ኦሮምኛ ይነገር ነበር እያልን ስንተርክ በአዲስ አበባም ቢደገም ማንም ቅር እንደማይለው በማመን ነው።

ይኸን ሰሞን በኦሮዎች መካክል አንዳንድ ወሮበሎች ወሮበልነታቸውን አሳይተውናል። “ወሮ በላ” ማለት “የሌላ ቤት እየወረረ የሌላ ንብረት የሚቀማ” ማለት ነው። የኦሮሞ ወሮበሎች በአዲስ አበባ አካባቢ በሚኖሩ ሰላማዊ ሰዎችን ያደረጉት ይኸ ነው። ዘርፈዋል፤ ሕይወትም አጥፍተዋል። ወሮበሎች ወሮበላ ስለሆኑ፥ ሕግ ማክበር የሚሉት ቋንቋ አያውቅም። ስለዚህ፥ እነሱ ፊት ስለ ሕግ ማክበር መነጋገር በማያውቁት ቋንቋ ማናገር ነው። የሚያዋጣው እነሱ በሚያውቁት ቋንቋ ማነጋገር ነው።

አቶ ለማ መገርሳ እንደነገሩን፥ እነዚህ ወሮበላ ኦሮሞዎች ኦሮሞዎች በሰፈሩበት አገር ሁሉ ኦሮሞ ያልሆነውን ሊያጠቁ ሲዘጋጁ ተይዘዋል። ይህ የሚሆነው በሕወሐቶች አሻጥር ብቻ አለመሆኑ መታወቅ አለበት። ያም ሆነ ይህ፥ ይህን ዓይነት ጥቃት ለመቋቋም ኢትዮጵያውያን ተዘጋጅተው መገኘት አለባቸው። “አልሞት ባይ ተጋዳይ” ያልሆነ ሰው ለቅሶው ያናድዳል እንጂ አያሳዝንም። ሌባ በመጣ ቍጥር እጅን ሰብስቦ የፖሊስ ያለህ ማለት ፈሪነት ነው። የሥልጣኔ ልዩነትም አለ። የኢትዮጵያ ልጆች ልስልስና ግርድፍ፥ ብስልና ጥሬ፥ ሥልጡንና ኋላ-ቀር፥ ሰብአ ትካትና ዘመናዊ ነን።

ይኸን ክፉ የሽግግር ዘመን አምላክ በሰላም እንዲያሳልፍልን እንጸልያለን። ለውጥ ለማምጣት ለሚጥሩ መሪዎቻችን ብርታቱንና ትግሥቱን ይስጣቸው፤ ጤንነታቸውን ይጠብቅላቸው።

በጥርስ አልባ የመንግሥት አስተዳደር የመደመር የፖለቲካ ስሌት ውጤቱ ኪሳራ ነው ! በፍቅር መደመር ለመገደል??? / ከመይሳው ሳልሳዊ /

ኢትዮጵያን የሚያስተዳድረው ማነው? ለውጥ አራማጁ የጠቅላይ ሚኒስትር ዶክተር አብይ አስተዳደር ? በሕዝባዊ አመጽ አከርካሪው ተመቷል የሚባለው ሕወሃት ወይስ በተለያየ ስያሜ ወጣቱን አደራጅቶ ለለውጥም ለጥፋትም ስሜቱን እየኮረኮረ የሚገፋው ስውሩ መንግስት ? ይህ ጥያቄ በአዕምሮዬ መመላለስ ከጀመረ ወራት መቆጠር ጀምረዋል:: በአንድ በኩል የዶክተር አብይ ቡድን አመራር ነው በትረ ሥልጣኑን የጨበጠው ብዬ ማሰብ ስጀምር ስውሩ መንግሥት ድንገት ደርሶ በማሕበራዊ መገናኛ አውታሮች ብቅ ይልና ” እኔ ነኝ የለውጡ ሞተር የመደመሩ ስሌት ፈጣሪ ” ከሚለው ፉከራው አልፎ በጎጥ ያደራጀውን ወጣት ዘረኝነት እና ብሄርተኝነት እየሰበከ ለአደባባይ ነውጥ ዳርጎ እንደጅረት በየጎዳናው የሚፈሰውን የደሃው ደም ዓይኔ እያየ ልቤ በሃዘን ይሰበራል:: በሕዝባዊ አመጽ ላያንሰራራ መቀሌ መሽጓል የሚባለው ያኮረፈው የሕወሃት ቡድንም ቀን ቀን አደራጅቶ ለሽብር እና ሁከት የሚለቃቸውን ጥቅመኞች እኩይ ገድል በማሕበራዊ የመገናኛ ዘዴዎች እያናፈሰ ያለ ተቆጭ እና ከልካይ ቅድስት ምድሪቱን ሲኦል ሲያደርጋት እታዘብና መንግሥት የለም ወይ በአገሩ እንድል አስገድዶኛል :: ጥርስ አልባው መንግሥት ዛሬም ከአገር አልፎ ዲያስፖራውን ጭምር እየዞረ በፍቅር ስሌት ይደምራል:: ይሁንና የቀን ጅቦች ሳይቀሩ ከሰላማዊው ማሕበረሰብ ጋር የተቀላቀሉበት ሂደት ውሎ ሳያድር በፍቅር የመደመር ስሌቱ ላይ የራሱን መጥፎ የታሪክ አሻራ እና ጠባሳ ጥሎ እያለፈ ይገኛል :: የለውጡን አቀንቃኞች አምኖ በሰላም ሰብአዊ እና ዲሞክራሲያዊ መብቱን ሊያስከብር በነቂስ ወቶ የተደመረው ሕዝባችን እጣው በጠራራ ጸሃይ በግፈኞች መገል ለዘመናት ከኖረበት ቀዬው በዘሩ እየተመረጠ መፈናቀል እንዲሁም በገዛ አገሩ እንደ ሁለተኛ ዜጋ እየተቆጥረ ባይተዋር ተደርጎ መገፋት የመሆኑ ጉዳይ በእርግጥም ያማል :: ለመሆኑ በቅኝ አገዛዝ ሊጨቁኑን በተደጋጋሚ አስከፊ ጦርነት የከፈቱብን የውጭ ወራሪ ሃይላት ከዚህ የከፋ ምን በደል አድርሰውብናል???

የ 13 ዓመት እንቦቀቅላን ሕጻን ወላጆችዋ ፊት ተፈራርቀው ደፍረዋት ከነቤተሰቦችዋ ቤታቸውን አቃጥለው ሕወታቸውን ያጠፉ አረመኔዎችን ጉድ የሰማነው በሌላው ዓለም ሳይሆን ከወራት በፊት እዚሁ አገራችን ደቡብ ክልል ውስጥ በተፈጠረ የብሄር ግጭት ነበር :: በድህነት እና ጉስቁልና ያደገ የ 12 ዓመት ታዳጊ ሕጻን አማራ በመሆኑ ምክንያት ብቻ ቤኒሻንጉል ጉሙዝ ክልል ውስጥ በጨካኞች በገጀራ መላ አካሉ ተበልቶ በሕክምና ከሚረዳበት ሆስፒታል ጠቅላይ ሚኒስትሩ ሲጎበኙት በቴሌቪዝን መስኮት አይተን በሃዘን አንብተናል :: ሻሸመኔ ውስጥም ለፍቶ አዳሪ ወጣት ቦምብ ይዟል በሚል ያልተጣራ ጥርጣሬ ዝቅዝቅ ተሰቅሎ የኤሌክትሪክ ምሰሶ ላይ ከተገደለ በኋላ አስክሬኑ በመኪና ሊጎተት እንደነበረ ሰምተን እውን ኢትዮጵያዊ ነው ይህን አረመኔያዊ ድርጊት የሚፈጽመው ወይስ ሕሊና ያልፈጠረበት አራዊት ስንል በሃዘን እንድንዋጥ አድርጎናል :: ሶማሌ ክልል ጅጅጋ ውስጥ ሰዎች በብሄራቸው እየተመረጡ ከነነፍሳቸው በእሳት እየተቃጠሉ ሲገደሉ ዓይቶ ዓለም ጉድ ብሏል :: ከዚህ ሃዘን እና መከራ ሳናገግም ደግሞ ትላንት ዘርን መሰረት ባደረገው የቡራዩ ጥቃት ነፍሰ ጡር ሴት ሳይቀር ባልዋን ገለው ለአራት ተፈራርቀው ድፍረው እንደገደሏት ስንሰማ መሪር እንባ አንብተናል :: ለመሆኑ ፈሪሃ እግዚአብሔር እና ያ ሁሉ የጨዋነት ሥነምግባር የት ሄደ ከሕዝባችን ???? እንግዲህ የማክሲሚሊያንን የከፋፍለህ ግዛ ንድፈ መሰረት አድርጎ ሕዝብን በብሔር እና በቋንቋ ፌደራሊዝም ከፋፍሎ ዕድሜ ልክ የሥልጣን እርካብ ላይ ተፈናጦ እርስ በእርስ እያባላን እና አንዱ ከሌላው ጋር ፈጽሞ እንዳይተማመን እያደረገ የአገር አንጡራ ሃብትን እየዘረፈ የአንድን ብሄር የበላይነት አስፍኖ የመኖር ሕልም የነበረው 27 ዓመት በጫንቃችን የተሸከምነው ከትግራይ የበቀለው ሕወሃት የሚባል የምድር ጉድ ያፈራልን ይህ ዓይነቱን የጭካኔ ተግባር ነው ::

ሰውዬው ፈሪ ነበር :: በተኛበት የድንኳን ዳስ የገባ ጅብ እግሩን መቆርጠም ጀመረ:: እንግዳ ድምጽ የሰማች ሚስቱ ምንድነው የምሰማው ብላ በተደጋጋሚ ብትጠይቀውም ” አርፈሽ ተኝ ሌባ ነው እንዳይሰማ ” እያለ ሲያከላክል በመቆየቱ አያ ጅቦ ሰልቅጦ ጨረሰው ይባላል:: ለውጥ አራማጁ የጠቅላይ ሚኒስትር ዶክተር አብይ አስተዳደርም ” ስልጣን ከምናጣ ኢትዮጵያ ትፍረስ ” ሲሉ ተማምለው አገር ሲያጠፉ እና ሕዝብ ሲያሰቃዩ የኖሩ የሕወሃት አራዊቶችን እጉያው ሸጉጦ ሰውን ከቀን ጅብ ጋር ለመደመር የሚያሰላው የስሌት ቀመር አገር እና ሕዝብን በመጨረሻም እራሱ አስተዳደሩን ቅርጥፍ አድርጎ በልቶ የሚያጠፋበት አደገኛ ሁኔታ ላይ መድረሱን በግልጽ ለማየት ችለናል:: ፍቅር የማይገዛው እና በእብሪት የተወጠረው

ተንኮል ምሱ የሆነው ወያኔ በሕዝባዊ ትግል አከርካሪው ተመቶ አንገቱን ደፍቶ አልተቀመጠም :: ላለፉት 27 ዓመታት ከመላው አገሪቱ የዘረፈውን መዋዕለ ንዋይ ሁሉ ጥቅመኞችን አክራሪዎችን እና ዘረኞችን በመመልመል ተፋቅሮ እና ተከባብሮ ለዘመናት የኖረን ሕዝብ በብሄር እና ሃይማኖት እያጋጨ የንጹሃን ደም በዛች ምድር እንደጎርፍ እንዲፈስ እያደረገ ይገኛል:: ጠዋት አገሪቱን በሽብር ሲንጥ ውሎ ማታ “ግድያ እና መፈናቀል ይብቃ ” እያለ የዶክተር አብይን አስተዳደር በመግለጫ የሚማጸነው ሕወሃት የአራስ ሕጻናት ዋይታ የነፍሰ-ጡሮች ዋሰቆቃ የአረጋውያን እና አቅመ ደካሞች እንግልት የነገ ሃገር ተረካቢዎች እልቂጥ ለሱ የመዝናኛ ጨዋታ ያህል ነው:: ድሮ በቋንቋ እና በክልል አደራጅቶን ነበር ጥጋቡ ወሰን ሲያጣ የደም ምስ ሲያምረው አንድ በአንድ በአደባባይ እየፈጀ የንጹሃን ዜጎቻችንን ደም የሚገብረው :: ዛሬ ሥልቱን ቀይሯል :: በኢፈርት እና ሜቴክ ድርጅቶቹ ለዓመታት ያጋበሰውን የአገሪቱ አንጡራ ሃብት እንዲሁም በብድር በልማት እና በእርዳታ ስም ከ 2 አስርተ ዓመታት በላይ ሲሰበስብ የኖረውን የውጭ ምንዛሪ ለሆዳም ጥቅመኛ እና ዘረኛ ወንድሞቻችን እየከፈለ የዳር ተመልካች ሆኖ እያስጨፈጨፈን በስቃይ እና መከራችን እየተሳለቀ ይገኛል ::

የዶክተር አብይ ቡድን በመላው ኢትዮጵያ በጎረቤት ኤርትራ ጭምር ከፍተኛ ድጋፍ አግኝቶ እንያለ እንደ ሌተናል ጄኔራል ጻድቃን ገብረትንሳይ ያሉ የራሱ ነባር የሕወሃት ታጋይ እና ከፍተኛ አመራሮች ጭምር በትግራይ አስከፊ በደል እያደረሰብን ነው የሚሉትን በጣት የሚቆጠር የወያኔ ማፍያ ቡድን ማስወገድ የማይፈልግበት ምክንያቱ ለማናችንም ግልጽ አይደለም:: ይልቅስ ትላንት በመስቀል አደባባይ የቦምብ ጥቃት በማቀናበር የግድያ ሙከራ ያደረሱበትን የኢኮኖሚ አሻጥር እና የሽብር ወንጀል የሚፈጽሙትን የሕወሃት ምንደኞች አይዞዋችሁ እኔ እያልሁ ማንም አይነካችሁም የሚል የተስፋ ቃል በአደባባይ መስጠት በርካታ ጥያቄዎችን ሕዝቡ በአዕምሮው እንዲያጭር አድርጎታል:: ከላይ እንደገለጽኩት በጅብ እንደተበላው የፈሪው ሰው ምሳሌ እነ ዶክተር አብይ ሕወሃትን በተደጋጋሚ ማባበላቸው ጥፋቱን አይቶ እንዳላየ ማለፋቸው ተግባር በማይታይበት የመግለጫ ጋጋታ እና በእንደመር ዜማ ማባበላቸው እራሳቸውንም ሕዝቡንም ለከፋ ጥቃት እና አደጋ እየዳረገ ይገኛል :: በመሰረቱ የኢሕዲግ ግንባር አባል ድርጅቶች በሰብዓዊ መብት ጥሰቱ እና ጭቆናው ሕዝብ አንቅሮ ከተፋው ከአባይ ወንዝ ስምምነት ጀምሮ ለሱዳን መሬት ቆርሶ በምስጢር እስከመስጠት ታላቅ ክህደት ከፈጸመ የአገር ጠላት ጥቅመኛ እና ምንደኛ የሕወሃት ቡድን ጋር ከሁለት አስርተ ዓመታት በላይ ተቧድነው የጥፋት ተባባሪ ሆነው መቆየታቸው አሳዛኝ ነው :: ዲሞክራሲን ሲናፍቅ የኖረው ሕዝባችን በያዝነው ወር በአዋሳ በሚካሄደው ወሳኝ የድርጅቱ ጉባኤ ሕዝባዊ ወገንተኝነት እያተረፉ የመጡት የግንባሩ ድርጅቶች ከሕወሃት ተነጥለው የራሳቸውን ነጻነት በማወጅ ታሪክ ይሰራሉ ብሎ በጉጉት በሚጠብቅበት በአሁኑ ሰዓት ቀን እና ማታ ዘረኞችን እና ጥቅመኞችን እያደራጀ እና ብሄሮችን እና የፖለቲካ ድርጅቶችን ሳይቀር እየከፋፈለ በደሃው ደም ነግዶ የንግሥና ዘመኑን አሁንም በበላይነት ለማስጠበቅ እንቅልፍ አቶ የሚዳክረውን የወያኔ ጉጅሌ አቅፎ የወንጀል ድርጊቱ አጋዥ አካል መሆን ሕዝባዊ ድጋፍን እንደሚያሳጣ ለውጥ አራማጁ ቡድን ያጣዋል ብዬ አልገምትም::

ሰሞኑን ዓለማቀፍ የስደተኞች ጉዳይ ተቋማት ባወጡት አዲስ ጥናት ኢትዮጵያ በዓለም ላይ ከሚገኙ አገራት ሁሉ ከሶሪያ እና አፍጋኒስታን በላይ ዜጎች የሚሰደዱባት እና የሚፈናቀሉባት የምድር ሲዖል መሆንዋን ዘግበዋል:: ይህ ሁሉ አስከፊ ሰቆቃ እየተባባሰ የመጣው ደግሞ ባለፉት 6 ወራት ውስጥ መሆኑ የሕወሃት የማፍያ ቡድን ለዜጎች እና ለአገር ሕልውና ያለውን ደንታቢስነት በግልጽ አመላካች ነው :: ሕወሃት አክራሪ ብሄርተኛ ድርጅቶችን ግለሰቦችን እና አክቲቪስቶችን ጭምር የመሰሪ ከፋፍለህ ግዛ ዓላማው መጠቀሚያ አድርጎ ሲንቀሳቀስባቸው ቆይቷል :: እናም የመብት ጥያቄ ባነሱ ግድያ እና መፈናቀል ይቁም የሚል መሰረታዊ የመብት ጥያቄ ባነሱ ሰላማዊ ሰልፈኞች ላይ ጥይት ተኩሶ በመግደል በአዲስ አበባ በባሕርዳር በጎንደር በደሴ እና በሰሞኑም የቡራዩ ሰላማዊ ሰልፍ ላይ ቦምብ የያዙ ሰዎች ተገኙ የሚሉ ልክ እንዳለፈው የወያኔ አገዛዝ አኬልዳማ ድራማዎችን በመስራት በተለይም የራስን ጥፋት እና ድክመት ጭምር የንጹሃን ደም በከንቱ ከፈሰሰ በኋላ በመገናኛ ብዙሃን እየቀረቡ ” አንዳንድ የተጀመረውን የሰላም ሂደት ለማደናቀፍ የሚሞክሩ ሃይላት ትግስታችንን ልክ እንደ አቅመቢስ በመቁጠር,,,,” የሚሉ ተደጋጋሚ እና አሰልቺ መግለጫዎችን በማውጣት ለማድበስበስ መሞከር አሁን የአገሪቱ ሕልውናም ሆነ የሕዝቦች የመኖር ዋስትና ከተጋረጠበት አስፈሪ አደጋ ሊያወጣ የሚችል አለመሆኑን መገንዘብ ያሻል:: ይህን ጉዳይ በተለይ አጽንዖት ሰትቼ ማንሳቴ አለምክንያት አለመሆኑን ልብ በሉልኝ ::  ጥርስ አልባው የዶክተር አብይ አስተዳደር ዛሬም ዳር ሆኖ ይፎክራል ይሸልላል ” ለብሄራዊ ሰላም እርቅ እና መግባባት ስንል አይተን እንዳላየን እያለፍን እንጂ እነማን ችግር ፈጣሪ ሽብርተኞችን እና ነውጠኞችን አደራጅ እንደሆኑ በስም ጭምር መጥቀስ እንችላለን ….. የሚያዋጣን መደመር ብቻ ነው ” በሚለው እየሞታችሁ ተደመሩ አሰልቺ የፍቅር ነጠላ ዜማው አሁንም ገፍቶበታል :: ደግሞ አፍታም ሳይቆይ የአለቆቹ አርጩሜ ሸንቆጥ ሲያደርገው በመገናኛ ብዙሃን ፊት ወቶ ” ኢሕአዲግ ተዳክሟል ብላችሁ የምታስቡ ካላችሁ ተሳስታችኋል :: እንደውም ከመቼውም ጊዜ በበለጠ ውስጣዊ ችግሮቹን እየቀረፈ ሕዝባዊ ድጋፍ እያገኘ ነው ” ይለናል :: አገር እየታመሰ ሕዝብ ከመቼውም ጊዜ በከፋ መልኩ እየተሰደደ እየተገደለ ብሎም በዘሩ ምክንያት ከሚኖርበት ቀዬ እየተፈናቀለ ኢትዮጵያ እንደ አገር ሉዓላዊነቷን ጠብቃ የመኖር ህልዋ ከመቼውም ጊዜ በበለጠ የከፋ አደጋ ላይ ወድቆ ሳለ ጠቅላይ ሚኒስትሩ ሶማሊያ ጅቡቲ ደቡብ ሱዳን እና ሌሎችም ጎረቤት አገራትን ለመሸምገል የሚያባክኑት ጊዜ ከኤርትራ ደጃፍ እየተመላለሱ የሚያደርጉት ደፋ ቀና የራስዋ እያረረባት የሰው ታማስላለች የሚለውን ተረት እንድናስታውስም ነው የሚያደርገን :: ሊፈርስ በተቃረበ አገር ላይ የውስጡን ችግር ተግቶ ከመፍታት ይልቅ በውጭ ዲፕሎማሲ ግንኙነቱ ላይ የበለጠውን ጊዜ ማጥፋት ከፈረሱ ይልቅ ጋሪውን እንደማስቀደም ያህል ነው የሚሆነው:: ከዚህ ሌላ ፊት ለፊት ፈጠው ለወጡ እውነታዎች የሚበጅ መፍትሄ እና መላ መፈለግ የተሳነው አዲሱ መንግሥት እንደ ቀደመው የሕወሃት የበላይ አስተዳደር ሁሉ ምክንያት ደርዳሪ እና ሰበብ አፈላላጊ ሆኖ እየታየ ነው :: በዘረኝነት እና በጠባብነት ተነሳስቶ ጥላቻን እና ግጭትን የሚቀሰቀስ ማናቸውም ኃይል ላይ ያለ ይሉኝታ እና ፍርሃት የማያዳግም እርምጃ መውሰድ ያሻል:: የፖለቲካ ምስቅልቅሎችን ሁሉ ” የተጀመረውን የሰላም ሂደት ለማደናቀፍ የሚፈልጉ ኃይላት ናቸው….” የሚል ከመግለጫ የማያልፍ ሰባራ ሰንካላ ምክንያት ከመደርደር እንዲሁም ” ወንጀል አቀናባሪዎችን ለብሔራዊ መግባባት እና ለተጀመረው የሰላም ጥረት ስኬት ስንል አይተን እንዳላየ እያለፍናቸው እንጂ እነሱን ለመቅጣት የሚያስችል ጥሩ ቁመና አለን ” እያለ መንግሥት ሕዝብ በግፈኞች ሕይወቱ እንደቅጠል እየረገፈ በእወቁልን ዓይነት መግለጫ ብቻ የወንጀል ድርጊቱን በተደጋጋሚ በቸልታ ማለፍ ትቶ በተግባር የሚውስዳቸውን ሕጋዊ እርምጃዎች በመገናኛ ብዙሃን እንዲያሳውቀንም በዚህ አጋጣሚ መጠየቅ ግድ ይለናል ::

ከዚህ አልፎ የአፍሪቃ መዲና በምትባለው እና ልዩ ልዩ ዓለማቀፍ ተቋማት በሚገኙባት በአዲስ አበባ ከተማ በአደባባይ እና በንግድ ተቋማት የተሰቀለ አንድም ካሜራ የሌለ ይመስል የኢንጂነር ስመኘው በቀለ መኪና በአየር ላይ በራ መስቀል አደባባይ ቆማ ባለሙያው ጋዜጣዊ መግለጫ ስለ አወዛጋቢው የአባይ ግድብ ለሕዝብ እሰጣለሁ ባሉበት ዕለት እሳቸውን የመሰለ ታላቅ የአገር ባለውለታ በሕወሃት ወንጀለኞች በጠራራ ጸሃይ ግድያ እንደተፈጸመባቸው ብዙዎቻችን እናምናለን :: ይሁን እንጂ ከወር በላይ አሟሟታቸውን በተመለከተ የሚሰጠው ምክንያት በመንግሥት ባለሥልጣናት ሲታሽ ከርሞ መኪና ውስጥ በጥይት እራሳቸውን ሲገሉ የጥይቱ ኃይል ሲወጣ የሰውነታቸውን ክፍል መስታወቱንም ሆነ የመኪናውን አካል ቦድሶ ለመውጣቱ የሚያሳይ የፖሊስ የምርመራ ማራጋገጫ ባልተነገረበት እንደ ሕጻን ጨፍኑ ላሞኛቸሁ ዓይነት መግለጫዎች በድፍረት መተላለፋቸው መንግሥትን እራሱ ጥያቄ እና ትዝብት ላይ የጣሉት እንደሆነ ሊታወቅ ይገባዋል:: በአጠቃላይ መፍትሄው አንድ እና አንድ ብቻ ነው :: በአገር ምዝብራ ጎናቸውን ያደነደኑ ዛሬም በአገሪቱ ላይ ስጋት የሚደቅኑ የሕወሃት ማፍያዎችን በውጭ የሚገኝ ሃብታቸውን እያጣራን ነው ብሎ የህዝዝብ ትኩርት ለአጭር ጊዜ ለመሳብ ከመድከም ይልቅ ተግባራዊ እርምጃ መውሰድ መጀመር ለኢትዮጵያ ሕዝብም ሆነ በስሙ እየተነገደ በጭቆና ቀንበር ስር ለሚማቅቀው ለትግራይ ማህበረሰብ ዘላቂ መፍትሄ መሆኑ ሊሰመርበት ይገባል:: አሁን በመላው ኢትዮጵያ በዲያስፖራ እና በዓለም አቀፉ ማሕበረስ ጭምር ከፍተኛ ሕዝባዊ ድጋፍ ያመጣው ለውጥ አራማጁ ቡድን አብዛኛው የኢትዮጵያ ማሕበረሰብ አንቅሮ ከተፋው ከሕወሃት ጨቋኝ ቡድን ጋር ያለው አጋርነት በቀጣይ ጉዞው ላይ የሚያመጣውንም ውድቀት እና ተዓማኒነት ማጣት በያዝነው ወር ከሚያካሂደው ጉባኤ አስቀድሞ ከወዲሁ በጥልቀት ቢመረምረው ይበጃል እላለሁ:: የከርሞ ሰው ይበለን !

በጀርመን የኢትዮጵያውያን ሕይወትና አገራዊ ራዕይ

ኢትዮጵያ ዉስጥ የተጀመረዉ ለዉጥ በተለያዩ ሐገራት ተሰደዉ የሚኖሩ ኢትዮጵያዉያንን ቀልብ በመሳቡ በርካታ ኢትዮጵያዉያን ወደ ሐገራቸዉ ለመመለስ በዝግጅት ላይ መሆናቸዉን በየአጋጣሚዉ እየገለፁ ነዉ።ቁጥራቸዉ ጥቂት ቢሆንም ወደ ኢትዮጵያ የተመለሱም አሉ።

    
Deutschland Saron Tsegaye Degineh (Privat)

እዚሕ ጀርመን የሚኖሩ ኢትዮጵያዉያን እና ትዉልደ ኢትዮጵያዉያንም እንደ አብዛኛዉ ኢትዮጵያዊ ሁሉ ለዉጡን ይደግፋሉ።ወደ ሐገራቸዉ ለመለመለስም የለዉጡን ሒደት በጥሞና እየተከታተሉ መሆናቸዉን እየገለጡ ነዉ።የዛሬዉ አዉሮጳ እና ጀርመን ዝግጅታችን ኢትዮጵያዉያን በብዛት ወደ ጀርመን የተሰደዱበትን ጊዜ፤ስለ ትዉልድ ሐገራቸዉ ያላቸዉን ግንዛቤ እና አዲስ ለተጀመረዉ ለዉጥ የሚያደርጉትን ድጋፍ ይቃኛል።

Äthiopisch-Deutsches Sport- und Kulturfestival (DW/Endalkachew Fekade)

የኢትዮጵያ እና የጀርመን ዲፕሎማሲያዊ ግንኙነት ከአንድ ምዕተ ዓመት የዘለለ ታሪክ እንዳለው የተለያዩ መዛግብት ይጠቁማሉ :: በሁለቱ ሃገራት መካከል የተጀመረው ትብብር ጠንካራ መሰረት ላይ የተገነባው በተለይም ሁለተኛው የዓለም ጦርነት ካበቃ በኋላ እ.ኤ.አ ከ 1945-48 ዓ.ም በጀርመን በተከሰተው ከፍተኛ የምግብ እጥረት እና ረሃብ ችግር ንጉሰ ነገሥት ቀዳማዊ አጼ ኃይለስላሴ 2 መቶ ሺህ ዶላር የሚያወጣ ቡና ብርድ ልብስ እና ሌሎችንም ቁሳቁሶች ለጀርመን ሕዝብ ከለገሱ በኋላ እንደሆነ ይነገራል::

ከዛሬ 45 ዓመታት በፊት የነበረውን ታሪክ ስንቃኝ ዜጎቻችን ውጭ ሃገር ለትምህርት ተልከው በማይቀሩበት እንዲህ እንደ አሁኑ ስደት ባልተስፋፋበት እና ለኢትዮጵያውያን ከፍተኛ ክብር በሚሰጥበት ዘመን ጀርመን ውስጥ ኑሮዋቸውን የቀለሱ ኢትዮጵያውያን ቁጥር ከ 12እንደማይበልጥ ከመረጃዎች መገንዘብ ይቻላል ::

Deutschland Auszeichnung für Mohamud Ahmed (basPhotos/Biruk A. Seifegebreal)

ኢትዮጵያ ለጀርመን በክፉ ቀን በዋለችው ውለታ ብቻ ሳይሆን ከወታደራዊው የደርግ አገዛዝ ሥርዓት በፊት እምብዛም ከአገር የሚሰደድ ሰው ባለመኖሩ ኢትዮያውያን ያለቪዛ በፈለጉት ጊዜ ጀርመን ይገቡ እንደነበር በደርግ ሥርዓት ቀዳማዊ ኃይለስላሴን ጨምሮ በርካታ ባለሥልጣናት በተገደሉበት ወቅት ለወሬ ነጋሪ በተአምር ተርፈው ፍራንክፈርት ከተማ ኑሮዋቸውን የመሰረቱት በጀርመን አገር የአፍሪቃ እና የመካከላኛው ምሥራቅ ኢኮኖሚያዊ ጉዳዮች አማካሪ እንዲሁም ከፍተኛ ሽልማቶችን ያገኙ ታዋቂ ደራሲ እና የፖለቲካ ተንታኝ የሆኑት ልዑል ዶክተር አስፋወሰን አስራተ ካሳ አጫውተውናል :: ” ዲያስፖራ ” የሚለው ቃል በማሕበረሰባችን ከመቼ ጀምሮ እየተለመደ እንደመጣ እና ሌላውንም ትዝታቸውን እንዲህ አውግተውናል ::

ዶክተር አስፋወሰን እንደገለጹት በጀርመን ከ 45 ዓመታት በፊት እሳቸውን ጨምሮ ከ 12 የማይበልጡት ኢትዮጵያውያን የፖለቲካ ተገን ጠያቂዎች ነበሩ:: በዛው አመት ወታደራዊው የደርግ ሥርዓት በሚከተለው አምባገነናዊ ርዕዮተ ዓለም ምክንያት የኢትዮጵያውያን የስደት ተገን ጠያቂዎችን ቁጥር እ.ኤ.አ በ 1975 ዓ.ም ወደ 275 እንዳሳደገው የስደተኞች ጉዳይ ተመልካች መስሪያቤትን ጠቅሶ ዓለማቀፉ የጀርመን ተራድኦ ድርጅት በጥናቱ አመልክትቷል:: ዛሬ በመላው ጀርመን ኑሮዋቸውን የመሰረቱ ከ 19ሺህ የሚልቁ ኢትዮጵያውያን መኖራቸውንም መረጃው ይገልጻል::

Äthiopisch-Deutsches Sport- und Kulturfestival (DW/Endalkachew Fekade)

በዛሬው የአውሮፓ መሰናዶዋችን በአገራችን የታየውን የለውጥ ሂደት እና የዲያስፖራውን ሚና በተመለከተ ሃሳባቸውን እንዲገልጹልን ከጠየቅናቸው መካከል ወይዘሮ ላቀች አንዷ ናቸው::በፍራንክፈርት ከተማ ብቸኛዋ ኢትዮጵያዊት ሴት የታክሲ ሾፌር የሆኑት ወይዘሮ ላቀች በኢትዮጵያ የሚታየው የለውጥ እንቅስቃሴ የተደበላለቀ ስሜት እንደፈጠረባቸው ነግረውናል :: በአንድ በኩል የፖለቲካው ምህዳሩ መስፋቱ ቢያስደስታቸውም በሌላ በኩል ደግሞ አልፎ አልፎ የብሔርተኝነት የዘረኝነት እና የደቦ ጥቃት እየተስፋፋ መሄዱ እንዳሳሰባው ይገልጻሉ:: ለዲያስፖራው ማሕበረሰብም የሚሉት አላቸው::

እንደ ኬንያ ያሉ የአፍሪቃ አገራት በዲያስፖራ የሚኖሩ ዜጎቻቸው አገር ውስት ገብተው በውጭ ያካበቱትን ሙያ ለወገኖቻቸው በማስተማር የዕውቀት ሽግግር እንዲያካሂዱ እና መዋዕለ ንዋያቸውንም በተለያዩ የልማት እና የኢንቨስትመንት መስኮች ተሰማርተው በከፍተኛ ሁኔታ የአገራቸውን ምጣኔ ሃብት እንዲያሳድጉ አመቺ ሁኔታ ተፈጥሮላቸዋል ::

Äthiopisch-Deutsches Sport- und Kulturfestival (DW/Endalkachew Fekade)

ላለፉት 50 ዓመታት በውጭ የኖሩት ዶክተር ልዑል አስፋወሰን ኢትዮጵያን በሁሉም መስክ ለመርዳት በተለያዩ ጊዜያት የውጭ ኢንቨስትሮችን ጭምር ይዘው በመሄድ አያሌ ጥረቶችን ቢያደርጉም በነበረው የቢሮክራሲያዊ ውጣ ውረድ ምክንያት ያሰቡትን ያህል ማሳካት እንዳልቻሉ በመጥቀስ አሁን በአገሪቱ የሚታየው የለውጥ ሂደት ግን የዲያስፖራውን ጥረት እንደሚያበረታታ ያላቸውን ተስፋ ገልጸውልናል ::

ሌላው ያነጋገርናቸው አቶ ተወልደ ይባላሉ:: ኤርትራዊ ናቸው ባለቤታቸው ኢትዮጵያዊት በመሆናቸው በዓላትን በደስታ ስሜት ሁሌም እንደሚያከብሩ ነው የነገሩን :: ከ 40 ዓመታት በላይ ጀርመን የኖሩት አቶ ተወልደ ፍራንክፈርት ውስጥ በንግድ ተሰማርተው ነው ኑሮዋቸውን የሚገፉት :: በአዲስ ዓመት በአዲስ ተስፋ የተጀመረው የሰላም የአንድነት እና የለውጥ ጉዞ ስኬት ለሁለቱም አገራት እጅግ ጠቃሚ በመሆኑ ከበዓሉ ጋር ተዳምሮ ልዩ የደስታ ድባብ ስሜትን እንደፈጠረላቸው ነግረውናል:: አቶ ተወልደ ለዘመናት አብረን የኖርን ሕዝብ ነን :: ከመገዳደል ምናተርፈው የለም :: ምድሩ በቂያችን ነው :: ዲያስፖራው ለለውጡ ስኬት የበኩሉን ሊወጣ ይገባል ሲሉ አጭር መልዕክት አስተላልፈዋል ::

በውጭ የሚኖረው ማሕበረሰብ ከራሱ አልፎ አገሩን መጥቀም የሚችለው የሕይወት ዋስትና አግኝቶ በሚኖርበት አገር የባህል እና አብሮ የመኖር ውህደትን ፈጥሮ ሕግ እና ስርአትን አክብሮ በሰለጠነበት ሙያ እና በአቅሙ ሰርቶ ሕይወቱን መለወጥ ሲችል እንደሆነ ይታመናል ::

Äthopien, Addis Ababa: Dr. Gerd Müller und Dr. Abraham Tekeste  (DW/G. Tedla )

ይሁን እንጂ ኑሮዋቸውን ለማሻሻል እና ከሚደርስባቸው የፖለቲካ ጥቃት ሸሽተው ተገን ጠይቀው የሚኖሩ አንዳንድ ወገኖቻችን በተለይም ወጣቶች በቡድን ጠብ በአልኮል መጠጥ ስካር በአደገኛ ዕጽ እንዲሁም በልዩ ልዩ የደረቅ ወንጀሎች እየተከሰሱ ውጥን እና ተስፋቸው በአጭሩ ሲቀጭ በሙያቸው አጋጣሚ መታዘባቸውን ዶክተር ለማ ይፍራሸዋ በቁጭት ገልጸውልናል:: ዶክተር ለማ ይፍራሸዋ በሕግ ሙያ እዚሁ ጀርመን ከፍራይድሪሽ ሺለር ዩኒቨርሲቲ የዶክተሬት ዲግሪያቸውን አግኝተዋል:: በጥብቅና በሕግ አገልግሎት እና በትርጉም ስራ የግል ቢሮዋቸውን ፍራንክፈርት ከተማ ውስጥ ከፍተው እና ሰራተኞችን ቀጥረው እያገለገሉ ይገኛሉ:: ለዲያስፖራው ማህበረሰብ እንዲህ ሲሉ መልዕክታቸውን አስተላልፈዋል።

ዶክተር ልዑል አስፋወሰን ሕዝቡ በተለይም ደግሞ በውጭ የሚኖረው የዲያስፖራው ማሕበረሰብ በኢትዮጵያ የተጀመረውን ተስፋ ሰጭ የለውጥ እንቅስቃሴ እንዲደግፍ አልፎ አልፎ የሚታዩ ግጭቶችም በሰላማዊ መንገድ የሚፈቱበትን መንገድ በማመቻቸቱ ረገድ የበኩሉን አገራዊ ድርሻ እንዲወጣም ምክራቸውን ለግሰዋል::

እንዳልካቸዉ ፈቃደ

ነጋሽ መሐመድ

አርበኞች ግንቦት 7 “በአዲስ አበባ ከተማና በአንዳንድ የአገሪቱ ክፍሎች የሚታየዉ ግጭትና አለመረጋጋት ባስቸኳይ መቆም አለበት!”

መስከረም 7 ቀን 2011 ዓ.ም
የአርበኞች ግንቦት 7 ወቅታዊ መግለጫ

Patriotic Ginbot 7 logo(አዲስ አበባ) — የአገራችንን ፖለቲካ፤ ኢኮኖሚና ማህበራዊ ህይወት በበላይነት ለመቆጣጠር ህወሃት/ኢህአደግ ለ27 አመታት የዘረጋውን አፈናና ጭቆና ለመታገል መላው ህዝባችን ከፍተኛ የህይወት ፤ የአካልና የንብረት መስዋዕትነት ሲከፍል ቆይቶአል።

በተለይ በወጣቱ መሪነት ከ2006 ዓመተ ምህረት ጀምሮ  ለተከታታይ ሶስት አመታት በኦሮሚያ ፤ በአማራና የተቀሩት የአገራችን ክፍሎች ሲቀጣጠል በነበረው ህዝባዊ እንቅስቃሴ ወቅት ቁጥራቸው በሺዎች የሚቆጠር ወጣቶች ባዶ እጃቸውን ከታጠቁ ሃይሎች ጋር ሲፋለሙ ውድ ህይወታቸውን አጥተዋል። በነዚያ ወጣቶች ላይ የተፈጸመው ግዲያ፤ አፈናና ፤ ሰቆቃ ያስቆጣቸው የለውጥ ሃይሎች ከራሱ ከኢህአደግ ውስጥ ወጥተው አገራችንንና ህዝቦቿን ለመታደግ የሚያስችል እርምጃ ባይወስዱ ኖሮ ከዳር እስከዳር በመቀጣጠል ላይ የነበረው ህዝባዊ እንቅስቃሴ ወዴት ሊያመራ እንደሚችል፤ ውጤቱም ምን እንደሚሆን መገመት ከባድ ነው ።

ከሰሞኑ በአዲስ አበባና አንዳንድ  የአገሪቱ ክፍሎች እየተስተዋሉ ያሉ የፖለቲካ አመለካከትን መሠረት ያደረጉ የሚመስሉ ነገር ግን ከበስተጀርባቸው መላው አገራችንና ህዝባችን ተስፋ ያደረገውን የለውጥ ሂደት ለማሰናከል ተግተው የሚሠሩ ሃይሎች የሚያቀነባብሩት ሴራ ስለመሆኑ መገመት የማያስቸግሩ ግጭቶች ተቀስቅሰው የዜጎችን ህይወት እስከመቅጠፍ መድረሱን የሚያረጋግጡ መረጃዎች በሰፊው እየቀረቡ ናቸው። ህዝባችን ለአመታት በከፈለው መስዋዕትነት ከምንጊዜውም በላይ ተስፋ የሚሰጥ አዲስ የለውጥ አየር በአገራችን ምድር  በሰፈነበትና አገር ውስጥ እንዳይንቀሳቀሱ እግር ከወርች ታስረው የነበሩትም ሆነ አገራቸውን ጥለው የተሰደዱ ቀደም ሲል በሽብርተኝነት ጭምር የተፈረጁ ፖለቲካ ድርጅቶች፤ አክቲቪስቶችና ሚዲያዎች ወደ አገራቸው ተመልሰው ለውጡን ወደ አስተማማኝ ምዕራፍ ለማሸጋገር የየራሳቸውን ድርሻ ለመወጣት እንቅስቃሴ እያደረጉ ባለበት  በዚህ የታሪካዊ ወቅት እንዲህ አይነት ግጭት መቀስቀሱ ማንኛውንም ቅን የአገሪቱን ዜጋ እጅግ የሚያሳስብና የሚያሳዝን ክስተት ሆኖአል።

በዚህም የተነሳ የአገራችንና የህዝባችን ጉዳይ ያገባናል በማለት አገር ውስጥና ከአገር ውጭ ስንንቀሳቀስ የነበርን ስማችን ከዚህ በታች የተዘረዘርን የፖለቲካ ድርጅቶች

1. የኦሮሞ ፈደራሊስት ኮንግረስ (OFC)
2. የኦሮሞ ዲሞክራቲክ ግንባር (ODF)
3. የኦሮሞ ነጻነት ግንባር ( OLF)
4. የኦሮሞ አንድነት ነጻነት ግንባር (UFIO)
5. የኦሮሞ ነጻነት ግንባር ለአንድነት -(OLF-T)
6. ሰማያዊ ፓርቲ እና (Blue Part)
7. አርበኞች ግንቦት 7 ለአንዲነትና ዲሞክራሲ ንቅናቄ (PG7)

መስከረም 6 እና 7 ቀን 2011 ዓም ተሰብስበን የግጭቱን አሳሳቢነትና የደረሰውን የጉዳት መጠን ከገመገምን በኋላ ግጭቱን የቀሰቀሱትም ሆነ በግጭቱ በመሳተፍ በሰው ህይወት፥ አካልና ንብረት ላይ ወንጀል የፈጸሙ ግለሰቦችን ወይም ቡድኖችን በጽኑ እንደምናወግዝና የግጭቱ ተዋንያንና ከበስተጀርባ ሆነዉ ግጭቱን ያስተባበሩ የዉጭና የአገር ዉስጥ ሀይሎች ከዚህ ድርጊታቸዉ በአስቸኳይ እንዲታቀቡ ለማሳሰብ ይህንን መግለጫ በጋራ ለማውጣት ተስማምተናል።  ዛሬ አገራችን ዉስጥ በመካሄድ ላይ ያለዉ ተስፋ ሰጪ የለዉጥ እንቅስቃሴ ከላይ የተጠቀሰው አሳዛኝ ግጭት በተቀሰቀሰባቸው አካባቢ የሚኖሩ ወጣቶችን  ጨምሮ መላው የኢትዮጵያ ህዝብ በከፈለው የህይወትና የአካል መስዋዕትነት የተገኘ ለውጥ ነው።

ስለዚህ ወጣቱ በማወቅም ሆነ ባለማወቅ በራሱ መስዋዕትነት የተገኘውን ይህንን ተስፋ ሰጪ የለውጥ ጅምር ለመቀልበስ ከአገር ውስጥም ሆነ ከአገር ውጪ ሆነው ለውጡን ለመቀልበስ ተግተው ለሚሠሩ ሃይሎች መሣሪያ እንዳይሆን ማሳሰብ ተገቢ ነው።

በዚህ አስቸጋሪ የለውጥ ወቅት አገራችንን የመምራት ከባድ ሃላፊነት የወደቀባቸው የመንግስት አካላትም የአገርንና የህዝብን ደህንነት ለመጠበቅ ሲሉ እንዲህ አይነት አደገኛ ችግሮች ከመከሰታቸዉ በፊት የመከላከል እርምጃ እንዲወስዱና በመካሄድ ላይ ባለው ግጭት እጃቸው ያለበትን ሃይሎች በአስቸኳይ አጣርቶ ለህግ የማቅረብ  ሃላፊነታቸውን በአግባቡ እንዲወጡ ማሳሰብ እንወዳለን።

ዛሬ አገራችን ኢትዮጵያ ዉስጥ እዉን ሆኖ የምናየዉ የፖለቲካ ምህዳር ዜጎች የፖለቲካ አመለካከታችዉን ህጋዊና ሠላማዊ በሆነ መንገድ ለመግለጽ የሚችሉበት፥ ከወከባና ከአፈና የጸዳ አንጻራዊ ሰላም የሰፈነበት ደግሞም ለዘመናት የታገልንለትና ሁላችንንም ማስተናገድ የሚችል የፖለቲካ ምህዳር ነዉ። ይህንን በከፍተኛ መስዋዕትነት የተገኘ ዕድል በመጠቀም ልዩነቶቻችንን በውይይትና በድርድር ለመፍታት የሚያስችለንን ዲሞክራሲያዊ ባህል ማዳበር ከሁላችንም የሚጠበቅ አገራዊ ሀላፊነት ነዉ። ከዚህ ውጪ “እኔ ያልኩት ካልሆነ” በሚል ኋላ ቀር አስተሳሰብ ልዩነቶችን በሃይል ወይም በጉልበት ለመፍታት የሚደረጉ ጥረቶች ሁሉ ማናችንንም የማይጠቅሙና ይልቁንም ሁላችንንም አገር አልባ ሊያደርገን ወደሚችል የመጠፋፋት ፖለቲካ ሊወስዱን እንደሚችሉ አዉቀን የዚህችን ለዘመናት የአምባገነኖች መፈንጪያ የሆነችዉን አገራችንን የፍትህ፥ የነጻነት፥ የዲሞክራሲና የእኩልነት ተምሳሌት እናድርጋት።

በመጨረሻም ከላይ ስማችን የተዘረዘርነው የፖለቲካ ድርጅቶች በተለያዩ ቦታዎች እየተከሰቱ ያሉ ግጭቶችን በአፋጣኝ ለመቆጣጠና በአገራችን እየታየ ያለውን የለውጥ ሂደት ለማስቀጠል

  1. በህዝባችን ከፈተኛ መስዋዕትነት የመጣውን ለውጥ ተከትሎ የመጣውን የነጻነት አየር የሚበክል ማናቸውም አይነት ግጭቶች በአስቸኳይ እንዲቆም ለማድረግና ለሰላም፤ ለመረጋጋትና ለህዝቦች አብሮነት በጋራ እየተመካከርን ለመሥራት ተስማምተናል
  2. በመካከላችን ያሉ የፖለቲካ ልዩነቶች በሠላምዊና በሠለጠነ ዲሞክራሲያዊ ፖለቲካ የሚስተናገዱበት ምህዳር እንዲጠናከር የበኩላችን አስተዋጾ ለማድረግ ተስማምተናል
  3. ለውጡን ለማደናቀፍ ከውስጥም ሆነ ከውጪ ሆነው እየሠሩ ያሉ ሃይሎች በመካከላችን የሚታየውን ልዩነቶች ተጠቅመው ለውጡን እንዳይቀለብሱ አባላቶቻችንና ደጋፊዎቻችንን ከጎናችን እንዲቆሙ ጥሪያችንን እጋራ እናቀርባለን
  4. የለውጡ ሃይል የሆነው ወጣቱ የህብረተሰባችን ክፍል በየአካባቢው ግጭትንና ሁከትን ከሚቀሰቅሱ ተግባራት እንዲታቀብ አደራ እንላለን

መስከረም 7 ቀን 2011 አዲስ አበባ